winwin1993's Profile

喺樓下見到個餐牌好豐富，但原來係應該屬於晚市，上到去得兩塊餐牌，一塊剩係得小食佢得一個意粉就係溫泉蛋卡邦尼，但係完全唔流心既，味道有啲似茶餐廳嘅意粉，煙肉冇炸到好燶，所以叫做健康小小嘅版本，味道整體嚟講都算正常，但係感覺價錢就唔太值得燒芝士牛油果墨西哥薄餅，期待越大失望越大，食落口係勁苦，苦到好似食緊芥蘭咁，然後問咗個職員個牛油果點解咁苦，職員問完廚師回答話係正常，可能係因為啲芝士同牛油果拼埋一齊所以苦，正常牛油果苦係因為變壞咗，如果真係因為芝士同牛油果夾埋一齊變苦，咁廚師又點解要整呢一道菜出黎。最終職員話可以我哋揀過另外一個餐換俾我哋，所以我哋加咗$20要一個漢堡包。漢堡包發揮正常，佢個包幾好食，薯條都唔錯，正常發揮，牛肉就比較一般，唔係靚嘅牛肉，蕃茄同洋蔥好新鮮嘢飲基本上除咗熱奶茶、檸檬茶之外都要正價去買另外一啲特色飲品，佢係冇得加錢嘅，嘢飲係包埋喺個餐入面本來想叫雞翼做小食，但係佢冇得散叫雞翼一定要嗌一個小食套餐，四隻雞翼再加墨西哥薯片，再加一杯熱檸茶之類，要$128，覺得性價比好低…Read More

佢lunch time 既餐牌選擇唔算多，有幾款小食同set lunch為主，但價錢都合理佢可揀餐湯或沙律，餐湯係黑松露味既忌廉湯，好飲，同埋佢個餐包塊好好食牛柳絲意粉好味，佢牛柳絲都足料，唔會得d意粉係度薯條同燒春雞，薯條正常發揮，雞就淡味d，佢既sauce唔太濃味，個人希望佢會配另一種醬汁，如泰式辣醬、燒汁。但佢皮係有d位脆脆地，唔錯，幾好食，建議檸檬擠多d汁落隻雞度會更好食，清新。佢墊咗好幾舊菜，西蘭花、南瓜，都正常發揮佢套餐配一杯凍式熱既果茶，我覺得凍既都好飲…Read More

叫咗一個南瓜蟹肉意粉，佢係將南瓜同蟹肉blend咗出成醬汁煮意粉，好好食同好特別，佢係南瓜味同蟹肉味都好出，呢個必叫十里香雞翼好食，推薦，好食，係老闆獨家研發既十種香料整成既調味，佢入面都妹juicy，必食蜆肉意粉就正常發揮，意粉軟硬適中，呢個感覺清番少少，唔係好濃味，都幾多蜆肉奄列all day breakfast推薦，好食，佢薯餅好脆，牛角包係甜甜地唔錯，奄列正常發揮既，唔錯幾滑炸飯團幾特別，好脆，入面有少少肉海鮮飯既味，佢配咗個淡淡地既忌廉醬lemonade好飲真係好少位，可能要等一等但值得…Read More

叫咗個牛扒五成熟，不過始終都唔係新鮮嘅牛肉，所以唔好期望真係五成熟個種，但係味道都唔錯，佢啲配菜唔錯，特別係翠玉瓜同菇同薯蓉都好入味，反而個牛扒可以鹹少少就更加好魷魚rissoto幾好食，清淡少少，但係都有味，而且唔會話太硬 明太子雞翼幾好食，係有少少辣嘅，佢配埋個個清淡小小嘅飯就唔錯，如果淨係食呢啲雞翼就會比較油膩，所以佢加咗少少沙律菜，中和一下就更好叫咗一杯凍嘅玄米茶，係有茶味嘅，但係冇咩特別，而且佢放咗啲玄米茶葉喺面有啲阻住飲添…Read More

叫咗個西班牙薯蛋配巴馬火腿，係好食嘅，因為個薯仔片係炸到脆嘅，同埋隻太陽蛋係真係流心非常之好食，蛋白邊都脆嘅，但係嗰日我就食唔出佢有巴馬火腿同菠菜，雖然唔大份，但係都食完幾漏然後叫咗個蒜香油雞肉意粉，份量一樣都係唔算特別大，但係食完都係覺得幾漏，有少少辣嘅，雞肉份量足夠，唔會話得好少肉或者好細舊，意粉唔會過硬或者過軟，唔錯，味道係濃嘅餐牌選擇十分少所有嘢都係自助嘅，如果夏天坐門口位就會辛苦啲，因為啲人會出出入入唔閂門，咁你就會比較熱…Read More

叫咗一份骯髒漢堡，其實就係漢堡包再加辣肉醬，係真係會食到好骯髒佢入面有酸瓜同蕃茄仲有芝士再加牛肉漢堡，個包邊係有少少脆，汁醬係辣辣地同埋少少甜甜地，好食但就比較重口味同濃味，同埋佢嗰啲肉醬，唔係剩係得啲汁，肉都充足士多啤梨奶昔同埋菠蘿椰子奶昔，正常發揮唔會死甜，但係溶得極快，基本上你一拎返埋位已經開始滴緊，所以想打卡嘅話真係要快一個人煮，所以係等得比較耐，可能叫餐之後你喺餐廳入面打卡都未食得，但係係幾好食嘅，所以都值得等餐廳應該多數3:00先開門，所以都唔使太早去啦…Read More

叫咗小食既避風塘魷魚好食，惹味唔太辣，推薦，唔係剩係得魷魚鬚而特濃朱古力就失望，味道似雀巢朱古力雪糕溶咗後混合朱古力奶，朱古力味濃，但係有啲奇怪，因為似溶咗嘅雪糕味，唔會想encore，唔推薦，有啲濟，一個人飲一樽就太多炸蝦日式蛋包飯係炒滑蛋，唔係日式嗰種蛋包飯，唔辣嘅，但係唔太好味，咖喱似係普通速食開出嚟嗰種，無咩特別，炸蝦感覺都麻麻，炸粉都厚過隻蝦整體性價比唔高，因為味道一般，可以考慮吓幫唔服務OK ，職員有禮…Read More

我叫招牌檸檬茶一杯，問可唔可以少冰，佢話會變8成份量，我ok，但估唔到佢係成杯都係杯，每粒立方體冰塊都好大粒同完整，我唸d茶係最盡得五份一杯。28蚊一杯買杯冰係完全唔值！同埋少冰都滿到頂，咁好似好呃人，仲要少咗茶底，兩啖飲完。茶味唔濃，有香茅檸檬味，以招牌黎講覺得真係完全唔推薦！唔知其他分店係咪都係咁既冰量，但airside呢間係咁飲唔出佢係茶底味係咩，味道好奇怪，不過我叫咗一分甜，理論上係茶味會比較出，但完全失望…Read More

叫咗一個自選小食拼盤，入面有兩串牛肉但好乾同無咩味，無牛肉味，好彩無散叫，唔推薦 。然後叫咗個牛肉檬粉，好普通，牛肉唔硬唔鞋，呢間餐廳價位偏高但質素係正常發揮，令人覺得唔值得去食。豬肉春卷係唔錯，但無咩令人驚喜既地方，叫好食d，米粉卷包既似係一d素菜，但無咩味，普通班蘭咖啡都香咖啡味，有甜味，唔可以走甜，可以一試，而柑桔仔蔗汁，佢係一枝蔗汁另上，然後俾一杯有粒柑桔仔既冰你，勁甜，要拮爛柑桔仔中和番d甜味，但都係相對上好甜既飲品服務態度唔錯，只係性價比唔高我本身訂座時寫了慶生，去到餐廳職員建議我可以加98蚊佢會有蠟燭同刀同好似生日字俾你係個甜品度，甜品價錢係分開計，我就覺得唔值，所以我無加錢，只係普通食咗就算…Read More

光顧兩次，都係慶生，因為佢會唱生日歌同一張即影即有，仲會有生日牌同蠟燭係甜品度，兩次都係叫佢tasting menu，性價比好高，因為佢starter兩款，main係意粉類三款，最後甜品，仲有餐包水牛芝士同tuna tartare必食，好好味😋意粉方面 千層面第一次食好正，第二次食就反而好似焗得唔夠耐，無咁好食黑松露意粉就好大份但係無咩配菜就淡口味d鴨肉雲吞都ok貝殼意粉少少辣，有dd肉粒做配菜tiramisu好食 超推薦…Read More

超推薦去食佢地既疏乎厘，今次叫喳開心果味，佢空氣感好夠同熱熱地出爐好正，如果加多球雪糕就真係更好，有少少開心果碎一齊食至於咸點就普通d，海鮮泡飯，我覺得麻麻地，雖然無急凍海鮮味，但感覺味道淡淡地唔算好吸引蕃茄辣意粉可以少辣，d菇好食，但就無咩配菜係素一點既菜式，不過不失小食拼盤好食，推薦，炸魷魚有dd紫菜味，個人好中意，因為夠味，炸蝦可以沾泰式辣醬，炸雞翼都好味，本身有好少dd辣味飲品方面就正常發揮服務態度友善，都有簡單既打卡位置…Read More

店面唔算大，唔算多位，但係都整潔嘅豚肉壽喜燒配白飯豚肉得幾塊，同埋唔大塊，我覺得唔夠食，要快少少拎起，如果唔係會煲到好熟唔好食，但係食落去冇臭味，有壽喜燒嘅湯底味道，但係冇咩配料得少少菜，一舊菇，同埋兩舊烏絲，好似冇咩嘢食咁有個少少沙律菜，做前菜都可以嘅，同埋麵豉湯就正常發揮，冇咩特別白飯加咗少少好似牛角咁樣嘅調味粉，就好食咗好多，可以揀配白飯定係配烏冬，但係配烏冬要加錢整體上性價比唔算高，但係服務態度很好…Read More

menu嘅選擇多到花多眼亂，係有啲泰式fusion冬陰功大蝦嘅螺絲粉好好食而且好有驚喜，好有新鮮感，螺絲粉係有冬陰功嘅辣味嘅，大蝦油好大條黑色嘅蝦腸，略為扣分，另外仲有啲魷魚同埋帶子都正常嘅咖喱牛配印度薄餅都好好味，呢一個仲可以叫多個白飯去一齊食，佢個咖喱汁係甜啲嘅，有啲好似薯條形狀嘅薯仔，唔會好林，牛肉都好林。印度薄餅都好食嘅，不過不失泰式鳳爪就偏辣，蝦片好好食好脆，芒果都係甜嘅，生菜都好新鮮，個辣味係慢慢越食越辣但係份量唔算好大，所以相對唔算抵食…Read More

佢有兩種牛肉嘅喺嗰個海陸空拼盤度，但係肉質就麻麻哋，唔會話好好味囉，但係價錢都唔平海鮮就一般啦都有少少腥味，但係鮑魚會幫你𠝹開，有少少細心，等你容易熟蝦滑必食好食，炸魚皮都必食好食台式飲品好飲，同埋好大杯台灣啤酒都好唔錯椰子雞湯個湯底好好飲同埋啲椰子肉好好食， 仲有幾舊雞肉喺入面出面可以食滷肉飯同埋一啲小菜同埋一啲水果我覺得唔錯，其實好好食有啲好似中華沙律都好味，仲有個炸芋頭丸仲有圍裙俾你，防止整污糟你件衫廁所就唔方便，因為要借鎖匙而且得一條鎖匙…Read More

鬆餅scone係半島最出名既食物，但係今次去食好失望，唔肯定係咪淨係我地個枱係咁，佢麵粉味好重，而且唔香脆，佢係好似麵包咁。個牛油同jam一d麵唔香，唔好食個開胃小食係ham包著空心既脆脆，不過不失三文治好普通，青瓜味，鵝肝唔錯，唔會太腥錯，蝦包唔錯，夾埋入面泰式既配料幾好食，煙三文魚麵唔錯，總結咸點唔錯甜點方面唔錯朱古力mouse cake唔會太甜但就有d漏，但係好香既，好食既橙型既mouse cake好清新，係好味既raspberry mouse cake都唔錯，唔會太甜，略帶少少玉桂味白色嗰個係一啲都唔甜入面係有驚喜嘅，亦都唔會有陣假味最尾送嘅朱古力就麻麻哋喇熱泡沫咖啡竟然冇拉花，好失望，半島下午茶就配埋鮮奶俾你，但係茶味唔特別香安排最唔好嘅就係要人企喺門口度等好耐，唔俾人book位，其實根本唔使提早去排隊，就算入面有晒空枱，佢都唔會俾你入去坐，一定要等到兩點先開始慢慢逐個人放入去…Read More