savery999's Profile

放工同男朋友想食好少少，返完一日工好攰又唔想行咁遠，所以book左好近北角地鐵站嘅錦屏街入面的餐廳食dinner。6點幾嚟到，差唔多坐滿哂，好在有訂枱。💛-我哋兩個人叫咗個季節限定二人套餐($550)，好豐富，叫嘅時候都有擔心食唔食得晒。-黑松露蘑菇忌廉湯+鵝肝多士好 好 味 😍鵝肝多士見menu寫住係用咗自家麵包，好脆身，亦唔會比熱騰騰嘅鵝肝整林左個包，鵝肝煎得好香而不會覺得油膩，自己覺得係今晚最出色嘅dish。本身係紅湯fans的我，對於呢碗忌廉湯冇咩特別期望，係因為鵝肝多士一定要配忌廉湯所以先點呢個湯。然後發現少年太年輕了，原來平時唔鍾意飲係因為唔好飲😂，呢碗白湯好濃好入味。👍🏻.北海道帆立貝+低溫慢煮美國特級肉眼食肉獸嘅我，就梗係要食牛肉。帆立貝size唔細，口感煙韌唔會太林。叫餐時，侍應有問食牛有冇特別生熟的preference，佢哋比較推介慢煮，平時食牛我都係習慣食medium rare，今次決定試一試慢煮！結果係冇令人失望的，慢煮後的牛軟硬適中，鎖住肉味，煮得唔錯。.卡邦尼意粉網上好多人都推介Pizza好味，但係男朋友話想食意粉😂，咁好啦今次試咗意粉先，下次再試pizza啦唯有。意粉質地軟硬適中，意粉汁掛麵，食到尾都仲有煙肉片，好足料。🤤.軟心朱古力馬卡龍其實食到呢個時候已經好飽😂，但係甜品係第二個胃，都好想食埋😂。朱古力好濃好厚，食到咁飽最後我哋都清晒。😂-見到隔籬枱有點到黃金薯條，好吸引，但係今日已經太飽，下次嚟嘅話一定會試吓。…Read More

聽到齊柏林第一下就會諗到熱狗，冇諗過佢嘅炸雞條同埋nugget都好好味😍呢間齊柏林好近炮台山地鐵站，行幾分鐘就到好方便👍🏻全條街上邊都有好多其他食肆，可以每間都買少少外賣，跟住拎去東岸公園食，一大享受。😆…Read More

同媽咪都鍾意食點心，想坐得舒服啲所以都間唔中會嚟呢間中餐廳食點心。最鍾意食呢度嘅腸粉，好滑而且大份。其他嗰啲煲仔小菜都好食㗎👍🏻平時好少嗌炸嘢今次叫咗個蝦多士🍤 ，炸得唔錯。👍🏻焗西米布甸都係好正👍🏻。…Read More

跟住識飲識食嘅品酒師朋友，今次佢介紹我哋嚟呢間Yakitori。🫶🏻店裏面唔算好大，有幾張卡位同埋中間有啲枱，卡位私隱度都算高嘅可以傾偈。店員會講解唔同味道嘅Sake，配合返我哋鍾意嘅口味同埋配搭返食物。燒物方面，餐廳專注係做雞嘅唔同部位，你可以揀唔同嘅部位然後餐廳店員都會解釋俾你聽唔同部位嘅口感同埋expect食落去嘅味道，三心兩意嘅我哋都絕對滿意呢餐飯嘅所有食物。😆食物、酒同服務都非常到位👍🏻…Read More

銅鑼灣實在有太多嘅台式手搖飲品店，呢間係我其中一間最鍾意飲嘅。👍🏻個人比較鍾意佢嘅米麻糬，因為其他台式飲品店飲唔到。😍另外如果鍾意飲珍珠奶茶嘅朋友都應該會鍾意佢嘅奶茶底。如果想refreshing d，純茶系列茶底都好飲。…Read More

喺銅鑼灣返工，同同事Farewell即刻諗到買maru pizza😍佢好似係冇外賣送貨既，所以我哋去咗希慎到外賣自取。啲Pizza係黐線咁好食，超級出色。餅底脆，Pizza超級鬆軟同埋好咬口，而且非常足料。炸雞係韓國嘅味道😍。推介👍🏻…Read More

想買啲餅請同事食，近近地係西環去咗華爾登買。💛 🍪 有好多口味可以選擇價錢係超級相宜，佢連茶味曲奇都有好多種口味，我自己最鍾意食焙茶，但其實隻隻味都勁好食。良心小店，路過係要支持吓。💛…Read More

去開紅磡有事，同朋友完成咗之後想搵個地方坐低食啲甜嘢，路過見到有甜品店就隨心坐低咗。門口都有好多人等緊外賣，星期四下午茶時間堂食就仲有位。餐廳係自助落單，坐低等咗一陣就有嘢食。因為只係隨意坐低，本身冇抱太多期望，一食落口嘩好好食。😍芋圓好煙靭，望返餐廳寫左係到原來話係手工做嘅，大大粒！而且毫不吝嗇，非常足料。椰汁底都好濃郁，西米露有咬口不是琳琳的。朋友叫咗桃膠，我試咗幾啖，好正好煙韌好滋潤，最後多得滯大家都食唔完。😂下次黎開紅磡會encore。…Read More

去將軍澳探朋友，朋友推介呢間炸雞好好食，排隊排咗大概九個字左右終於可以入座。粟米味炸雞好正，無骨雞都大大嚿👍🏻魚高湯超級大碗，足料好味。食之前都知道係排隊店，所以我哋都耐心等候。美中不足，餐廳門口掛住關門時是9:30pm，我哋8:00PM入座時餐廳亦冇提last order時間。8:30左右只是上了炸雞，年糕湯都未到，餐廳職員就開始吹我哋快啲食完問使唔使打包（？！），然後8:45開始拖地同吸塵話9:00要關門，這樣的服務態度是有待改善。…Read More

黎Rosewood staycation,就梗係要試埋個早餐！🫶🏻形式係semi buffet，揀一個main，其餘可以出去拎，包一杯茶，我今次要左一壼english breakfast tea。😊Egg benedit冇好大驚喜但係好食嘅，碗大大雲吞麵真係好驚喜！😍大大粒蝦肉雲吞，食過返尋味。…Read More

已經食過唔同分店，今日喺尖沙咀行完街都決定嚟食K11 Artmall分店。🫶🏻大概夜晚7點左右喺門口排隊排咗15分鐘左右就有位。入到去座無虛席，餐牌嘅食物好多都好吸引。今次我哋叫咗個慢煮豬扒，同埋pasta。慢煮豬扒超級超級好食！豬扒表皮脆脆的，鎖住肉汁，裏面嘅豬肉完全唔鞋，口感軟硬適中。👍🏻Pasta嘅帶子大大粒，pasta質感爽口，唔會太林或者太硬，汁調得好味。雖然係商場入面嘅連鎖，呢間好有誠意。🫶🏻…Read More

成日行過1881都唔知道裏面原來咁多餐廳同埋有酒吧，今日有事咁啱經過1881，就入嚟飲咗兩杯。裝修好靚，係好古典嘅裝潢，裏面都有好多皮梳化位，喺尖沙咀行開行埋同朋友上嚟飲杯嘢傾兩句都是一大樂事。…Read More

啱啱開嗰排同朋友曾經嚟過食中午飯，覺得幾滿意，今次係同男朋友嚟食晚飯二訪。今次叫咗pizza ，燒雞同埋脆皮豬。人流明顯冇上次剛剛開張時咁多，晚飯時段有一兩張枱冇人坐。食物質素繼續保持，今餐最好味係肉丸pizza😍，餅底脆，toppings多汁👍🏻。環境casual得黎，侍應服務態度都好好，值得一讚。其中好有趣係發現，原來近住海旁係有道門可以行入嚟，不是食晚餐的客人都可以外賣gelato出去外面嘅枱凳食，下次試吓先！😻…Read More

坊間好多唔同嘅台式飲品店，而太古城中心誠品裏面既天仁茗茶一直係我最鍾意嘅一間。天仁茗茶嘅茶底係永遠唔會令人失望，雖然有咁多間分店，但係大部份都維持水平得好好。今次飲咗胭脂紅茶，再去附近嘅舊式餅店買咗個蛋撻，回家簡單的享受。…Read More

鰂魚涌附近真係好多好味嘅食肆，以前淨係以為天后有嘅坐忘呢邊都有。💛今次外賣叫咗黑椒牛肋轉左烏冬，原來係乾嘅撈烏冬！🫶🏻好惹味，牛肋煮得好入味而且軟硬適中，個人認為配烏冬比配飯更好味。…Read More