KwunLing's Profile

是日探店，又讓我找到一家食物不錯坐得舒服又不趕客的聚會場所😋位置就坐落於中環蘭桂坊，正適合上班一族下班消遣。沿着蘭桂坊知名的打卡斜坡上去，在右手邊的橫街小巷拐，頓時好像穿越到另一空間般，燈光酒色，紅綠相映，令人目眩神搖。雖然霓虹燈館大大的字寫著芝加哥，但門口擺放的經典牌坊仍提示你人仍身在『老蘭』。一坐下當然是先來一杯啤酒，一解忙活一天的辛疲。冰涼充滿泡沫的啤酒滑下喉嚨，頓時舒解當刻的鬱悶。餐廳的酒水選擇繁多，除了啤酒，wine、sake、gin、whiskey應有盡有，不會喝酒的也有mocktail可選擇。食物種類也多不勝數，雞豬牛羊魚鱔蝦貝甚至連乳豬烤全羊也能點，價錢也相當相廉。我們點了燒娃娃菜、燒蜜糖叉燒、午餐肉串、芝士和牛、炸白鱔骨、半打廣島蠔、芝士年糕、乳豬、烤豬大腸、明太子多士、紫菜年糕、燒魚肉燒賣、燒東星斑柳、白松露薯條、荔枝牛肉串。值得一讚的是，這類的串燒調味不會過濃，越吃越渴。雖然價錢便宜，基本都是$20到$40一串，但用料絕不吝嗇，每一串都塞的滿滿當當。厚切午餐肉食肉獸至愛😍😍加了孜然粉，將肉膩相對減低，厚切的刀工，每一口都是滿足感。芝士和牛也是印象深刻的一款，芝士充滿奶香，和牛嫩澤飽滿，兩者都是口感濃厚的食材，但入口居然完全沒有油膩的感覺，反倒突顯出牛肉的咸、鮮、香。脆炸白鱔骨是比較少脆的菜式，香脆可口，像炸魚皮卻有更有口感。生蠔雖然形狀大小稍為失色，但非常飽滿多汁，絲毫不腥，海水味較淡，反而像是令和怪物像牛奶般的滑溜口感。想不到紅東星斑除了蒸煮還能燒製，經過高溫炸製，魚肉變得更緊實有彈性，反而有點像脆肉鯇的質感。燒乳豬比想像中薄切，但燒得很脆，油被高溫逼出後，乳豬變得香口而不膩。白松露薯條滿滿一大盤，是三五知己伴酒必叫的小食。薯條是港式老扒房的波浪薯條，外皮稍微脆身，內裡是綿綿的口感，旁邊伴上自製的沙拉醬、蕃茄醬和松露蜜糖，甜的鹹的酸的任君選擇😝😝我愛的還是甜口，加上松露蜜糖把味道更推上一層樓。總體來說，這裏的食物質素和價錢在中環的串燒店來說也是性價比很高的選擇。…Read More

一天辛勞過後，比起在嘈雜酒吧的歡樂時光，我更喜歡與三兩知己去居酒屋、在寧謐悠閒的環境下淺酌歡聚。店中的食客普遍都是女士和白領，比酒吧坐得舒適而不雜亂，難怪位置偏僻生意卻不錯。外觀雖單調，味道卻有驚喜。蕃茄新鮮爽甜，梅子的甜味全滲進果肉中，每一口都水潤爆汁，香甜中夾雜微酸，清新開胃。居酒屋常見的一道酒餚，濃烈的鹹鮮中帶點微辣，餐廳貼心地隨碟伴上青瓜片和白蘿蔔蓉，將鹹度降低，蘿蔔也能去除口中的餘韻去品嚐下一道料理。燒物全部即叫即燒，由全生開始燒製，絲毫不乾瘪，肉質濕潤飽滿，外皮金黃焦香。雞頸肉吃起來像雞腿肉般，嫩滑卻沒有脂肪的油膩，豐腴而彈牙讓人忍不住一口接一口，只用了少量的淮鹽和胡椒，鹹香鹹香的，卻沒有遮蓋食材的鮮味。講究地選用了雞胸骨尖三角部份，形狀大吃起來更實在，比平常的雞膝骱位脆身而多了點韌勁，軟骨上黏附著雞胸肉，一道菜同時吃到骨肉兩種口感，非常豐富。一般居酒屋的豚肉都配以荔枝，包裹九條蔥食法又大大不同。九條蔥比往常看到的蔥蔥味更濃，口感有點像韭菜，爽脆吸汁力強，一口爆汁，油香和蔥香相得益彰，令香味進一步昇華。與豚肉卷不同的地方在於包裹的食材改用了京蔥，辣香更突出帶勁。蜜甜蜜甜的豬頸肉質充滿彈性，芥末的一小點輟提升肉香之餘又解膩，推薦。柑桔大小的帆立貝，一口下去滿滿的幸福感。這個是餐廳的新品，改用了御好燒醬汁，是一道健康版的章魚燒。卷物很容易找得到，但好吃的卻不多。這裡的卷物米粒能吃出經過調和的米醋香，微微的酸味配上紫菜、香脆炸蝦和油潤的牛油果，鮮、香、酸、甜，四種味覺衝擊充斥在口腔內，久久不散。…Read More

今日嚟到龍亭一嚐皇親國戚嘅禮遇😎嚟返個皇帝宴啊唔該⋯⋯門口雖然低調，但無阻轉角呢埲金牆同玉綠色餐牌嘅耀眼，門上嘅小門鐘就好似打開異域嘅機關咁，為餐廳蒙上神秘嘅色彩。餐廳供廳日式鐵板燒，有a la carte同套餐選擇，最平嘅兩款套餐分別係$588同$788，後者多咗一道前菜同餐湯。兩款套餐都包含海鮮兩種以及肉類一種，今日嘅海鮮選擇有：扇貝、帶子、虎蝦、鮑魚、東升斑、白鱔；而肉類就有雞牛豬三款。點好菜後，負責嘅主廚會先亮出即將烹調嘅食材。沙律用煙三文魚包住新鮮嘅羅馬生菜，面頭用魚子醬點綴，淋上黑醋，配上伴碟嘅龍珠果同食，微鹹又帶點酸甜嘅味道相當開胃。朋友揀咗788嘅套餐，多咗白松露溫泉蛋呢道前菜，口感黏滑稠密，松露味道突出，完全食唔到任何蛋腥味，但可能朋友食唔慣生雞蛋所以覺得一般🫣鐵板燒嘅擺盤就好似OpenRice見到咁，每一碟都擺放到好似一幅畫咁精緻。扇貝用咗黑松露牛油煎香，濃烈嘅菌香令原本清淡嘅扇貝更香口美味；帶子嘅彈牙同翠玉瓜嘅爽脆拍出鮮明嘅口感對比，令本來單調嘅食材食起嚟層次更豐富。好少鐵板燒有供應白鱔😲兩者同樣做咗連魚皮煎香的烹調方法，皮煎得金黃薄脆，但口感完全不同！白鱔緊實彈牙，可能今日肉質偏瘦瘠，若然多點油脂就更佳🤤東星班結實中帶軟嫩，加上鹽同胡椒更香口惹味，伴碟嘅柚子醬油如同神來之筆，平衡鹹香同時提升咗魚嘅鮮味。期望已久嘅三成熟牛牛，生熟程度完全達到我嘅要求夠raw🥴 口感軟嫩，牛肉預先醃過，咬落去搣出嚟嘅肉汁帶點香甜，非常可口。雞扒皮薄肥瘦分明，雞皮煎成香脆，肉質厚嫩，配埋隔離嗰個帶點微辣嘅醬汁更惹味。另外加咗份鵝肝多士，同出面最大嘅分別係鵝肝多士加咗自家製嘅菠蘿醬，以及手打檸檬忌廉；酸甜均衡嘅調味，減輕咗鵝肝嘅油膩，食起嚟都唔會有太飽嘅感覺。用咗兩隻蘭王蛋炒成嘅足料炒飯，可惜唔係用牛油去炒，如果唔係相信會更香😝 飯粒帶少少濕潤感，食落唔熱氣，一入口淡淡都係炒蛋同伴隨而來嘅蛋香，三啖就清晒食碗🫣去到最尾當然要食埋甜品先夠圓滿，雪糕帶有好重嘅紫薯味，完全滿足到我呢個甜品胃🤭朋友揀嘅柚子雪葩清新爽甜，食完偏油嘅鐵板餐再食更加解膩。…Read More

岩盤牛扒在喺北角都開咗分店喇！記得第一次食係喺荃灣分店，搬到港島後都好耐無幫襯。氣溫驟降，正係時候食「咋咋聲」嘅鐵板牛扒，整個用餐過程都可以食到熱辣辣嘅食物。岩盤選用來自日本嘅牛肉，喺點餐處即叫即切即秤，感覺實在得多。餐廳採用先付後取方式，餐牌選擇豐儉由人，由$50-70肉丼，到因應肉類等級由$100多至幾百嘅鐵板牛肉都有，我地揀咗200g後腰三角肉同餐廳新出嘅富士山石板封門柳飯。等待過程中可以透過玻璃睇到烹煮過程，同時嗅到肉同油脂熏香。粉藍色米粒堆成富士山狀，極度吸睛，底下嘅飯粒俾鐵板灼成焦香，香脆口感混入牛肉特有嘅油香更加惹味可口；封門柳喺坊間餐廳較為少見，屬於牛橫膈膜下嘅肌肉，每隻牛得一條（大約兩塊牛扒大小），肉質緊實，油份少，肉味濃，特別適合中意啖啖肉嘅食肉獸。廚師因應牛肉部位貼心地預留較生嘅程度上碟，過熟容易疑肉質太韌影響口感。後腰三角肉正好相反，屬於牛前腰與後臀之間，由於較少運動所以脂肪量較豐富，油香重之餘又不失牛肉該有嘅韌勁。200g份量對於女士的胃嚟講已經足夠，所以無加配飯或沙律，鐵板牛扒餐會附上香甜粟米，將營養拉返均衡XD三角肉較為厚身，所以食起來感覺更實在飽滿，一口下去滿滿牛香釋出。另外$40加配了鵝肝，表面煎得香脆，肝身入口即融。可惜呢日金牛（芒果雪糕加忌廉）全部售罄，改配了黑牛，食住熱野飲返啖冰火嘅感覺特別過癮，同時起到解油膩效果，為呢餐飯寫上完美嘅句號。…Read More

荃灣一帶眾所周知聚合了各式各樣美食，不過大多是中港和東南亞菜式。朋友提議找一間有格調的西餐，終於在Openrice海選一輪後挑出了這間位於兆和街的意大利餐廳。可能是地方較偏離主要街道，又可能是我們晚市入座時間太早（晚上六點半）的緣故，剛到餐廳時只有一兩桌客人，正好給我們機會拍拍餐廳的環境。說是偏離，但其實就在眾安街街尾，地鐵站過來也只是一條天橋和幾十步的便捷距離。餐廳裝潢比較像美式工業風，餐廳座位只有十多桌，但座位之間有空間感，不會感覺到絲毫壓縮感。一進門就看見掛滿酒杯的水吧，旁邊有一輻堆滿即影即有的小牆，能看出這間餐廳也是不少情侶和知己好友聚餐慶祝的熱門地點。要是選擇困難的話餐廳也貼心地提供了定制套餐，可惜是日套餐沒有我們想試的威靈頓牛扒，於是我們決定單點菜式。衝著威靈頓牛柳而來，單點一份後我們再點了一份香煎帶子牛肝菌意粉，跟餐加上$55能加配餐湯及啡茶。點完菜就有熱烘烘的餐包上桌，味道口感都令人眼前一亮，鬆軟的質感伴隨著小麥的香氣，配上微咸的黑松露牛油，咸香加上牛油的厚滑令麵包更可口；三款餐包各有特色，朋友愛吃法包，剛出爐比麵包店買的軟得多，不是想像中的硬，外皮居然是酥到掉渣的程度；我反倒是欣賞夏巴塔那種外脆內濕潤鬆軟的口感。餐湯是羅宋湯，湯中加入了豐富的配料，有紅腰豆、蕃茄、洋蔥、牛肉末等，一呷就能品嚐到濃郁的肉香，加上黑胡椒更是勾勒出素葷兼備的味道層次。意粉吃起來很帶勁，略硬的嚼勁，更能起到出色的掛汁效果。入口滿滿的牛肝菌香，減輕了忌廉的膩感，卻與奶油的味道一碰即合，意粉更稠密順口；帶子很厚肉爽彈，煎得香香的，賣相口感亦有驚喜。終於等到了今天的主菜：黑松露威靈頓牛柳。圓圓的像個小球般，酥皮烤得略為焦香，質地薄而酥脆，牛柳是較接近筋肉的部分，喜歡帶嚼勁的牛肉的會挺喜歡，外層酥皮與中層的肝醬蘑菇泥和牛柳略有點分離，算是美中不足之處了。旁邊配上了蔬菜伴碟，土豆片鋪上芝士烤得香香的，芝士層又薄又香，土豆綿軟可口，也增添了些飽足感。值得一讚這裡的服務態度很好，服務員非常有禮和盡力滿足客戶需求，看見我頭髮掉進餐盤裡立馬送上濕紙巾，感覺窩心，也沒想到在荃灣能吃到商貿地區的服務態度。以香港開業的意大利餐廳來說這間風味也比較接近當地標準，下次來要試試看他們的薄餅，相信也不會令人失望。…Read More

元朗劇院附近的一家特色泰菜，遠處已能看見一片綠林，如同走進小曼谷似的。晚市時間餐廳裡不乏家庭式顧客，也有年輕男女舉著啤酒杯歡談暢飲。餐牌除套餐單點外，也有一些與啤酒搭配的鮮味伴酒菜餚，想跟三五知己找間酒吧來上幾杯，這裡也不失為一個好選擇。我們二人點了一道柚子鮮蝦沙律、餐前小吃的沙嗲（雞牛豬混搭）、班蘭咖哩魚另配一份薄餅，再各叫了一個椰打和一杯石柚特飲。特別一提這裡的份量偏大，要是兩個女生的話可能小食主食各一份已經足夠。柚子沙律擺放得井然有序，擺碟帶點法式風情，可能是受到外觀影響，感覺吃起來也有點法國菜的味道；伴醬帶有濃烈的黑醋香，酸爽減輕了柚子的澀味，配上爽口的紫椰菜、生菜吃起來更加開胃。串燒改以啤酒杯盛載，觀感更玩味之餘，把油份都瀝乾了，頓時降低了不少罪惡感。三種肉類中我最愛雞肉，肥瘦恰當，外皮焦脆內在鮮嫩，蘸上花生香突出的沙嗲醬風味十足。要是喜愛緊實瘦削的肉質則推薦牛肉，咬一去全是韌勁。斑蘭咖哩是屬於甜口，混入椰汁更增香甜，不過奶香略為遜色；薄餅口感煙煙韌韌，雖略微偏油不夠酥脆，但配上惹味的咖哩還是能吃上好幾塊。魚看著壯觀，先經過油炸使魚皮和幼骨都炸成酥脆，更加香口；火候拿捏得不錯，魚肉還是軟嫩，對魚類不太熟悉，但這道菜用的魚種刺不算多，肉質也緊實不鬆散，正好適合作濃味和油炸菜式。椰青非常清甜解喝，在這炎炎夏日用上一杯解暑止渴。值得一讚這裡的服務態度和上菜速度，上菜快，但又不會催促離座，下次跟朋友歡聚還會再來。…Read More

講起尖咀美食匯聚中心其中一定有厚福街份，多年嚟留低唔少腳印🤣 想坐得舒服啲通常都會約喺H8內嘅餐廳～睇OP見呢間西餐由前五星級大廚主理，餐廳環境又幾四正舒服，加上價錢相宜，決定一試～lunch set 包salad/daily soup + main + drinks + dessert，都係$88-168，非常抵食🫣 揀咗6安士紐西蘭牛扒🥩份量正合女仔食量，啱啱好十分飽🤣餐湯係白蘿蔔忌廉湯，上枱熱辣辣，質地稠密，味道較為濃郁；對於食開淡口嘅我而言稍為濃味咗啲。薯菜有翠玉瓜、茄子、紅黃椒同土豆，經過烤煎，外皮好香，又唔會太生，特別係個薯仔，好味得嚟又健康過坊間嘅加工薯條。西冷扒揀咗三成熟，不過可能因為碟上關係，略過火候；但肉味重，口感稔軟無筋，食得出來貨品質唔錯🫶🏻 加埋略帶黑椒香嘅燒汁更加惹味。嗌咗杯邪惡tiramisu coffee，底下係long black，主要靠面頭嘅cream + 可可粉吊味☕️咖啡苦中帶甘，一啖咖啡一啖忌廉，真係好似食梗甜品杯咁，超級滿足🥰臨尾仲有一件mini cake滿足女士第二個胃！黑芝麻芝士蛋糕，雖小而精緻，但已經夠品嚐到當中嘅層次🤪餅底嘅鬆脆同芝士嘅軟滑，黑芝麻香越嚼越出，如果唔係飽真心想嗌件大嘅！呢個價錢絕對值回票價，正合同姐妹晏晝小聚chill吓🥰…Read More

依家多咗餐廳選址喺工廠大廈開業，地方大咗租金又平啲，餐牌定價亦較相廉，對消費者而言多返唔少合乎CP嘅選擇。呢日行完D2 place就見到地鐵出口前嘅易拉架，大廈喺正馬路口，D1出口一分鐘就到。餐廳空間比想像中大，位與位間疏落有空間感，寬敞又夠私隱🤫常見泰國菜式都可以喺餐牌搵到，價格親民；我哋一行二人嗌咗店長推薦嘅火山骨、青咖哩雞同柚子沙律。柚子沙律好清甜，完全冇酸澀味；表面灑上炸蒜同炸魚仔增添香脆口感，非常開胃。青咖喱雞選用炸雞扒，外皮炸成金黃香脆，肉厚薄適中，兩分肥八分瘦嘅肉脂比例恰到好處，嫩而不柴；咖哩偏甜口，同期望有落差，不過質地夠濃郁，亦有椰香，如果配菜佐料份量同款式多啲會更好～🫣最期待嘅豬仔骨，portion大、相當有架勢😛如店主所講，肉炆得稔軟唔痴骨，質感鬆軟唔肥膩，肉質呈絲狀，帶纖維感又有咬口👍🏻個醬汁應該係魚露、辣椒等調製，咸香又帶啲辛辣，平衡豬肉嘅膩感同時增添風味，食落更香口惹味，有驚喜～女士一定要留肚食埋甜品先叫一頓完美嘅晚飯😆 揀咗較少見啲椰皇三皇奏🥥表面灑滿椰糖，面層係椰汁奶凍、底下係椰青水啫喱，啖啖都係椰味。底層佔比較多，椰青味突出，清而不膩，令整道甜點食落更清新不死甜；配合表層奶香同滑順口感，將全個椰子精華都濃縮在內，中意椰子味嘅人一定唔可以錯過！…Read More

自從起咗世宙之後，呢一帶都多咗唔少野食，特別係川菜、烤魚，迎合港人愛辣愛香口嘅口味。門口招牌三隻紅色大隻 —— 漁師兄相當吸晴，未抬頭果抹豔紅已入眼簾。雖然係烤魚店，但勝在樓底高，入店不覺局促，亦無油煙味或地板黏糊嘅感覺，環境衛生唔錯。價錢為合理水平，一份烤魚介乎$288-328，有四款魚種六款鍋底選擇，不同魚類肉質鮮味各有千秋，可以根據個人口味選擇或咨詢店員意見。因朋友唔食辣，我又中意食酸菜，二話不說揀咗酸菜口味，配上肉質較滑嫩、魚骨較少嘅江團魚。烤魚已預先用蔥蒜爆香，再放入熱鍋水煎，魚皮煎得焦黃，連湯底都充分混入魚肉嘅鮮味；配料索滿哂吸收咗河魚精華嘅湯汁，每一啖都食到 鮮、甜、香🤤🤤江團肉質緊實不散，同時不失軟嫩，有啲似滑身版鱸魚；除咗主幹外無多餘嘅骨刺，易於食用，且肉含量多，食起嚟有啖啖肉嘅滿足感。推薦一定要加配金菇、芹菜、大豆芽及蓮藕嘅輔菜組合，咁先可以食哂所有湯汁精華😍😍川菜點可以少咗串燒呢，燒秋葵係must eat item😝灑滿孜然粉燒香，令本身清淡嘅秋葵更香口惹味～另外點咗大蔥雞肉同燒牛肉，牛肉雖然唔算厚肉，但肉質稔軟，火候算得恰到好處。食完濃味香口野可以飲返啲解膩飲料消滯～西梅綠茶少甜，茶底帶微微甘香，西柚味增添咗少少酸澀清爽，味道好fresh；估唔到有鹹檸七揀，喚起舊時茶記嘅港式風味～…Read More

開業半年嘅shabu shabu，歐式圓拱門以及雪白清雅嘅用色，反倒似一間咖啡廳。午市只供應三款套餐，較瘦嘅特選牛、油花較豐富嘅日本和牛以及一款豚肉，即使唔食牛嘅客人都唔怕無選擇，湯底只有主打嘅Sukiyaki。今日剛好遇上推廣，選用第一款套餐免費升級做同樣瘦削但口感更嫩嘅和尚頭。套餐計算過一人份量，恰到好處不飽滯，包含物為一碟牛肉、蔬菜拼盤、生雞蛋蘸料、蝦滑、烏冬及伴食用胡麻醬。牛肉有四片，厚度適中，卻比一般火鍋牛肉大片及長身，一片等於坊間兩片份量，肉佔比多、同時夾雜些許油花。牛肉片面積雖大，但電池爐火力夠，加上鍋唔大，好快就滾起有得食；肉有肉味，嫩身又帶瘦肉特有嘅鬆化口感，又不同於本地手切牛嘅咬口，介乎中間，配合甜咸兼具嘅醬油湯，令肉香更明顯突出。蔬菜籃非常豐富，各種綠葉、蘿蔔菇菌加上蟹棒，合乎營養均衡嘅標準👍🏻唔覺唔覺其實都幾飽，一餅烏冬都食唔哂，烏冬略嫌未夠彈牙，下水一分鐘，撈起都偏軟爛，但配胡麻醬真係天作之合，頓時惹味加倍。最尾樓面送上黃豆蕨餅作飯後甜點，煙韌彈牙，淡淡豆香清而不膩，正好為呢餐盛宴作結。…Read More

太子新開嘅一間美式漢堡，喺正十字路口交界，C2出口一過馬路就見到。收銀枱後係開放式廚房，落單後可以睇到全個製作過程，感覺乾淨衛生。即叫即開爐煎炸，到手嘅食物全都新鮮熱辣👍🏻厚到一啖咬唔哂！漢堡扒、肉醬、太陽蛋、生菜蕃茄多層材料堆砌成，一㩒蛋液隨即傾出，口感更濕潤juicy🤤 漢堡扒帶兩分脂肪，純肉嘅紮實質感中帶些少油嫩。麵包厚身同時又好鬆化，如果落牛油輕輕煎香會更香口惹味。加上一片厚切菠蘿，平衡返炸雞扒嘅油膩，成個口感當堂fresh好多😝菠蘿不死甜，汁水多，炸雞外脆內軟，厚而不柴，個WB醬酸酸甜甜，比一般蕃茄醬更吊味，口感配搭得好好👍🏻not too heavy.+$18 就可以combo 多一款小食同飲料，單點小食都係$15 一份🫣香脆又軟糯香甜，不過幼身咗啲。經油炸後無咗藍芝士果陣獨香，芝士呈半溶狀態，增添些許奶香；薯寶同薯餅差唔多，爽稔參半，口感豐富。一份有五件，每件都有golf大小，炸得好脆，肉質有咬口但又唔會韌。總括而然，好食又抵食😋…Read More

新界區終於都返啲有水準嘅餅店，以後買餅唔洗突登出港島區喇😝Igatti近期進駐屯市一期，主打多款不同拿破崙，亦會因應季節定期推出新嘅時令水果口味～風櫃裡擺放嘅切餅，賣相都絕不失色於酒店貨式，層巖疊嶂嘅餅層、鮮艷飽滿嘅水果，每次經過都忍唔住停低腳步觀賞。難得近期輕咗少少，決定獎勵吓自己，唔食邊有能量去減肥🌝 經店長推薦下，揀咗 人氣草莓🍓 同 甜度較低嘅咖啡 口味☕️草莓 三層酥皮，第一夾層為吉士醬、一開四嘅新鮮草莓，第二夾層為口感紮實嘅牛油蛋糕。因為吉士醬佔比不多，加上帶微酸嘅莓味中和，整體甜度剛好；餅皮挺拔薄脆，因微微受潮未算非常鬆化，蛋糕略微偏硬，如果可以換返吉士會更可口🫣咖啡口味夾層為咖啡吉士醬，略帶甘澀以及可可香，入口更香而不膩。無受到水果汁液影響，拿破崙餅皮比水果口味酥脆，加上甜度較低，個人比較中意呢個口味😇…Read More

咁多種麵派中特愛沾麵，其中以台風為心中第一，食過幾間出名嘅都係不外其是。同事知道我喜好，中午專程帶我去呢間十年老店一嚐，傳說中嘅排隊人氣麵店，好在我地提前於12點前到達，未幾已經全數滿座。沾麵分為常規同燒黑豚兩種，有辣與唔辣選擇；另外亦有拉麵以及限定撈麵。比較貼心係麵店會提供髮圈同圍肩，等大家食得投入同時又唔會整污糟頭髮或衣物。落單後大約5-8分鐘，一碗熱騰騰嘅沾汁就上枱喇～麵條可以選擇涼或熱麵，個人推薦涼麵，沾汁後溫度恰到好處，入口不燙嘴，軟硬適中略帶韌勁。湯汁濃度中等，帶香辛風味，無彩同海老名果個咁濃鹹；揀燒黑豚就會多三塊肉，黑豚結實鬆化，脂肪位置燒成香脆，逼去油脂，口感香而不韌，無諗過肥瘦相間嘅肉可以燒出瘦肉嘅質感。湯料有幾舊豚肉、芽菜同筍片，筍片切成方厚形狀，食落爽之餘更能品嚐到纖維感；豚肉同燒製嘅完全唔同，稔軟嫩滑。朋友揀嘅香蔥拉麵，蔥花量唔算誇張，但相信有蔥嘅青草香襯托，味道應該都唔錯。…Read More

H Queen再有新日料進駐，餐廳佔全層、另設有包廂，午市提供定食或廚師發辦兩種選擇。電梯門一開，巨大嘅木船映入眼廉，可置身於木船上欣賞及享用廚師發辦；如果揀定食，則會安置於旁邊大枱，同樣坐得舒適。除高檔裝修外，餐廳服務質素亦值得一讚；店員會細心留意客人需要以及反應，即時提供協助，亦會於上菜時詳細介紹菜品，令客人於用餐過程更有代入感。中午時間有限，於是決定先試試餐廳定食。價錢 由$268到 $558，有海鮮刺身、燒魚、煮魚、天婦羅、鰻魚、和牛燒等生熟紅白肉配搭。定食均配有前菜三款、湯品及甜品，前菜為兩款涼盤（拌菇菌 付柚香白蘿蔔蓉 、梅子凍）及一份茶碗蒸。果凍質感似大菜糕般結實爽彈，裡頭嘅梅七分甜三分酸，不過於酸澀又開胃。茶碗蒸滑溜水嫩，加入蟹柳絲及草菇增加口感，蛋香唔明顯，不過不失。同事嘅特上金槍魚丼 ( $438 ) ，如雪糕球大嘅吞拿魚蓉、赤身醬油漬，以及憑肉眼可見嘅均勻油花就能想像到有幾軟熟嘅中大拖；粉嫩色澤已令人垂涎欲滴。我揀嘅呢款月山海鮮丼( $438 ) 絲毫不失色。刺身種類繁多，堆砌出如畫般的多種色彩，賣相與鮮味兼具，有淡味嘅油甘魚、鮮甜嘅甜蝦同海膽、紮實經燻香嘅鰹魚、油香充沛嘅海鰻同中拖、爆汁三文魚籽，爽、滑、鮮、潤、多種口感交雜，能一次過品嚐到各種海鮮嘅鮮美。甜品為精緻小蛋卷及大福，蛋糕鬆軟但味道清淡，食唔出係咩口味；反而大福口感煙韌，食落更有滿足感；內餡有鮮明嘅哈蜜瓜味，係略甜咗少少~…Read More

【下篇】燒穴子（海鰻），比一般鰻魚油脂量低，口感較輕盈，薄、香、脆，澆上青檸更能勾起鮮香；旁邊嘅長芋同芽蔥更係畫龍點晴，酸溜的滋味一解之前嘅肉膩，迎接接下來嘅菜式。即燒茄子，感受到茄子係有挑選過，稔軟無渣；表面澆上師傅特製雞肉味噌，甜香惹味，感覺似係道加入中華風味嘅新派日菜，食出魚香茄子嘅感覺，青出於藍又更勝於藍。掌心大嘅鮑魚，助手話嚟自北海道，但感覺更似南非鮑；無一般鮑魚咁重味，入口較清爽，先吃肉再吃肝，獨特嘅鮑香於口中蕩漾。特別欣賞每幾道濃味菜中場會加入一道帶酸嘅涼菜一解口中殘留嘅餘味。下一波為炸物：鰻魚 – 粉皮薄，口感鬆脆，蘸上海苔鹽，苔香使鰻魚味道更豐富。炸花竹蝦頭 – 能嘗到蝦頭膏嘅鮮，蝦殼炸得如薄片香脆。炸蝦 – 不愧為店招牌，蝦肉爽彈，非常新鮮，鮮甜味非常鮮明，正。炸沙甸 – 較濃味嘅一款，如肝臟嘅綿軟口感，以香葉包裹平衡獨有嘅魚味，中意食濃味魚嘅會欣賞。時蔬 - 日本紅薯、南瓜 細綿香甜；蘆筍脆嫩、甜味從中心釋出，同外國蘆筍好大分別，喜出望外。蟹飯拌入蟹膏蟹肉，調味恰到好處，酸中帶咸香，可惜真係食得太飽，食唔哂。日本珍珠蜆湯，清淡、不掩蓋蜆肉嘅鮮，中意濃味湯水嘅朋友話唔好飲，但我反而覺得清清地幾消滯。臨尾以抹茶紅豆最中餅及蜜瓜作結，蜜瓜香甜；最中餅餅皮非常鬆脆，餡料豐盛。ごちそうさまでした🥰🙇🏼‍♀️…Read More