yummyfoodfoodyummy's Profile

如果係尖沙咀熟路，依間餐廳嘅位置都唔難搵，但有個朋友好少嚟尖沙咀，佢就兜左幾圈都搵唔到，最後要我地去接佢落嚟。一落到basement，就見到有幾張梳化位同吧枱，原來入面仲有一個都幾大嘅area，感覺真係好適合朋友靜靜地傾計！我哋就揀咗兩隻二人套餐，每個set有兩個snack同兩個main course，再加埋餐湯沙律，甜品，同埋喺OpenRice訂位可以送紅白酒，另外happy hour是買一送一仲叫咗mojito。食物嚟到嘅時候，就覺得好精緻好特別，另我哋一班朋友諗翻起峇里食嘅fine din，佢嘅味道比起之前嘅fine din更加好味，真係好有驚喜！…Read More

上次都想食尖沙咀分店呢一間牛角，但因為要等太久所以冇食，今日七點半拎飛，最後都要等兩個鐘，九點半先安排入座，10點半係last order。雖然等左好耐，不過見證到waitress細心嘅一面。有個女仔拎住好多嘢，佢會幫佢拎埋入座，我一坐低嘅時候，佢又好細心咁問我需唔需要披肩，因為冷氣都有啲凍，要平衡返鐵板嘅熱力。今次係牛肉、豚肉雞肉入面，就覺得雞肉係最出色嘅，而最好食嘅永遠都係牛角飯！下次如果想食，真係要去其他分店或者在早啲攞定飛！…Read More

早左幾個鐘頭打咗去book位，但去到嘅時候職員表示尖沙咀分店係冇得book位嘅，西環先至有，但我哋好肯定打個電話係啱嘅，同埋當時嘅職員係話有得book位嘅，不過好彩我哋去嗰個時間都冇乜人，所以都可以安排即時入座。職員不停提醒我哋最低消費每人$70 ，同埋係有限時嘅。我哋就揀咗一個tea set，要左兩件士多啤梨西瓜蛋糕、一件芒果蛋糕同榴槤芝士蛋糕。西瓜蛋糕真係未試過，西瓜同士多啤梨都夠甜係OK嘅，但面頭加咗啲玫瑰花瓣就唔係幾鍾意嗰隻味，同埋唔係幾夾。芒果蛋糕就好正常嘅芒果味咁冇乜驚喜，而榴槤芝士蛋糕，好香榴槤味，不過就完全食唔到芝士味。餐飲就叫咗冰搖咖啡同伯爵茶朱古力，味道都OK。總括來講，都算係多咗一個想食蛋糕時候嘅選擇。…Read More

今日有嚟到錦麗食lunch啦！繼續我叫咗我最鍾意食嘅牛丸河，另外叫咗綜合粉，同埋越式春卷！好快啲食物就來到啦，佢有好多配菜，例如芽菜、青檸同埋其他配料，而我就好鍾意加青檸汁，酸酸地咁好清新好開胃。佢啲牛丸真係有彈牙又多汁，好好食，而且個湯底都做得好好。綜合粉啲牛肉加埋佢嘅辣醬同甜醬一齊食，都好好食㗎！而佢嘅越式春卷，同平時酒樓食嗰啲，面頭有層皮，好脆嗰種唔同，佢係有小小軟皮，好有咬口嘅感覺，加埋生菜一齊食，感覺冇咁熱氣。另外佢個會香茅青檸梳打，真係好出色每次嚟到都係必叫嘅！…Read More

行行吓街見到Häagen-Dazs，就覺得好想食雪糕，見到佢同恒生信用卡Chat with DORI有合作推出買一送一優惠，就買咗杯香菓樂園嚟食。一共可以揀四個口味，我哋就揀咗新出嘅茉莉花紅桑子石榴X2，另外兩隻味就係藍莓味同芒果味。茉莉花紅桑子石榴口味一試落去，就知道唔係我鍾意食嘅味道，下次都係叫返傳統口味好啲。芒果味同藍莓味係好食嘅，另外佢有生果係入面，有幾塊桃，同埋下面都有啲棉花糖加埋一齊食都OK嘅。…Read More

一入到黎，覺得個裝修都幾特別，有少少似舊式茶餐廳咁，有燈箱同其他裝飾，好有懷舊嘅味道。不過佢張枱就好似有啲舊，放假個位成日都驚會踩爛。諗唔到叫咩，見到有一個叫是L但，就打算叫啦，點知冇得賣。見佢最近嘅主題係酸，咁就叫咗一杯酸酸地嘅嚟試吓啦，叫sour squid。試之後以後都唔會叫酸嘅啤酒唔係好夾，反而正常味道嗰啲清清地，就幾OK嘅。朋友叫咗四種唔同嘅味道，有一隻似咖啡味咁，都幾得意，另我一杯又係有啲酸酸地，都係有啲奇怪。其實佢都幾多款啤酒揀，而且氣氛同環境都錯，同埋外國waitress講一口流利嘅廣東話都幾得意。…Read More

之前食過zenon cafe，覺得係幾好食嘅，不過其實都想試吓其他嘢，但想試嗰間冇得book位，我啲friend懶就話不如食返呢間啦！今次叫咗盧魚、雞扒、benedict，因為之前試過去啲健康飲品，味道都麻麻地，所以今次我哋直接叫咗啤酒。Egg benedict保持到水準，雞蛋都係流心嘅，同麵包有少少脆脆地好有口感，我仲好鍾意佢沙律上面有芝麻醬！同埋佢哋嘅service都好好，我哋唔小心整瀉左少少啤酒，佢哋都會主動過嚟遞紙巾俾我哋。不過佢哋嘅餐牌真係Mark咗之後六折嘅感覺，+1都係以原價計算，其實同其他餐廳差唔多，不過就記得一定要用個六折囉，如果唔係好唔抵！…Read More

今次叫咗凍豆腐花、煎魚餅、豆腐釀魚肉、同一支凍豆漿。今日比較晏先至食晚餐，選擇唔多，而且唔想食得太heavy，所以就揀咗公和豆品廠。點知一坐低嘅時候，發現牆身有兩隻細曱甴，好生猛緊爬來爬去，嚇到我地即刻彈起，但由於真係太攰，唔係好想郁同再諗食乜嘢，又覺得深水埗周圍都係咁上下㗎啦，爭在你睇唔睇到姐，所以就繼續坐低快快手食埋佢。佢個豆花係有啲淡，雖然加咗黃糖，但都好似係差啲咁，不過係夠滑的！煎魚餅味道都唔錯，可以個人覺得最好飲就係知道張好夠味，值得一試！如果可以改善埋個衛生環境，唔好見到曱甴其實係一個唔錯嘅選擇。…Read More

今次叫咗菠蘿咕嚕肉飯、紅燒牛肉麵、凍嘅水果茶。之前好鍾意食嗰個芝麻醬撈麵，已經冇得賣啦！菠蘿咕嚕肉飯入面有好多唔同嘅生果，例如菠蘿、士多啤梨、火龍果，感覺好似好健康。味道都唔錯，而且配餐嘅時候有得送甜品，佢有五款唔同嘅甜品，今次就揀咗佢嘅signature，其實係一個朱古力味嘅蛋糕，啲朱古力都幾好食味道唔錯。紅燒牛肉麵都係一個經常叫選擇，其實個人本身麻麻哋鍾意食牛肉，不過茶木嘅牛肉比較淋，所以都可以食，佢嘅湯底同埋個面都真係幾好食。當然唔少得凍嘅水果茶啦，入面真係好多水果，仲有一粒梅，令到成杯野好飲左好多，都係一個必飲嘅推介！…Read More

因為網上落單佢冇得揀時間，所以打電話黎pizza hut落單，講好兩點半一定會拎。點知聽電話個staff叫我自己上網落單，然後再打黎通知佢改時間，好似唔想幫我落單咁。咁準時兩點半來到，counter就二話不說即刻收咗錢先，跟住等咗大概15分鐘，waitress同我講要等多7至8分鐘，結果我最後等左接近 30分鐘先至有。原來提早打嚟落單，同來到先叫可以話係無分別嘅。本來滿心歡喜見佢有個新嘅現製手藝薄餅，一心諗住試下，點知要等咁耐，真係一肚氣！…Read More

假期前一日有得收早，見有間咁得閒，就走去喜茶排下隊，之前都係深圳飲過喜茶，但冇乜特別深刻嘅印象。一去到喜茶，就見到好多人排緊隊同等緊，見到有個數條碼自助落單就scan黎試吓，點知撳極都落唔到單，問負責安排人排隊個staff，點知佢都唔識用，咁唯有去返排隊啦，其實排隊買就好快嘅，不過等就要等好耐。之後發現原來係因為嗰個時間太多人嚟買，所以用唔到自助落單。買完之後，staff話大概要等一個小時，結果等左接近一個小時真係剛剛好有！今次叫咗芝芝芒芒同綠研，佢個芒果味真係好香又夠甜， 啲輕芝士鹹鹹地，兩種口感加埋一齊真係好得意！雖然落左單之後真係要等好耐，但其實可以行住街等所以都值得一試！…Read More

之前睇OpenRice，經常見到k2 kitchen都係好多正評，今次終於有機會試吓啦！星期日嘅中午，冇book位嘅， 12點幾嚟到餐廳，只係得一兩台客，但食食吓就開始多人，但都唔會爆場。坐低冇耐，會出售拎咗芝士餅乾過嚟，啲芝士都幾好食吖！枱上面仲有棒型嘅餅乾，配埋啲肉一齊食都OK架！我哋叫咗羊排、魚同牛扒，其實佢得六個餐左右，另外嗰啲係沙律，意大利飯同意粉。認真，佢嘅羊排同牛扒，真係唔好食，好硬唔係幾咬得開，個魚就正正常常咁。佢嘅前菜有沙律同餐湯，我揀咗餐湯，個味道認真奇怪。最後叫餐飲嘅時候，佢有個list都幾多野揀，我想叫熱朱古力，個waitress話咁啱無晒朱古力粉，我就轉咗earl grey…Read More

之前喺深圳見過皺皮腸粉，聽人講幾好食，一直想試吓，我有次經過見到一條腸粉，就一直好想試。星期六中午一點鐘左右，成間店得三至四台客。見到有個傳統嘅石輪磨漿機，不過係擺設，唔係真係攞嚟用。幾欣賞嘅係，佢嘅餐牌好環保，過咗膠之後用螢光筆劃，可以無限次循環使用。今次就叫咗個腩肉撈飯、蠔仔玉米腸粉，同埋鮮蝦玉米腸粉。啲食物都上得幾快，撈飯啲汁同埋飯嘅份量計得幾好，倒晒D飯入去，啱啱好吸晒啲汁，都撈得幾均勻。而蠔仔腸粉上面就得四隻蠔仔，腸粉係幼滑嘅，不過就唔入味，豉油有豉油，腸粉有腸粉，好分離嘅感覺。…Read More

今日又食元氣啦，不過藍田分店就未試過。平時夜晚食開其他分店，都要排一個鐘，今次就等50張飛左右，大概等左半個鐘啦！希望快啲可以儲夠分做會員，之後就可以遙距攞飛！藍田分店及其他分店咁乾淨，入到去坐低仲發現，佢竟然冇手機點菜呢個程式！平時係習慣喺手機下單，今次就要記住自己想食咩，叫店員埋來下單。眼見得2個waiter負責落單，因為分店唔大，其實都叫夠人嘅，係幾台客一齊入去，同時落單，就要等一陣。藍田分店食物質素同其他分店比，感覺上差DD，不過都係好食嘅…Read More

因為得壹個鐘就要食完dinner，之後趕住去睇戲。睇返啲食評話要等好耐都有啲擔心，好彩我哋係六點鐘左右，所以唔使等位就有得入去食。今次叫咗小籠包、生煎包、擔擔麵同埋蒜泥白肉。本身係想嗌雞絲粉皮，但又怕太飽，但原來蒜泥白肉下面係有粉皮，一次過滿足晒兩個願望！擔擔麵嘅湯底比唔上以前果種濃郁，不過我欣賞佢有得揀唔辣。幾樣食物入面最好食嘅係生煎包，佢可以煎到個皮好脆，但又唔係硬骨骨咁。雖然店入面唔係好多人，但都見啲侍應好忙，可想而知如果full晒嘅話，人手應該會唔係幾夠。…Read More