panda328's Profile

漁火海鮮刺身火鍋顧名思義提供火鍋、海鮮甚至刺身，食材選擇非常多元化👍🏻醬料款式多，對我嚟講最緊要有芝麻、蒜同醬油。- 泰式生蝦一共有五隻，生蝦非常大隻，肉質爽嫩，味道都鮮甜，配上特製醬汁非常惹味。不過要上菜之後快啲食曬，否則下面冰塊融化會影響生蝦口感😎餐廳湯底選擇好多，無論健康濃味款式都有，我地揀左一款稀有既湯底-菜乾白肺燉豬骨湯，好有住家湯既味道，而且足料好多，非常好飲👍🏻漁火特選牛盛薈係必點，可以一次過品嘗五個牛部位包括Prime、牛柳粒、牛邊位、牛頸脊同埋牛舌心。另外海鮮叫左蟶子皇，絕對新鮮肥美。漁火既雲吞王非常特別，餡料有豬同蝦，雙重滋味😍響鈴係我認為現今打邊爐必叫食材，漁火既響鈴係我食過最出色😍估唔到菜乾白肺燉豬骨湯打邊爐都唔錯，食材都好新鮮，相信多人一齊食更開心！…Read More

駿景軒屬於頂級中菜餐廳，曾經七年獲得米芝連一星，而家由跑馬地搬去灣仔，質素仍然出色。我地總共叫左三道菜，粵菜同川菜都有，包括瓦罉焗胡椒蝦、粟米鱈魚球同水煮鮮魚片😋- 瓦罉焗胡椒蝦胡椒味非常香，大蝦好入味，肉質鮮甜彈牙，蝦殼脆到可以連殼一齊食。- 粟米鱈魚球鱈魚一共有六件，肉身好厚，炸粉超級薄，完全無任何油膩感。粟米羹分開上，入面嘅粟米非常香甜，就咁飲都好正，對比平時餐廳食嘅粟米斑塊完全係另一個層次👍🏻- 水煮鮮魚片魚片數量好多，肉質滑身，完全唔油膩，湯底香麻，辣度適中。下面有大量煙韌彈牙既薯粉，而且吸收曬湯底精華非常惹味。甜品方面，餐廳提供免費紅豆沙同腐竹糖水👍🏻總結而言，以上三道菜式非常出色，職員服務好貼心，環境好舒服😌…Read More

又到左半年一次omakase嘅時候，今次揀咗尖沙咀嘅鮨石。我哋叫左「神石」套餐，無論壽司刺身串燒一應俱全。另外仲有Prestige omakase，不過要早兩日預訂。第一道菜色係車海老，蝦肉彈牙鮮甜。第二道菜係北海道剝皮魚，魚肉加埋魚肝嘅味道超正🥰刺身包括粒貝、銀鱈魚白子同煙燻鰹魚。粒貝嚟自北海道，旁邊係檸檬味海鹽，味道非常夾。白子比想像中好食，口感滑捋捋幾得意，而且加咗柚子有少少甜味。最後係煙燻鰹魚，味道甘香，帶有煙熏香味，非常出色👍🏻鮑魚配肝醬，鮑魚肉質彈牙，旁邊仲有少少四季豆。慢煮鰤魚味道都唔錯，魚味非常濃郁。炸拖羅三文治可以話係今餐最好食嘅菜式，拖羅肉質入口即化，三文治好香脆，呢個配搭冇得彈😍終於到壽司環節！今次食到嘅壽司種類並唔常見，由一開始嘅北海道赤貝、喜之次、秋刀魚、銀鱈魚去到海膽都好有驚喜，尤其係銀鱈魚，估唔到油脂咁豐富，肉質細嫩。其他omakase餐廳嘅甜品不外乎雪糕或者蛋糕，但鮨石嘅甜品都好有心機，日本清酒啫喱配上北海道無花果同香印提子🤩今餐價錢係$1600，我認為物超所值，食物賣相好靚，味道都好出色，最重要係師傅好幽默，食飯嘅過程充滿歡樂🤣…Read More

鄰居兼好朋友要去加拿大移民🥲，所以約左佢係屋企附近食farewell dinner，我揀左平時我地食開既餐廳。雖然餐廳已經轉左名叫點．粵，但入面裝潢大致上一樣，食物款式一樣有我地鍾意既銀芽肉絲脆麵🥰銀芽肉絲脆麵真係食極唔厭，而且打卡一流，脆麵好似識飛天咁😱。芡汁淋係脆麵上面，令麵條又脆又軟。另外配料有豬肉絲、銀芽、菇絲等，口感豐富。職員會等我打完卡先帶我地煎開麵條，非常貼心😍懷舊蝦多士亦係平時必點食物，多士非常脆口，鮮蝦肉質彈牙，整體唔油膩😋秘製雞煲係餐廳新菜式，我哋叫咗半隻，雞件切得好細件，味道唔錯夠入味，入面仲有薯仔同洋蔥。均衡飲食好重要，所以最後叫左金銀蛋浸小棠菜，面頭好多鹹蛋黃同皮蛋粒，小棠菜好清甜。希望我同朋友既友情好似呢間餐廳一樣，雖然名字改左，但最重要嘅菜式仍然屹立不倒。到時等朋友返黎香港再食過！…Read More

宮崎肉本鋪係我暫時食過最出色嘅燒肉放題，我地揀咗最貴嘅套餐，可以食到A5櫻花牛，每年只係出產十幾隻，套餐可以嘗遍十種不同部位🥰餐廳入面除左普通位仲有包廂。麵類有五款，我試左蕎麥冷麵，旁邊有Wasabi同生鵪鶉蛋，口感清爽，食左一陣和牛再食蕎麥冷麵可以解膩。甜品有雪糕同牛乳奶凍，兩款都好高質。野菜有八款，明太子牛油野菌最特別，九州和牛黑松露餃子煎得好香，入面啲和牛好juicy，油份充足，同黑松露味道好夾！甲羅燒賣相同出面居酒屋差唔多，入面有蟹肉同蟹膏，味道好香好濃郁😍上面都係配角，宮崎櫻花牧場產A5和牛燒肉拼盤先係今餐嘅重點🤩，一共有10款部位，包括西冷、和尚頭、前腿肉、壽喜燒、肩里肌、肩口肉、牛肋肉、五花腩、內外後腿肉😍。牛五花腩油分重，肉質嫩滑。後腿肉油脂冇咁多，而且有少少筋，但牛味好濃郁。西冷真係無敵，油脂超豐富，入口即溶，而且好大片。職員會幫我哋整壽喜燒，沾過蛋黃後口感一流。雖然放題時間有120分鐘，但其實食得晒宮崎櫻花牧場產A5和牛燒肉拼盤已經好勁，飽到上心口。和牛質素非常出色，職員服務態度都好好，真係值回票價👍🏻…Read More

自己對任食火鍋一向無咩好感，不過呢間潮式任食火鍋改變左我少少睇法，環境同食材都好好。潮州鹵漢大飯店以紅色為主調，無論牆身、傢俬同天花一律紅色。環境都好寬躺，而且好乾淨，完全唔似平時任食火鍋餐廳既環境🤩我地試B餐，由於7點前入座，價錢只係$238。套餐包括手搖海鮮袋同任食火鍋。- 手搖海鮮袋職員等我地打卡之後先幫我地將海鮮同醬汁撈埋。入面海鮮包括鮑魚、龍蝦、帶子、東風螺同蜆、海鮮大部份都高質素，龍蝦肉質就比較鞋，但沾上蒜蓉醬就變得惹味。東風螺同蜆既數量好驚人，食極都仲有🤣。配料仲有萵荀、栗米同金菇。食完海鮮袋就可以打邊爐，湯底有六款，我地㨂左潮仙沙茶鍋，味道唔算太鹹幾適合香港人口味。食物質素對比其他任食火鍋更加出色，估唔到有幾款食材唔駛加錢都係可以任食，包括爽口蝦滑、響鈴、潮州牛肉。所有食材都新鮮乾淨👍🏻套餐可以任食特式小食，其中香芋地瓜球同潮式反沙芋最令人印象深刻。雖然地瓜球唔算熱辣辣，但外脆內軟，味道香甜。另外仲有鹵水五花腩同咖喱牛筋。由海鮮袋、火鍋到特式小食，所有食物都幾好味，自己又坐得舒服，以後朋友gathering話食火鍋，我應該唔會再抗拒🤣…Read More

朋友帶咗我每星期都會去嘅樓上酒吧，位置喺中環bakehouse附近👍🏻- Winter(冬）冬天就當然要叫杯冬黎試下先，佢係由gin, yuzu, vanilla, Honey, marshmallow 組成，賣相特別，上面有粒棉花糖，配住酒飲就岩岩好，呢杯係比較甜嘅cocktail，清甜嘅蜜糖同雲呢拿味令到酒精味唔會太濃郁，適合鍾意甜味嘅女士。- Autumn(秋）之後飲完環境咁舒服，又想叫多一杯，咁啱我都好鍾意荔枝味，就叫咗呢杯由gin, hojicha, lychee組成嘅cocktail, 我幾鍾意佢有荔枝香味同埋啲焙茶味道嘅，清香得來又唔會太甜，可以keep住飲幾杯都唔會太膩…Read More

今日男朋友帶我去食英式懷舊中菜，猶1908BC，餐廳位於上環，裝潢幾華麗，而且有室外座位，我哋叫咗四個菜式，一律都係職員recommendation，包括蝦多士、香酥鴨、炸魚薯條同集會脆麵。1908BC既蝦多士係我係香港食過最好味既蝦多士👍🏻，麵包香脆不在話下，芝麻味好香，麵包上面有隻超級龍鳳蝦，配上甜辣醬亦係一絕。香酥鴨比起片皮鴨更酥脆，配料差唔多，包括青瓜、蔥同甜鴨醬，炸魚薯條係餐廳招牌菜，大份之餘魚質好嫩滑，另外炸魚亦有配上咖喱醬同沙律醬。集會脆麵口感豐富，有部份好脆，另一部份好濕潤😂。材料有好多，包括叉燒、雞肉、大蝦。另外仲試左餐廳嘅紅酒！以上四款菜式其實以前都食過，不過1908BC加入自己嘅創意，中西合璧，令味道更上一層樓！…Read More

我認為同朋友傾計食飯最好既地方係居酒屋，食物款式多，而且可以坐好耐🤣，今次朋友帶我食尖沙咀既八海山，環境好有和風氣息，而且職員識講日文！我地一共叫左四道菜，包括雜錦魚生、帶子牛油燒、明太子玉子燒同壽喜燒。魚生擺盤好靚，最鍾意三文魚、油甘魚同海膽，海膽好出色，非常鮮甜。帶子牛油燒都唔錯，帶子好大粒，而且充滿牛油香氣，雜菇一樣好香。明太子玉子燒係我既最愛，明太子分量適中，如果唔係味道好鹹，入面仲有葱花。天氣咁凍緊係要叫火鍋，八海山有三款較出名既火鍋，分別係壽喜燒、牛腸鍋同生蠔麵鼓鍋，我最後揀咗壽喜燒，和牛份量好多，而且索曬壽喜燒汁味道好正，生雞蛋漿亦係壽容燒必有既材料。所有食物真心唔錯，以後gathering再嚟八海山👍🏻…Read More

今日朋友帶我食地中海菜，原來係油麻地既EL Portal，之前已經食過一次午餐，印象都唔錯，今次試下晚餐🤩希臘餃子同港式煎餃子味道同口感有少少相似，外皮同樣香脆，不過希臘餃子入面係羊奶芝士同菠菜，味道比較濃烈。蒜香蛋黃醬配炸魷魚送酒一流，食落香脆惹味，完全停唔到口。西班牙海鮮飯係今日既主角，鹹味十足，好似落左沙灘游水咁。飯粒有少少煙韌。海鮮有大蝦、魷魚、青口同大蜆，食完真係非常滿足🥰甜品方面叫左西班牙經典甜品Churro，外脆內軟既Churro配上朱古力醬同花生令人回味無窮。餐廳非常適合多人聚餐，希望下次更多人一齊食地中海菜，餐廳仲可以唱K！…Read More

餃子可謂平民恩物，價錢唔貴而且好飽肚，不過餃子都可以變得奢華，就係餃掂既龍鳳松茸雙煎餃。龍鳳松茸雙煎餃煎得好脆口，肉汁豐富。黑松露同白松露各有特色，前者味道更濃，後者比較輕盈。日本龍鳳蛋味道好甜，每隻蛋上面都加左少少松露醬，松露醬無完全蓋過蛋味，仍然食到蛋香！蜜餞雞翼好大件，味道甜甜地而且外皮好脆。另外仲叫左重慶鮮肉雲吞，味道唔算太香辣，同埋外皮有少少硬，個人有少少失望🥲除左餃子之外，其他食物包括龍鳳蛋同雞翼都幾好味，值得Encore！…Read More

呢日Happy Friday約左朋友去tst食飯 平時行街生日都見到呢間餐廳好chill咁 仲要好多人排隊今日就一於去試吓😏餐廳嘅環境都幾大 而且位置闊落 牆上邊亦都有好多唔同嘅畫 增添一啲文藝氣息🙈因為我同個friend都比較大食 所以今次就決定叫咗兩個Pizza試晒兩隻口味！•Meat Lover·-呢個Pizza嘅toping佈滿左巴馬火腿同埋芝士 火腿嘅肉質鮮嫩 而且巴馬火腿因為較rare 所以食落口感有多種層次！•Diavola•-呢款係莎樂美辣肉腸為主嘅pizza 微辣嘅口感刺激味蕾 少少咸多多脆 而且加上鬆軟嘅批底令人食過返尋味🙈•意大利海鮮燉飯🍛•-呢款燉飯真係值得一推！本身食意大利頓飯好怕啲咪唔熟 但呢度好難數標準口感之餘仲好入味 海鮮亦都好新鮮👍🏻•抹茶latte🍵•-食咁飽點可以唔飲返啲野啊🙈呢杯latte嘅抹茶味好重 又唔會剩係得死甜👍🏻整體來講呢度嘅氣氛非常好 啱晒一大班人嚟嗌幾個Pizza一齊share🤣…Read More

繼Lucullus之後又有多一間甜品店進駐康城，就係Cafe Crepe！康城分店係限定pop-up store，所以冇堂食座位，全部都係外賣。可麗餅有鹹味同甜味選擇，自己傾向甜食多啲！我地叫左肉桂烤啤梨配鹽味焦糖，薄餅充滿蛋香，口感煙韌軟熟。自己好鍾意肉桂，配上啤梨有一種清新嘅感覺。另外焦糖醬唔算太甜。以後返完工覺得太辛苦，我一定買cafe crepe慰勞下自己，希望pop-up store唔好咁快完結🙏🏻…Read More

好朋友從外國返嚟，我約咗佢食串燒飲啤酒暢談一番，最後揀咗位於尖沙咀嘅鴻啤啤串燒。- 一夜干馬友（$ 時價 ）肉質幾嫩滑，外皮香脆，配上秘製醬汁味道更正。- 秘製黃金香蒜茄子皇（$48/份）茄子好大條，配上大量香蒜令味道更加惹味！- 川辣肉碎焗爽滑豆腐（$58）下面豆腐炸得非常脆口，肉碎份量好多，一齊食好滋味😋- 秘製蒜蓉日本大元貝（$時價）元貝真係非常大粒，上面鋪滿蒜蓉粒，加上少少辣椒粒，味道非常豐富。- Stella （$38）Stella係我同朋友最鍾意嘅啤酒牌子，好好彩餐廳有Stella！整體而言，以上四款食物都好好味，最重要係同朋友係一個氣氛幾好嘅餐廳入面，而且無所不談。…Read More

原來香港有荷蘭菜既餐廳！其中一間係尖沙咀既The Dutch House Restaurant。裝潢充滿歐陸風格，而且所有擺設、牆身既畫作都關於荷蘭。今日我試左lunch set。荷蘭以海鮮聞名，lunch set 既菜式大多數同海鮮相關，令人非常期待😚小食有兩款－芝士丸同牛肉丸。牛肉丸既味道最令人意想不到，味道係平時紅酒牛尾，非常驚豔。前菜係橡木煙燻野生鰻魚，鰻魚煙燻過，所以有一陣特別香味。肉質方面爽口，魚油唔算多。沙律菜加左蜜糖芥茉醬好惹味！荷蘭傳統青口鍋入面勁多青口，脹卜卜仲好鮮甜，而且蔬菜湯亦好好飲，入面有芹菜、紅蘿葡等等。拖鞋包加左蒜蓉再焗非常香脆，再點埋落蔬菜湯認真一流👍🏻主菜可以三揀一，我揀左香煎荷蘭鱸魚。外皮好脆，有一定魚香，加上薯仔、翠肉瓜等配料，令人非常滿足。甜品有自家製蘋果批，即叫即焗所以等左十五分鐘。酥脆香甜既蘋果批配上雪糕非常出色。成個lunch set都充滿驚喜，令人非常滿足。…Read More