食Jeff's Profile

有時經過呢間鋪，每一次都一定大排長龍，真係忍唔住要試一試佢，佢開11:30，未開舖已經有10個人排緊，咁11:30就準時入去。叫咗個薩摩牛餐250g，轉烏冬。啲擺盤幾吸引，佢一送到嗰刻係開心，但係食落就好傷心。除咗個三塊薩摩牛，下邊啲牛，冇咩味，又鞋，又韌。係點打都好韌,就算係就咁碌佢六七秒就即刻食，都係好韌。食得好辛苦，就好似折磨自己一樣。其他湯底，烏冬，菜，瓜，基本同其他日式打邊爐冇分別，正正常常。最後總結，如果要排半個鐘以上，呢間冇咩特別之餘，啲牛仲要幾差，水又要問佢拎。真係去日式任食打邊爐仲好，有魚蛋菜嘢飲任拎，啲牛都仲要好過佢。…Read More

我未食過總店，但見淘大有，就去試下，夜晚時段，咁我叫雞翼撈麵，燒賣，牛肉球，碗仔翅魚肉。員工係二個後生仔，服務態度好差，語氣態度超hea, 個樣好似係我阻住佢咁，一度落單，我都未講完要咩，間鋪入面就有播歌，佢就係度跟住唱歌。。。想點？咁算啦，諗住野食好味就ok la滷水雞翼撈麵，面喺營多正常，但D雞翼，d肉係好鞋燒賣牛肉球又係似放左好耐，都係乾哂最後係碗仔翅魚肉，正常好味我唔知係因為分店所以咁定點，聽聞燒賣係好食，我就對淘大店充滿期望，希望有機會去總店再試…Read More

晚上去完新開企鵝買野，非常肚餓，路過見到裝修幾特別， 一於試吓。一於叫佢嘅佢王牌之一沙嗲牛肉麵常餐，落咗單之後，等咗20分鐘都未有嘢食，一般常餐應該唔會咁耐，終於有個員工走過來，但係擺低張單，睇到佢入機個時間係啱啱先入，之後5分鐘就有個面到，非常一般沙嗲汁尚算可以唔係特別濃，啲牛肉冇味，我唔知正常冰室啲牛肉係咪一早準備好晒，係凍嘅。之後再等咗十五分中，個面都食哂，終於忍唔住吹下佢，唔使2分鐘就即刻整好左多士同炒蛋，搞到個面同多士蛋分開10幾分鐘嚟食。食個常餐都要食咗我50分鐘。沙嗲牛亦唔係特別好食，令到我嘅體驗真係麻麻地。…Read More

平時都鐘意係屋企自己煮kiki 撈麵，所以都想去店試一試佢。出發前半個鐘用gulu拎定飛排隊，岩岩好，去到就有位，地方不算大,都有人係門口等位。叫左個set,$148,一個小食，一個主食加杯指定野飲。我叫左一個椒麻雞小食，炸菜肉絲拌麵同白桃烏龍茶。椒麻雞一般般，食落似係花生醬味。個麵味道其實幾好，不過咩料都無，好似係茶記食$20炸菜肉絲麵咁.....。白桃烏龍茶就正常味，唔差。最後佢有個麻辣醬，呢個係好食GE。👌…Read More

平日去食，十二點到，二個人唔駛等位，叫左一個蔥油雞扒撈丁，一個芝麻牛肉汁牛冧肉撈丁。雞扒撈丁就真係一般般，個丁有小小痴住一餅野，有d似豉油架汁，落哂係中間，得個麵中間有汁，再有d薑蔥係麵上邊，食落正正常常，都ok,但雞扒就麻麻，好乾，又凍，似放左好耐咁。反而呢個牛冧肉就幾好味，但個汁就唔似係䒦麻汁，似黑椒汁，丁就都係咁上下。平時食餐晏ok,但男士一個麵可能唔多飽，如果係遊客專程來試，可能會失望😅…Read More