pluska's Profile

夜晚10點幾仲未食飯，就求其經過搵間小店食。（其實隔離個間小籠包都好好食、但又想試下新野）雖然舖面唔大，但都坐得舒服既。兩個人嗌左：生煎包（2件，$18）同回鍋肉粗炒（$68）。見我地兩個人似share食、侍應姨姨仲主動俾定兩隻細碗俾我地👍🏻非常細心。咁夜既生煎都仲係熱辣辣，正呀！直情係熱到不能即食😂入面d汁鎖得好好，非常正。至於回鍋肉粗炒，個回鍋肉有驚喜，用左甜醬油炒，只係微微微辣，非常易入口。不過個烏冬就一般，可能送飯會再夾d。…Read More

星期日夜晚7點都唔係好多人，坐得舒服既。兩個人嗌左：越式香茅烤牛肉湯檬（$88）同越式香茅烤雞扒撈檬（$78）。湯檬黎先，牛肉分開碟上十分好，不過肉既份量都唔多。但味道ok，唔會太油。至於雞扒撈檬，都係肉既份量唔多，不過檬粉就勁多實食得飽既😂佢隻檬粉有d似米粉🤔🤔另外魚露同出面食開個隻紅色既唔同、係黃色既。撈落淡d同無咁酸，重口味如我就要瘋狂落😂😂個人覺得雞扒好食過牛肉。鐘意辣椒既朋友仲可以加下辣椒醬。…Read More

舊同事帶我去九龍城搵食，雖然都行到幾遠下，但呢間真係好唔錯！lunch唔洗加一，又有湯、包、主菜、餐飲真係好抵！不過舖頭都比較細，之前黎都試過好易滿座，有時食唔食到都睇運氣😂嗌左個香煎雞扒配蘑菇汁同薯菜（$78）。是日餐湯原本係蘆筍忌廉湯，可惜賣晒，但粟米忌廉湯都依然好味😋餐包熱辣辣真係特別好食。雞扒煎得好入味，外脆內軟！！而且份量十足呀！！呢間係薯菜唔係薯條而係薯蓉，感覺無咁熱氣又好味同埋同事都話之前試過佢既oyster都好新鮮好正！…Read More

其實好耐之前食過一次，但可能個次係夜晚7點，d生煎包去得快d新鮮d。今次係夜晚9點幾食，不過就唔洗等位，上菜都快既。兩個人嗌左：上海生煎包（2個、$18）、雞絲拌麵（$42）同川麻雞中翼菜飯（$44）。個生煎似放得耐左、有d老🤔🤔😂雖然都夠汁既，但就唔夠熱辣辣🙈🙈🙈雞絲拌麵其實係正常發揮，不過嫌唔夠多醬，食到最後開始乾。雞中翼菜飯都ok啦，因為唔係share食，只係試左啖雞翼係夠香既。…Read More

係app book完位後，餐廳send msg黎confirm係上inline個網撳個制非常方便，而且仲即時有menu睇。星期一晚9半，無乜人，環境舒服（係暗左少少😂）。兩個人嗌左：龍蝦湯海鮮意大利飯同美國安格斯牛柳，食完覺得仲食得落就再追加左個火焰雪山。兩味主菜都非常好食risotto個飯唔會太軟、值得一讚係海鮮真係好新鮮！d蝦好彈牙！牛柳5成熟都岩岩好，整到好軟火焰雪山雖然好fancy，層cream夠鬆既，但入面個包同個雪糕真係太硬，要勁用力😂…Read More

又由同事帶我lunch搵好野食，雖然舖頭細細，但都坐得舒服，而且侍應們十分nice！whatsapp訂位時仲可以落定單！4月仲有優惠免費升級特飲兩個人嗌左：香草嫩雞咸蛋黃忌廉汁意大利麵（$68）同紅酒繪美國牛肋條飯（$68），一杯鮮果冰紅茶同一杯薄荷青檸梳打。lunch套餐有餐湯，羅宋湯好入味，兩杯特飲都非常fresh！同事食嗰個嫩雞有grill過，加上咸蛋黃汁真係十分夾！！我食嗰個紅酒繪牛肋條，d牛炆到超鬆軟！！！而且飯係黃油飯，正仲要唔洗加一，下次一定再黎！…Read More

因為app訂位有折扣所以一試！星期日既5點半，客人唔多，地方雖然細，但環境幾舒服。本身見呢間野主打「輕食」都有d驚唔夠食既（餐廳仲有個種提示，如果知自己細食可以減量），但結果份量都幾夠！兩個人嗌左：香煎LCB原創醬汁美國肉眼扒（$268）同明太子波蛋意粉（$108）。意粉黎先，超多明太子！個味好濃郁但又唔heavy，整爆隻蛋後既蛋汁更係一絕食左一半意粉個肉眼扒就到，肉汁鎖得好正！表面煎得有d grill既感覺添，而且個自家原創醬汁個味都十分夾…Read More

紅館附近，選擇不多，好彩野食好快黎，趕住去演唱會既就啱晒！！都無特別細睇menu、台灣野都係嗌肉燥同滷肉最安全。所以兩個人嗌左：外婆滷肉飯拼青瓜（$65） 、台灣香腸拼冬菇肉燥飯（$68），兩個餐跟野飲。兩個飯都還好，個人覺得滷肉好食d，但肉燥都入味既、撈飯快食一流！餐飲可以嗌花茶、黎既時候係一壺咁黎，十分fancy，可惜唔夠時間慢慢嘆。不過其實d位都有d逼、所以想嘆下花茶都唔係十分啱。快食係ok既。…Read More

經常有周圍搵野食既同事帶我食飯，新開當然要試下！舖頭都細既，得三張4人枱、兩張2人枱咁，但因為係長型design都坐得舒服既。見有唔少人都買外賣。我地5個人堂食嗌左個3-4人大批套餐，點知勁飽！！！先上炸雞翼，好脆！食過返尋味呀。之後有兩款是日意粉，都ok既，面頭芝士有焗到拉絲，但意粉本身就唔夠入味。最後就係主角，芝士達人大批！落完單時係睇住師傅落料然後即焗咖！新鮮出爐嘩，真係好耐無食過咁熱辣辣既pizza！個麵餅好似仲呼吸緊！芝士口味都好正！一d都唔寡。師傅仲好人地幫我地切左10塊，每人2塊剛剛好！仲要268唔洗加一，勁抵食…Read More

係油麻地地鐵站附近，有d趕時間就黎黎去去都係食個幾間。星期日7點2個都有卡位坐，人客坐到半間舖左右。勝在上菜夠晒快！（可能因為兩個都係嗌涼拌呱😂）一碗健康三絲涼拌米線（$38）同一碗麻醬雞絲干拌麵（$34）。健康三絲okay，雞絲都唔算少，米線只係有少少汁，撈埋剛剛好夠，唔洗太咸。干拌麵係朋友嗌既，我只係食左一啖，成件事比較似係大陸食既個種拌麵，無論係麵身定係個麻醬。比起香港成日食個款芝麻醬，佢呢隻似係花生醬。…Read More

其實係甜棧開既時候就一路間中食下，印仔都儲完好幾張。星期六10點幾經過，都仲係人頭湧湧（明明食物質素已下降、但無better alternative 都無計🙈），不過兩個都唔洗等位既。嗌左彩虹綜合圓仙草涼粉（$40）同鮮奶燉蛋白（$35）。是日自斟茶係菊花鐵觀音，正既次次都食完甜水飲杯茶無咁甜。芋圓感覺都係一般，份量以呢個價錢黎講少貴。燉蛋白就基本上係膽黎既，水準都唔會飄忽，實好食既、最緊要夠晒滑。…Read More

無黎一陣子，除左又加價外，真係覺得愈黎愈難食。入面明明好多枱但又要卜左位去到都要繼續等。成日都覺得d杯杯碟碟好殘舊、少污糟咁。茶飲壽眉係ok既。點心都係嗌返成日食個d。個燒腩仔真係好失望！！第一排個脆皮唔脆、食落又覺得個味怪怪地、第二排就正常返，所以好無食竟然要睇彩數。牛肉腸粉又麻麻。鳳爪以前係ok的，今次竟然都一般、得d花生好食囉🤦🏻‍♀️最正常已經係蒸飯同蝦餃同菜苗餃。但跟餐個菜心又係老到無水份咁又無味。同埋呢間野買單要等一萬年，次次趕都係自己行出counter。…Read More

夜晚10點幾先食晚飯就廢事太chur食太飽，經過門外都見幾多人就入去一試。粉麵價格以銅鑼灣黎講都算ok既，嗌左兩款雙併：牛腩雲吞麵（$36）同墨魚丸魚片頭撈粗麵（$44），加埋生菜（$12）。牛腩偏實，唔肥，但嫌有d老，唔夠鬆軟好食，雲吞d蝦唔夠彈、味道一般。墨魚丸同魚片頭都係正常發揮，無咩特別，撈粗麵揀左腩汁，唔知係個汁定係飲左幾啖湯，食完都幾口渴🤦🏻‍♀️生菜係最好食😂😂😂勝在唔貴囉。…Read More

上星期開張，日日都人頭湧湧呀（梗係啦，富泰有幾多野食大家心知肚明）lunch 1點黎，等4張枱左右，去隔離阿信屋轉一圈出黎已經有位。淨係影左午餐餐牌，另一本太多頁懶得影，午餐選擇已經夠晒多！嗌左一個冬蔭公魚片頭金邊粉（$48）、馬來沙嗲焗雞扒飯（$49）、加配黑醬牛油雞翼（$13），套餐包熱飲。上菜真係勁快！！友人話金邊粉唔錯，但我唔記得左影。我自己個焗飯估唔到都唔洗等太耐，嘩，d芝士焗左勁香勁脆仲有拉絲！雞扒都夠滑，又唔係白飯底，沙嗲雞翼都好脆！超邪惡！仲要唔洗加一，實會繼續幫襯…Read More

閒日夜晚9點幾，唔洗等位。menu整得好靚，都幾心大心細唔知食咩好。本來兩個人都想嗌奈良七盛個釜，但諗住試多d新野，所以就嗌左一個釜同一個海鮮天婦羅盛合配抹茶冷麵，同瑩光魷魚沖漬。個釜既前菜真係勁fancy！特別要提個茶碗蒸真係超好食！！黑松露夠香、蛋夠滑、仲有魚子、蟹肉、菇，成件事好完美！當然個釜都好正，冬天最正就係刮飯焦至於海鮮天婦羅俾分好掙扎，因為個天婦羅好好食，感覺亦都唔油。但個抹茶soba真係有d失望，麵身有d乾唔夠彈。小食方面，瑩光魷魚個爆開感，唔係人人都岩😂友人好喜歡，我就一般，但整體值得下次再幫襯既。…Read More