little.Amm's Profile

酒店套票住客可以85 折惠顧豐盛閣指定晚市美饌套餐。周一至周四: 豐盛晚餐; 周五至周日及公眾假期：豐盛半自助晚餐 我當日係weekend所以就係半自助晚餐。首先有自選 1+1 燒烤主菜，選擇非常豐富，有波士頓龍蝦、燒大蝦、燒扇貝、燒羊扒、燒黑毛豬柳、燒美國肉眼牛扒等等。然後就即場由大廚代勞以熱烘烘的火爐即燒即烤。其他冰鎮海鮮、前菜、熱葷及精甜品就任食形式供應。 自選燒烤主菜我就揀咗美國肉眼扒同燒大蝦，肉眼扒燒得香噴噴，肉質豐腴多針，大蝦爽口彈牙。自助甜品吧都唔錯，款式選擇多而且好多款都幾好食。 而且望住青馬大橋夜景下嘆香噴噴的豐富燒烤大餐，別有一番滋味！…Read More

其實真係十萬個想去旅行，但疫情嚴重唯有乖乖地唔好四圍亂跑，唯有去食下野幻想住自己去緊旅行先啦💭最近試左「志」Omakase dinner Set，$1,200有25道🍣 性價比好高！師傅會用當日最新鮮既食材去即時製作，同其中2位老闆傾計發現佢地對食都係非常有要求既人，所以呢度最特別既地方係有一個專誠由日本訂製既檜木熟成櫃，香港唔係度度有架！可以預早將魚類天然熟成🐟 令食材味道更濃郁豐富，細心品嚐就會發現同其他餐廳食既Omakase有唔同😚我鍾意有heart既餐廳❤️ 呢間我鍾意！…Read More

最近新發現咗一間好特別嘅火鍋店，成間店嘅裝修都係以音樂做主題， 細心觀察就會發現到好多樂器裝飾，仲有一個好大嘅螢光幕播住周杰倫演唱會，細問之下先發現原來餐廳真係同周杰倫有關，係佢朋友開嘅。和牛響鈴好juicy好有肉汁，外皮又夠鬆脆，仲有個脆炸鵪鶉腿都唔錯平時好少機會食到。火鍋湯底我哋揀咗北海道毛蟹鍋湯，成隻毛蟹去煮湯底感覺好奢侈haha！個湯一滾起就聞到超級香，而且飲落超級鮮甜清新，真係忍唔住一直飲。除咗湯底之外，連醬料都非常講究。有九宮格嘅醬料畀我哋調配岩自己口味嘅醬， 而且有啲醬料出面好少見！A5 日本和牛拼盤 一定係必試！可以試曬A5和牛多個部位，好適合牛魔王呀！用A5和牛放落湯幾秒就已經食得，肉質鮮美，入口即溶，配埋毛蟹嘅鮮甜湯底完全係享受！見到火鍋料都好新鮮，我哋之後忍唔住叫多個海鮮拼盤，有龍躉+鮑魚仔+海蝦。海鮮好新鮮，鮑魚仔好有口感煙煙靭靭，海蝦就結實彈牙，龍躉肉質夠嫩好鮮甜。平時食火鍋我都唔太鍾意食丸類，因為感覺普通而且好易飽。不過呢度既丸真係好推介！全部都係來自好出名嘅大埔振興，唔怪得咁好食啦。個人推介牛骨濃汁牛丸(好濃味嘅牛汁，夠晒彈牙同Juicy)，冬陰公蝦球 (入面完全係冬陰功湯咁，辣辣地好滋味)，豬骨濃汁貢丸同台灣三星蔥豬肉丸都唔錯。雖然食完已經好飽，但因為個湯底真係太好味，所以我哋最後都有加面同烏冬食，務求將成個湯底嘅精華都唔放過哈哈哈。…Read More

識食既一定會帶埋朋友係銅鑼灣人氣燒肉放題！呢到推出期間限定2個鐘任燒，燒到你食飽哂捨得走先完都仲得呀！呢到食物款式係有好多好多選擇，真係簡都簡唔完呀，牛雞豬肉無限量供應！我呢D食肉獸又點可以錯過呀！牛可以話係呢到既皇牌，如果唔鍾意食牛既可能會有有有可惜啦！例如牛五花、肉眼、牛頸脊、牛胸腹、牛舌、牛肋肉、牛肋條同埋牛仔骨一一俱全，正所謂唔食唔知牛肉好，食左咪知邊樣好囉！仲有得簡韓式或者炭燒tim！不過我自己就鍾意原汁原味，所以我都係簡返原味就比較岩我自己多d，仲有不得不提個海鮮拼盤，有齊新鮮鮑魚、虎蝦、甲羅燒，樣樣都係開正我果範呀！嗌埋個刺身拼盤咁先最滿足呀，每款刺身都非常鮮甜，同個朋友唔洗幾分鐘就掃哂！哈哈！有機會一定會再過黎試多次！記得鍾意食牛既朋友可以留意下呢間！…Read More

頭盤有A5和牛/海膽/生蠔/蟹羔蟹蓋，不過和牛或蟹蓋係每二人揀一道，而我地有4個人，為左好分d就叫左好分d嘅海膽。海膽新鮮鮮甜不過份量偏少左少少。刺身有三文魚、油甘魚、北寄貝、元貝，甜蝦同象拔蚌等。全部都好新鮮，絕對可以再點。泰式海鮮串燒燒烤拼盤坦白講除左刺身船外，我真係未試過會一次過比咁多我地之餘仲放得咁靚放題，真係食慾進一步大增😂跟住叫左個松葉蟹火窩同和牛壽喜燒材料都好豐富，可以清下啱啱食左咁多野嘅肚肚兼且䁔下個胃，準備之後嘅任食雪條！😆整體來說真係好抵食！…Read More

推介❗️推介‼️同我個名好似 果然無令我失望😝成個環境都好chill happy hour 一流夜晚有live band🥁🎸不過我係為食物而黎😎.牙買加烤雞脾+脆炸薯片🍗雞脾食落真係有種南美洲風味切落去雞脾肉質好嫩滑～正！北海道鮮帶子扁意粉🍝好surprise 好好食呀‼️ 通常無濃味醬汁既意粉 單食意粉的話都無咩味所以我本來都無咩太大期望但係！呢個意粉就算單食意粉都食到好濃的蒜香味完全唔會有意粉還意粉 食材還食材既感覺加埋煎到好香既超大粒帶子真係好食到想encore🤤黑松露菌醬野菌pizza🍕薄批加分好多野菌好足料加分再加埋番茄醬酸酸地平衡返個味真係食極都唔厭👍🏻👍🏻Pop Punch mocktail🍹Kiwi 🥝 + cucumber 🥒連唔鍾意青瓜既我都接受到～好freshingMusic Tower mocktail🍹Pineapple based🍍甜甜地幾好飲 上面既菠蘿條好似薯條好得意…Read More

女朋友話想食四川菜，我就帶咗佢去位於時代廣場食通天新開嘅三希樓度試下，我哋叫咗半隻三希吊燒雞、水煮魚同蒜泥白肉三希吊燒雞外皮夠曬香脆，肉質嫩滑而且好有雞味，另外仲有個秘製甜醬油， 用嚟點啲雞胸肉食格外惹味~水煮魚一嚟到見到啲辣椒女友就好驚會唔會好辣，但係食落去只係小辣其實都ok嘅，一舊舊嘅魚肉好滑唔腥，而且仲啖啖肉，唔會有魚骨添，令好驚食魚嘅我都可以大大口咁食，越食越辣，越辣就越過癮~蒜泥白肉竟然出奇地好味，如果鍾意食蒜泥白肉嘅你呢個真係真心推介你試，首先好夠凍，而且食落口唔會有重油膩嘅感覺，蒜蓉好足夠，味道好香，白肉入面重有青瓜，令到成件事好fresh好好食~整體上我同女友都覺得係好食嘅，下次要試下黎打邊爐先得~…Read More

Omg 係crossover既期間限定pancake!!!😱本來約左朋友想食石板街班戟，點知入到餐廳見到最近推出左一款同英國品牌Cath Kidston搞crossover的玫瑰花漾班戟，仲要係期間限定，二話不說即刻order！事實證明真係無點錯，單係賣相已經令人心花怒放🥰 pancake 係用最受歡迎的cool premium，上面有一層cream，然後就係一朵好大的粉紅色奶油玫瑰花！成個賣相真係超級精緻，單係影相都影左20分鐘😆😆雖然又有忌廉又有奶油，不過食落又唔會話太甜，夾埋pancake一齊食啱啱好。pancake食落好似有淡淡玫瑰花味🌹食完仲有禮物！我地拎到Cath Kidston現金禮卷，正呀！呢個crossover好似去到22號就無架啦，想食就趁早去啦！…Read More

成家人都鍾意食燒肉，就特登帶佢地去呢間尖沙咀叫「牛繁」的日式燒肉餐廳。叫左a5和牛西冷，蔥燒牛舌，特上牛五花，壺漬，牛肋條，中落牛肋肉，豬五花，澳洲和牛肉眼，沙津，和風拌飯，黑椒雞肉燒肉之前， 我地掛住相機食先，搞到個火開左好耐都未開始燒，店員怕個鐵板燶會影響D食物質素， 所以就貼心咁換一個新的鐵板。 咁多食物中，我最愛a5和牛西冷，一放入口就感覺到脂肪入口即溶，牛肉味很濃郁，同其他店鋪有明顯既分別， 下次黎必定再食。其之就係特上牛五花，一層肥肉， 一層瘦肉， 一咬落去啲脂肪同牛肉汁係勁豐富，食落去真係會有令人滿足嘅感覺，蔥燒牛舌都唔錯，牛舌爽口彈牙，可按自己喜好放多D蔥，除左牛之外，黑椒雞肉都ok，厚實既雞肉， 皮燒到脆脆，好食~整體上我會俾 8/10，食物性價比高，服務一流，店員細心，會再黎食~…Read More

餐廳風格好清新，好多綠色植物🌳令人感覺好舒服，完全係銅鑼灣鬧市中的一點小綠洲。店員話最近有新menu，有更加多選擇👍🏻犇之三寶麵(牛腩、牛筋、牛肚)🍜湯底好濃郁，帶微微香辣味，麵的軟硬度適中。牛腩好大舊，整得好淋身，牛肚有咬口得黎但係又唔會好難咬，牛筋最正入口即溶，充滿膠質。滷肉飯🍚滷肉肥瘦參半啱啱好，而且夠多滷肉所以可以好充分咁撈勻晒成碗飯，好正！鹽酥雞小食🐓每件都大大舊，但係外層的粉又唔會過多，食落好香脆可口。大腸拼小腸🐖台灣夜市好出名的小食，但係香港大部分的台式餐廳都無得食，呢度竟然有！食落感覺都好接近台式口味。據聞廚師係從台灣過來的，唔怪得食落咁有地道台灣味啦🇹🇼…Read More

餐廳大概距離佐敦地鐵站步行10分鐘的路程，都算幾方便。雖然店面唔算好大，不過因為係高樓底所以都顯得空間感十足。靠窗的高枱位一半係室內一半係室外，加上綠色植物做裝飾，令整個感覺有情調得黎又帶點清新感覺。😃脆蟹肉薯丸🦀外層香脆，要落去食到滿滿蟹肉同薯蓉，酸酸甜甜的醬汁令口感更豐富。慢煮辣酒海螺🐚田螺好大隻好多肉，食落辣辣地好惹味。普羅旺斯托托蜆義大利飯🍚risotto 用左正宗西班牙做法，飯粒屬於偏硬但依然食到risotto中帶微微黏性的口感。加埋番茄、燈籠椒、青瓜等配料，令本來好容易會膩的risotto顯得清新開胃。托托蜆好大隻，肉質鮮甜。BBQ baby pork back ribs🐖因為得2個人又想叫其他野食，所以就點左半份。平時食pork ribs好容易遇到整到好乾身好難切開的情況，但係呢個ribs真係值得一讚，肉質非常稔軟，又多汁又入味。蟹海鮮拼盤🦀🐠🦑拼盤份量好多，有好多種不同海鮮。海鮮肉質都幾結實，喇沙醬辣辣地好正。一般呢類餐廳會幾貴，不過呢間價錢好合理而且味道水準都好唔錯，cp值好高！…Read More

👫約左朋友食飯傾計，最適合就係去cafe架啦，食物價錢唔貴，又可以坐耐少少唔使趕著走。本來想點西冷牛排🥩不過店員話賣晒，於是就改做肉眼扒。點5成熟，上檯大概6-7成，都接收到既。塊扒算幾大塊，不過都幾薄，份量都OK。因為塊扒本身唔厚，所以食落肉質都算嫩，配埋個汁都OK，而且唔會有好多肥膏。🥩🥔旁邊的薯仔反而幾好食，煮得夠耐所以唔會太硬身，加埋有調味過所以食落都OK。其他配菜就一般般無咩點食。…Read More

通常食鹹酥雞都係好大舊，所以有d整得唔好食既餐廳就會整到好乾身無晒水分，又或者係外層的炸粉太多。呢度既鹹酥雞係切得細細塊，所以內面的雞肉可以keep到好夠juicy，而且炸粉唔多，唔會令人覺得好似食緊一堆炸粉咁。船麵就中規中矩，湯底好夠味好濃郁，唔會太鹹，當粉吸曬湯底的時候就好入味，但係記住要食得快d，因為粉好容易會發脹就會唔咁好食。肉丸都OK既彈牙，不過牛肉片就麻麻地，明明係話用美國靚牛肉但係煮得太熟所以唔夠滑。…Read More

好耐以前食過一次，印象中就係食物質素OK不過裝潢格局感覺一般般！不過今次好有驚喜呀！👍🏻👍🏻 雖然個入口細細，但上到去好闊落！成個裝潢風格同以前好唔同，而家有一份中式又不失modern的感覺，感覺老闆應該做左大改革😃宮保蝦球蝦球好新鮮好彈牙，用辣椒炒後吸咗啲辣味，咬落去果下除咗有蝦嘅鮮味仲多一份麻辣味，蝦球側邊仲有啲花生，呢道菜都幾得意，有軟有硬嘅口感😆水煮桂花魚我真係一路食一路係咁講好好食😂！我地一個好鍾意食水煮魚既人，見親有都必定會點，所以好食唔好食既我都食過😌 呢個水煮魚真係好唔錯👍🏻 魚片厚度切得剛剛好，而且有d仲連埋少少魚皮，口感更豐富！而且竟然有鴨血😱 香港大部分餐廳的水煮魚都唔會落鴨血因為成本會貴左，呢度竟然有鴨血，好surprise！食到辣辣地叫碟菜食，菜本身無咩特別，但值得讚的係碟菜唔會好油淋淋👍🏻 飲品都好正！推介洛神花茶同蘆薈百香果，好清新而唔會太甜～…Read More

最近發掘到一間新開嘅日式餐廳，於是就約埋好朋友一齊去試吓。環境簡單乾淨而且好光猛，有種小清新嘅感覺。佢地既lunch set有好多食物組合，可以比客人跟據個人喜好自由配搭。由選擇飯的種類已經令我有驚喜！一般餐廳通常都只有白飯提供，好少見到有十穀飯，可以見到餐廳希望客人食得健康。隨餐仲會附送沙律和餐湯👍🏻冷盤前菜我揀左田舍煮茄子，茄子煮得非常淋，果然好開胃。柚子風味燒雞，外層雞皮燒到好香脆，雞肉真係有柚子味，唔錯唔錯。然後鍋物就揀左味噌煮厚切煙肉，估唔到個鍋望落去細細個，但係煙肉份量都幾多，有好多塊。厚切的口感真係好正，而且每塊煙肉都無咩肥肉，罪惡感立刻下降🤣最後甜品係由甘酒+豆乳做的雪糕，雖然係甘酒但係其實無酒精成分，所以就算係唔飲酒的人都可以食。口感幾香滑，豆乳味好濃郁好清新。每份食物份量望落都唔係好大份，但係估唔到食完之後真係好飽，女仔絕對好夠食。而且餐廳好貼心可以提供一次免費加飯服務，就算係好大食的男士都絕對食得飽。 …Read More