TYfoodlover's Profile

同朋友約咗晚餐喺大角咀食，朋友話想食台灣菜，就即刻問佢食唔食呢一間大角咀嘅台灣小店，嗰日我哋6:30去到，仲有得即刻Walk in入去食，但係食食吓都見到出面排晒長龍了😛，可以見到佢哋真係人氣爆燈💡我哋當日叫咗月見蚵仔滷肉飯同埋炸豬扒套餐🐷，仲有一個肉鬆芝士蛋餅🧀，個人嚟講覺得個蚵仔滷肉飯幾出色，每啖食落去都食到蚵仔鮮甜嘅味道，不過作為女孩子嚟講覺得份量都幾大，建議食量唔大嘅女仔可以嗌少飯🍚，炸豬扒外皮鬆軟，配埋滷肉飯係幾好食，不過略嫌豬扒炸耐咗少少，最後仲要讚一讚個肉鬆芝士蛋餅，個蛋餅嘅蛋味幾重，仲要芝士會拉絲，不錯不錯👍🏻當日仲配埋珍珠鮮奶茶一齊飲🧋，真係好似食咗一個傳統嘅台灣便當咁，成個體驗好完整，坐夠一個鐘就走人，推薦大家嚟大角咀都可以一試😋…Read More

個日唔係好肚餓，但夜晚又想食燒肉，就揾到running燒21:30後入座6折嘅優惠😋，見到咁抵即刻衝去食啦。嗰度食飯長期播住啲韓文歌，好似返咗韓國，舖頭細細間，但係幾乾淨，食物選擇都幾多，落完單之後嘢食好快就到，個人最推薦牛肋條同埋蝦，食落去幾滋味❤️，最好就叫埋泡菜同生菜一齊食，減低夜晚食宵夜嘅罪惡感😈。最後仲會一人送一條雪條，埋單連加一只係每人$200，想過吓燒肉引又想平平哋咁食，呢間係一個唔錯嘅選擇👍🏻。 …Read More

作為酸菜魚愛好者，基本上都試咗唔同主打酸菜魚嘅餐廳，今日喺又一城見到午餐時段唔使點排隊，就嚟試一試太二酸菜魚嘅質素如何啦🐟！入到去餐廳都好光猛，店員好快又禮貌地介紹咗餐廳嘅配置，我哋兩個人叫咗一份酸菜魚，再加咗薯粉，等餐嘅途中抽籤睇吓今日嘅運勢，再出去拎嘢飲，等待過程絕對唔無聊，值得一讚👍🏻酸菜魚冇得揀酸辣度，食咗第一啖已經知道佢係我心目中絕對有頭名嘅程度，魚冇雪藏味，辣椒味好夠🌶️，有啲香麻嘅感覺，特別係佢嘅酸菜，酸得嚟好惹味，唔會令人口乾，更加將酸菜魚嘅味道提升咗一層，成餐飯一啖接一啖咁食，完全冇停口，最後連個炸魚頭都食埋，難怪佢主打酸菜比魚好食，呢一個標語真係冇呃人😍個人而言非常推薦大家去食，價錢唔貴又食到正宗嘅酸菜魚，一試一定上癮！…Read More

嗰日去金鐘做完少少嘢有啲肚餓，又唔想食貴餐廳，即刻諗起Shake Shack 嘅漢堡包🍔，嗱嗱臨沖去餐廳搵位先～太古廣場嘅Shake Shack都有唔少嘅座位，搵個位坐低之後就網上落單，等佢通知我先出去拎個餐，可以好好俾自己坐低休息吓先😛嗰日自己叫咗一個box set，只要$111就有一個漢堡，一個小食同一杯嘢飲，仲要送埋一杯雪糕添，應該係入面最抵食嘅食法😋，叫左個shack burger同薯條🍟，再將薯條點落啲雪糕度食，唔知有冇人同我一樣都鍾意呢一個食法呢？🤣作為一個漢堡包愛好者🍔，Shake Shack不嬲都係我心目中唔錯嘅漢堡包，佢亦都絕對係金鐘簡單食飯嘅一個好選擇👍🏻…Read More