grace_mmm's Profile

今日同老公黎左食呢間打邊爐，最近發現佢可以上網book,不過其實book左都要係門口排陣隊先入得，大約等多十令廿分鐘啦。真係人頭湧湧架。做左會員可以free鴛鴦湯底，叫左一邊係麻辣中辣，一係係紅燒牛骨湯，湯底係幾好味。肉就揀左中間價錢，講真牛肉質素就一般般啦，平時凍肉鋪既level，但係台式野好食：黑輪、甘梅地瓜、台式丸（貢丸、魚蛋個啲）、仙草凍呢啲全部都好好食，平時係出面好少食到，可以叫黎試下。野飲種類都多。…Read More

今日黎左呢度附近做野，咁就突然好想食下台灣野，咁就search到呢間小台南好似都唔錯，就決定黎呢度食lunch啦。今日叫左佢既午市優惠套裝，叫左個古早味牛肉湯麵，另外野飲配左凍既檸檬薏米水。古早味牛肉湯麵份量都大大碗，湯底都幾好味，唔咸，食完都唔會要係咁飲水，牛肉都有好幾舊，肉質都煮得淋，好好食。麵條係用左闊身既刀削麵，呢隻麵我都好鍾意食，都算好掛湯。另外杯凍既檸檬薏米水唔記得左影相叫左少甜少冰都夠味。清新之選。…Read More

今日黎左旺角行街街，行到咁上下又係時候搵野食醫肚仔啦。今日突然好想食辣野，咁岩經過見到依間，價錢都十分之相宜就入左去試試啦。今次叫左個酸辣中辣米線，配金菇同埋雞柳。見到佢上菜既時候都有少少嚇親，個碗面都係紅噹噹，不過食落又唔算辣到食唔到，算係過癮既辣，不過我覺得湯底油左啲。雞柳就普通雪藏野咁。金菇就得幾棵仔，份量少。另外叫左蒜泥白肉，蒜泥十分之多，不過整體咸左啲，肉既份量都多，岩晒重口味人士。最爽都係食辣野配凍檸樂…Read More

今日同朋友黎左附近東大街食野，食完仲未夠喉，就黎左呢間北方餃子源食野啦。好耐無食過餃子啦。叫左個韭菜豬肉餃子配上海麵。韭菜豬肉餃子好大隻，啲餡料都十分之足料，皮又算薄，食得好滿意。麵係上海麵黎既，係偏幼個隻上海麵，不過本身食佢啲餃子已經好夠，食埋個麵真係過分地飽，我諗我下次黎應該都係叫淨餃都夠晒食，果然係眼闊肚窄hahaha 另外仲叫左杯凍豆漿黎飲，豆漿都好有豆味，口感都醇滑，味道又不算太甜，值得叫…Read More

今朝去左呢度附近買餸，貪佢價錢都好貼地，買完就諗住順便買埋早餐返屋企，就見到呢間易拎腸粉。之前聽過住附近既朋友話過呢間腸粉好好食，所以就決定買黎試下。腸粉佢有兩個價錢，$7/4條同埋$10/6條。價錢都相當之抵食，咁我就梗係買左$10/6條，因為買完餸都十分肚餓架啦。 腸粉叫左佢要多醬多芝麻，果然好好食，腸粉夠晒熱辣辣，食到腸粉既皮都係好滑，醬同埋芝麻都有比多，好惹味，仲要十蚊雞黎講真係食到非常之飽，抵食…Read More

今日同朋友想去翻新左既中環街市，順便想黎下呢間之前bookmark左既cafe。今日好好彩，星期六下午黎到竟然walk in有位直入唔洗等，仲要坐到最靚既窗邊打卡位，即刻覺得我地好lucky呀！我地就叫左杯熱latte，同埋一份既青醬雞胸意粉。熱latte都算偏大杯，好香，又有靚靚既拉花，見到都覺得開心。至於青醬雞胸意粉真心推薦比大家，好好食，意粉好掛汁，青醬既口感都偏杰身，雞胸肉又煮得好嫩滑好juicy，如果唔係同朋友share相信我自己都食得晒！…Read More

今日同朋友黎到筲箕灣既東大街掃街，食完周圍行下，誤打誤撞黎到呢間之前已經bookmark左既the little bakery 麵包店。之前上網見到人地推介既麻糬麵包已經覺得好吸引，今次我就買左抹茶味同埋朱古力味既麻糬麵包各一個啦。不過我係買左返去第二日先再叮返熱黎食，相信口感一定無即買即食咁正，但我覺得性價比黎講都抵食嘅。抹茶味就正常，麻糬你當佔麵包五成咁，口感都唔算空氣包架啦。朱古力就再好味啲，有粒粒朱古力咬下，口感再實淨啲。…Read More

今日lunch想食得light啲，行到黎九龍城廣場見到呢間一禪，裝修得非常日本風，係我好鍾意既木系muji裝修風格，仲要係食素菜，岩晒我今日既要求，所以就決定試吓啦～今日叫左set lunch， 大啡菇漢堡配蕃薯條，另外仲叫左杯凍既americano。 大啡菇漢堡有兩片厚厚既大啡菇黎做麵包皮，中間既餡料有准山蓉同埋蕃茄，仲有啲生菜咁。准山蓉都幾特別，好少食到，都可以一試，配既汁係照燒汁，味道都夾。 蕃薯條用焗既方法，但上到菜時已經淋晒，口感一般。 Americano 好細杯， 單叫唔抵飲， 跟遠就可以。味道正常跟餐的青豆湯我一般般，唔太鍾意個味道同口感。…Read More

之前食過幾次大角嘴個間既印象都好好，今日黎開大埔就諗住黎幫襯下，試吓有無咩唔同啦。本身都唔係好熟大埔啲路，搵路都搵左一段時間，然後終於黎到呢間homeland，好可惜既係一黎到門口已經見到有三四個著住制服既員工坐正係門口不停煲煙⋯⋯真係好無奈，咁樣食法一黎又個個都唔帶口罩防疫意識已經欠奉，二黎真係搞到間餐廳形象唔好，真心唔係話要去干涉你地餐廳員工既個人行為操守，但作為食客真係無興趣見到你地成班伙記坐晒係門口煲煙，食到煙霧彌漫咁。希望下次黎見唔到，咁我地都會入去幫襯既，今次真係不了。…Read More

今日同姊妹黎左呢間餐廳，上網見佢既環境都幾靚，決定黎呢度試下！餐廳位置都好易搵，係正iquare對面，食完搭車返屋企都好方便。餐廳入面既裝修有一半似酒吧，另一半就好靚好岩打卡，係鳥籠咁樣，好靚，同姊妹一齊影左好多相！今日我地就叫左麻辣小龍蝦同埋和牛肉醬意粉。麻辣小龍蝦好香好惹味，鍾意食辣既我地叫左中辣，夠晒辣好好食！另外真心推薦和牛肉醬意粉，呢個份量好多，肉醬份量都好多，食晒啲意粉都仲有肉醬剩，和牛醬都好好味，值得試…Read More

今日想求其叫個外賣食算，見到呢間台灣野都幾吸引，又多選擇，就決定試試佢。叫左個紅燒牛肉乾拌麵同埋起司肉鬆蛋餅。紅燒牛肉乾拌麵最吸引我既係有幾舊牛肉大大舊，肉唔算乾身鞋口，有肉味，麵條既份量多，另加左個麻辣汁更加好味，好香口好好食，仲有半隻滷水蛋、青瓜絲、紅蘿蔔絲咁，幾抵食，食到好飽。台灣野黎講我好鍾意食蛋餅，呢個起司肉鬆蛋餅真係好好食，芝士味好濃，肉鬆份量都足夠起碼食落啖啖都有肉鬆，面頭有啲沙律醬同辣醬好惹味。…Read More

今日黎開荃灣，食完晚餐之後仲好想食甜品，作為煙韌控既我好想食芋圓，上網睇到附近有間鮮芋仙就想買個外賣返屋企食啦。今次我就叫左芋圓6號，店員問要熱定凍，咁就口快快叫左凍啦，後尾等緊個外賣時細閱張餐牌先知原來凍既係冰底，驚拎到返屋企個陣啲冰已經融晒，不過外賣好快做好想改都改唔切啦。點知拎到返屋企時仲有少少冰係度，加埋融左少少冰後個黑糖糖水底既味岩岩好，唔太甜，好岩我既口味。粉粿同芋圓都好煙韌，真係好好食，份量都好多，粉條同珍珠都正常，總括黎講好食，性價比高。…Read More

呢間雲家小鍋米線成日都見到好多blogger, YouTuber推介，今日黎開荃灣見時間尚早，決定黎睇下多唔多人有無機會食下。本人係好討厭排隊，如果要排好耐先有得食既餐廳，我寧願唔食好彩今日早左，五點幾黎到唔洗排隊即刻有得食！叫左個麻辣中辣雞絲魚肉春卷小鍋米線，小食叫左豬頸肉。麻辣中辣雞絲魚肉春卷小鍋米線辣味都夠，有啲酸菜既所以都有少少辣味。雞絲都好多，食到底都仲有，魚肉春卷就係平時食開x記個隻，好好味！不過我就覺得黎開呢頭過嚟食都可以，慕名而來真係唔值，普通米線不過不失咁。豬頸肉燒得好夠香脆，份量都ok，不過四十幾蚊我覺得就唔叫做抵食，不過口痕都可以叫黎食。…Read More

行街行到熱熱地，就想買杯肥肥飲品飲下，即刻諗起呢間茶理史，成日都幫襯無一次係令我失望。我最鍾意買呢杯芋香鮮乳地瓜小芋圓（微糖及微冰），呢杯真係差唔多都次次必嗌，性價比十分高。飲品內有芋頭粒同返蕃薯粒，岩晒我呢啲無澱粉不歡既人，又有啲野咬下咁，有野食又有野飲；另外仲有好多既小芋圓，小芋圓夠晒煙靭又有嚼口，十分好味。而且飲品係用新鮮牛奶沖泡而成，比起其他茶飲店用既奶精好唔同，飲落得而且確係有分別，同埋心入面都會覺得比較健康（減低左少少飲呢啲野飲既罪惡感haha）推薦大家飲！…Read More

平時返工諗唔到食咩既話，我通常都會去食譚仔，貪佢平靚正又夠快手。今日食晏又黎左食譚仔，果然係同標題咁講：我最愛既飯堂！我平時最鍾意叫雞肉金菇炸醬重慶中辣走芽菜。雞肉份量都唔少，食到最後都仲有雞肉可以夾，係我最鍾意既餸黎。相對黎講金菇份量就少啲啦，得兩三撮咁樣，好唔抵食，平時去街市買10蚊都有兩包炸醬我諗都唔洗我介紹，相信作為譚仔fans都一定會好likey!真係難怪譚仔依家會出個炸醬撈米線，的確有gimmick! 湯底夠晒酸又辣，重口味推介！…Read More