roylhc的個人專頁

尖沙咀區內好多印度菜。不過個 menus 完全睇唔明，有一d會有中文翻譯，但佢套餐果到就冇中文翻譯，好似開盲盒咁環境都舒服，平日午市黎，得幾個人。可能印度菜再印度素菜都唔係好多人首選。幾款咖哩我覺得都好似都類似，但生酸咸辣都有，個人覺得比較稀身。味道都ok，但未必係大眾香港人口味，當一個新體驗咁都唔錯。但邊樣野配邊樣其實都唔係好知。真咖哩角幾大舊入面都好多料。整體分量都夠。個甜點唔得，一大舊糖咁，食落口成口油，食左一淡就放棄。食素既人會係一個唔錯既體驗。但要走奶走五辛就可能未必岩。職員可用英文溝通。…查看更多

香港係一蘭第一個開設分店既城市，多年前食過銅鑼灣店，有一蘭日本特色，自修室咁既位，好似成個系統係日本係申請左專利，但尖沙咀店個座位係開放式，d 座位啊係幾好坐，個環境燈光好唔平均，我坐係角位，有一點點暗 。唔係自修室feel既一蘭好冇一蘭feel。Lunch hour都算滿場，但唔洗排隊等，本地人應該佔左5，6成。價錢方面都唔平，蛋呀紫菜呀每樣都要加＄，就連佢起源個賣點個赤醬都要加錢。重要加一，電子落單，落單時要電子支付，水自己出去斟，除左幫你拎個麵出黎都唔係好感受到有咩服務。麵分量唔多 ，肉都好薄，湯底豬骨咪有但個人覺得偏鹹，有d人可能會更加覺得個涉有油。如果要加料加量加一應該都要接近200，就真係唔抵食，又好多更好選擇。…查看更多

調景嶺都可以話係將軍澳區 食飯沙漠。區內手選擇極少。呢間鋪開左應該大概個幾月至二個月左右，都見有時要排隊，雖然鋪面座位都唔少。食物種類都ok，烤魚，米線，飯都有。椰子雞湯幾清甜，雞味就冇乜分量還可以，小食叫左個蒜泥白肉，$29 分量都ok，擺盤都幾靚，但個飯真係大敗筆，預製加熱飯，唔夠乾身，濕濕腍腍唔好食……雖然有d人食湯飯會倒個飯落去湯到，但直接畀個濕既飯好差。唔洗排隊都可以再食，雖然個預製飯唔係幾好食。…查看更多

藍田呢間日式餐廳鋪頭好大間，環境都好舒服。晚市做火鍋放題。午市lunch menu 都好多選擇。拉麵，定食，丼食，雪糕，炸野果d都有。價錢都唔算貴。平平地所以試下。叫左個拉麵試下，出哂事🙈。竟然配半隻全熟蛋，薄叉燒有少少乾。湯底同拉麵底都正正常常，炸物味道都ok，但略嫌唔夠熱，不過估計都係來貨野炸返熱。一分錢一分貨，如果去呢間係想食拉麵都係去返拉麵鋪會好d。真係好少見拉麵配熟蛋重要切開😂，港式常餐咁，少少破壞拉麵個feel。雖然佢都可以另外加錢要半熟蛋。…查看更多

雞白湯呢個theme 好似都愈來愈多鋪頭做，坑口呢間拉麵鋪裝修同餐牌設計都好有特色。叫左真熬雞白湯，諗住可以試哂佢三種肉，鴨肉嫩滑但個size比想像中細塊，豬肉普通，有少少乾，慢煮雞肉反而重好過個豬，唔及鴨嫩但唔會好乾。湯底唔會比其他同類鋪間差，雞味都幾濃厚，雖然少少偏咸。流心蛋整得ok 。麵底都特別，可以揀普通拉麵、蕎麥拉麵、永樂拉麵。揀左蕎麥麵。配料分量一般，唔算多，但如果要加蔥果d，$3 都唔算貴。…查看更多

坐底左等左>35 分鐘都未煮，好在佢都願意還返錢。但真係白等，當時大慨8個人到等緊餐，另外有4 個食緊，如人手不足，無法應付客量，應該入座時先提醒，平日lunch hour 有幾多人可以坐係到慢慢等。…查看更多

之前見佢lunch set 好似幾抵所以試下(HK$98 +1)。平日lunch 食，人流量唔多，幾舒服。鍋底幾香辣，個辣味幾勁，不過食set 的話個鍋就好細個。咁細個鍋都做鴛鴦鍋，都幾得意。雖然lunch set 選擇既野食唔多，但預設跟餐既野食類別都唔少，重有海鮮。Set個牛肉份量唔多，但質素都ok，肉質鮮嫩。大食既人可能要再散叫多少少野先陪。比起其他餐廳既lunch 定量火鍋set，呢間有一樣幾唔同既係麵食選擇佢可以揀魚麵。…查看更多

牛骨湯麵$68，個好湯底個牛味香但唔算好濃，麵條都算煙韌。肉份量都ok。泡菜餃子$28 得2粒，皮身厚，可能蒸住太耐有少少乾， 佢上菜果時已經見到個餃子皮穿左，味道好麻麻，冇咩泡菜味。同中式餃子比較，中式餃子好食d。部份店員韓國人黎，佢地都會講一兩句廣東話 多謝果d。但有d驚訝果個係包韓式餃子果個係印度姨姨。鋪頭d位真係好逼，想拎水或者配菜都要左右位讓一讓先得。同埋空間唔夠，客人又坐得逼，佢地清潔都唔方便。冷氣通風好差，食到成身汗，雖然佢台面有d細風扇 但唔夠全面畀唔同位置既客人。個用餐過程係可以用辛苦形容。環境好ｄ既話會考慮到食。…查看更多

感受店主對動畫動漫好有愛，食飯既同時可以參觀一下店主的收藏，日漫、 Disney ,etc食物選擇雖然唔係好多，西式為主，但飯、意粉、漢堡都有。佢所有野都無五辛、無蛋奶。店員姨姨有禮貌，笑容親切，會介紹一下佢地既菜式。炸薯條就普通薯條咁，但個蜜糖芥茉醬幾清新。沙津好大碟。喇沙意粉個色好唔似一般喇沙，但一樣有少少香辣同椰香味。有一d人想食素者又唔太鐘意食加工既素肉，可以考慮下呢間， 佢有幾款菜式都係以菌類為主。平日晚上去，人唔算多，唔洗等好耐就有位，可能都算係深水埗區，佢野食價錢同區內比較算高。…查看更多

一間傳統中式糖水鋪，價錢經濟實惠。個價錢可能重平過一d專做外賣既鋪頭。以中式為主，冇冰，冇雪糕果d。叫左2個野，甘筍桂圓燉雪梨(HK$ 28) ，好家常既糖水，清甜潤一潤。止咳一流。薑汁湯丸(HK$ 25) ，有6,7粒，好重薑味，天氣凍果時食一流，驅寒暖胃。但得一種口味既湯丸。地點就唔係好近地鐵或巴士，要行一陣，不過唔係好遠。鋪頭唔係好大，座位有限，但都有室外位，岩食煙既人。裝修有一種懷舊既感覺。係附近食開飯既值得一去食下。…查看更多

Sharetea新開甜品鋪。好surprise會係康城做試點，雖然康城又真係冇糖水鋪。鋪面唔算好大，但門面打通望到入入面，令空間感增添不少。有一些限定的野好似甜蜜三重奏， 香芋豆豆布丁綜合冰咁。叫左兩款野試，不過都係凍野。芋芋焦糖豆豆布丁 $38，香芋豆豆布丁綜合冰 $45。價錢又唔係好貴，可惜食物麻麻。古早味綜合冰咁用黑糖水做底。芋沱好結實，好腍的。Overall普普通通。各樣配料好似芋圓果d都正正常常。焦糖一塊野好硬而且獨立左出黎，用匙都好難將佢分開，豆豆布丁又唔係豆腐花又唔係布丁，感覺係沖劑豆腐花咁。係Sharetea 都係叫返飲品好d。…查看更多

台有點細， 唔係好岩３—４人坐，同２人台差唔多大。上菜速度算快。主食份量好少，３個人叫左蝦球炒金邊粉同咖喱麵，金邊粉不過不失，咖喱麵可以多多ｄ咖喱會好ｄ，同叫左個小食肉碎生菜包，肉碎香口唔錯，但生菜個分量都好少。牛油果沙冰唔錯，好清租甜好fresh，但佢設計上係想唔想人地去食個牛油果?又冇畀隻碟/碗放起佢，又冇畀刀。如果唔食，d人影完相之後都幾阻住影響去飲杯野。因為主要想試佢個冰所以冇叫好多野，見個冰分量都好似唔少，主食份量比想像中少，叫多左個火車頭炒飯，個炒飯冇咩味，之前剩左ｄ肉碎撈落炒飯到就岩岩好。芒果部分唔錯，芒果甜度合當，賣相都好吸引，乳方塊冰入面有芒果肉，好有特色，但入面個糯米飯超硬，一大舊野痴埋一齊，要好用力先分得開，佢唔好加落去好過。行過去普通食既話算ｏｋ，但特登去食既話係會覺得失望。…查看更多

發覺佢出左lunch定食set 60mins(唔知幾時開始)，印象中以前係得lunch 減$40，唔係特別平好多，lunch又冇咁長時間食。平日lunch hour唔算多人，唔洗等位。不過定食ｄ肉就真係麻麻，但自助火鍋區的食物選擇多。驚喜位有任食日本蛋，唔洗另外加錢。沙律吧同自助火鍋區d菜都好新鮮，唔會發黃或者暗啞。甜品有糕點、棉花糖機（雖然唔見有人，但應該好岩小朋友）、雪糕（配料有d唔常見野 eg有無花果乾，都幾特別）。芒果紫米飯個芒果ok但飯太硬。熱食有章魚小丸子、燒賣魚旦、煮牛肉（同佢定食個牛差唔多）、碗仔翅都有（但比較淡味）。Overall，都ok如果想食好少少既肉要叫返好少少ge放題Set。…查看更多

譚仔火鍋，一個人係食唔哂的，二個人唔太大食，就岩岩好。menu 上可選擇的食物種類都好多。三款湯底都有唔同既預設食材。基本上同就咁叫米線既味道冇分別，食材都煮過，就真係唔係好稱得上火鍋，上菜果時都幫你放哂ｄ野落去，同埋個鍋放左食材之後都冇咩空間放米線，overall都係將d食材加熱返咁。當２個米線＋野飲+小食咁，計返條數性價比都高。不過米線量就一定 散叫一碗既分量會比較多d。鐘意每樣食少少慢慢食，咁個火keep住溫度，係值得去試下。但唔係間間分店都有賣 。…查看更多

Pizza hut 沙律吧，堂食加$48（晚市先有）食材種類唔係話好多，但選擇都唔少，沙律菜、車厘茄、粟米粒、菠蘿肉、桃肉、啫喱糖。雞肉開始以為會好乾好柴，但食落都ok ，雖然算唔上好幼嫩。煙肉碎就好乾。麵包粒都好香脆，但好似唔係好好放。沙律菜剪細左，難d放碗邊擴大面積。個底要夠穩固，先慢慢疊上去，中間要加d沙律醬可以加強食物間黏附令個沙律更結實。又可以砌積木咁玩下又可以食，幾值得加去食。不過就好似唔覺職員會refill 入面d野，order前最好睇一睇有冇想食既野先。…查看更多