yantszch's Profile

沙田呢間泰菜開業以來我都食過幾次lunch，lunch set 抵食之餘水準亦不錯，見夜晚有做二人餐，包多款食物又抵食，所以就同朋友嚟試晚飯！首先前菜有泰式生蝦，生蝦新鮮彈牙，另外仲有迷你蝦多士，炸得酥脆鬆軟泰式海南雞半隻份量都唔少，肉質嫩滑，配上酸辣泰式醬汁夠晒惹味二人餐都有泰式鍋滿足晒我火鍋癮！湯底似平時食船麵湯底味，配料有大量豬肉丸、蘿蔔，全餐飯熱住煮到入晒味仲有鑊氣十足嘅炒通菜大大杯嘅青檸梳打跟餐送最後甜品有驚喜，係泰式珍珠奶茶布丁，布丁係濃濃嘅泰奶味，配上煙靭嘅珍珠，配搭有趣又好味！整體而言二人餐相當抵食，有多款食物份量又多，對得住個價錢！…Read More

呢日同朋友趕住想食個快但又唔太頹嘅dinner，路過見到呢間食車仔麵就入去填肚，估唔到普通嘅車仔麵都帶有驚喜！首先呢度不論餸及湯底都唔少選擇，仲要價錢均真，大部分選項都唔需要特別加錢我地分別叫了：秘製辣醬+通菜底 配牛筋、牛腩、蘿蔔、溏心蛋、韭菜餃，濃香沙嗲伴麵 配滷水蛋、生菜、台灣黑椒腸、腐皮魚卷、韭菜餃，再加了小食秘製辣魷魚同炸魚皮！我呢碗湯麵特別欣賞佢嘅牛筋牛腩，大大件又入味，唔會係得啲碎粒粒朋友就特別欣賞佢嘅沙嗲醬，香濃惹味，配伴麵一流呢碟魷魚唔算太辣，魷魚亦都爽口炸魚皮就炸得脆卜卜，我就鍾意浸入湯麵浸冧佢食整體性價比不錯，尤其係中環地段，而且環境乾淨，用手機落單方便，係簡單快食之選！…Read More

正所謂打邊爐無分季節，我無時無刻都會搜羅一啲打邊爐勝地！朋友介紹今日試咗呢間打邊爐餐廳，都幾唔錯！地方闊落，通風系統良好，食完之後件衫都完全冇邊爐味。我地叫咗個二人套餐，湯底揀咗胡椒酸菜白肉鍋。鍋底用料新鮮，入面已有好多白肉，味道唔會太濃太辣，無味精味，食完唔會口乾。套餐仲包了唔同嘅火鍋配料，有黑豚肉、炸魚皮、蔬菜拼盤、水餃、烏冬等等，仲包飲品，完全唔使煩叫咩，方便快捷，上菜速度快，侍應態度又良好，成個打邊爐體驗都好好！蔬菜拼盤擺盤漂亮，蔬菜十分新鮮肉類比較瘦，但煮熟後一啲都唔鞋，好有肉味，食得出係高品質肉片其他配料都好新鮮，份量不算多，但夠二人食…Read More

呢間the one嘅西餐一向都係打卡聖地，今日中午嚟到，落地大玻璃睇到藍天白雲，陽光照射入餐廳勁光猛，淨係環境都加晒分！是日餐湯有蘑菇忌廉湯，食到粒粒新鮮蘑菇碎，餐包亦烘得香脆又熱辣辣意式肉丸蕃茄醬手工闊麵欣賞呢度嘅闊麵口感煙韌，果然係手工麵獨有嘅效果，加上麵條沾滿酸甜嘅蕃茄蓉味道出色！肉丸亦係結實而肉質唔會老。燒美國豬肉眼肉扒肉眼肉質嫩冧，配上黑椒汁惹味，另外仲有烤西蘭花、蕃茄、薯角做伴菜，特別鍾意佢嘅烤薯角做得外脆內軟綿綿，食到啖啖薯蓉。…Read More

朋友發現呢間位於美麗華嘅泰國餐廳做緊有小食放題嘅weekend brunch，於是我地即刻就要嚟一試，餐廳樓底高裝修又靚，走高級餐廳路線，竟然有做任食實在太令人興奮！首先食泰菜當然要叫杯棷青，餐廳細心地刻左自己餐廳名上去，棷青汁亦十分清甜可口。蟹肉海鮮羹湯我揀左蟹肉海鮮羹，入面嘅海鮮夠晒足料，粒粒蝦肉、八瓜魚亦都彈牙新鮮魚子醬紅磚豆腐前菜方面有呢款紅磚石腐，表皮薄薄嘅炸漿粉炸得酥脆，外脆內滑嘅口感做得不錯然後就到重點放題嘅部分了，以下嘅小食全部都係可以任加：沙嗲串(牛、雞)沙嗲汁調味有濃濃嘅棷香同花生香味，肉質亦嫩冧，最後我地食左兩碟！炭燒豬頸肉沙律豬頸肉燒得香口，配底下酸酸地嘅沙律菜汁啱啱好去膩泰式手打蝦餅蝦餅嘅蝦肉做得結實，而且炸得鬆脆金不換肉碎生菜包呢碟金不換肉碎炒得頗辣，相當惹味馬拉盞炒椰菜主菜方面我地有炭燒手切牛肩脊，牛肩脊嘅牛香味濃，肉質亦都燒得嫩又保持到肉汁泰式咖喱虎蝦球配薄餅虎蝦球大粒又彈牙，反而咖喱唔會太辣，唔會掩蓋蝦嘅鮮味黑糖椰子雪糕欣賞呢款甜品唔會死甜，反而食到棷子原本淡淡嘅甜味，最後凍一凍返個口腔舒服晒！…Read More

早排去開葵芳，遠離左熱鬧嘅葵廣想搵間小店坐耐啲，誤打誤撞去左呢間日式小店，經濟實惠。汁煮豬軟骨蕃茄濃湯烏冬蕃茄湯底非常濃郁，烏冬亦都口感煙韌唔會太淋。另外豬軟骨嘅份量都唔少，又煮得入味，軟骨亦煮得啱啱好夠爽口。蒲燒金鯛魚腩飯金鯛魚腩相當夠油香，魚肉嫩滑，加上甜甜嘅燒汁好送飯！特選燒物盛燒物拼盤方面分別有燒鰻魚串、大蔥雞肉、牛舌及雞髀肉串，每款仲要有兩串性價比都幾高，燒物整體都燒得香口，牛舌更加係大塊而肉質唔會老。…Read More

見呢間燒肉店做緊早段離座半價優惠，就搵日放早去試下。入到去先知原來佢係內地大型連鎖店，入面連店員都係講普通話，好彩都有啲店員係可以廣東話溝通嘅。坐低枱面前已經放滿前菜，食晒仲可以任添燒汁橫隔膜橫隔膜肉質係相對靭啲，但好有牛香味鳳梨牛排呢碟要讚嘅係用菠蘿汁嘅酸醃肉，令到牛排更加嫩冧，而且欣賞餐廳用新鮮菠蘿，清甜去膩雪花肋條牛肋條嘅油脂真係好似雪花咁均勻地分佈特色肥牛及瘦牛望落肥牛嘅脂肪好多，但燒完其實大部分油脂都溶左，所以食落又唔會太油膩蘑菇拼盤水冷麵食完咁多肉，最正一定係食返個又冰凍、又酸甜嘅水冷麵，完全幫我地嘅口腔急降溫！牛肉海帶湯最後仲有個海帶湯，清熱解渴二人套餐來講份量極多，仲要有半價優惠絕對係性價比高，整體係超值！…Read More

觀塘邊陲冇咁多人，有一日經過呢間cafe已經比佢裝潢吸引，樓底又高，最近終於試左了。菜式名字已經非常吸引，每一道菜都令我好深刻，真係色香味俱全。食材嘅配搭顯出廚師的心思。香煎法國鵝肝伴焦糖蘋果鵝肝非常厚，燒得十分香，加上焦糖同生果，以前菜嚟講真係完美。夢幻粉紅海鮮澳洲沙律賣相真係好夢幻，初時嚟到以為係雪榚！外型真係好有創意，薯蓉以粉紅色顏色登場，上面有魷魚同蟹籽，再加上雪榚筒嘅餅乾，味道層次分明。香煎北海道帶子黑松露意大利飯福袋意大利飯以福袋亮相真係第一次見，帶子十分新鮮，加上佢入面加左黑蒜油，令成個飯嘅鮮味更提升！最後選左兩杯熱飲，飲完暖笠笠。聖誕好夠薑陳皮洛神花茶…Read More

經過門口幾次都俾佢嘅figure吸引住，早排就同朋友去左呢間主題餐廳試下佢dinner!店員另外遞上iPad 嘅drink menu，有好多特色cocktail都想試下，最後我叫左呢杯Tiffany blue顏色嘅Rain，由vodka, grapefruit, lime調製而成，賣相十分精緻甲羅燒蟹肉蟹膏意粉原個蟹蓋鋪面賣相吸引，蟹蓋內有滿滿嘅蟹肉蟹膏，相當足料，撈落意粉度食啖啖充滿蟹肉鮮味法式烤鴨脾配黑醋及燒汁呢個法式烤鴨髀係經過油炸煮食，薄薄嘅粉漿令到外皮脆口，配上酸酸甜甜嘅黑醋汁去膩，鴨肉亦唔會煮得太乾，肉質尚算嫩冧，旁邊嘅蔬菜都烤得香口保持juicy…Read More

中環街市最近開了呢間裝修新派嘅傳統潮州鋪，店內有多個霓虹燈牌俾人打卡，但無論雞公碗、鐵茶壺等嘅餐具都保留住傳統大牌檔風味。我地坐低後首先揀茶，店員再送上小食潮州鹹酸菜及水煮花生。滷水鵝片拼墨魚講到潮州菜首先當然有滷水，呢度嘅滷水鵝片做得出色，入味而且肉質嫩冧，鵝肉肥瘦分明，充滿鵝肉香味，墨魚亦唔會太靭，底下嘅豆腐索晒滷水汁味沙薑雞腳呢碟沙薑雞腳份量比想像中多，沙薑汁味道濃郁惹味鹹菜胡椒豬肚鹹菜胡椒豬肚湯用瓦煲上，有保溫嘅效果，另外湯料十足，有多件豬肚、豬肉及鹹菜，飲落胡椒味香濃，夠晒暖胃欖角黑豚腩肉配潮州金橘呢道菜感覺有啲似咕嚕肉，豬肉粒經走油後再配上欖角炒，味道偏甜，所以要落金橘汁中和甜味，令到佢變酸酸甜甜更香味嗱渣炒麵見菜名好新奇所以就試下，原來係潮式炒麵，炒得好夠鑊氣，簡單得來好味最後仲好似一般潮州老店咁提供功夫茶，菜嘅味道偏澀但就啱晒去油膩感…Read More

今次嚟到新場airside, 就係為了一試呢間朋友介紹嘅新派中菜，餐廳嘅裝修華麗，地方闊落，枱與枱之間有足夠空間，我地枱嘅位置仲要被綠葉包圍，有別一般中菜又嘈又喧鬧嘅印象酒盜南非鮑魚平時日本菜嘅酒盜芝士就有食過，今次fusion到中菜用酒盜真係第一次聽，酒盜其實係醃製了嘅魚內臟，鹹鮮味非常惹味，配上冰凍嘅鮑魚意外地夾，鮮味十足西班牙黑豚叉燒呢度嘅叉燒係招牌菜之一，叉燒肥瘦均勻，外面燒得焦香帶硬，內裏肉質嫩腍而唔會乾，實在做得出色，可以話係香港數一數二好味嘅叉燒桔柚黑鱈魚最有驚喜估唔到係呢道黑鱈魚，其實佢嘅感覺有啲似咕嚕肉，但桔柚醬汁味道酸甜得來帶多一份清新感，鱈魚切粒後再經油炸，外皮炸得鬆脆，內裏緊緊鎖住肉汁，食落魚肉嫩滑仙翁米雞湯浸菜苗上湯浸豆苗，雞湯味道頗突出啤梨川貝燉陳皮最後甜品以為係一盅糖水咁上，點知係原個啤梨上，啤梨燉到吸收晒陳皮嘅香味，仲有川貝啱晒潤喉…Read More

山林道呢間金鳳一直開業多年，每隔一排又會心血來潮想去食，佢嘅懷舊港式西餐就係有種魅力令人間中又會掛住雖然鐵板扒餐先係主菜，但佢嘅羅宋湯才係我的最愛。呢道嘅羅宋湯黑椒味香濃，酸甜味平衡得剛剛好又多配料，配上佢鬆軟嘅餐包一流我點選了牛肋骨鐵板餐配黑椒汁，牛肉揀左7成熟，牛肋骨有兩大條份量多到我食唔晒，而且肉質嫩冧，底下仲配有薯格，有醬汁嘅關係薯格偏冧，但食落啖啖薯蓉另外朋友點了雜扒餐，分別有一件雞扒及豬扒，同樣配了黑椒汁，兩件肉咬落都多汁唔會太乾，底下則配有粗薯條最後仲有跟餐飲品，以呢個價錢有咁嘅食物份量來講相當抵食，食物水準亦無令我失望…Read More

早幾晚係中環想搵個light and quick dinner, 經過呢間主打健康salad bowl就即刻入去。餐廳採用自助形式，係櫃台叫餐後就拎取餐器等，出餐亦相當有效率。Musella (half and half salad + 4 grain mix)呢款bowl我揀左一半沙律、一半4種穀物底，包括有紅米、糙米、藜麥、小米，配料有豆腐粒、青豆、烤蘑菇及酸瓜，另外配有麵鼓醬汁，材料清新，但可能有多款穀物嘅關係食落意外地飽Bibimbap Grain Bowl另外朋友叫左呢個健康版韓式拌飯，佢揀左全穀物底，配料有豆腐、紅蘿蔔絲、大豆芽碎、酸瓜，另加隻太陽蛋係面，賣相十足十傳統韓式拌飯，再配返杯香茅薑茶暖下胃Sourdough Flatbread Chips with hummus我地仲叫左個小食share, 呢個係酸種薄餅脆脆配鷹嘴豆泥，脆卜卜又香口，絕對係零罪惡感小食之選！…Read More

見呢間鐵板燒網上嘅評價唔錯，早前就同朋友嚟食晚飯，果然無令人失望，係近期係香港食過最好味嘅一餐鐵板燒！店員首先展示今晚鐵板燒嘅食材前菜方面有和歌山富有杮配芥末麵豉醬，以及慢煮八爪魚，柿嘅味道清新配咸味嘅醬又意外地好味，八爪魚慢煮了三小時，夠晒入味又夠冧之後有北海道真蠔配橘子啫喱，絕無誇大，隻蠔真係有手掌咁大，十分鮮味，配清甜嘅橘子啫喱好夾刺身有拖羅及真鯛，拖羅唔算肥但鮮味，特別嘅係真鯛配左松露油及雪鹽，食到濃濃嘅松露油香接住係燒左口魚邊身金䱽魚腩手卷，魚腩肥美鮮甜，加上燒左口魚邊油香，仲要師傅特登用魚乾墊底，一啖食到唔同嘅味道及口感，層次豐富食完刺身終於到鐵板燒出場，先有沙巴虎蝦配雞冠草沙律，虎蝦上有滿滿嘅蝦膏醬汁，味道十分香濃鮮甜，蝦肉又夠彈牙，做得非常出色！之後有帆立貝海帶湯配自家醃製三文魚子，帆立貝煮得啱啱好唔會太老，海帶湯完全就係帆立貝嘅精華，最特別係三文魚子係餐廳自家醃製，唔同一般三文魚子爽脆嘅口感，呢度反而係冧帶點軟糯，亦食到醃製醬油嘅味道另一驚喜係法國鵝肝配藍莓醬及黑豆，好多時出面嘅鵝肝煎出嚟油淋淋，呢度煎得香口但唔油，再加上藍莓醬食完唔會有種成口油嘅感覺最後仲有煎牛柳粒，我揀左五成熟，雖然厚切但仍然煎得嫩冧，牛肉味香口，基本上唔使任何調味都好好味鐵板餐嘅最後當然唔少得黑松露蟹肉炒飯、炒雜菜及魚湯，炒飯嘅蟹肉極多，黑松露味亦唔會蓋過晒蟹肉味，明明已經極飽都要食晒個炒飯最後甜品有蕨餅及綠茶布丁配黑豆，兩款甜品都清清地唔會太甜，完美為呢餐作結總括呢餐食物款式多、食材高質、每碟菜嘅設計都別具心思，仲要套餐做緊85折，絕對係極佳嘅體驗！…Read More

觀塘多人多車，鴻圖道幾時都咁繁忙，要搵到一間少人嘅觀塘地舖餐廳好難，要搵到一間寧靜舒適嘅觀塘地舖餐廳就難上加難。今日去觀塘做野經過呢間餐廳，已經比門面裝潢吸引住，好似去左日本咁，就咁就吸引左我同朋友入去食野。　入到室內，風格就轉至日式校園課堂，木櫃放左好多日本嘅懷舊物品，好有特色。環境闊落，座位好大，燈光柔和，好有氣氛！我同朋友都叫左同一個日式比目魚西京燒套餐，套餐包兩款日本漬物和麵豉湯。主食比目魚口味較淡，但味道新鮮，魚質鮮嫩。麵豉湯內有蜆、腐皮及海帶，帶出鮮味，比一般日本餐廳更顯細心。我地仲叫左唔少串燒小食。串燒即叫即燒，擺碟漂亮，材料都好新鮮。最有驚喜既係醬燒雞免治肉丸串，坊間大多都係以雞免治肉棒形式，而家用肉丸方式更方便入口，每粒肉丸都有甜甜醬汁包住，再點上生雞蛋，係我最愛既串燒。另外我地仲叫了酥炸吉列廣島蠔，炸得好香脆，蠔又唔會過熟。以呢個價錢，可以食到比同等日本餐廳好的食物，加上環境裝修有氣氛，值得下次再來。…Read More