cherylchiuu's Profile

話說喺IG上面見到有個Foodie嘅介紹特登嚟呢度試咗佢個放題點知係大伏嘅開始我哋本身約6:30嘅時段等咗10幾分鐘都未有任何餐牌俾我哋去到坐低直至6點9都未有嘢食我哋就問佢其實係咪會有餐牌我哋需要叫？始終都係一間放題佢就話唔係食物係由佢哋決定咁係唔係叫放題？？？亦都見到6點9嘅人到咗坐低七點開始大家都未有任何嘢可以食佢就叫我哋去出邊嘅放題區度拎嘢食佢仲好溫馨提示我哋坐到8點就要交枱而出邊嘅放題區就只有枝豆同埋饅頭同時間佢叫我哋去出邊飲品雪櫃度拎嘢飲飲住嘢先我哋就拎咗asahi啤酒坐低等咗半個鐘7點鐘終於上咗蟹同埋一個蛋撻份量嘅清酒蜆中途亦都上咗3轉蟹夾埋每人食咗3隻然後7:30上咗翠玉瓜再過多半個鐘頭終於有兩隻蝦上枱途中發現身邊所有圍住每一台都喺度鬧緊個侍應因為大家都等咗半個鐘頭都只係得兩隻蟹食然後佢再邀請我哋過去雪櫃嗰度攞嘢飲放題然後我哋再去飲多咗一支啤酒過多咗半個鐘頭，佢竟然再上菜今次上菜嘅係兩個饅頭唔知你有冇留意我一開始post嗰張相呢兩個饅頭好明顯就係出邊夾淨嘅最後佢好寬宏大量咁樣將我哋張單由8:00交枱自己提出改到8:15交枱最後仲想多咗同我手指一樣長度嘅一條魚留意番係要兩個人share食我仲喺度諗緊會唔會人哋一早喺餐牌度寫定其實唔係放題？係廚師發辦？😀😀😀結果發現佢真係寫放題不過我成餐淨係食咗我圈住嗰啲嘢個饅頭仲要係冇炸過😀8:15我哋準時埋單結果埋單係$780原來佢係連最初介紹我哋去雪櫃度飲住嘢先雪櫃最低嘅每一支啤酒都係收錢我身為一個46kg嘅女仔完全食唔飽返到屋企仲要煮多咗個辛辣麵😀呢間嘢真係冇嘢好講完全唔關乎佢食物質素嘅問題係根本係一個大騙局Ps. 我以後唔會再信ig foodiePs. 呢篇嘢係我食住辛辣麵嘅時候打😀只係希望唔好有第二個人好似我咁傻俾佢呃咗祝福大家…Read More

幸災樂禍中今日突然食飯又諗返呢間餐廳因為我今日又食串燒因為我又諗返起佢話雞pat pat係臭又諗返佢連菠蘿都可以爛有睇開我食評真係好少俾負評希望佢唔好出嚟再禍害人間阿門…Read More

見咁多正評所以特登book咗枱嚟食見佢特別有個餐單係講雞不同部位於是就叫晒嚟點知就係可怕嘅開始首先叫咗雞尾同埋雞腎兩樣都係臭嘅我哋直程lur出嚟之後好好聲氣同店員講然後店員同我哋講返 話雞尾即係雞pat pat一定係臭？聽到我一頭霧水人生食過咁多雞pat pat都冇一個係臭好啦咁雞pat pat俾你勉強講得通咁雞腎呢？咁當然佢都衰唔晒幫我哋取消咗呢兩串但係惡夢都仲未完菠蘿係爛嘅😀墨魚咀完全冇味但係起碼擺入口唔會lur返出嚟甲羅燒係全晚最好食嘅餸原因因為佢送咗兩塊法包基本上呢餐都係因為麵包所以有嘢落肚多謝呢間餐廳帶俾我咁驚喜嘅一晚我諗最少10年冇食過啲咁難食嘅嘢…Read More

話說今日去開買花講咗幾日話好想食潮州菜即刻掹咗朋友一齊去！入到去即刻比餐牌上面嘅生醃蟹吸引住氹咗我朋友好耐，佢先肯同我食😂一嚟到其實真係好震撼咁耐以來，淨係食過韓國嘅醬油蟹擺入口，真係有一貫嘅潮州作風！好香嘅麻油蒜蓉味！仲要有少少辣度死火啦，會唔會搞到我以後唔食醬油蟹食完蟹之後，仲叫咗個魚露浸花甲呢個比起頭先嗰個清好多雖然係咁一入口就有花甲嘅鮮味個汁仲可以撈飯🥹真係同啱啱個蟹唔同感覺最後食潮州嘢，點可以唔叫滷水拼盤呀我哋叫咗鵝腸鵝肉，同埋鵝肝鵝肉好嫩滑 鵝腸都好夠爽！一定要推薦！…Read More

今日特登嚟到新蒲崗，約咗朋友仔一齊打個邊爐之前一直有食開陳儀興嘅打冷，今次朋友就特登約埋我哋試一試佢個火鍋餐廳啦！入到去諗唔到原來都好大吓喎！同兩個朋友一齊食我哋仲叫咗幾支啤酒慢慢坐！佢今日做特價$38有安格斯肥牛唔係唔叫呀嘛！食火鍋之前一定要叫個雞煲先啦！我哋叫咗中辣，辣度都好夠！俾大家睇吓肥牛真係有質素㗎！同朋友兩個人仲叫咗少少菜同埋牛柳粒！我自己就覺得雞煲個湯底打邊爐再加粉絲真係絕配！冇諗過除咗打冷之外佢嘅雞煲都做得咁出色！…Read More

同朋友講咗好多日要食燒肉，今次就特登去咗旺角呢間燒肉店試吓未見燒肉之前梗係要叫咗韓國必食嘅海鮮燒餅先啦！入面真係有粒粒魷魚㗎仲有豆腐湯等咗咁耐燒肉終於上場啦！五花腩好肥美！包住蒜頭同豆瓣醬簡直係絕配！身為食肉獸嘅我淨係食五花腩點夠啊！仲叫咗羊架添！羊架肥瘦適中食得韓燒好多人都鍾意食配菜多個主菜！而我就係其中一個！最鍾意食嘅當然係佢側邊嘅玉子呀！呢間餐廳除咗普通玉子之外仲加入左泡菜食完肉加埋海鮮就係完美嘅結束啦！我哋分別叫咗同元貝同鱈魚，海鮮都幾新鮮喎今餐真係好滿足！我哋仲叫多咗兩支真露坐低慢慢傾！…Read More

相信大家都有聽過龍華乳鴿，今日諗住去隆華食佢最出名嘅乳鴿嗰陣，竟然發現佢喺下面開咗一間燉湯嘅專門店！所以就決定買個燉湯返屋企試吓啦環境好好唔知仲以為去咗希臘啲屋仔，其實講真如果要結婚喺呢度做證婚都未嘗唔係一個好嘅選擇除咗燉湯之外其實佢仲有一啲花茶作為選擇，不過今次就淨係叫咗燉湯外賣姐先來叫咗一個消暑乳鴿湯，裏面有冬瓜薏米等等消暑去濕嘅材料，燉湯比起普通煲湯實在味道濃郁好多朋友就叫咗呢個桑椹薏米燉乳鴿，一打開蓋就聞到好濃嘅藥材味！店員介紹嘅時候同我哋講呢個湯係可以去濕潤肺！價錢唔算太貴味道都好濃郁，下次經過可以再encore！…Read More

同朋友喺旺角，佢話想食日本野，想OpenRice一揀就決定你呢一間”日本野”試試啦!環境好寬躺，同埋我哋都早左上嚟唔算好多人首先諗都唔諗，食日本嘢就梗係要叫個刺身拼盤先啦，刺身都幾新鮮，你見到三文魚同埋油甘魚都肥嘟嘟！之後叫咗個蟹子沙律卷，啲孩子直情多到林落嚟！啲壽司飯都壓得好實，質感唔錯！最後叫咗幾款壽司，分別有帶子壽司，甜蝦，赤貝同埋油甘魚，件件都反晒光咁充滿油份！埋單每人食咗二百幾蚊，呢個價錢來講都算性價比幾高…Read More

呢排嗰個人心情都唔會好㗎啦，唯有請自己食餐好，開心啲迎接困境啦！今日嚟咗頑固壽司試一試佢！地方唔算好大不過座位都好舒適，唔會迫迫夾夾，食日本嘢最緊要食得舒服見到個餐牌密麻麻都唔知食乜嘢好，樣樣都想試真係魚與熊掌！最後懶得諗都係直接叫個壽司拼盤八貫，朋友就叫咗個海鮮魚生丼！好耐未食日本野食得咁開心啦，都唔使我講你睇到張相就知道啲魚生係幾咁出色啦，粒粒都反晒光之餘仲勁高油份，真係未食先興奮！最想推介俾大家就係佢個鰻魚壽司同埋海膽壽司，鰻魚壽司個鰻魚勁鮮味，而海膽壽司係鮮甜嘅一啲苦澀味都冇！另外想提多一提就係，侍應好貼心咁同我地介紹左個玉子只係用咗好多唔同嘅材料製造，例如有淮山咁同外面嘅唔同，食落去有少少似海棉蛋糕都幾得意！朋友叫嘅呢個魚生丼都唔需要我講太多啦！都係果句一食落去就同我講話好新鮮喎費事讚得太多，你哋自己睇相啦！埋單先至$400多d，呢個質素想去邊度搵…Read More

過咗去觀塘搵朋友食飯，佢就喺觀塘返工嘅，同我講話工廠區開咗好多新式嘅餐廳，今日就一於去試試佢！未入到去呢間餐廳就已經聽到有夾band嘅聲！原來有人現場唱歌氣氛都唔錯！一坐低佢就俾咗份薄脆我哋！都幾有心思先來一盒黑松露野菌湯，勁濃嘅野菌味呀😍😍😍溫泉蛋菠菜大啡菇，擺盤靚之餘一次落去見到流心蛋流出嚟！呢度可以自選pasta，我哋就揀咗忌廉汁配鵝肝，鵝肝入口即溶好好味水牛城雞翼，味道香辣之餘又炸得夠趣最後叫多客紅棗桂圓茶潤一潤美滿一餐就完啦…Read More

泰好味禮拜五放工約左朋友去尖沙咀睇戲，開場前去左附近的泰濃麵醫肚。餐廳牆上有好多張泰國風景嘅油畫，好有特色。朋友叫左雞脾肉船麵轉飯，雞脾肉好嫩滑，個飯另外仲有好多配料包括泰式炸豬皮，魚蛋，蘿蔔等，炸豬皮脆卜卜，魚蛋好彈牙。湯底甜甜地好濃郁，唔會過鹹。我要左個頂級安格斯牛肉冬陰公薯粉，配料豐富：有蝦，青口，蟹棒同埋秀珍姑。牛肉軟稔又不失嚼勁，蝦實肉彈牙。薯粉煙韌有彈性，冬陰公個湯香濃惹味，夠曬開胃。泰式炸腩仔 - 啖啖肉，外層炸到脆脆哋好有咬口，但又唔會好油膩。泰式鳳爪 - 酸甜開胃，夠入味。炸雞翼 - 酥脆而唔油膩，雞肉嫩口多汁。…Read More

話說一直以來都好鍾意食打冷，而呢一間打冷菜館我亦都聽過好多次佢個名，今次一於就同兩個朋友過嚟試一試佢！見到門口咁典型嘅潮州識擺法就知道一定係一間好懷舊嘅潮州打冷菜館呀！首先諗都唔諗就叫咗一碟螄蚶，係我嘅最愛！因為女人食係最好最補血嘅，呢間葉得真係超級入味亦都落咗好多我最愛嘅蒜頭，我自己一個人都食咗大半碟配埋啤酒真係一絕！潮州春菜呢咪餸唔係到到都有得食，直情覺得有啲童年嘅味道啊又係我嘅最愛鵝肝，其實好多人都會鍾意喺西餐廳食鵝肝，但係我好想話俾你知，其實潮州菜館嘅鵝肝先係最好食！入口係可以即溶㗎最後就梗係唔少得滷水鵝拼盤啦！呢一餐簡直係完美啊，都未食完已經諗緊下次幾時要再嚟啦，叫咗咁多味餸埋單先至三百幾蚊…Read More

近來香港好似越嚟越流行開一啲立食餐廳，其實諗諗吓都幾適合香港人最緊要快嘅性格！去到諗都唔諗就叫咗個壽司嘅精選先！其實都唔使我多講你睇到頭都知道幾咁新鮮啦！特別係隻蝦同埋海膽，喺香港食海膽其實真係好危險因為好多時候都係苦嘅，呢度做得好好係真係會食到日本嗰種鮮甜！再加上師傅真係好細心，食之前話定俾我聽邊一款壽司需要點豉油邊一款唔需要❤️另外仲叫咗個刺身精選，個赤貝真係究極無敵鮮甜，好似講得好誇張咁但係香港真係好難比呢個價錢食到呢個質素！另外兩味分別係赤蝦同埋中吞拿魚，味道都好新鮮最後係一味海膽手卷，呢度嘅包法好特別，佢係圓卷形嘅包法，優點係每一啖都可以食到有海膽，唔會好似平時咁樣食一啖下面就冇晒！好新鮮好鮮甜！可能有好多人唔係好習慣要請喺度食飯啦，但係買單嘅時候你就會發現呢個價錢其實真係好抵，嗰一刻係完全唔記得咗原來我係企喺度食緊野！已經諗定下次要幾時嚟囉！…Read More

其實自從新世紀翻新之後都好似未嚟過！既然黎開去戲院睇戲，咁就梗係喺呢度搵吓有咩好嘢食啦！今次就揀咗食泰國菜！見呢間餐廳環境幾好可以兩個人傾吓計就入嚟試吓！食得泰國菜梗係要叫返個生菜包啦！你間餐廳好細心咁將生菜包分成四份，切左生菜比較冇咁新鮮嘅邊位，靚靚哋一啖一份好啱女仔叫！味道方面夠辣得來又好味！小食拼盤呢度嘅小食拼盤都幾特別，有好多款式都係出邊未食過嘅，最值得讚嘅就係蝦餅同埋炸魚餅，食到魚碎同埋鮮蝦粒最後仲叫多咗個蝦醬炒飯！睇個色就知道入晒味得來又乾身啦！好味！…Read More

呢排開始轉凍，就約咗朋友一齊去打邊爐，我哋就上網睇到依度嘅打邊爐好似幾多款式，就決定嚟呢度。一入到黎，侍應就同我地細心講解餐牌裏面嘅內容。最後我哋就揀咗一個蟲草花水鴨湯做湯底。野飲又可以按個人選擇同埋喜好，去比唔同價錢嘅飲品，真係啱晒我。蟲草花水鴨湯：依個湯底，真係10年難得一見，佢係一個老火湯，我飲左一啖之後，直情想叫佢俾個白飯我撈飯，湯底濃郁之餘仲有佢嘅水鴨鴨髀啖啖肉，食完之後令人回味無窮。直頭係好似返到屋企飲老火湯嘅感覺，建議先飲兩碗再打邊爐，唔好浪費個湯底。海鮮拼盤：鮑魚、花蟹、大蝦、生蠔、大蜆、大、海魚魚片。海鮮新鮮又鮮甜，食落啖啖肉，10個like 😋任選八款：手切風門柳牛肉X2:好有牛肉味，有咬口，實肉，值得推介頂級安格斯小牛排X2:入口即溶，脂肪分佈平均，值得推介西班牙羊肩肉X1:唔會太穌，啱晒用嚟打邊爐特級美國肥牛X1:入口即溶，食落比睇落更好食滋補花膠仔:打邊爐嘅花膠你講，佢已經十分之真材實料，仲係花膠筒…Read More