miss豬的個人專頁

今晚去左位於科學園內呢家梨滿園韓式烤肉食韓燒放題。店內木質裝飾同暖燈烘托出溫馨而雅緻嘅氣氛。空間寬敞座位舒適，牆上木製窗框為店內環境增添一抹藝術氣息，令人感受到樸實無華嘅韓國風情。餐廳有韓食亦有放題供應，我地揀左頂級韓燒放題，滿足一下韓國烤肉癮！放題除左有海鮮、肉類燒烤，亦有不同種類嘅小食、壽司、刺身、炸物、主食等等，非常豐富。三文魚刺身肉質鮮豔、細膩滑嫩。而吞拿魚刺身口感豐富多汁，輕輕一咬，甘甜味道喺口中散開。仲有立魚刺身肉質緊實有勁道，整體刺身絕不遜色。燒肉方面，order左唔同嘅肉類，肉類整體賣相都好靚，味道都好好。包括：美國牛板腱：板腱肉質細膩多汁，燒到外焦內嫩，每一口都是對味覺極致挑逗。美國牛仔骨：牛仔骨經過精心醃制，肉質鮮嫩美味。美國橫膈膜肉：特別推薦！橫膈膜肉燒至適當火候，外脆但又保留肉質鮮嫩，搭配特製韓式醬料，美味無比。豬頸肉、厚切豬五花腩都係燒肉必叫，將肥瘦相間嘅豬肉燒到香脆乾身，油脂喺熱力下滾滾流出，香脆而不膩，令人無法抗拒。法蘭克福腸同薄切牛舌片：香噴噴腸仔同薄切牛舌片喺熱力下散發出陣陣香味。另外亦叫左唔同主食同小食，都非常高質素。海帶湯：清甜海帶湯，湯頭清澈見底，海帶鮮味濃。炸豆腐：非常推薦👍外皮酥脆內裡嫩滑嘅炸豆腐，鹹味剛好。香炸魷魚：魷魚炸到卜卜脆，鲜美可口，送啤酒一流。迷你泡菜煎餅：內含泡菜，帶有微微酸辣口感，味道酸酸辣辣有嚼勁，非常開胃。我再加左d泡菜夾住食，既有爽口泡菜嘅口感再加多d酸辣味。牛肉石鍋飯：呢個石鍋飯係韓式燒肉嘅經典配餐，熱氣騰騰嘅飯上放有牛肉、紫菜、泡菜，搭配特製嘅韓式辣椒醬，香噴噴實在令人陶醉。除左以上菜品，仲有飲品同甜品雪糕任飲任食，食得滿足又飽肚。服務方面都好好，店員非常勤快。總結黎講，今次嘅韓式燒肉放題店無論從環境、服務定食物質素都讓人滿意💯。…查看更多

今晚去左粉嶺中心呢間cafe MOME食飯，餐廳係歐陸風情嘅裝修風格，配上聖誕裝飾，濃濃嘅聖誕氣氛。四周環境寧靜優雅，燈光柔和地灑在每個角落，木質嘅裝飾令人感受到無窮嘅舒適與溫馨，十分適合親友相聚或獨自享受美食時光。Cafe有主食、小食、甜品、飲品提供，亦有精選二人晚餐，價錢相宜，味道方面亦唔錯。我地叫左個二人餐當中有白咖哩脆雞滑蛋飯:白咖哩香濃唔辣，味道甜甜地，令人一口接一口。加埋脆卜卜嘅嘅鮮嫩雞塊，軟滑嘅滑蛋同埋沙律菜，賣相精緻，非常吸引。蒜香蜆肉意粉：蒜香四溢，蜆肉好新鮮好甜美，份量足夠，而意粉煮得恰到好處，既有嚼勁又不失軟糯，令整道菜品層次感更加豐富。魷魚圈：外皮炸得金黃酥脆，內裡嘅魷魚鮮嫩多汁，又好彈牙，搭配特製的醬料，係絕佳小食之選擇。蝦多士：多士上面鋪滿左新鮮嘅蝦肉，咬落去香脆酥軟，呢個經典港式小食香口惹味加埋鮮甜彈牙多種口感，一次過係口腔內大爆發。朱古力布朗尼蛋糕：口感綿密，朱古力味濃郁而不過甜，同冰凉嘅雲呢拿雪糕完美搭配，為餐後帶來一抹甜蜜回憶。整體今晚嘅晚餐為我地帶黎唔錯嘅用餐體驗。除左適合情侶約會、朋友聚會外，亦可以一人獨自享受安靜時光，係一間讓人放鬆身心、享受生活美好嘅cafe。…查看更多

中秋將至，為免多人早少少約埋家人提早做節。去左位於馬鞍山新港城中心嘅駟馬拖車潮州飯店。店內環境衛生乾淨，座位舒適，欣賞中國風嘅裝修優雅，喺度做節食飯感覺大氣。而服務員亦非常友善，適時會過黎換碟，服務周到。餐廳食物種類多，有套餐、潮式滷水、小菜、海鮮、甜品等等，價錢合理。我地主要叫家常小菜，份量足夠，吃到飽飽。**菠蘿咕嚕肉** 🍍咕嚕肉炸至外脆內嫩，保留肉汁。每一塊肉都被满满醬汁包住，仲有一片片新鮮菠蘿塊，酸甜可口，小朋友至愛。**鹽燒小黃魚** 🐟：廚師是日推介，原本諗住係手掌大嘅小黃魚，冇諗到有咁大條，喜出望外。小黃魚炸至外皮金黄酥脆，内裏魚肉鲜嫩多汁，簡單嘅鹽烤烹調，但激發出最純粹嘅海鲜風味，鮮美💯！ **紅燒乳鴿** 🐦：呢個超值推介，乳鴿炸至色澤红亮，皮脆肉嫩，撕開乳鴿時肉汁沿住流落，好彩店員一早貼心附上手套，可以盡情享受每一啖乳鴿帶黎嘅味覺極緻誘惑！**椒鹽九肚魚** 🌶️🐟：椒鹽香氣誘人，賣相吸引。外皮酥脆，椒鹽味香濃，九肚魚肉質細嫰無骨，輕輕一咬，滿口鮮香，回味無窮。**鮑魚雞粒海皇燴飯** 🍚：奢華享受，鮑鱼Q彈，雞粒鮮嫩，海鮮嘅鮮甜味同米飯嘅香糯完美融合，每一粒米都吸左滿滿嘅精華，濕潤口感更適合大小朋友。 **沙爹安格斯牛肉粉絲煲** 🍲：沙爹醬香味濃郁，安格斯牛肉紋理清晰，肉汁軟腍，入口即化，搭配Q彈粉絲，美味飽肚，可作為主食之選。**銀杏芋泥** 🍠：需要時間製作，冇諗過銀杏嘅Q彈質感係咁有趣，煙煙韌韌，銀杏嘅清香同芋泥嘅绵密感覺完美融合，甜度剛好。呢個金黄誘人、细腻如絲嘅甜品充滿秋天味道，温暖又治愈🍂為中秋節日飯畫上完美嘅句號。…查看更多

過黎搵個朋友食飯，簡簡單單落樓下八月茶室食晚餐，雖說係茶餐廳用餐但又比到一個好好嘅用餐體驗比我。首先講下店內裝修，空間大，座位寛闊乾淨，非常舒適。服務方面，店員都十分勤快，甚有親切感，比人一種人情味滿滿嘅餐廳。食物種類都有好多選擇，川菜、小炒、鐵板餐、石頭鍋飯，雖然係去食晚餐，但仍然可以叫到炸脾西多，非常驚喜。咁多款式揀我地就每樣嗌左一款黎食，有鐵板銀牙肉絲炒麵、支竹冬菇炆牛肋條煲、惹味水煮牛肉、流心西多、公司三文治、炸雞髀。鐵板銀牙肉絲炒麵：麵條外邊脆口，然後又會食到Q彈嚼勁嘅口感，再配上鮮嫩肉絲同爽口銀牙。加埋鐵板上煮，夠晒鍋氣令人食慾大增。支竹冬菇炆牛肋條煲：牛肋條經過炆煮後，變得非常軟嫩，入口即化，肉質鮮美。支竹同冬菇嘅香氣充分融合，估唔到除左火腩，換成牛肋條又另一番味道，搖身一變成為女人嘅浪漫。水煮牛肉：上菜已經聞到一陣充滿香料嘅麻辣香氣撲鼻而來，口水不禁加速分泌，麻辣味道令人感受到川菜嘅獨特魅力。牛肉嫩滑多汁，配上蔬菜嘅清爽口感，辣味同麻味交織，果然真係惹味水煮牛肉。流心西多：唔係一般嘅西多，切開麵包流心汁湧出，感覺治癒，奶油同鹹蛋香味四溢。炸雞髀：外酥內嫩，雞皮炸得酥脆，真係怕肥都忍唔住照食，肉質鮮嫩多汁，實在係我最愛。公司三文治：除左雞蛋、餐肉、火腿、番茄，仲有芝士，一般茶餐廳都唔會咁揼本，非常美味。茶室嘅小食真係好唔錯。整體而言，八月茶室嘅菜色豐富多樣，口味地道正宗，價格又實惠，比左一個好好美食體驗比我地。…查看更多

今晚去左元朗一間日式餐廳野川拉麵之深宵食堂食晚餐，餐廳從招牌至店內都係繽紛嘅霓虹燈裝飾，營造出一種現代與傳統交融嘅氛圍。坐低時發現張櫈係用七彩顏色嘅鐵桶製成，獨特設計甚有玩味感｡ 食物種類除左拉麵、烏冬外，仲有刺身、壽司、小食、串燒、甜品，飲品有更多選擇，啤酒、特飲、普通飲品等等，同朋友一邊食一邊飲，非常愜意｡ 我地點左兩個主食，一d小食，一個壽喜燒同飲品。牛肉壽喜燒：先上檯嘅係一個gas爐，然後到未煮熟嘅牛肉鍋，一邊滾嘅時候，傳黎陣陣壽喜燒特有嘅醬汁香味，牛肉鮮嫩多汁，唔會太肥，甜甜嘅醬汁，搭配生雞蛋，美味無比。軟殼蟹天婦羅：炸粉薄而且香脆鬆化，做到天婦羅外酥內嫩，而且每一啖都咬到有蟹肉，蟹肉散發出海鮮嘅鮮甜味道，真正感覺到自己係食緊蟹。吉列炸蝦配綠茶冷麵：金黃色嘅脆脆炸蝦，搭配清爽嘅綠茶冷麪，帶有淡淡茶香，再加埋特製調較嘅芥茉鵪鶉蛋冷麵汁，味道香濃。吉列豚肉讚岐手打烏冬：讚岐手打烏冬Q彈有嚼勁，搭配上濃郁嘅豬骨湯底，非常美味。而吉列豚肉炸得外脆肉嫩，外層酥脆、鬆化、乾身，豚肉juicy夠厚身。椒鹽雞軟骨同炸魷魚鬚都係送啤酒之選，兩款都炸得酥脆美味。雞軟骨脆口入味，椒鹽味香濃，一口一粒，非常好食。魷魚鬚雖然比較細小，但外層非常脆口，食落香甜又鮮美。魷魚牙有嚼勁，但又唔會煙韌。小食拼盤：包括脆米流心芝士波、榴槤炸彈、芝麻雞翼、吉列魚柳手指、即炸蝦片，呢個好抵食，份量足夠。芝士波係年糕，外面脆脆，入面軟糯，芝士香濃仲流心添。而榴槤炸彈外脆內軟，榴槤香濃，讓人回味無窮。青檸柚子梳打：結合左青檸同柚子蜜嘅酸甜味道，再加上氣泡水冰涼口感，令人倍感清涼舒爽，亦有助減膩｡ 整體而言，餐廳食物豐富多樣，味道好。服務員亦好勤快又有禮貌，令人食得開心又滿足，下次會再黎｡ …查看更多

今日去左👉魚眾不同酸菜魚👈食酸菜魚+薯粉🐟🍲食店寬敞明亮，裝潢簡潔現代。裏面啲枱櫈擺得好企理 ，用餐空間比其他一般小店寬闊舒適，唔會令人覺得擠擁或壓抑。餐廳用掃碼點餐，岩晒我呢d又要少辣少甜少冰嘅人，可以按個人習慣同喜好自己落單，非常方便。食物種類除左有小食、酸菜魚外，亦有唔同嘅套餐同新菜式，一人火鍋都唔會尷尬。青椒皮蛋是我比較喜歡食嘅開胃小食，皮蛋質地飽滿，味道香濃，配埋青椒嘅清爽，口感很好。味道方面，我覺得非常辣😂，算係我暫時食過嘅比較重辣口味皮蛋，好彩辣椒醬鋪面，我可以撥開，刺激度真係滿滿，呢個辣度係以bb辣級別嘅我盡量客觀評價，食唔到辣嘅要慎重。老壇酸菜湯鯛魚片配手打薯粉係我最喜歡食嘅。酸菜湯嘅酸味清爽，蒜香味濃，香辣味強，簡直胃口大開。鯛魚片鮮嫩可口，肉質彈牙爽脆，搭配手打薯粉更加係絕配，份量亦非常足夠。叫左杯利賓立梳打特飲，就係利賓立檸檬冰底，加入無糖梳打水，甜度剛好，加入新鮮檸檬，味道非常清新怡人，岩晒食辣時飲，有助解辣。紅糖流心糍粑好好食，外面炸得非常酥脆，Q彈嘅糍粑包住紅糖流心，當咬開糍粑時濃郁嘅紅糖瞬間湧出，甜度適中，口感絕佳，食多幾件都未有膩感，令我一口接一口食唔停。整個用餐過程中，店員態度親切周到，有禮貌又好笑容，小店就係有呢種人情味。整體黎講，呢間食店環境優雅舒適，食物都唔錯。…查看更多

約左朋友去沙田行街，喺好運中心發現一間唔錯嘅西餐廳Y Pasta。餐廳環境雅緻舒適，燈光柔和，裝潢典雅，營造出輕鬆愉悅嘅氛圍，讓人感覺放鬆舒適。店員親切有禮上前招呼我地，態度友善，值得一讚。食物種類豐富多樣，有不同小食、pizza、意粉、豬肋骨、牛肋肉、特式飲品同自家製甜品等等，我地叫左brunch set，同樣豐富。order左一個香濃野菌湯，濃郁香滑嘅忌廉湯入面除左帶有野菌嘅香氣外，亦咬到一粒一粒嘅野菌碎，入口順滑有口感。另外係黑松露野菌湯，同樣香濃，黑松露嘅香氣令人著迷。黃金軟殼蟹意式軟包，軟包軟糯可口，包住金黃酥脆嘅軟殼蟹同沙律菜，加埋餐廳獨門製作嘅黃金鹹蛋黃醬，鹹蛋黃香，味道鹹香調較得宜，口感流沙滑溜，整個軟包搭配得非常出色，十分美味。配菜係炸薯條，份量足，薯條炸至外脆內軟，表面撒滿鹽同香料，散發出誘人香味。純牛肉手製寬帶麵煮得剛好，新鮮製作嘅手工意粉採用意大利入口蛋黃、麵粉同小麥粉炮製而成，麵條Q彈有嚼勁，並帶有蛋香味道。肉醬中嘅牛肉碎鮮嫩多汁，與麪條咬勁形成了完美對比，肉醬香氣撲鼻而來，混合番茄、洋蔥、大蒜同香料嘅香味，味道濃厚，令人回味。飲品選擇多，除咖啡外有果汁同梳打，我地叫左焦糖泡沫咖啡，微微焦糖香甜，並冇香精嘅味道，奶泡絲滑細膩，同咖啡嘅濃郁相互融合。熱榛子牛奶咖啡味道香醇，餐廳用嘅咖啡豆有獨特風味，一種深邃嘅咖啡香氣。榛子帶住淡淡嘅堅果味道，與牛奶同咖啡完美融合，令咖啡口感更加順滑。自家製甜品係焙茶栗子巴斯克芝士蛋糕，蛋糕賣相不錯，上枱已經急不及待想食。蛋糕既有重芝士蛋糕嘅厚重濃郁，又有mousse cake嘅輕盈順滑，口感綿密細膩。味道方面，甜度適中，帶有淡淡焙茶香氣，栗子味道香，搭配恰到好處。個人覺得Y pasta食物精緻美味，服務周到細心。每菜品都展現出廚師用心同功力。此外價格合理，非常不錯。…查看更多

今天同朋友去左觀塘工業區一間西式餐廳Nata Steak 探店，餐廳就喺apm商場後面，近地鐵站，都幾方便就腳。 首先，我地點左個西班牙鬆脆包配香蒜希臘芝士醬。鬆脆嘅麵包外面香脆，入面就軟淋淋，配上濃郁嘅芝士醬，鹹鹹地帶住濃濃蒜香味，兩者配搭起黎非常夾，口感豐富，味道獨特。 主菜就叫左個蒜香蟹肉意粉加少辣，意粉煮得好入味，Q彈有嚼勁。蟹肉新鮮而且份量多，啖啖都係鮮甜可口嘅蟹肉。再搭配上蒜香醬汁，蒜香撲鼻，再加埋微辣口感份外惹味，讓人慾罷不能。 主菜之後，就叫左個其實我地好想食嘅甜品，情人節士多啤梨忌廉配日本士多啤梨梳乎厘班戟。粉紅色嘅賣相非常吸睛，滿滿少女心爆發，同情人share 甜蜜滿瀉，同閨蜜食一樣咁開心。梳乎厘鬆軟可口，係屬於比較有質感嗰種，配上酸甜嘅士多啤梨忌廉，帶有乳酪嘅味道，食落酸酸甜甜，非常清爽。仲要搭配埋新鮮的日本士多啤梨，每一粒都切成心形，顏值與味道俱佳。 最後，我地叫左2杯飲品，一杯暖朱古力同一杯柚子梳打。朱古力岩晒今日落雨又凍凍地天氣，香醇濃郁，暖心又滿足。而柚子梳打賣相好，味道亦唔錯，清爽的柚子香，酸酸甜甜，配上梳打，解膩又提神。 總結呢間餐廳嘅菜餚好味道，環境寬敞又優雅，工業風嘅裝修，乾淨衛生嘅環境令人覺得舒適優美，而且燈光柔和，好岩約會黎。而且價錢合理，係情人節推介之選。…查看更多

位於元朗市中心嘅一間西日放題餐廳緣聚西日料理。一入店鋪，立即比溫馨嘅氛圍所吸引。傳統嘅日本風格裝飾下，加埋整個店內燈光柔和，桌椅整齊擺放，比人一種寧靜舒適嘅感覺。放題種類達至118種，由刺身、壽司、料理、炸物、小食、串燒、鍋物、甜品同飲品等等，都照顧周到，包羅萬有。叫左太多野食，重點分享一下我覺得唔錯嘅食物。刺身：鮮美嘅三文魚，鮮紅誘人，味道香而且厚切嘅口感令人更為喜愛。而赤貝清爽鮮嫩，帶子入口鮮甜，嚼勁十足。北極貝刺身鮮美，口感韌勁十足，帶黎無限滿足感。即開時令生蠔：外層鮮嫩多汁，內裏鮮美細膩，加入檸檬汁同調製嘅茄汁，配埋海水嘅鹹味，每一口嘅鮮香味令人留下印象。比目魚西京燒同鰻魚西京燒串都係我最愛。比目魚嘅肉質鮮嫩，食落口感鮮美。而鰻魚非常厚身，再燒到皮脆肉嫰，香氣四溢，醬汁恰到好處，唔會太多，完全可以食到鰻魚嘅味道。壽司選擇，最愛係吞拿魚腩蓉手卷同海膽手卷。份量細細，岩岩好一口一個，食多幾轉都得。海膽呈金黃色，質感實在，鮮美嘅甜味令我諗起日本魚市場嘅新鮮海膽。而吞拿魚腩蓉手卷雖唔係最肥美、雪花最多嘅部分，但亦做入口即溶嘅感覺，口感豐富。另外天婦羅都做得唔錯，炸漿做到好薄身又夠脆,而味淋魚乾加入七味粉，先試到魚乾嘅甜味，然後辣味湧上，非常過癮。蒜蓉牛油燒海蝦外焦裏嫩，散發出濃郁嘅蒜香，令人垂涎欲滴，海蝦夠新鮮，肉質彈牙。蟹味噌甲殼燒配米通脆脆亦不可錯過。蟹肉鮮甜同噌味嘅濃郁交相輝映，美味嘅蟹膏醬味道，撈飯當然絕配但非常飽肚，反而搭配上米通脆脆，係另一個口感，另一番風味。甜品飲品亦好多，除左一般雪櫃有唔同種類嘅飲品同雪球供選擇，亦可以叫特製花茶、特飲同特式甜品，我叫左吉士奶黃鯛魚燒，外層微脆，裏面包住香噴噴嘅奶黃醬。綠茶紅豆忌廉窩夫配上綠茶味糯米磁雪糕，再加上輕盈忌廉，層次感十足，一種獨特嘅甜蜜滋味。草莓吉士銅羅燒，一口咬落去，草莓酸甜同吉士嘅柔滑喺口中融合。整個用餐過程，店員服務周到令人倍感舒適。而且出餐快又冇漏單，作為放題黎講呢點真係非常重要，加分。…查看更多

聖誕就快到，同媽媽一齊去左行outlet同apm買聖誕禮物，跟住過隔離鱷魚恤中心飲茶。呢間星海•星海薈即使係閒日都幾多人，好彩都有位。整個場地以婚宴爲佈置，就係呢個典雅又浪漫嘅氛圍瞬間吸引左我地嘅注意。高貴嘅絲花裝飾、華麗嘅水晶燈、成個場地長度嘅養魚缸，彷彿置身於海洋館中，比人一種高貴典雅嘅感覺，喺度擺酒相信會令新人倍感榮耀。喺門口等嘅時候見到唔同嘅菜單，有百日宴、冬至、甚至乎外賣盆菜都可以，岩曬呢個12月做冬/聖誕/公司annual dinner一連串嘅節日活動黎聚會食飯。除左一般常見嘅點心外，酒樓亦有好多唔同嘅新款點心，我地就叫左蟹粉小籠包、鮮蝦帶子鳳眼餃、蘿蔔千絲天鵝酥、春風得意腸，齋聽個名已經吸引。蟹粉小籠包：小籠包裏面充滿金黃色嘅湯汁，將柔軟而薄薄嘅外皮打開，蟹粉嘅鮮香味隨即四溢，十分香濃。當我地咬開嘅時候，滿滿嘅湯汁都喺嘴裏爆開，幸好冇辣親咀。山竹牛肉球：鮮嫩多汁嘅牛肉混入馬蹄增加口感，搭配腐竹增添香氣，加埋唿汁，最愛呢個味道。鮮蝦帶子鳳眼餃：同平時食開嘅蝦餃相比，呢個鮮蝦帶子蝦餃除左賣相精美，口感亦更為出色。蝦餃外皮煙韌，內餡更為飽滿，蝦肉嘅鮮甜口感充分展現出黎，鮮嫩多汁，仲有加埋帶子更增添鮮甜嘅味道。蘿蔔千絲天鵝酥：普通嘅炸蘿蔔絲經過廚師悉心製作後，變得更為名貴。用餅乾製作成天鵝頭，再用炸蘿蔔酥造身體，創意無限。味道亦非常出色，外層酥脆，內裏柔軟，蘿蔔香甜，令人印象深刻。蟹籽燒賣皇：燒賣皇採用蟹籽作爲餡料，香氣撲鼻，一咬落去，漲卜卜非常飽滿，肉質彈口，調味恰當，能感受到燒賣鮮甜味道。藥膳鳳爪：媽媽試左啖湯，非常欣賞。藥膳味道剛好，冇苦味亦唔會過重當歸味。鳳爪入口鮮嫩，浸泡喺藥膳湯中，獨特嘅香味同藥膳滋補功效，媽媽連湯都飲埋。春風得意腸：喺腸粉入面包住炸蝦肉餡，腸粉皮薄香滑，肉餡有蝦、芫荽、蟹籽、粟米等，口感彈牙亦帶點清爽，而炸蝦亦炸到金黃酥脆；加上豉油，令炸蝦腸粉味道剛好，實在係心機作品。椰汁馬豆糕：濃郁嘅椰香同奶味，甜度剛好，糕非常滑身同Q彈，而馬豆雖然冇乜香味，但係軟硬遇中，最後黎份香甜嘅糕點，涼浸浸食落冇咁濟，美味可口，讓人唇齒留香，係飲茶必叫甜品。總結黎講，呢間酒樓嘅點心美味又精緻，令人留下深刻印象。此外，服務態度也非常周到，欣賞招待嘅姐姐，勤快有禮。今日媽媽都食得非常開心，下次可以再黎。…查看更多

今日去左呢間位於佐敦嘅七福神和食亭，餐廳令人感受到濃濃嘅日本味道。店內設計獨具一格，融入濃厚嘅日本元素，從擺設到裝修風格，無不散發着濃郁嘅日本韻味，彷彿置身於日本嘅居酒屋氛圍中，舒適又溫馨。菜單上嘅選擇豐富多樣，包括壽司、串物、炸物等等，亦有唔同抵食套餐，令人花多眼亂。我地叫左個二人前、小食同燒三文魚鮫定食。二人前有蜆肉味噌湯、刺身三品盛合(三文魚,季節魚,甘蝦)、溫泉蛋慢煮雞沙律、和風碳燒漢堡扒、香川鹽燒鯖魚、和風珍味拼盤、石鍋香蒜牛肉飯，非常抵食。三文魚、帶子、甘蝦刺身：三文魚油脂分佈平均，厚度剛好，帶子同甘蝦新鮮味美，質地細膩。溫泉蛋慢煮雞肉沙律：展現日本傳統菜餚嘅獨特之處，沙律融合左慢煮嘅嫩滑雞肉，加入溫泉蛋香濃嘅味道，鮮嫩多汁，蔬菜新鮮脆嫰，美味可口。和風碳燒漢堡扒：香氣四溢帶有陣陣炭烤香味嘅漢堡扒，肉質鬆軟細嫰且多汁，一口咬落去口感豐富，搭配和風醬汁，味道獨特。香川鹽燒鯖魚：鯖魚烤至金黃色，賣相引人，脆嫩嘅外皮下是鮮美魚肉，入口鮮嫩多汁，鹽燒控制得宜，鹹味剛好。蜆肉味噌湯：味道鮮美，濃郁嘅味噌湯，內有三隻新鮮蜆肉，鮮香相互融合。和風珍味拼盤係鮮嫩多汁嘅味付螺肉同清新爽口嘅中華沙律。石鍋香蒜牛肉飯：石鍋飯特色在於牛肉煮熟程度剛剛好，牛肉嫩滑入味，搭配上香蒜嘅味道，令牛肉飯香氣四溢，食慾大增。小食方面，樣樣都想食，選擇又多又吸引。魷魚鬚唐揚：一道脆嫩可口嘅炸魷魚，酥脆炸魷魚鬚外面卜卜脆，入口爽滑彈牙。吉列豬扒：炸得酥脆，金黃色嘅賣相好吸引，而豬扒肉質鮮嫩多汁，配上特製醬汁，甜甜酸酸，更為開胃。炸雞軟骨：外脆內嫩，食落有嚼勁，味道少少鹹，可加檸檬汁，酸酸地非常清新，又係另一個食法。燒三文魚鮫定食：燒烤過嘅三文魚鮫外皮香脆，微微帶有焦香味嘅三文魚油香立刻喺口腔入面瀰漫，肉質嫩滑多汁，帶黎豐富嘅口感。花魚一夜干：一道傳統嘅日式乾貨，將新鮮嘅花魚晾曬而成，再經過特製調味處理。喺炭火上烤炙後，花魚一夜干變得外酥內嫩，口感極佳，同時充滿濃郁花魚味道。饅魚飯糰：饅魚肉質鮮美而多汁，特製嘅醬汁味道甜，搭配上炭火燒烤更能帶出香味，外面皮薄有咬口，而飯糰口感亦同饅魚完美結合。總結七福神和食亭食物味道好，價錢亦唔貴，而且份量多，無論同朋友定家人聚會都係唔錯嘅選擇。…查看更多

今日去左金子半之助，一間充滿典雅嘅日式裝飾同親切氛圍嘅日式小店，店內擺放木製傢俱同裝飾品，比人一種溫暖舒適嘅感覺，還原返東京店嘅風格。主要食天婦羅嘅丼，叫左個江戶前天丼同埋呢個只係荃灣店限定推出嘅松花堂御膳，係日本家傳戶曉嘅日本懷石料理，田字型便當飯盒分割成多個小格，極具和風特色。食物款式多多，每小格分別有刺身、迷你沙律、玉子燒、天婦羅、豆腐同涼拌茄子，另外配白飯同味噌湯。天婦羅包括南瓜、蓮藕、小柱魷魚天婦羅餅、海老、莢豌豆。天婦羅係採用左日本特製高級胡麻油，所以天婦羅炸得酥脆、更為芳香撲鼻，而色澤亦會較深。天婦羅海老口感結實不會粉，莢豌豆好清甜，小柱魷魚天婦羅餅外脆內軟，口感豐富，每一樣都好好食。日式涼拌茄子，入口清爽，茄子肥美肉厚，好香麻油味，味道帶有少少甜，加入柴魚口感更好。豆腐細膩滑嫩，口感極爲細膩，簡單而美味嘅料理。玉子燒，一道非常傳統嘅日式蛋料理，蛋香味濃。迷你沙律裏面有新鮮嘅蔬菜，而沙律醬汁甜甜酸酸，非常開胃，食完天婦羅再食下沙律菜都係一個非常好嘅配搭。江戶前天丼有穴子、海老、小柱魷魚天婦羅餅、溫泉蛋、海苔、莢豌豆，附送味噌湯，份量都幾大。穴子即係「星鰻｣，同一般鰻魚相比，穴子嘅肉質會較為厚身，口感緊實，食落肥美軟滑。呢個招牌穴子天婦羅長達30cm，連碗都放唔落，更呈現出一份華麗及豪邁嘅天丼料理中。傳統做法嘅天丼係喺天婦羅上均勻淋上天丼醬汁，令每件天婦羅都能沾上。所以天丼嘅天婦羅冇一般天婦羅脆口，反而係追求每件天婦羅都能沾有醬汁。而金子半之助使用嘅古早祕傳醬汁，味道唔鹹略帶甘甜味，而且仲令人覺得有食慾大增之感。丼碗係江戶時代嘅陶瓷工藝，碗嘅底部特意做成空心設計，所以能保持碗中食物溫度，賣相亦十分精緻｡ 仲叫左個天婦羅蔬菜，有秀珍菇、西蘭花、茄子等。秀珍菇成熟飽滿，西蘭花鮮嫩，而茄子味道清甜，外層包裹得金黃酥脆天婦羅漿，仍保留蔬菜鮮嫩味道同脆爽口感。吃天丼時通常都會搭配解油膩嘅黑豆茶飲用，呢個黑豆茶味濃，個人非常欣賞。總結店內環境同食物嘅味道，都令我留下印象，下次可以再黎，但要記得少飯，唔好做大嘥鬼🤣。…查看更多

今日同媽媽出街，去左一間具有美式玩味風格裝修嘅餐廳，一片充滿活力同創意嘅地方。餐廳名都幾特別，叫Goodday Badday Mamaday😂就喺the one附近，位置都幾方便。一入餐廳，一股清新氣息撲面而黎，牆上掛滿左各種有趣特別嘅裝飾品，先比人一種別樣嘅視覺衝擊。餐廳座位寬敞舒適，檯櫈擺放得有序而分明。Menu內嘅食物名稱都別樹一格，玩味十足，令人印象深刻。我地叫左lunch set內嘅一份烤豬肩配薯菜，可揀餐湯或沙律，另外仲可以優惠價叫飲品同甜品。餐湯係蟹肉南瓜湯，南瓜與蟹肉完美融合，既保留南瓜本身的香甜味，又增加蟹肉嘅鮮美。口感絲滑細膩，味道清甜不會鹹，唔錯。烤豬肩配薯菜：嫩烤豬肩搭配香脆薯菜，豬肩散發出誘人嘅炭香香氣，肉質醇厚且鮮嫩多汁，烤製得恰到好處，輕輕用刀一切已經感受到肉質好腍。配埋新鮮嘅沙律菜，清爽酸甜，更為開胃，令人食慾大開。唔好抱咁大期望蒲燒鰻魚蛋包飯，我嘅期望喺條原條鰻魚上😆大過手掌嘅鰻魚躺平喺蛋包飯上，醬香四溢嘅蒲燒鰻魚外表燒至脆焦，內裏軟熟嫰滑。再加埋滑蛋包住粒粒分明嘅鰻魚汁炒飯，飯粒口感煙韌，軟硬度剛好。鰻魚加蛋包飯，每一口都帶黎唔同嘅口感層次。普通得無得再普通嘅炸魷魚圈：無論幾普通都會想食嘅魷魚圈，外層炸得酥脆，加埋芝士粉蓋面，香氣同賣相大大提升。魷魚圈質感鮮嫩，入口味道唔鹹，但配上沙律醬味道就岩岩好。叫左2杯特色飲品消除菜餚嘅油膩感，一杯係薄荷青檸檬梳打，薄荷同青檸嘅味道完美結合，清涼薄荷搭配香氣撲鼻嘅青檸，味道一d都唔甜，酸酸地嘅梳打水，清爽口感讓人心情愉悅。另外一杯係熱情的沙漠（熱情果焙茶），茶中融入熱情果獨特嘅風味，入口後熱情果香氣四溢，酸甜味道非常平衡，果汁嘅鮮甜同焙茶香氣非常搭配。呢度蛋糕係自家制，所以甜品叫左個唔甜的紫薯蛋糕，蛋糕色澤鮮豔，賣相精緻高貴。蛋糕底層嘅餅底柔軟溼潤，味道真係唔甜，食到紫薯天然嘅味道，並無添加糖。蛋糕中層嘅cream cheese，口感細膩絲滑，奶香同紫薯奇妙嘅組合，搭配創意十足，令人充滿驚喜。總結呢間餐廳嘅環境、餐牌、食物都比我留下深刻印象。食物嘅創意同口味都非常出衆，讓我享受到一種獨特嘅美食體驗。…查看更多

前幾日朋友介紹呢間位於觀塘工業大廈入面嘅餐廳Cobber Noodle and Waffle ，特意過黎試下。我地走過人來人往、車來車往嘅工業區，入到餐廳後彷彿走到第二個空間，店內獨特嘅牆面設計配合溫馨嘅燈光，入口處擺放着一些綠植，營造出舒適嘅用餐氛圍，寧靜、自然嘅環境令我回歸悠閒的懷抱。以手機落單order食物，食物種類幾多，有飯、意粉、pizza、小食、甜品同飲品。飲品嘅種類都非常多，除有咖啡外仲有唔同特色飲品，而且價錢非常優惠。我地叫左蒜香蟹肉意粉、黑松露薯條、蜜糖芥末雞翼、藍莓提子伯爵茶糯米窩夫、百香果梳打、風味鮮奶咖啡。蒜香蟹肉意粉：用左新鮮蟹肉搭配細膩嘅意粉，意粉做得有咬口，蟹肉鮮嫩多汁，而且每一口都帶住濃郁嘅蒜香味，令人回味無窮。黑松露薯條：薯條炸至金黃酥脆，淋上黑松露醬，散發出濃郁黑松露嘅香氣，細心地額外提供黑松露醬，不論薯條定醬，份量都非常足夠，絕不孤寒，如果係黑松露或薯條嘅愛好者一定非常滿足。蜜糖芥末雞翼：雞翼表皮炸得金黃酥脆，內裏肉質鮮嫩多汁，做到外脆內嫰嘅效果。搭配蜜糖芥末醬汁，既香甜又微辣，與雞翼相得益彰，鹹香、辣味和脆爽嘅口感美味非常。甜品一早order左，店員好細心，見我地食到差唔多過黎問我地要唔要準備，因為製作時間都要等15分鐘。藍莓提子伯爵茶糯米窩夫：窩夫充滿伯爵茶香氣，外皮脆，而裏面係軟綿帶煙韌嘅糯米monchi。雪糕可以揀唔同味道，有綠茶，雲尼拿，朱古力，椰子，夾住香甜嘅雪糕一齊食簡直係一大享受。以藍莓同提子新鮮又香甜，令整個甜品更加獨特。飲品方面價錢優惠質素高，百香果梳打味道清爽，清新嘅百香果搭配梳打水，口感酸甜，而且附帶半個新鮮百香果，可以自己倒入去，令人印象深刻。風味鮮奶咖啡，鮮奶與濃郁的咖啡完美融合，口感絲滑，香氣四溢，濃郁口感難以拒絕，拉花圖案更令我感到愉悅放鬆。整體非常滿意今次用餐，食物好味，店員有禮，感謝朋友推介…查看更多

今晚同朋友一齊去左呢間pizza maru食韓國手工pizza。店內嘅裝潢同氛圍帶韓國風，非常乾淨舒適，感覺彷彿置身於韓國嘅cafe食店。我們叫左個pizza,小食同意粉，其中包括薯角炭燒雞肉芝加哥、紫蘇炸魷魚圈同蟹肉飛魚子意粉，另外叫左2杯peach iced tea同pinklady iced tea。pizza賣相金黃誘人，唔算好大，但幾厚身。pizza用左濃郁嘅忌廉芝士做批邊，切開時嘅拉絲感覺令人愉悅。搭配上炭燒嘅雞肉和香脆薯角，口感豐富多樣，一口咬落去，食到洋蔥粒、蘑菇、番茄、香芹等味道，仲有蜜蜂杏仁脆卜卜，配合雞肉炭燒香氣同芝士絲滑，pizza口感充分展現出黎，加埋特製BBQ醬，美味滿滿。紫蘇炸魷魚圈令我地大呼過癮。魷魚圈外皮炸至金黃鬆脆，魷魚本身鮮嫩多汁又腍身，質感非常好。紫蘇葉味道雖然唔突出，但魷魚鮮香嘅味道充滿口腔，讓人垂涎欲滴，一口接一口。蟹肉飛魚子意粉係我幾推薦嘅一道韓式意粉。麪條煮得微微有嚼勁，口感好好，配上蟹肉同飛魚子，鮮香味道浸潤喺每一條意粉上，仲有火箭菜、蘑菇同洋蔥，口感絕不單調，而且非常飽肚。飲品方面，peach iced tea清新甜美，而pinklady iced tea 飲唔出西柚味，但2杯飲品都清香而不會過甜，整體感覺很清爽，配上今餐美食係非常match。總結都幾喜歡呢間韓國餐廳，留下了深刻而美好嘅印象。菜品新穎創意，味道亦非常美味。同時，店內環境同服務都非常出色，雖然店員講英文，但都非常友善。…查看更多