peachfoodie's Profile

我要哂!!平時最中意打邊爐，但又好想食海鮮，咁點算？所以今日同朋友一齊揀左食呢間斗滾，一次過滿足哂我地咁多個願望啦！雞煲，蒸海鮮，打邊爐，齊哂！！🤣🤤呢間最吸引既就係個海鮮拼盤😎鮑魚，聖子，海蝦，帆立貝，數都數唔哂！仲要無限時任食任飲，同朋友慶祝或飯局就岩哂啦，而且仲有酒飲，岩哂大家狂歡盡慶🍴不過呢間超full，大家黎之前提提你地記得要預訂呀！🍴無限時任食價：1人：$268📌斗滾🍽️尖沙咀山林道38號銀座38 12樓…Read More

楚撚記行懷舊風大排檔，人氣超旺盛，呢到都係每個月同朋友相聚既老地方，朋友最鐘意去呢到食飯，所以呢日收工又一齊過左黎～咕嚕肉炸得香，脆卜卜 酸酸甜甜好開心，仲有水蜜桃，菠蘿同埋焦糖脆脆，拔絲甜甜地又估唔到幾好食～～！椒絲腐乳炒通菜，香味十足，大份又夠鑊氣！每餐都要吃菜感覺先完整！之前去其他大排檔，好多店都係炒蜆殼😑😑但呢到貨真價實🫣🤗食蜆最忌食到沙，係到完全食唔到沙，值得一讚👍🏻而且蜆肉炒得好有鑊氣😎😎配上洋蔥🧅、青紅椒🫑、豉椒加強香味🙈🍴咕嚕肉：$113🍴椒絲腐乳炒通菜：$72🍴鑊氣豉椒炒蜆：$99📌楚撚記大排檔🍽️荃灣川龍街118號百悅坊地舖至1樓…Read More

今日飲茶😎！今日唔想去一般酒樓，一個人就一於去老馮茶居啦，🤣一般酒樓嘅點心都係由工廠製造，或者係大陸做好送落嚟香港，未必係最新鮮，但老馮嘅點心除咗有特色之外，味道同口感都好好而且份量好足！！！呢間野座位唔算多，通常都要等一陣先入到去，佢啲點心都幾多選擇，價錢都唔算貴，五六個點心埋單都係百零蚊😎好經濟實惠今日就只係食左蝦餃同叉燒包，蝦餃好大隻，皮又簿，好鮮味，同埋一定要配埋佢個辣油，好好食！！！📌老馮茶居🍽️大埔安慈路1號海寶花園地下14號舖…Read More

今日食左依間屯門嘅小店《頂立》就主打咖啡x湯式交叉商戶體驗，一啖湯一啖咖啡，形成每一次獨特嘅體驗。店舖細細間，佈置都有點心思，原來係佢哋一手一腳自己去做。頂立海蝦湯，先聞湯底嘅香味，鮮香會令口腔分泌不少唾液，湯底十分濃甜，雞胸肉甚嫩，自家製拉麵彈度唔錯，掛湯，鮮甜味道爆發。頂立麵+昆布+萬能蔥+鹿兒島慢煮雞+紅椒絲+金木犀， 超正！🍴頂立海蝦湯拉麵：$95📌頂立🍽️屯門井財街9號錦發大廈地下20B號舖…Read More

大水坑站B出口，大概行5分鐘就到門口已經聞到好香，晏晝都幾多人！馬鞍山區食好西選擇不多，聽聞呢間餐廳嘅炭燒豬扒同炭燒雞扒好出名，呢間係唔錯嘅選擇！炭燒豬扒飯，豬扒勁大塊～味道好香口，肉質有口感。店員話第一次嚟豬扒係必叫的 果然冇錯 整體方面，小店來講質素吾錯，上菜都快，黎到呢區嘅朋友可以來試試，呢度除咗食物好味，環境都唔錯，坐得好舒服😌未試過嘅朋友推介你哋來試吓呢度嘅燒豬扒同燒雞扒啦～！🍴蔥油炭燒豬扒飯：$78📌泰中意🍽️馬鞍山大水坑村93號地舖…Read More

名寶石餐廳，位於太子道西，女人街附近，是上世紀高消費的扒房~呢條街多數都係茶餐廳，想食扒只有呢間😎每人一客晚市套餐，跟焗多士，忌廉湯一客，忌廉湯夠濃滑，多士係麵包切半烘脆，食之前抹牛油或配湯食肉眼牛扒火候控制得好，說好的五成熟真的是五成熟。煎得很香，內裡依然juicy。薯角很美味。蔬菜也有放鹽，不至於沒有味道。整體來講都好正！🍴紐西蘭肉眼牛扒餐：$228📌名寶石餐廳🍽️太子太子道西148號地舖…Read More

位於旺角的丁丁烤魚自2009年開業至今有口皆碑，最近於大埔開設分店更加方便一眾新界街坊～三款套餐分別可選任食雞煲($248/位)、任食烤魚($268/位)或任食雞煲加烤魚($288/位)，星期五、六、公眾假期及其前夕每位另加$13，而任食雞煲加烤魚毋庸置疑是會最划算之選，任飲任食兩個半小時烤魚用嘅係魽魚，皮滑肉嫩，師傅仲巧妙地拆除左魚骨，令我哋可以輕鬆地食到每一口魚肉，尤其搭配麻辣湯汁，更是美味無比。配料方面都相當豐富，點了微辣口味，但辣味已經十分足夠。🍴烤江團魚鍋：$298📌丁丁烤魚🍽️大埔舊墟直街4-20號美新大廈地下A2號舖…Read More

找間舒服的coffee shop坐坐，簡簡單單清清幽幽地享受一下慢活的感覺。這間位於旺角的隱世墨西哥風Coffee shop，雖然位置距離地鐵頗近，但卻意外地鬧中取靜，加上裝潢採光度足，令Coffee shop呈現旺角少有的恬靜Chill感。佢地用cafe shop嘅形式混合墨西哥及港式style，將墨西哥嘅獨特風情，同香港獨有嘅港風二合為一，非常特別，無論環境都食物都好適合打卡。芝士蕃茄醬烤肉腸配Mobin醃椰菜：肥嘟嘟肉腸被滿滿的芝士同蕃茄醬包圍，配埋Mobin自家醃製的椰菜同sour cream，酸酸的勁開胃呀🤤🍴芝士蕃茄醬烤肉腸配Mobin醃椰菜：$85📌Mobin🍽️旺角洗衣街37號1樓…Read More

今次就嚟到呢間食馬來西亞嘅嘢食，唔好睇佢舖頭好似好細間，完全就係做到麻雀雖小但係五臟俱全🤣 睇嚟兜咗咁大個圈嚟到食都係值得㗎😛辣死他啦配生炸全雞髀🍗呢個生炸全雞髀飯就係配綠色嘅椰漿飯，今次呢間好特別有唔同款式嘅飯我就試咗藍色嘅藍花飯，即係將蝶豆花榨成汁煲飯，加埋配料參巴醬、豆角、椰菜絲等等嘅配料一齊食，正🤪 佢哋除咗藍花飯之外，仲有得轉要豬油撈飯、椰漿飯、黃薑飯同白飯🍴辣死他啦配生炸全雞髀：$76🍴辣死他啦配娘惹咖喱雞肉：$76📌捌哥‧馬拉籽🍽️大圍積存街14號兆苑地舖…Read More

講到南山邨，必定要食呢間老字號「南山白汁冰」😛今次就圍咗芒汁西米試吓😋芒汁西米：未食嘅時候，巳經嗅到好香芒果味😆第一啖食落好香芒果味，西米好爽口同彈牙🤤好多芒果肉 芒果好香甜 好香濃🤩西米咬落好煙韌😋 好有口感，而且西米仲好足料添，絕對唔係得少少個種！冰底令到成碗芒汁西米食落口個陣仲可以keep到凍冰冰🥭完全岩哂熱嘅天氣食呀！食完好涼爽呀，成個人舒服哂😝堂食嘅位置唔多但乾淨，枱面都有店員定時抹桌，唔會有污穢嘅感覺👍🏻👍🏻🍴白汁芒汁西米：$35📌南山白汁冰🍽️石硤尾南山村南山商場平台CCC9號舖…Read More

依間屹立多年既田記魚蛋牛腩專門店，位於太子！早前睇到開飯都多好評！份量十足好大碗，呢度出名崩沙牛腩所以係必點！「崩沙腩」位於橫膈膜附近，由於兩邊展開像蝴蝶，所以叫「崩沙腩」。呢度嘅崩沙腩肥瘦均勻，肉質鮮味腍滑不黏牙👍🏽非常多蔥，牛筋夠霖，好膠質，非常彈牙，正😋 ，份量都算多，而牛腩好有牛肉味，肉味香濃，軟腍，果然係出名牛既粉麵檔至於牛肚有啲韌，好難咬開，遜色一點！湯底都充滿牛味，沒有味精！🍴招牌崩沙牛腩河粉：$51📌田記魚蛋牛腩專門店🍽️太子塘尾道201號華安樓地舖…Read More

有一日假期經過突然想食米線🍜相信住得香港都一定食過🤣 一間就咁叫譚仔，一間叫譚仔三哥，今次食既係譚仔🤓 譚仔通常都係食麻辣，普通麻辣就唔洗點講啦🤨 今次我特別d食呢個 重慶酸辣湯底~辣既味道適中，以這價格來說份量算剛好，今次既送叫左魚腐同炸醬🤤🤤🤤譚仔既炸醬算係比較出色，每啖都可以撈米線，真係算係我既飯堂必食之選！🍴重慶酸辣米線：$50📌譚仔雲南米線🍽️大角咀福利街8號港灣豪庭廣場地下G37-38號舖…Read More

作為一個酸辣粉愛好者，今次就黎貴香園試下，星期日去真係好多菲傭🙈呢個可以話係旺角好食小鍋米線，有時都要排隊但唔太出名😗 旺角有好多米線，連鎖嘅但呢間小鍋米線最地道又足料，仲有涼皮可供選擇，鍾意雲南米線/涼皮嘅要試下呢間小鍋米線好足料，酸菜、芽菜、炸醬肉碎、韮菜、腐皮、辣椒碎，夾埋好好食，一定要有少少辣先食得過隱，帶到鮮味🤤啲餸份量多；腩肉小辣，厚身，啖啖肉加少少肥好正！冬菇都好大粒，厚，一啖都食唔晒，亦燉得好入味。🍴雲南酸辣米線(中小辣)：$44📌貴香園🍽️旺角西洋菜南街216號地舖…Read More

澳洲牛奶公司（簡稱「澳牛」）以特別服務態度聞名，網上更流傳多份落單特別攻略😆 澳牛位置好近佐敦地鐵站🏘️ 當日3點去到，原本以為下午茶時間會少啲人，點知都幾多人排隊（十幾個左右，後來越排越多人）不過，10分鐘內已經排到我，同麥文記一樣非常快嘅效率🤣我哋一坐底，侍應就會問你食咩（記得入去之前諗定食咩😛）然後30秒內就上菜，非常非常之快🤣 同一時間，成間餐廳嘅氛圍好似打仗咁，但每個侍應又亂中有序咁知道自己做緊咩，所以都幾好奇到底係點樣function🤣🤣茶餐包括牛油方包、火腿煎雙蛋、叉燒湯意粉同咖啡/茶，而快餐就有牛油方包、西煎雙蛋同鮮奶，方包可轉多士、蛋亦可以轉炒蛋，鍾意食邊樣就揀嗰樣，老少咸宜，夠晒friendly😌🍴茶餐：$52 ＋$2（凍飲）📌澳洲牛奶公司🍽️佐敦白加士街47-49號地舖…Read More

今日堅想食肉，但唔係想食高級果種。🤣類似花園餐廳，元朗安娜果類我就ok。咁諗來諗去睇下元朗有冇新餐廳又類似，就醒起呢間寶石餐廳喇。鐵板！大大舊肉，啖啖肉。落好單黎個紅湯，唔會水汪汪溝過水，非常好。紐西蘭肉眼扒煎到香噴噴，非常香，即時食慾大增。且肉眼扒足足有2大塊，每塊份量比一隻手心還要大，足料!! 肉眼扒無overcook，切落去仲見到裡面非常吸引的粉紅色，擺入口唔會乾爭爭，咬落肉質juicy，一啲都唔刅，好吃。另外本人非常中意食洋蔥同薯格，而尼度既鐵板餐居然同時滿足到我2大喜好，仲要份量非常多，絕對會encore😆紐西蘭肉眼扒餐：$198📌寶石餐廳🍽️元朗元朗安樂路1-11號明珠樓地下7-9號舖…Read More