fatbu's Profile

Blue Monday!!!!!又黎到要奮鬥既星期一，點先可以有個Goooood morning？🌞前一晚就諗好左今日要黎47食個靚早餐話說呢間開左兩個月既小店已經慢慢變左食堂，不過平時主要都係lunch，坐定定食早餐都係第一次揀左個茄湯慢煮手撕雞湯米粉，火腿炒蛋厚多士先講份量，係豐富嘅☺️個炒蛋厚身，手撕雞同米粉份量亦相當足再講味道，滿意嘅😛茄湯唔算好杰，米粉係用透明米粉，唔容易浸淋發漲，口感亦較一般餐廳好，加分細心位！慢煮手撕雞，浸左茄湯都唔算鞋，效果唔錯多士都烘得幾香順帶一提，平時食開午餐，覺得佢地好有心整食物，吉列豬扒特別上癮，有機會再分享！…Read More

book左同屋企人齊齊支持小店，食早啲啲，五點開波，大家都打算放題咁盡情叫1. 豬船麵湯底偏甜，可以再濃郁啲，餸算係多，基本既肉丸豬皮豬肉都有齊2. 椰青咖哩都係偏甜，但用椰青令到甜味清啲，效果唔錯，可惜唔夠汁3. 海南雞時間掌握得好好，肉質啱啱熟夠晒滑4. 生菜包多口嗌咗中辣，比較辣，但炒得好透5. 串燒十分推介串燒，豬頸肉串非常爽口，牛柳亦燒得好香又唔韌6. 燒魚細細條好過癮，肉身好滑，唔同平時一叫燒魚就大大條，細細地過口癮最後叫埋椰青，啤酒埋單人頭$130，值得支持…Read More

黎到新達，搵啲日本野食下見到串燒啲相幾靚就試下啦餐牌有個車仔飯，岩曬一個人食揀完本身有雞肉碎既飯底之後即刻自選串燒揀左兩個相對抵食既combo冬菇+雞翼 雞肶菇+免治雞球四串串燒已經塞爆左個飯面，齋睇都夠曬爽呢四串出黎都好穩陣，味道相當滿意冬菇雞肶菇夠juicy雞翼皮脆肉嫩免治雞球加左雞軟骨，有口感本身飯底既雞肉碎有牛蒡，大大減低肥膩同肉騰騰既感覺跟餐送埋大大杯凍綠茶，又自由又抵食平有平食，貴有貴食…Read More

第一次行南豐紗廠，三個人諗住搵個地方傾下計，行行下見到Cafe都唔錯就入去係門口見到有好大間房炒咖啡豆，環境唔錯，諗住咁有誠意炒豆，杯咖啡都應該飲得下！最後我發現外表同包裝真係好緊要！三個人，一杯flat white 一杯mocha 一杯iced chocolate，加多件牛角酥，埋單$143冇一樣野係合格，難度之高都恐怕前無古人 後無來者！兩杯咖啡都係暖既，唔岩溫度點樣叫專業，啲豆再靚都收唔到貨！杯Iced Chocolate個杯細到嚇親，仲少過平時飲開果啲凍檸茶份量，點收到$48？個牛角酥硬過我條命！不願置評！…Read More

細細個住佐敦，放學就一定係呢度lur呀媽食豬腸粉，到而家大個仔，同呀媽行過都一定會放低$20，回味一番！見到一條人龍，呀姐三兩下手勢怒剪腸粉，啲回憶返曬黎呀！「10蚊腸粉加燒賣！豉油、甜醬、麻醬丫唔該！」係基本對白。點解成日都要黎食？一啲都唔平但都要食？因為呢度腸粉認真係滑，豉油亦唔係過咸，平衡得岩岩好呀！但係啲燒賣就差左啲，蒸得太淋！雖然啲服務而家就真係麻麻地，但其實街頭小食，串極都係一句起兩句止啦！…Read More

今日受左好大打擊，一定要食食食，結果我走左去柴灣嫲孫樂，豪食呀！望住個menu，叫最豪嘅綜合牛肉麵$68，有得加小食，緊係要加！加個台灣腸$18，飲品簡單啲加左杯炭燒烏龍！先講個小食，好抵食！原來$18係兩條腸，賣相有心機，連埋蒜片金不換，成個台灣味出曬黎！再講個麵，麵身好食，好咬口，係有小小痴住，有啲疊住兩條既偏硬！湯底一般，牛筋其中一舊硬，其餘都唔錯！杯茶有驚喜，烏龍唔淡，炭燒味突出，下次可以試其他整體黎講，好似我咁叫法係要經專人訓練，坐係電視機隔離既觀眾切勿模仿，恐怕會飽到暈低！…Read More

尖沙咀鬧市中，能夠找出一間出色平民食店已經不容易，更遑論是日本菜動輒一碗拉麵都要上百元，什麼一蘭、霸嗎等過江龍品牌都是屬於貴族級別今日要介紹的同是過江龍品牌，「八番」它來自日本金澤，有別其他品牌，「八番」於香港扎根一段長時間，筆者可謂「細細個就聽過佢個名」記得小時候總是跟家人分享，他們吃麵，我要一個小炒飯便足夠輾轉十多年，竟然於harbour city food court重遇望著餐牌，平民化價錢，優惠套餐由$62起如此「抵食」我選擇了極黑拉麵，套餐配有五隻餃子，售價才$78味道確實不錯，濃郁豬骨湯底，配上彈牙太麵，齒頰留香再完成餃子，一個人來說，相當豐富雖然food court熱鬧，無環境可言，但以這個價錢及質素，性價比都可算相當高…Read More