hungrila_foodie's Profile

🙋🏻‍♂️餓底探員去尖沙咀調查呢間泰國菜，餐廳走木系風格，泰國直送食材及私房製醬汁，以新派手法融合於西式菜餚入面，主打泰西fusion菜式，仲有私房泰式粉麵，創意手工甜品，特飲同雞尾酒，可以體驗到不一樣嘅泰式風情🍗泰鹹蛋黃金單骨雞翼 $78🙋🏻‍♂️表示單骨雞翼炸到金黃色，表面以鹹蛋黃醬包住，外脆內軟，雞肉嫩滑多汁，食落充滿住鹹蛋黃醬嘅鹹香，香口惹味🦀脆炸軟殼蟹米紙卷配牛油果醬 $128🙋🏻‍♂️表示香滑軟糯嘅米紙卷包住脆炸軟殼蟹，口感對比強烈，軟殼蟹炸得香脆，肉質鮮甜，配上香濃牛油果醬，增添清新氣息🍝冬蔭功濃汁虎蝦意大利麵 $148🙋🏻‍♂️表示以傳統泰式冬蔭功融合意大利麵，配上大蝦，青口，魷魚等海鮮，麵質彈牙，每啖都充滿濃郁冬蔭功汁，香辣惹味，將泰西料理完美結合🍜清萊咖喱豬頸肉金麵 $86🙋🏻‍♂️表示呢個金麵係泰北經典麵食，麵質爽彈充滿蛋香，配上香軟爽口嘅豬頸肉，咖喱湯頭辛香濃郁，帶有濃厚椰香，面頭放上脆炸嘅麵條增添口感🍋阿閒泰氮氣冷泡檸檬茶 $58🙋🏻‍♂️表示檸檬茶用港式茶底配上西式茶葉，以冷泡方式處理，配上鮮榨檸檬汁，冷泡茶注入氮氣形成泡沫，飲落香醇細滑，營造出啤酒般嘅口感，非常特別🍵阿閒泰奶綠 $48🙋🏻‍♂️表示綠茶同奶形色夢幻嘅漸層，飲落茶味甘香，底層有香甜嘅煉奶，配上經焦糖化嘅香蕉，增添甜蜜氣息📈吃貨指數😋好味度 9/10🔙返啅度 9/10…Read More

🙋🏻‍♂️餓底探員去咗尖沙咀調查呢間Omakase，餐廳選用新鮮食材，由日本直送，餐廳採用吧枱座位設計，配兩個獨立包廂，午市Omakase有多款套餐供應，價錢由$288起，性價比高🌅Omakase Dusk $588🥗前菜🙋🏻‍♂️表示前菜有沙律，茶碗蒸，味噌湯，沙律食落清新開胃，茶碗蒸口感嫩滑，加入香菇，板魚蛋及蟹柳等，層次豐富，味噌湯加入豆腐同昆布，味道清甜🐟刺身四品🐟真鯛配甜蝦他他🙋🏻‍♂️表示真鯛肉質細膩，配上甜蝦他他，味道鮮甜，點上柚子醋將真鯛鮮味更突出🧠白子🙋🏻‍♂️表示白子係魚嘅精巢，口感柔軟滑順，含豐富蛋白質，配上楓葉蘿蔔泥，香辣提鮮🦀毛蟹配海膽🙋🏻‍♂️表示毛蟹肉質鬆軟細嫩，味道鮮甜，海膽入口即化，味道甘香，用紫菜包起一齊食，增添口感🐟煙燻鰤魚🙋🏻‍♂️表示鰤魚肉質軟嫩富彈性，油脂豐富，經煙燻處理，增添一份煙燻香味，提升層次感🍣寿司六貫🐟深海池魚｜🍣富士山白三文魚｜🐚北海道帶子🙋🏻‍♂️表示食完刺身後會奉上壽司🐟池魚口感清爽，味道清甜充滿鮮味🍣白三文魚肉質爽滑細膩，鮮味細緻🐚帶子口感香軟嫩滑，味道清新鮮甜🐟地金目鯛｜🐟和歌山拖羅🙋🏻‍♂️表示地金目鯛過炙燒，表面焦香，肉質甘香細膩，拖羅肉質鮮甜肥美，魚油豐富脂香，入口即化🟠北海道海膽🙋🏻‍♂️表示選用北海道赤海膽，口感軟綿，入口即化，味道甘香，用紫菜包起，增添層次感，加入淡雪鹽有提鮮作用🍜烏冬🙋🏻‍♂️表示烏冬口感滑順柔軟，配上腐皮同昆布，味道清甜🍈甜品🙋🏻‍♂️表示最後奉上甜品，有香滑濃郁嘅開心果雪糕為呢個omakase作結📈吃貨指數😋好味度 9/10🔙返啅度 9/10…Read More

🙋🏻‍♂️餓底探員去咗旺角調查呢間台式火鍋店，餐廳走木系風格，環境闊落，由台灣師傅主理，主打台灣特色湯鍋及地道食材，供應多款吃到飽套餐，凡惠顧日本黑毛和牛A4+ 套餐，即送江蘇太湖大閘蟹，期間限定至2/12，要食就快喇🥩日本黑毛和牛A4+吃到飽 $458🙋🏻‍♂️表示套餐可以任食A4+和牛，伊比利亞黑毛豬梅肉，多款口味鮑魚，每位仲贈送海鮮拼盤，澳洲M9和牛牛丸同江蘇太湖大閘蟹一隻🍽️懷舊系列🦐蝦蝦霸霸脆多士｜🍐日本和牛橘梨伴豆腐👵🏻阿嬤豆乾魚蓉麵🙋🏻‍♂️表示將多款懷舊小食經典重現，帶來復刻體驗🦐蝦多士口感香脆，蝦肉鮮甜彈牙🍐香滑豆腐配上香嫩和牛同清甜橘梨，層次豐富👵🏻選用本地老字號永樂粉麵廠嘅素魚茸麵，麵質爽彈，配上鹹香豆乾同秘製蔥油，香氣撲鼻🍲鴛鴦鍋 +$50🦑聰明魷魚沙茶鍋｜👵🏻阿嬤養生濃湯鍋🙋🏻‍♂️表示兩款湯鍋一濃一鮮，令食材更入味更提鮮🦑沙茶醬配上芝麻醬為基底，味道超濃郁，配上魷魚同蜆肉增添鮮味，仲加入脂香嘅五花肉，木魚花同韭菜，令湯鍋層次感更豐富👵🏻以大骨原湯作基底，配以大量新鮮蔬菜，加入多種養生藥膳烹煮成，湯頭集鮮，濃，香，味道清甜，充滿回甘氣息🦀大閘蟹🙋🏻‍♂️表示套餐每位送江蘇太湖大閘蟹一隻，蟹膏非常澎湃，呈金黃色，味道甘甜鮮味🦐海鮮拼盤🙋🏻‍♂️表示海鮮拼盤有鮑魚，扇貝，蠔同魷魚多款時令海鮮，鮑魚爽口煙韌，扇貝鮮甜，蠔肉肥美，鮮魚彈牙🍡澳洲M9和牛牛丸🙋🏻‍♂️表示和牛牛丸口感爽彈，肉汁豐沛，味道鮮香濃郁🥩日本黑毛和牛A4+🙋🏻‍♂️表示選用日本產黑毛和牛，級別達A4+，油花非常豐富，肉質香軟入口即溶，充滿香濃牛味🦪鮑魚⚪️美乃滋鮑魚酥｜🟠柚子燒汁鮑魚｜🔴古法醉鮑魚🙋🏻‍♂️表示鮑魚有3款口味，各具特色⚪️口感酥脆，配上香滑美乃滋🟠口感酥脆，食落有清甜柚子味🔴口感香軟，充滿醇厚酒香🥭芒檸蜜西米爽🍋港式檸檬茶18+ $58🙋🏻‍♂️表示西米爽以檸蜜同芒果調配成，味道香甜又有粒粒西米，口感豐富，檸茶味道甘香夠地道，加入伏特加增添濃烈辛香，配搭特別📈吃貨指數😋好味度 9/10🔙返啅度 9/10…Read More

🙋🏻‍♂️餓底探員去咗大角咀調查呢間泰國菜，餐廳裝修以湖水綠為主調，配籐器傢俬，充滿度假風，夠晒chill，主打依善菜，餐廳連續三年榮獲米芝蓮必比登推介，口碑載譽，呢度仲有芒果糯米飯蛋糕，想慶生又食到米芝蓮級泰國菜，就要嚟呢度喇🍗沙嗲雞串 $88🙋🏻‍♂️表示雞肉串燒超大串，肉質嫩滑，配上香濃沙嗲汁，香口惹味🐖依善辣豬肉碎生菜包 $118🙋🏻‍♂️表示香軟爽口豬肉碎配上洋蔥，乾蔥等配料，加入香辣香料，以爽脆生菜包起嚟食，增添清新息氣🥩瑪莎文咖哩牛肋條 $158🙋🏻‍♂️表示牛肋條肉質軟嫩，牛味濃郁，以香辣咖哩汁煮成，充滿正宗依善口味，配上香蔥蒜蓉包，點埋咖哩汁一齊食，味道超正🐤泰北金麵配燒雞 $128🙋🏻‍♂️表示金麵做成兩種食法，一煮一炸，用上全椰奶烹煮，充滿濃厚椰香，配上惹味燒雞，口感非常豐富，必食推介👍🏻🥭芒果糯米飯（生日版） $128🙋🏻‍♂️表示將芒果糯米飯砌成蛋糕形狀，斑蘭味糯米飯味道清新，口感軟糯，加上香甜芒果同香濃椰漿，再配上生日牌同蠟燭，啱晒用嚟慶生，超有氣氛🥥椰汁沙冰 $58🍋‍🟩泰式青檸茶 $38🙋🏻‍♂️表示沙冰以椰汁製成，口感綿密，充滿濃厚椰香，面頭放上烤椰子碎增添口感，泰式青檸茶以經典泰式茶底製成，味道香甜，味道清新📈吃貨指數😋好味度 9/10🔙返啅度 9/10…Read More

🙋🏻‍♂️餓底探員調查咗呢間討論度高嘅人氣小店，主打醉味小食，每日新鮮製造，全人手製作，無添加防腐劑，經慢火浸製，酒香濃郁，啱晒同朋友暢飲時佐酒，屋企食飯/做節加餸，或者好似餓底咁宵夜自私食都得🦆足料醉鴨舌 $178🙋🏻‍♂️表示鴨舌一樽有500g，包裝精美，打開蓋酒香撲鼻，入面放滿鴨舌，仲有桂圓同杞子等養生食材，夠晒足料，鴨舌香軟爽口，食落充滿濃郁酒香，超入味📈吃貨指數😋好味度 9/10🔙返啅度 9/10…Read More

🙋🏻‍♂️餓底探員去咗尖沙咀調查呢間日式放題，餐廳環境寬敞，有多款刺身，壽司卷物，一品料理，創作料理等，食物新鮮高質，全部無限量供應，最近仲新推出波士頓龍蝦，鱘魚子醬，油鹽焗大頭蝦等菜式，咁吸引又點可以錯過😍🍽️晚市放題 $398起/位🦞波士頓龍蝦🙋🏻‍♂️表示波士頓龍蝦肉質爽彈，有豐富嘅蝦膏同蝦籽，味道甘香鮮甜，超滿足🐟鱘魚子醬🙋🏻‍♂️表示鱘魚子醬每客以小圖罐奉上，每粒魚子都晶瑩飽滿，食落甘甜帶有鹹鮮，必食推介👍🏻🦐油鹽焗大頭蝦🙋🏻‍♂️表示大頭蝦選料新鮮，以油鹽焗製成，蝦頭爆膏，蝦肉充滿油鹽焗香氣，食落鮮甜鹹香，鮮味夠突出🦀避風塘炒蟹🙋🏻‍♂️表示採用新鮮奄仔蟹以避風塘煮法炒製，配上大量金黃炸蒜，蟹肉鮮甜香辣，食落香口惹味🐚蒜蓉粉絲蒸蟶子王🙋🏻‍♂️表示蟶子王超大隻，加入蒜蓉同粉絲蒸煮，肉質爽口，味道鮮甜，粉絲吸收咗蒜香食落香濃入味🦐刺身🙋🏻‍♂️表示刺身選擇多，有脂香肥美嘅金槍魚腩，爽口大隻嘅牡丹蝦，香軟嫩滑嘅帶子等，新鮮高質🍣壽司卷物🙋🏻‍♂️表示壽司卷物有超過廿款選擇，每款都夠晒精緻，必食海膽軍艦，選用新鮮嘅日本海膽，味道甘甜，入口即化🌟創作料理🙋🏻‍♂️表示呢款海膽拖羅黑松露帶子非常推介，一口結合四重滋味，甘香肥美香濃嫩滑，充滿層次感🦪蒸焗鐵板🙋🏻‍♂️表示有新推出嘅豉汁蒸白鱔，白鱔肉質細嫩，配上香濃豉汁，食落夠晒入味，鵝肝以鐵板香煎，外脆内軟，入口即化，配上香脆多士，果然係殿堂級👍🏻🔥串燒🙋🏻‍♂️表示呢個燒榴槤好特別，表面燒到焦香，肉質香軟細膩，味道甘香，餘韻悠長⚠️自助區設有多款前菜，小食，甜品同飲品，款式繁多，超豐富🥰📈吃貨指數😋好味度 9/10🔙返啅度 9/10…Read More

🙋🏻‍♂️餓底探員去咗中環調查呢間法國菜，餐廳裝修有格調，牆身壁畫盡顯藝術氣息，設有室外用餐區，恍如置身巴黎街頭，充滿法式情調，餐廳由曾任米芝蓮餐廳嘅法籍廚師主理，菜式融合新派元素，好適合拍拖/慶祝嚟用餐，氣氛一流👍🏻🍽️Sharing Menu $888/位🙋🏻‍♂️表示呢個sharing menu共有6道菜，全部菜式都係二人分享，食材高質加上米芝蓮級嘅體驗，性價比好高，餐前有外脆內軟嘅麵包配上香滑嘅cream cheese，為sharing menu揭開序幕🍽️Sharing Entree🐟Seriole🙋🏻‍♂️表示油甘魚刺身以柑橘醃製，魚肉甘香細膩，食落有酸甜柑橘果香，配上香草油，非常開胃🐟Caviar🙋🏻‍♂️表示意式冷麵以天使麵製成，麵質幼滑有嚼勁，面頭放上魚子醬，增添奢華感，鮮味滿滿，配上昆布同松露製成嘅醬汁，味道清香鮮甜，層次豐富🐖Saucisson Lyonnais🙋🏻‍♂️表示法式香腸以豬肉製成，經風乾熟成處理，香腸肉質香軟多汁，肉味濃郁帶辛香，配上有薯仔天花板之稱嘅法國手指薯，口感幼滑帶堅果香氣同清甜嘅椰菜花等配菜🍽️Middle Course🦞Vol Au Vent «LALA»🙋🏻‍♂️表示以甜麵包製成酥盒，口感酥脆香口，酥盒上放滿藍龍蝦，肉質爽彈鮮甜，配上黃酒醬汁，香醇嘅酒香提升龍蝦鮮味，加入香草增添清新氣息🍽️Sharing Mains🐤Poulet Jaune🙋🏻‍♂️表示呢個主菜係餐廳招牌菜式，法式黃油雞外皮烤至黃金色，口感香脆，肉質鮮嫩多汁，配上以日本越光米製成嘅油飯，飯粒分明有咬口，吸收咗雞汁嘅精華，食落充滿油香，非常推介👍🏻🍽️Desserts🧁Patisserie🙋🏻‍♂️表示有5款自家製嘅法式甜點可選，Saint-Honoré係經典法式酥點，餅底以酥皮製成，中間唧滿奶油，配上多個小泡芙，咬開有焦糖內餡，味道香濃甜蜜，Tropézienne以奶油軟麵包夾住香滑奶油，食落口感鬆軟，帶有花香氣息🫐Berry Good Beets $98🍹Designated Diver $98🙋🏻‍♂️表示仲叫咗兩杯無酒精飲品，顏色鮮艷，Berry Good Beets以雜莓配上紅菜頭調配成，飲落充滿酸甜雜莓果香，Designated Diver以菠蘿，椰子等調配成，味道清新鮮甜，充滿熱帶風情📈吃貨指數😋好味度 9/10🔙返啅度 9/10…Read More

🙋🏻‍♂️餓底探員去尖沙咀調查呢間自助餐，餐廳係全港首間韓國自助餐，上個月正式開業，地方寬敞闊落，由韓籍廚師主理，食材由韓國直送，堅持韓式傳統工藝，供應150+款韓式食品，好似醬油蟹，紅蟹，壽司，飯卷，烤肉，魚糕串等韓食，口味正宗，充滿地道風味🍽️90分鐘自助餐 $328/位🙋🏻‍♂️表示自助餐於晚市及周末時段更設有90/120分鐘任食時間選擇🦀醬油蟹｜紅蟹🙋🏻‍♂️表示店員會響鐘示意自助區有韓國直送醬油蟹同紅蟹，現場即拆，醬油蟹肉質嫩滑，食落鹹香味鮮，蟹蓋配上紫菜飯，同蟹膏撈勻一齊食，味道鮮甜甘香，紅蟹多汁鮮甜夠大隻，蟹蓋入面有好多膏，味道濃郁甘甜，兩款都係必食推介🦐海鮮刺身🙋🏻‍♂️表示有不同種類刺身同醬漬海鮮供應，餓底特別鍾意醬漬海鮮，醬油蝦爽嫩鮮甜，醬鮑魚香軟Q彈，醬八爪魚爽口彈牙，全部都醃得鹹香入味🍣壽司｜🍙飯卷🙋🏻‍♂️表示有多款壽司飯卷供應，賣相精緻，壽司配料有醬蝦，韓牛，煙三文魚，鰻魚等，飯卷有傳統韓式飯卷，亦有配上烤牛，韓肉，海鮮等口味選擇，充滿韓式地道風味🥟韓式小食🙋🏻‍♂️表示多款韓國小食呢度都可以食到，魚糕串口感香軟，配上清甜湯頭，韓式餃子飽滿多汁，充滿鮮甜肉味，仲有韓式辣炒年糕同多款脆炸小食🍗韓式料理🙋🏻‍♂️表示有多款傳統韓國料理供應，好似香脆肉嫩嘅炸雞，嫩滑嘅韓式蛋卷，脂香有嚼勁嘅韓式豬手，彈牙惹味嘅韓式炒粉絲，香濃滋補嘅人蔘雞湯等，款式繁多🍨甜品🙋🏻‍♂️表示甜品都有多款種類，有甜甜圈，鬆餅，窩夫，馬卡龍，蛋糕等，推介提拉米蘇，口感香軟濃郁，仲有軟雪糕，Gelato同超大個雪條櫃裝滿韓國直送嘅雪條，識食當然要揀蜜瓜味啦📈吃貨指數😋好味度 9/10🔙返啅度 9/10…Read More

🙋🏻‍♂️餓底探員去咗中環調查呢間和牛割烹，餐廳喺日本被譽為「預約困難店」，係最難預約嘅餐廳次一，品牌曾連續兩年榮獲米芝蓮指南推介，海外首間分店選址中環，主打和牛割烹料理，嚴選鹿兒島，宫崎等地和牛，以牛肩脊，熟成西冷，牛舌等部位，精心打造出十二道和牛盛宴，店內設有九個座位同兩個包廂，可以喺席前觀賞主廚做料理，體驗絕佳，最近餐廳開放咗Lunch嘅預約，快啲訂位啦🥩和牛割烹 $1280/位 (另收加一服務費)🥩昆布漬和牛刺身🙋🏻‍♂️表示和牛刺身入口即化，配上甘香海膽，雙重鮮味🥩炭燒和牛伴秋茄子🙋🏻‍♂️表示和牛肉質鬆化，配上茄子，白蔥等配料，食落清新開胃👅藁燒和牛牛舌🙋🏻‍♂️表示藁燒源自高知縣傳統料理手法，加入稻草將牛舌炙燒，口感爽彈，煙燻味濃郁，配上山葵同柚子胡椒，食落更提鮮🥩和牛伴松茸葛切🙋🏻‍♂️表示以日本天然水，松茸煮成湯，配上香軟和牛同Q彈滑順嘅葛切，湯頭清甜，充滿鮮香氣息🥪吉列和牛菲力三文治🙋🏻‍♂️表示和牛三文治以吉列和牛菲力配上香脆多士同自家製他他醬製成，和牛肉質軟嫩多汁，外脆內嫩層次豐富，必食推介👍🏻🍣和牛里脊肉他他壽司🙋🏻‍♂️表示選用里脊肉製成和牛他他，加入醃黃蘿蔔握成壽司，食落口感綿密細膩，帶有酸甜香氣🍐奈良縣梨拌木綿豆腐🙋🏻‍♂️表示食咗咁多道和牛菜式，呢道菜以清甜爽口嘅奈良縣梨，搭配細滑嘅木綿豆腐同香軟嘅馬斯卡彭乳酪嚟做間場，有助平衡膩感🥩炭燒熟成和牛西冷🙋🏻‍♂️表示和牛西冷經兩個月風乾熟成，表面炭燒至焦香，肉質粉嫩柔軟，建議配上黑胡椒鹽漬一同享用，更能突出鮮味層次🍄‍🟫和牛里脊肉伴松茸壽喜燒🍚土鍋炊飯 漬物🙋🏻‍♂️表示和牛壽喜燒加入松茸烹煮，口感軟滑脂香，肉汁豐富，帶有松茸香氣，點上生蛋液增加風味，仲配上土鍋飯同漬物🍚和牛丼🙋🏻‍♂️表示丼飯面頭鋪滿爽嫩和牛同洋蔥，飯粒香軟帶有黏性，吸收咗和牛肉汁，食落香濃惹味🍨自家製Gelato🙋🏻‍♂️表示最後奉上自家製牛乳Gelato，口感香滑綿密，充滿濃郁奶香，配上清甜青提，為呢餐和牛盛宴完美作結📈吃貨指數😋好味度 9.5/10🔙返啅度 9.5/10…Read More

🙋🏻‍♂️餓底探員去咗中環調查呢間茶飲店，店舖主打以優格，全水果製作多款健康飲品，有果昔，蓋茶，水果茶，冰茶昔等，配以自家熬煮桂花冰糖，成份天然無添加，絕對係健康之選🍓草莓優格果昔 $40🙋🏻‍♂️表示杯邊塗上優格，配上草莓果昔，形成夢幻層次，果昔口感香滑綿密，飲落有甜蜜嘅草莓果香同乳酸香氣🫐超級雜莓水果茶 $30🙋🏻‍♂️表示桂花烏龍茶底配上雜莓調配成，茶味清新甘香，帶有濃厚雜莓氣息，飲落仲有打碎嘅果肉，口感豐富📈吃貨指數😋好味度 8.5/10🔙返啅度 8.5/10…Read More

🙋🏻‍♂️餓底探員去尖沙咀調查呢間雞蛋仔店，店舖主打雞蛋仔同夾餅，有多款特色口味選擇，現點現做，另有多款即炸小食，充滿地道港式風味🐖芝士豬柳蛋雞蛋仔 $42🙋🏻‍♂️表示雞蛋仔充滿濃郁蛋香，每粒都加入脂香多汁嘅豬柳同香濃嘅芝士，好似食緊豬柳蛋漢堡一樣，配搭創新好特別🍮法式焦糖燉蛋雞蛋仔 $50🙋🏻‍♂️表示雞蛋仔入面包住焦糖燉蛋，口感外脆內軟，食落有香甜嫩滑嘅焦糖燉蛋，雙重蛋香，層次豐富🍡花枝丸 $18🙋🏻‍♂️表示花枝丸炸到金黃色，每粒都脹卜卜超大粒，外層炸漿香脆軟糯，花枝丸口感彈牙飽滿🍗豬隊友炸雞髀 $36🙋🏻‍♂️表示雞髀選用上等雞肉，配以特製配方脆炸成，口感酥脆香口，雞肉嫩滑多汁，加咗椒鹽食落更加惹味📈吃貨指數😋好味度 9/10🔙返啅度 9/10…Read More

🙋🏻‍♂️餓底探員去咗旺角調查呢間椰子雞煲，餐廳始創廣州，於2013年開業，香港首店選址旺角，鄰近港鐵站，招牌椰子雞選用文昌雞入饌，配上泰國椰青，真材實料，性價比高，貫徹店鋪宗旨，以「靚雞煲靚湯，營養又健康」🐤原味椰子雞煲 $208🙋🏻‍♂️表示雞煲選用文昌雞配泰國椰青，店員將椰青原隻現開，將椰子水倒入鍋中，再放入雞肉烹煮，湯頭清甜充滿椰香，雞肉鮮甜嫩滑，食完雞煲仲可以加湯打邊爐🥩優選肥牛 $128🙋🏻‍♂️表示牛肉肉質肥美，油脂分怖均勻，口感鬆軟脂香，牛味香濃🦪鮮鮑魚 $29/隻(2隻起)🙋🏻‍♂️表示鮑魚新鮮，內臟已處理好並已甩殼，口感爽彈有嚼勁，味道鮮甜充滿鮮味🍡潮汕牛筋丸 $48🙋🏻‍♂️表示牛筋丸彈牙多汁，加入牛筋令口感更豐富，食落爽口又鮮香🌽牛奶水果玉米 $22🙋🏻‍♂️表示玉米呈乳白色，食落爽口粒粒爆汁，味道超香甜🥥香椰奶凍 $48🙋🏻‍♂️表示仲有多款廣式甜品供應，奶凍以原個椰青製成，面頭鋪滿香脆嘅烤椰子碎，奶凍Q彈香滑，充滿椰香同奶香，刮埋啲椰肉一齊食，口感更豐富📈吃貨指數😋好味度 9/10🔙返啅度 9/10…Read More

🙋🏻‍♂️餓底探員去咗啟德調查呢間西班牙菜，餐廳裝修以磚紅色配以木系桌椅，充滿西班牙風情，設有室內及戶外座位，戶外仲可觀賞到啟德城景，無論係用餐定飲杯嘢傾下偈，呢度超有氣氛🐖燒豬頸肉配京蔥絲蛋黃 $88🙋🏻‍♂️表示豬頸肉燒到焦香，肉質爽口香軟，配上京蔥絲同蛋黃醬汁，令豬頸肉層次更豐富，更加提鮮🦑炸魷魚圈 $98🙋🏻‍♂️表示魷魚圈炸到金黃，口感酥脆，肉質彈牙鮮甜，非常香口🥘油封鴨髀配鵝肝西班牙飯 $228🙋🏻‍♂️表示西班牙飯配上油封鴨髀同鵝肝，鴨髀肉質嫩滑多汁，鴨香濃郁，鵝肝口感細膩，飯粒分明，吸收咗鴨髀同鵝肝嘅香氣，食落非常惹味，配搭特搭，非常推介🍝北海道帶子蒜油辣椒扁意粉 $178🙋🏻‍♂️表示扁意粉配上香煎帶子，口感香軟煙韌，意粉彈牙有嚼勁，加入蒜油同辣椒，蒜香同辛香令意粉增添惹味氣息，味道超正🍹Ham & Melon Fizz $138🙋🏻‍♂️表示杯cocktail用浸泡威士忌，蜜瓜汁，蜂蜜梳打調配成，飲落充滿香甜氣息，配上酥脆嘅炸巴拿馬火腿同蜜瓜，非常特別☀️Refreshing Sunshine $68🙋🏻‍♂️表示杯梳打用蔓越莓同柚子調配成，形成好靚潮層，飲落清爽，味道香甜📈吃貨指數😋好味度 9/10🔙返啅度 9/10…Read More

🙋🏻‍♂️餓底探員去咗尖沙咀調查呢間火鍋放題，餐廳個火鍋放題套餐，2.5小時任食多款鮮活海鮮，仲有燉湯，雞煲，刺身，海鮮盤等多款食品奉送，食材高質，性價比好高，逢星期日至四晚上9點後入座，惠顧火鍋放題套餐更可享有85折優惠，咁吸引，快啲訂定位享用咁豐富嘅海鮮盛宴啦🍲火鍋放題 $398/位🍻任飲指定啤酒及各式飲品 +$20/位🙋🏻‍♂️表示套餐奉送燉湯，雞煲，海鮮盤等食品，like 社交平台仲送刺身拼盤，非常豐富🥣時令燉湯🙋🏻‍♂️表示燉湯用個壺裝住，自行倒入杯中飲用，極具儀式感，燉湯味道清甜，充滿鮮味🐤特色雞煲🙋🏻‍♂️表示雞煲有酸辣，麻辣，芝士同花膠雞4款口味可選，㨂咗花膠雞，雞煲有花膠，洋蔥，芹菜等配料，雞件肉質嫩滑，花膠爽口，吸引咗雞煲嘅精華，味道濃郁惹味🐟刺身拼盤🙋🏻‍♂️表示like 社交平台送刺身拼盤，有多款刺身，味道鮮味甘甜🐚北寄貝Q彈有嚼勁，味道鮮甜多汁🐚赤貝口感鮮嫩爽脆，充滿海水氣息🐟油甘魚軟滑細膩，魚油味道甘香🦐赤蝦彈牙，配上脂香嘅吞拿魚蓉，口感豐富🦞龍蝦海鮮盤🙋🏻‍♂️表示海鮮盤有多款鮮活海鮮，新鮮生猛🦞龍蝦口感爽彈，鮮甜多膏🦀奄仔蟹爆膏，甘香鬆軟🦪鮑魚口感香軟煙韌🦐虎蝦肉質彈牙，充滿鮮味🥩火鍋配料🙋🏻‍♂️表示有多款肉類，丸類，海鮮等火鍋配料任叫任食🥩安格斯牛肉口感柔軟，油花均勻🥩牛胸爽口感爽脆，食落脂香🥩新鮮滑牛肉肉質鬆軟，牛味濃郁🍡潮汕牛筋丸口感彈牙，味道香濃多汁🍡松露豬肉丸食落爆汁，味道鮮香濃郁🐚蟶子口感爽彈有嚼勁，味道鮮甜🦪珍珠蠔口感香軟嫩滑，鮮味濃厚🍉精美果盤🙋🏻‍♂️表示臨尾仲有果盤送，西瓜清甜多汁，哈密瓜香甜爽脆，火龍果香軟甜蜜📈吃貨指數😋好味度 9/10🔙返啅度 9/10…Read More

🙋🏻‍♂️餓底探員去咗沙田調查呢間日式放題，餐廳有多款壽司刺身，燒物，炸物，一品料理，自助吧更有冷盤，甜品同飲品，全部無限量供應，時限内任飲任食，最近仲有新品推出，快啲book定位去食啦🍽️晚市放題 $318🆕新品推介🙋🏻‍♂️表示有多款新品推出🥩見島特選和牛芝士燒，和牛肉質鬆軟，入口即化，配上芝士同芥末醬，食落香濃惹味🦐油鹽焗大頭蝦，口感爽彈夠新鮮，以油鹽焗製成，鹹香味令大頭蝦更提鮮，充滿濃郁風味🐟海膽拖羅蓉蟹籽杯，拖羅蓉口感細膩，配上甘香海膽同鮮甜蟹籽，鮮味層次豐富🦐刺身🙋🏻‍♂️表示有三文魚，大赤蝦，甜蝦，帶子，馬刀貝等多款新鮮刺身，赤蝦口感爽彈，帶子香軟嫩滑，馬刀貝清甜爽口，充滿甘甜鮮味🍣壽司🙋🏻‍♂️表示壽司有多款種類，手握壽司，火炙壽司，創作壽司等，三文魚腩壽司油脂豐富，入口即溶充滿脂香，雙重芝士醬燒大蝦口感爽滑彈牙，配上雙重芝士醬燒而成，味道香濃層次豐富🦐特色刺身料理🙋🏻‍♂️表示有泰式虎蝦，花雕醉鮑魚，魚籽醬煙三文龍蝦沙律多士等，匯聚多國特色，鮑魚以花雕浸泡，口感香軟煙韌，充滿醇厚酒香，龍蝦沙律多士食落香脆，配上鮮甜龍蝦沙律及香濃煙三文魚，非常有特色🍤炸物🙋🏻‍♂️表示有香脆嘅芝麻雞翼，外脆內嫩，仲有多款天婦羅供應，有炸蝦，皇帝蟹棒，溫室南瓜等，食落脆卜卜，非常香口🍖燒物🙋🏻‍♂️表示有香草羊鞍，肉質鬆軟，味道羶香濃郁，鹽燒雞軟骨串，食落口感爽脆，鹽燒牛舌厚切，口感香軟彈牙，充滿牛鮮味🥇一品料理🙋🏻‍♂️表示有厚切鵝肝多士，鵝肝外酥內軟，配上香脆多士，皇牌炸乳鴿肉質嫩滑多汁，薑蔥爆鱔球肉質柔軟細膩，以薑蔥爆炒增添惹味氣息📈吃貨指數😋好味度 9/10🔙返啅度 9/10…Read More