HeyYu's Profile

其實今次係第2次，第一次食就因為鍾意佢有個gimmick有好可愛既雲朵炒飯，點知上次黎唔知係師傅失手定點，雲朵唔成形，個飯又好水好濕，上次食完已經覺得唔會再食。事隔左幾個月，今次即興同朋友放完工想搵間cafe坐下吹下水，行經過樓下見到有間cafe就直接上左去，去到見到個裝修已經諗緊咁熟口面既，見到menu原來真係同一間但已經坐底左就再俾多次機會今次試食其他。叫左龍蝦Risotto，卡邦尼煙肉年糕同甜品，每樣賣相都不錯。Risotto啲飯比較濃味，但啲口卜係咸到飛起，好似係俾鹽水浸過，起初我個朋友食口卜先不斷過咸到飛起，我食緊飯雖然濃味少少又未至於係佢形容得咁誇張，直至我都咬左啖口卜就知伏左🙈🙈 另外主打龍蝦既肉亦係非常之鞋。勁失望。好彩卡邦尼年糕夠濃郁，煙韌度又岩岩好，先未至令成日飯去到咁慘🙈另外仲叫左個pancake食但都已經唔記得影相lu。題外話，發覺兩個人可以叫既野食有限，例如特式炸雞，薄餅之類都無二人分量，變相可以選擇既食物不多。…Read More

與朋友約食飯，最緊要揾個地方就腳，環境舒適，又無限時既地方，加上Openrice完見啲蛋包飯賣相好吸引，所以過黎一試。兩個人分別叫左鰻魚芝士蛋包飯同卡邦尼海鮮意粉，兩個咁岩都係廚師推介，賣相亦不錯。鰻魚蛋包飯食落好juicy，芝士味濃，蛋包飯有流心效果，不過我個朋友覺得鰻魚有少少腥既感覺，反而我就覺得還ok，整體幾岩我口味😋至於卡邦尼意粉就比較中等，不錯不失，卡邦尼汁不夠濃郁。Ps餐廳晚飯時間由7點先開門，提早到會摸門釘😂…Read More

一行六個人放工去Happy Friday，朋友推介,，起初聽到係川菜館，對於食唔辣既我第一下都擔心會唔會好多食物都食唔到，好彩原來除左辣之外都好多選擇😍環境格調不錯，有長枱有圓枱，6個人預先book左位，被安排坐在近窗邊既圓枱，坐得舒服，圓枱又方便大家傾計👍必推黃金軟殼蟹同蛋白炒飯，黃金軟殼蟹一上枱色香味俱在，眼睛都發光，份量剛好，又不會太咸，推薦👍 另外炒飯意外地好味，平時叫個飯都係打算飽肚用，唔會有太大期望，但今次忍唔住想食多碗😋另外雖然我唔食得太辣，但細細啖試左啖擔擔麵，好香口，都值得一試！另外有好多特色飲品，例如竹葉青等等，比較少見。😊…Read More

平時最唔中意排隊，咁岩今日落雨經過鹿角井竟然唔多人排隊，就即管去試下啦🤣有兩款期間限定，分別係黑糖滑捋捋同伏黑糖僕厘厘，既然係新產品，名又咁得意就試下啦！兩個人買左1杯僕厘厘一齊share，鋪頭入面既poster教大家首先唔好攪拌住先飲一啖，入面濃濃既黑糖味，超好味😋😋😋 反而攪均之後鮮奶味唔夠，黑糖味又淡左，如果可以加黑糖就好啦，味道會濃啲，就算攪均味道都岩岩好！珍珠夠淋又保持 煙韌度，幾中意😍…Read More

完全係為左榴槤而嚟，完全可以滿足咗榴槤fans既胃口，未入到去已經聞到濃濃榴槤香味，正！😍聽講餐廳有時候會舉行榴槤放題，任食唔同類型種類嘅榴槤，我就未試過啦，今次係普通放假日子呢咁，去到嘅時候大概2點可能時間仲早，未算太多人，現場應該有20張枱左右，後尾陸續多人坐滿場。買咗貓山王跌落奶同埋榴槤珍珠奶茶，勁香榴槤味，尤其是貓山王跌落奶，個名得意之餘重點係佢真係勁多榴槤喺個面頭，飲落去啖啖榴槤肉超好味，好夾！😋仲要可以一次過食均唔同濃味既榴槤，唔係檔槤專家既我都唔太識分邊款打邊款，好彩有哂label，職員又教我地由淺食到濃味，最好味當然係貓山王😍😍😍😋題外話食哂盒檔槤加食埋杯野食其實有少少流，仲要我地其實兩個人share，但檔槤迷值得一試，好好味👍👍貼心到仲有準備埋透明手套同濕紙巾～…Read More

是日去行街見到新開既鋪頭即刻買黎試試，見到有好多口味，有雲尼拿， 抹茶，朱古力，最特別當然係椰青味布丁，好fresh既椰青味，仲要啖啖細細粒果肉，好清新。不過38蚊一個略嫌比較貴。題外話間鋪頭好好生意，似乎整都整唔切，食完轉頭行街經過見到已經暫停左掛住牌話準備中😂…Read More

特別早嘅晚餐，六點就去食，去到個環境都幾特別位坐位都好寬敞👍大家一去到坐低就叫咗啲小食先，有藍芝士焗鴛鴦薯條，炸雞翼同埋車打芝士焗肉丸法包。 薯條特別嘅地方就有兩樣味道，普通味道同蕃薯薯條，幾鍾意蕃薯味，不過唯一可惜嘅地方就係佢啲薯條係同麥記既薯條一樣幼身，本身樓上cafe好多時會expect係粗身薯條。炸雞翼係單骨容易食，味道ok。法包就一般😂之後叫左凱撒沙律， 溫泉蛋煙肉芝士闊條麵，烤西班牙豬肋骨，軟殼蟹千層麵同辣肉腸薄餅， 貼心嘅係見我哋有8個人主動幫我哋預份量將豬肋骨切成8份令我哋人人有分而又唔駛我地自己慢慢切，豬肋骨又大份又好味，啲肉好嫩，烤得啱啱好。👍 總括而言，大部分食物都水準之中，環境燈光適中舒服。另外一提限時兩個鐘6點食，8點交枱…Read More

住元朗既朋友極力推介！幾個女仔行完街就去試下，果然不錯😋一共叫咗六度菜分別會有泰式生蝦，馬拉盞炒通菜，豬頸肉生菜包，串燒同埋重點嘅青咖喱加蒜蓉包朋友極力推介一定要食青咖哩，去到即刻叫，今次就叫左青咖哩雞， 另外同仲有牛肉同豬肉揀既，睇自己口味。本身仲諗住叫個白飯送咖喱，個度啲人推介話可以加配蒜蓉包點青咖哩，果然冇介紹錯因 為試咗配白飯反而青咖哩汁唔係特別出，汁又唔算特別濃郁，但係當一點蒜蓉包嘅時侯完全將咖哩嘅精華吸收哂係個蒜蓉包入面，兩樣一齊食好好味，我哋幾個人個個都食到舐舐脷。題外本身蒜蓉包就咁食其實都好味😍另外推介嘅就係豬頸肉生菜包，呢款比較特別，平時出街食多數見到嘅會係豬肉碎生菜包，第一次見有豬頸肉所以即刻試， 少少辣又香口配生菜包好味…Read More

平時自己買黎食就唔捨得啦，間唔中老細請食tea都可以過下口癮🤣😍款款蛋糕又靚又好味，食過幾次，今次試左綠茶紅豆蛋糕，原本以為純粹綠茶蛋糕，咬開原來有紅豆蓉係入面，紅豆同綠茶真係點配都咁夾，大愛😍 重點係綠茶味香濃之餘，紅豆又出到，唔會互相搶fo，下次再encore👍👍👍食過幾次其實都試過好多款，唔好睇咁細個，朱古力味有時食到尾其實會有啲留。仲試過款柚子味蛋糕，好清新好特別~整體黎講水準好高…Read More

位置非常方便，蘭桂坊上面，有兩層，座位寬敞坐得舒服👍1行8人放假黎試新野，果然炸雞專門店，好多款唔同口味炸雞， 必試鹹蛋黃炸雞😍其他叫左有pizza, 韓式冷面,沙律,炸薯條,全部大路野, 算好味除左炸雞，幾中意個韓式冷面，酸酸甜甜好開胃之餘，食完炸雞食返個冷面好舒服中和返今次中午時間黎食，現場見到都有幾多外籍人士黎食。至於服務還可以，基本上服務好周到。價錢方面因為有lunch set，所以都幾抵，加上我地可以主打想食炸雞，過完口癮就夠，所以都唔算叫得多野食，除開百幾蚊左右…Read More

地點係Sogo附近，又方便，餐廳好新淨，又坐得舒服4個女仔叫左個2人套餐加砂鍋雲吞雞，剛剛好估唔到銅鑼灣都有咁抵食，2人套餐有2大碗菜飯，酸辣湯，酥炸豬排，豆腐，菜等等，全部都好足料。必試酥炸豬排，肉質鬆軟，唔鞋口，唯中美中不足似乎唔係即炸上枱，得少少微暖。難得係價錢仲要唔貴，就算散叫每碟小碟都係幾十蚊到1百蚊內，平時係其他上海菜館除左居村區之外好多時都過百蚊碟，所以美味㕑仲要係旺區，性價比絕對值得去試。…Read More

見到新鋪開張，好多時都鍾意去試下新野，但結果令人失望，比屋村酒樓更難食。原本以為新鋪係點心專門店，仲要開系中環，質素都有返咁上下，兩個人食叫左鳳爪排骨飯，蟲草花北菇蒸雞，黑松露蝦餃，蜜汁叉燒腸同紅棗糕。先講蒸飯唔知係落得太多水定蒸耐左，個飯係濕既！ 唔係飯嘅粒粒分明既感覺仲又近乎粥嘅質地，好難食。鳳爪排骨就正常，無咩特別。仲要勁油。🤤蟲草花蒸雞，無蟲草花味，寧願佢話係普通蒸雞就無咁大期待。正常。份量係比一般去酒樓飲茶細，不過開得係中環貴又份量細我覺得正常，但唔太好食先係重點😓黑松露蝦餃，蝦餃皮厚。一籠兩隻。最基本既蝦餃都整唔好，加咩黑松露都補救唔到。蜜汁叉燒腸同樣份量細，不過好彩入面餡料都滿。最尾甜品加左個紅棗糕，反而甜品係最正常，幾香紅棗味又煙韌有咬口。現場見反而多外籍人士去食，好可惜佢地食唔到最到道好味既點心。…Read More

食左好多樣，有蝦有帶子有牛肉有鮑魚，食材好新鮮，所以燒完簡單調味已經好鮮甜我地人多成10幾個，book左房，有師傅專門serve我地，幫我地燒食物，師傅經驗十足，每樣食物都燒得岩岩好，唔會太老或太嚡，加上食物新鮮，價錢合理，絕對值得下次再encore😍😍可惜全程掛住食記得影相😔第1道有個雜菜沙律開一開胃，之後就正式開始上食材，先有新鮮鮑魚，仲郁緊既新鮮鮑魚，燒完口感爽脆，好味！然後係燒帶子，我地食左兩款，1款係魚生用鮮帶子，本身帶鹽味，另1樣係新鮮即開帶子，兩款都好好味，1款帶鮮味，1款帶甜味再之後係牛肉，有薄燒牛肉又有牛柳，塊牛肉仲大過我地塊面😂，師傅仲會個別問大家要幾成熟，細心最尾就係炒飯，仲有生果或雪糕，完美！😍😍😍期待下次再黎！😎…Read More

今年提早左食聖誕飯，今年老細推介我地黎食米芝蓮3星法國餐廳😋😋👍地點＆環境：餐廳位置極方便，港鐵站出5分鐘左右便到。一入去有長長既酒櫃，好壯觀既感覺，入面環境幾有格調，特別既有吧枱可以即刻望到廚師準備食物。老細一早知我地可能會比較嘈所以都Book左房，係入面大聲啲講野都唔怕失禮😂味道：由於老細驚我地去到諗食物都諗好耐，所以一早叫admin同事俾定menu俾我地揀好左食咩先，所以去到好方便淨係同返餐廳啲人講返自己個名就可以開始預備上菜👍第一道，先有面包，有10款面包，一上枱熱騰騰，勁香，忍唔住食左兩樣，如果唔係驚之後食唔落會想每款都試下😂第二道：沙律，酸酸甜甜好開胃第三道：龍蝦湯，湯底勁鮮甜又濃郁，龍蝦又爽口鮮甜，超中意😋😋😋其他太多都唔記得 睇相就知吸引：😂😂😂甜品：滿滿甜品架睇見就興奮服務：由於Book左房所以有專人Serve我地，每食完一道就會有2至3個人即刻幫我地收拾，而且每道菜都會簡單介紹一下，服務不錯。特別一提雖然知道Fine dining會比較耐，但整個過程食足4個鐘，以lunch黎講實在有點兒太長😂總結：值回票價，有機會仲會想再去食😋😋😋…Read More

天氣涼涼地就好想食熱騰騰既食物，水餃米線絕對係不二之選😍地點＆環境：利源東街就好似一條小食街，有幾間有驚喜既小店鋪都係尼條細細既橫巷入面，一般人行過都未必留意到，但其實好就腳，港鐵站行過黎都係5分鐘左右路程。鋪面細細，只容納到2至3人堂食，相信9成人客都係以外賣為主味道：餃子種類很多，而且星期一至五都會有不同主打👍今日買左芫茜豬肉餃加米線，餃子有6粒，每粒都大大粒，好足料，餃子皮厚度適中，芫茜加埋豬肉好夾好香，而且其他鋪頭都好少見，所以更加值得一試😋另外可選擇加配米線或者紅豆沙，我選擇左熱騰騰米線，清湯底加少少配料有腐竹黑木耳咸酸菜等等，不過不失服務：由於鋪面細細所以得3個員工，每人分工清晰，有收銀包裝同煮水餃，但包裝個Part實在有啲手騰腳亂，好慢，同埋明明整好左都唔係順序包，結果見住我盒水餃搞掂熱騰騰出哂煙都等左10分鐘先拎到，比我後面的反而拎左先，最尾我忍唔住問可以拎得未，結果由熱1騰騰既水餃放到都暖左。總結：始終岩岩開業一段短時間，過程仲有少少手忙腳亂，但相對起我第1次幫襯已大大改善，希望繼續努力。至於水餃係中環真心少賣，加上種類多，味道不錯，價錢合理，所以一定會再幫襯👍👍…Read More