AntoniaWong7050's Profile

今晚唔想煮飯，收工經過燒味鋪決定外賣算，估唔到又撞手神食到間幾好既燒味飯，真係要share下比大家！我不嬲唔鐘意食飯，依度竟然有包既選擇大少潛艇 - 有幾林既叉燒，煎荷包蛋，仲有芝士，味道唔錯，一個都已經夠曬飽我地四個人食叫兩隻乳鴨，小朋友食到舐舐脷，乳鴨都好夠味，肉質仲嫩，唔會干柴咁老公最愛燒鵝髀，我問佢睇落肉有小小乾 食落如何，佢又好 驚喜地話好味，好嫩滑，話下次又再食最後order多個四寶飯比小朋友 $50乍 真係算平，味道都幾好，整體食物質素唔錯，下次可以再幫襯喇…Read More

真係好耐無去食放題啦, 有個姊妹派帖約咗去食，地點搵就腳旺角兆萬，方便大家食完回家。遲咗少少到，她們已經叫定嘢食，用QR code自己落單，方便之餘食物準確送上。刺身真係多選擇，肥美三文魚，爽彈榮螺，鮮甜蝦，大大粒帶子口感豐富，赤貝脆口帶鮮，還有多款選擇。 當然壽司都讓我覺得唔錯。另外入座即送有兩款選，她們揀咗松葉蟹腳海鮮鍋，大大隻青口，幾條蟹棒，大蝦魚片豆腐同埋黃牙白，湯底濃濃豬骨，另外可以加火鍋料，肥牛，牛丸，疏菜等，夠晒豐富。下次試另一款和牛壽喜燒，見隔離枱都好吸引。還有好多款熱食，泰式美食，天婦羅，燒物，炸物，較出色係泰式豬頸肉，蝦餅，燒牛舌，泰式肉碎包，冬蔭功。。。我發覺冇可能叫到咁多。她們還升級冇限加生蠔，燒鰻魚，籃莓鵝肝同磯煮鮑魚及海膽軍艦等，榴槤控更加開心榴槤多士同榴槤筒。 個人最愛鮑魚夠入味又彈。甜品飲品種類亦都比其他放題店多，甜品櫃靠咗lift 口位，韓國品種極多囉，試咗幾款超滿足。…Read More

三個好姊妹相約出黎傾計，所以出咗尖沙咀一間日本酒場餐廳，原來係朋友帶佢黎過，上一層樓梯就到，位置都超級方便 K11 斜對面，食飽仲可以行一陣添。餐廳員工招呼周到，我哋揀咗日式榻榻米坐，較隱蔽兼枱距較大，傾計笑聲都唔會太影響人，食物選擇多，燒串，鍋物，天婦羅，刺身。。。酒類飲品也不少的。 還有是日排行榜，刺身盛分5雕或7雕 我哋覺得五款都夠，下次同多d人黎7雕。又好新鮮又有光澤喎。三文魚層層疊 小卷底 滿滿三文魚條加沙律醬然後，再即場炙燒之後加埋蔥花蟹籽，賣相吸引味道較糯帶鮮。 排名第三 必試。明太子醬厚燒玉子 即叫即做 熱辣辣兩重口感，蛋香濃夠厚身，中心卷著明太子醬鹹鹹鮮味實在好搭配。清酒煮蜆有點驚喜喎， 大大隻肥美份量夠多，食落每隻都清酒香又冇沙 掂呀每人叫咗一杯飲品，姊妹見到呢杯咁特別嘅，佢唔執輸話要試試，冰菠蘿特飲冇酒精的用上冰菠蘿做裝飾但係可以食埋的, 型。打利率…Read More

位置較偏嘅介乎荔枝角美孚之間地鋪，大大燈飾，平時坐巴士經過都見到，今次竟然朋友聚會就選它，有點期待，店內客人滿滿，連房間也爆滿， 好彩朋友預早訂定位，朋友知道我是日本料理迷，刺身 燒物 海鮮丼 更加愛死。有好介紹實預我嘅，我第一次感覺環境舒服，樓底高冇壓迫感, 再加上一枱枱都開心飲飲食食，店員又招呼周到，讓人舒服。講翻食物方面，真心好味各有特色，先黎份前菜，每樣隨心叫。朋友推介我試嘅金龍珠海膽吞拿魚蓉卷第一次食到咁特別，主角是半熟蛋黃，夾著海仲要用上吞拿魚蓉，你哋話點可以唔好食呀，食落蛋黃有點軟軟棉棉帶點黏黏感，出奇蛋香令海膽同吞拿魚蓉更鮮甜。 粟米脆餅壽司 也很有特色 有幾款選擇 最後揀咗我最愛嘅牛油果三文魚 有啲似墨西哥食品， 改良為日本壽司店，外脆皮配上軟滑牛油果肥美三文魚粒魚籽，多種層次感，係食時有點論盡，咬左右面會掉下，不過味道真係好夾又好味， 推介比大家。還叫咗份日本 鹿兒島A4和牛壽喜燒火鍋鍋物內已經滿滿野菜，粉絲，香菇，年糕福袋，再加上超牛味濃又入口即溶化嘅和牛，點抗拒呀。燒串多款選擇，簡單選了幾款，雞頸肉較特色，另外自家製嘅雞皮蝦亦都係十分之特別，好爽口金酒杯 店員極力推介 賣相靚又有內涵，食材豐富新鮮， 有蟹肉 ，三文魚籽，海膽同拖羅蓉配壽司飯底，鮮甜美味已經超級滿足。最後還加多款海鮮丼作終結，因為食完金酒杯好似唔夠喉， 再叫又好重覆， 所以相量後揀左金丼，同樣冇失望同樣滿滿三文魚籽， 月見海膽 吞拿魚蓉 還要加一個香濃嘅食用蛋黃，十分吸睛同味道更加無得輸。…Read More

今晚放工約左朋友去荃灣廣場嘆火鍋，朋友話食評高分，裝修極豪華氣派，店內枱與枱好有空間感兼卡位為主，比人各得好舒適有空間感，服務又好。 7色丸，賣相好靚似古盤景，其實係每款手工墨魚丸各一，鹹蛋黃墨魚丸，青咖喱同紅咖喱味，顏色已吸引，自己最喜歡黑松露香味，試過鐘意再可叫一碟添。 調味料設咗餐廳中間，基本配料都有齊，葱粒，蒜蓉，芫荽，辣椒，黑醋，沙茶醬連炒香芝麻都有，當然豉油，麻油生油基本無走雞。 香江拼 極豪華氣派擺位精彩好靚，有齊牛嘅不同保位，花形安格斯肥牛，牛白肉，牛柳粒，牛脷，牛展，牛小腿，黑柏葉，牛心頂同埋手切牛，欣賞價值高味道新鮮，不同口感，牛展嘅爽，黑柏葉嘅脆，手切牛嘅諗滑，牛白肉嘅油香。細心位提供需要時間，放落湯底揚兩揚轉色就可以食，掂呀! 其他配菜我喜歡貴花蚌同肥鵝腸，無得輸。…Read More

好耐無出街食飯，難得同事話有新開日本餐廳想去試，問埋我有無興趣，日本係我至愛，原來餐廳名得一個字"戀" 3個人去食下串燒，窩物，天婦羅，店員安排坐位，提供Menu兼介紹原來新開張另外灣仔店亦即將開，所以先送左一份串燒拼盤比我地，真驚喜，大家食串燒當然會嘆冰凍Beer啦！ 再有驚喜買一送一呀 $58杯真係無得輸。刺身拼盤少不了，正價比高，肥美三文魚， 吞拿魚，油甘油脂香豐滿，牡丹蝦鮮彈牙，帶子軟滑配埋蟹子更豐富口感。海老野菜天婦羅拼盤 $168賣相超靚，三隻巨型大虾，金黃外脆虾肉彈牙爽口好新鮮，還有南瓜，茄子同菇片，醮蘿蔔蓉天婦羅汁，中和好夾。 牛肉豆腐野菜鍋 $158牛肉有點過火，成個鍋都足料嘅豆腐，魚蛋片，蔬菜金菇，熱辣辣上枱，湯底用上壽喜燒汁帶甜味。要Encore五花荔枝肉，厚切牛舌同埋蘆筍豚肉捲，牛舌推介雖然係厚切但鬆軟帶點牛味，自己較喜歡五花荔枝肉，香帶荔枝嘅甜有保留到水份好Juicy惹味。埋單先發現有免費嘅日本果汁冰可自取。…Read More

今晚同老公出大角咀買野，見openrice search到附近有我中意既上海菜一於去trytry~先叫咗個我食上海菜必叫既雞絲粉皮， 除左上海菜館其他地方出面比較小食到， 依度既粉皮帶重d既辣味， 麻醬味唔濃，作為開胃前菜都唔錯而家街邊上海菜唔多，呢一間嘅回鍋肉可以一試，夠鑊氣，食材新鮮，味道稍為有點重，配個白飯一流~酸菜魚既魚肉好新鮮， 好多芽菜， 湯底都幾清，呢度既酸菜魚比較適合有d唔食得太辣太酸嘅人嘅口味最後黎個桂花酒釀丸子， 酒味好濃仲有蛋花， 仲有陣陣桂花香yummy…Read More

今日慶祝朋友新居入伙，專登同老公揸車入嚟日出康城拜訪拜訪， 第一次入嚟呢度真係好多新樓，雖然地方較偏僻但係唔愁食嘅問題，因為呢度有個幾好行嘅商場裏面仲有好多美食今晚想食啲地方菜，朋友就推薦依間「京滬佳餚」雲吞鴨肉湯 & 花膠黃魚羹本來我自己叫咗個鴨肉湯，但係見老公既羹都好吸引，所以飲咗啖超鮮甜嘅魚肉味，加上有好多菜又有花膠，養顏又健康，當然個鴨肉湯都唔輸蝕，鴨嘅香味係個湯度都飲到出嚟，兩個湯都好高質京滬擔擔麵呢款係我最鍾意食嘅麵類菜式，每次見到都一定要order， 依間嘅擔擔麵 麵質好煙韌，湯底比起辣，麻嘅感覺會更加重，但係酸 麻 辣三款味都配合得啱啱好小籠包六件 個小籠包不得了，齋睇相都知道裏面湯汁多到就快噴出嚟，湯汁鮮甜 肉質嫩口 皮薄餡靚，雖然塊皮薄，但係食咗咁多粒都冇一粒夾起就爛讚楊枝沙律蝦球呢個比起一道主菜更加似開胃沙律菜，主角蝦球超大件，共五件，炸好既蝦球再加上酸酸甜甜嘅醬汁，十分開胃，蝦肉新鮮爽甜，旁邊仲有好多沙律菜 藍莓 士多啤梨 柚子 賣相已經好吸引，味道更上一層樓京滬酥香烤鴨(半例)之後就到呢間餐廳嘅招牌菜，喺餐廳門口入去就已經可以望到一個又大又乾淨嘅廚房，喺水吧前面有幾個大烤櫃 裏面掛住一隻隻嘅鴨，啲烤鴨係喺依度整，新鮮熱辣出爐，所以至可以令到質素咁好烤鴨固然係主角，但係用黎包住佢嘅薄皮 亦都唔可以睇小， 出面食嘅多數既薄皮同皮中間好容易黐埋咗一齊， 食起上嚟有啲狼狽，但係呢度嘅薄皮會一層皮一層牛油紙分開，省卻咗食客遇到既麻煩烤鴨超香唔會肥，加上醬汁青瓜等配料 連埋薄皮包住一齊食，食完之後個口會留有肉汁既香味，我諗呢個就係佢可以成為招牌菜既秘訣，將所有材料分開食 唔會有咁嘅香味，但係將所有材料夾埋一齊，食完之後個口個陣香味，會令你忍唔住再食多幾舊，但都唔會覺得膩呢一餐真係超滿足，好耐冇食過咁高質嘅地方菜，而且座位 環境 裝修都令到食客好舒服，下次再encore試下其他菜式…Read More

難得平日放日假當然去行下街，唔使等假日咁擠迫，第一站就先去咗好耐冇去嘅旺中，太耐冇嚟原來隔離已經有個新商場T.O.P 仲有好多嘢食 平日晏晝有啲餐廳做緊promotion，其中一間係食燒肉放題 有買一送一我哋當然唔會錯過個優惠入去試下， 埋單兩個$500唔使 價錢合理依間餐廳有幾款餐選擇，基本嘅有刺身二人前， 仲有幾款海鮮e.g.超大size既蚌，不過呢個係冇得任叫，不過仲有其他肉類小食等等，整體質素都唔錯，lunch黎講選擇都唔算少～肉類都有好多款式，大部分都係醃好咗，味道啱啱好， 肉質都高檔 牛香嫩滑小食嘅款式都多 每樣少少 咁就可以試多啲唔同嘅嘢食食得放題 自助雪糕、雪條、飲品當然唔少得呢度亦有多個款式選擇“…Read More

今晚約咗朋友去葵芳食晚飯，原來間餐廳裝修，係附近見到新開咗間食鷄煲+火鍋，就決定去試試喇 價錢好吸引，6:30pm前&8:30pm後 $118&$128，繁忙時段$158，不過繁忙時段既任食食品會多小小等鷄煲到之前可以先食下小食&前菜，雖然款式唔多，不過味道都唔錯，食小小就等主角鷄煲出場WOW!!! 味道啱啱好，唔會太咸或者太辣，鷄肉嫩口，份量好多，我地兩個人食完後都有小小飽，但係仲有火鍋arr火鍋配料有啲係用紙tick，有部份可以直接係出面自助拎，推薦手切牛肩胛&羊肉片，不過係繁忙時段先有，雖然價錢貴小小，不過係值既，牛肩胛肥瘦平均，肉質嫩滑，絕對係回本之選自助區都好多款式，飽到每樣都食唔到一件仲有甜品，超多款飲品任飲一個人$200都唔洗又鷄煲又火鍋，質素又唔差，唔怪得勁多人係門口等下次約多啲人再過黎!!…Read More

同男友仔都好喜愛香辣菜式，無論泰式辣，印度嘅辣，當然唔少得我地中國代表嘅辣，更多元化，平時食酸辣米線已經津津有味，更唔少得川菜嘅香麻鮮辣，今次就去左灣仔區嘅一間似會所嘅餐廳，主打川菜的，因為疫情封關多月，懷念著嘅菜式不斷湧現，所以就打聽到這間菜嘅酸菜魚出色喎，就決定訂位食。餐廳位置都唔近地鐵，介乎灣仔同銅鑼灣中間，謝斐道嘅新開嘅凱聯內，外貌十分時髦明亮，地下兩邊也是美容健身店埔，入門口已經有店員安排訂位嘅客人，由於我兩個人就安排大廳卡位，卡位非常寬闊枱與枱距離相對遠，還有好多箱房私隱度。有店內情調燈光柔和，打卡影相效果靚。目的是為一個招牌酸菜魚，當然必叫啦，但見送上比其他客嘅大碗一點也不少，掙扎還想試多樣菜式，揀埋口水雞先，但真係唔知食唔食得晒，不過男友話難得過黎揾食，決定叫晒兩樣。酸菜桂花魚 $428賣相靚份量足，先試口湯，辣度爽勁唔會過火，其實魚有得揀沙巴龍躉或者桂花魚，我地揀左桂花魚，食起口感較嫩滑，而且每樣配菜都有各自嘅唔同辣度有層次，好味香辣湯被薯粉吸收晒，有咬口質地彈性，芽菜，菇片， 萵筍， 藕片，每樣都係爽口香辣，好豐富可口。口水雞 前菜價$108 外賣感覺好辣，食後口感鹹香唔太辣，反而雞肉肉質出奇嫩滑，夠惹味的。份量列牌 size, 兩個夠晒食。…Read More

位於南山村南山商場既Casa Kitchen, 今晚決定一試!!簡單既裝修，環境舒服，座位寬敞，最重要係價錢吸引兩個人食，order左兩個main course +$42可升級套餐，有手打餐湯、麵包、餐飲、甜品，夠曬飽喇，不錯不錯羅宋湯&酸種麵包香煎三文魚配香草燒新薯，用左檸檬牛油去煎既三文魚，好香，外面小小脆，好濃郁既魚香味五顏六色，又靚又好味黑松露雜菌忌廉燴飯，好重黑松露味依個燴飯唔好"漏"，落咗好多茹類，好好味海鹽朱古力~味道唔錯，又有小小鹹鹹地，幾特別法式啤梨焗撻個撻焗得脆脆地，好啱我口味，中間個啤梨好juicy, 唔會好甜…Read More

朋友話帶我去滾，我話什麼？佢笑笑口話想約我去打邊爐唔好諗邪嘢。其實呢間火鍋店我已經去過而且印象也不錯，佢地叫到就去一齊嘆下火鍋吧。去滾夜報就係佢地 Menu 超玩味！ 夠特別！湯底，火鍋料，小食和酒水都多選擇的。店內裝修到似舊香港夜總會咁，而且用上霓紅燈箱做裝飾，一出 lift口就好有 feel, 牆上掛滿是日推介食材。每次去食火鍋都會選的，普通野但當湯底夠野味獨到，豆腐就會吸收晒所有精華，可口嫩滑。百花齊放菜盤可供客人自選，揀生菜，超甜粟米，小雲耳爽脆，炸芋頭放湯唔會溶晒，還食到粉粉嘅芋香。金光閃閃嘅火鍋鍋子實在富麗堂皇 有霸氣湯底係火鍋嘅靈魂，可以讓食物更有層次添。今次試左鴛鴦湯一辣一唔辣，大家就自己喜好，蕃薯薯仔豬骨湯比朋友們，自己同嘗辣嘅朋友仔更係要麻辣嘅，後欄剋星好搞笑嘅湯底名，其實係鮮淮山麻辣鴨血湯，滾起香辣撲鼻嚥下口水，準時開餐，先試口麻辣湯同鴨血先，鮮辣後慢慢麻起來，鴨血入晒味嫩滑非常。 這個特別嘅用具非常好用，放食材 chok幾 chok就剛熟。要食就食牛魔王拼盤 今次豪一次加多份至尊寶 崩沙腩同黑毛豬豚肉，大家食得好盡慶，唔使就住，有牛味口感軟淋同有嚼頭都可以食晒，個人最鐘意係崩沙腩片肥瘦適中濃濃牛香。叫左瓶自家製冬瓜意米水，解解熱氣，飲埋生啤，飲品反而價錢較食物高。…Read More

呢排疫情嚴重，都唔想成日出街食，但係日日買餸 煮又諗唔到有咩好食，早兩日飲茶嘅時候見到富臨有外賣優惠，今晚就去叫個外賣返屋企食 指定嘅小菜同埋主食仲有48折優惠ar叫得外賣梗係order一啲喺屋企好難煮到嘅嘢食啦 最緊要係外賣既食物質素都好好 叫咗兩餸一飯已經夠三個人食~菠蘿生炒骨(48折後$39)酸酸甜甜好嘢味，生炒骨夠脆，份量都好多，菠蘿又甜黑椒香薯牛柳粒(6折後$65)薯仔好入味，黑椒嘅份量唔太多所以唔會好辣， 牛柳粒有驚喜好軟林 兩個餸用嚟送飯一流揚州炒飯 (48折後$42)炒飯粒粒分明，賣相都已經好靚，而且份量又多， 折咗之後都唔使$50，好抵食丫…Read More

早幾日朋友話有間叫棋哥燒鵝嘅餐廳幾好味，今日咁啱經過附近就去幫襯下!!order咗個二人套餐$250都唔使，有一份例牌燒鵝，一款自選燒味，一碟菜，兩碗粉，仲有杯嘢飲最緊要係好食物份量多又有質素例湯超足料濃郁冇味精主角登場呢間嘅燒鵝有陣好香嘅味道，食落唔會油膩，又唔會好似出面一啲餐廳咁乾憎憎，燒得啱啱好，真正嘅色香味俱全，呢個仲只係例牌份量已經好大份，兩個人食勁滿足，另一款自選燒味揀咗油雞，雞肉肉質嫩滑夠肥美，雞毛都處理得好乾淨，成個餐廳環境、食物都令到人哋好舒服， 再沾上薑蓉可以送到好多碗飯@@下次一定會再encore呢個價錢淨係個燒鵝例牌都已經值回票價，都算我係香港食過數一數二好味嘅燒鵝…Read More