飲食屋's Profile

屯門人口愈來愈多，美食都愈來愈多，得知屯門有間隱世甜品店出左款三層高既Pancake，放上檯度時仲震騰騰，呃到唔少Like，真係幾吸引。好啦，老遠都要過黎試下！兩位丫唔該。老闆娘：「要等一個半鐘頭喎。」 我當堂嚇一跳，而途中都有唔少人黎想攞位，但好多人都比佢等候時間嚇窒而離開。嘩！我心諗，真係好犀厲，keep住有人黎又keep住趕客咁。 店子細細又估唔到咁多款甜品喎，而好有趣地，佢menu係無佢招牌梳乎厘Pancake，要睇佢電子版menu先見到。嘩！你無睇錯，招牌限定巨人Pancake要等40－60分鐘......唔好諗叫左先。 焦糖脆脆海鹽焦糖醬法式可麗餅 HK$52 － 可麗餅煎得半脆半軟身，口感微脆煙韌。 中間有一球Movenpick焦糖雪糕，旁邊仲加有焦糖脆脆同焦糖醬，焦糖迷就應該勁冧啦。 熱戀 HKD$75 － 表面有用糖醬煮過梨肉，所以食落都偏甜。另外個Pancake就可能over cook，明顯不夠挺身同有d燶燶地既表面。有蛋香味但鬆軟度不夠，同埋食到發粉味，有待改善。 招牌巨人班戟 HKD$98 - 由三塊梳乎厘Pancake疊起而成，差少少有成隻手指甘高，放上檯度時又真係震騰騰喎。Movenpick士多啤梨雪糕配上雜莓醬，甜酸度都算係ok。Pancake入口質感漿漿地，因為都見係入面偏濕，有少少蛋香，但如果係叫梳乎厘Pancake，真係叫人失望，時間同火力都未做得好，真係似趕收工十二點無車甘，貿素好一般過一般。所以下次大家去食野，唔好盡信晒d媒體介紹，要信既就要信自己既味覺。 班戟館 (屯門店) 屯門井財街9號地下20B號舖 營業時間: 星期一18:00-00:00 星期二14:00-00:00 星期三18:00-00:00 星期四至日14:00-00:00…Read More

一講起Pancake，好多朋友都會問有無試過尖沙咀個間Pan de Pain呀!? 係日本手製既Pancake店黎。好多人以為係日本神級Pancake店襲港! 其實係高度日系既甜品店, 仲係似日本代官山Café個種，不過如果有質素又何須理出處呢。 平日下午去，吾係好多人，好在排左10分鐘就入得去啦，因為假日要排成半個鐘至一個鐘。 據知年輕老闆娘為左籌備新店，親自去日本取經，花左大半年時間到當地班戟名店試食，用日本人個套模式去做，連個MENU都有日本插畫同日文，裝潢簡潔，以黃色為主調，連餐具都係用上金色。 Soufflé班戟 HKD$68 – 賣相無特別花巧，夠厚身，而聽聞選用優質日本麵粉及3.6牛乳新鮮，讓Pancakes分外鬆軟，散發牛乳甜香。切開後呈半流質，無論外同內都有定濕度，唔洗點用力已經分開左。加上蜂蜜同CREAM一食落口，口感好滑好輕盈，好快就溶左落口，蛋味好香，蜂蜜又不會太甜，只可以講句，真係好Soufflé。 Original Pan de pain HKD$68 - 試食個原味，真係好原味喎，牛油同Cream配上薄薄既PANCAKE，有淡淡的蛋香，香軟。 Snow White Pancake HKD$88 - 將雪白既漿汁淋在香軟既Pancake上，賣相真係一流。白色漿汁主要用在白朱古力同芝士做，配上Pancake又香又甜又鬆化，鍾意甜食既朋友可以一試。 Tropical-Pineapple, Pear, Apple HKD68 - 果汁係非常清甜，因為入面都係滿滿既水果，如士多啤梨、橙、青檸，酸酸甜甜好清新，好開胃。 PAN de PAIN Pancakes & Sweets (尖沙咀店) 尖沙咀河內道18號K11購物藝術館B1樓B111B號舖 營業時間: 星期一至五11:30-22:00 星期六至日11:00-22:00…Read More

日本又成功進佔香港啦！係一股黎自於東京原宿既熱潮，Cafe Kaila班戟甜品店係夏威夷三連冠早餐店，係日本日日大排長龍，而今次我地比拼既就係Pancake！首先我就會試食一間位於堅尼地城既本土代表 點子Little Dot Room。 以dot柄波點為主既café，店主親身飛到台灣試精挑了4款台灣鬆餅粉，製作出十多款口味的鹹甜班戟。一坐底，我就二話不說點左招牌梳乎厘班戟先，因為由於製作需要15－20分鐘。吾好以為檯面上就係佢既招牌梳乎厘班戟，而係落單識別既裝飾品黎，仲要真係有蛋香味，哈哈。 梳乎厘班戟HKD $88 - 等左20分 鐘終於出場啦，嘩真係好似頭先個裝飾品，很厚身，像是很鬆厚的感覺。切落去似海綿蛋糕好鬆軟，而食落去都好似海綿蛋糕甘，好鬆軟。外乾而入面帶有少少濕度，有好重既蛋香，滿口都係濃郁既蛋味，再加上少少糖漿，更加有軟腍腍既效果，因為pancake本身沒有太多味道，要加上其他配料增添味覺，而佢既糖漿加甘pancake算係偏甜，但份量尚算足夠。 鮮忌廉士多啤梨配雪糕班戟 HKD $68 – 三層班戟夾住士多啤梨、忌廉同埋士多啤梨醬，再加一球士多啤梨雪糕。食落去酸酸甜甜，但個人認為士多啤梨同果醬份量偏多同酸，或者士多啤梨控既人會鍾情於佢。而pancake口感好明顯同梳乎厘班戟不同，用了另一種鬆餅粉，偏乾身而比較鬆化。 點子 Little Dot Room 西環堅尼地城山市街1號地下J號舖 營業時間: 星期二至五: 15:00-23:00(截單時間: 10:30) 星期六至日: 14:00-17:00(截單時間: 16:45); 18:30-23:00(截單時間: 10:30) 星期一: 休息 …Read More

銅鑼灣World Trade Center後面有間懷舊冰室, 門口有個特色露天花園, 感覺好休閒! 門前有張乒乓球桌, 在單車籃拿球和球拍, 跟同事打兩板, 鬆一鬆根骨, 心情都開心多了! 入到冰室見到小巴就聯想到 " 那夜凌晨，我坐上了旺角開往大埔的紅VAN" , 如果一邊食野, 打開份今天日報, 後面食客一個繼一個地無故消,失, 水吧上面時鐘不停轉, 彷彿進入了另外一個時空, 之後發生一連串的故事,係咪好想知呢? 今日午市套餐HK$59-有餐包, 主菜配飯或意粉, 凍飲加HK$3元 嘩！好大個包啊！我食完重有夏威夷豬扒意粉，食唔食得到呢？ 提子麥飽好有懷舊味道，入口鬆軟味道帶甜。 夏威夷豬扒意粉－夏威夷當然要有菠蘿啦！ 豬扒比較簿身，意粉較軟身，味道還好 。 喜喜冰室銅鑼灣Fashion Walk百德新街57號地下C&D號舖2868 0363…Read More

日本又成功進佔香港啦！係一股黎自於東京原宿既熱潮，Cafe Kaila班戟甜品店係夏威夷三連冠早餐店，係日本日日大排長龍，而今次我地比拼既就係Pancake！首先我就會試食一間位於堅尼地城既本土代表 點子Little Dot Room。 以dot柄波點為主既café，店主親身飛到台灣試精挑了4款台灣鬆餅粉，製作出十多款口味的鹹甜班戟。一坐底，我就二話不說點左招牌梳乎厘班戟先，因為由於製作需要15－20分鐘。吾好以為檯面上就係佢既招牌梳乎厘班戟，而係落單識別既裝飾品黎，仲要真係有蛋香味，哈哈。 梳乎厘班戟HKD $88 - 等左20分 鐘終於出場啦，嘩真係好似頭先個裝飾品，很厚身，像是很鬆厚的感覺。切落去似海綿蛋糕好鬆軟，而食落去都好似海綿蛋糕甘，好鬆軟。外乾而入面帶有少少濕度，有好重既蛋香，滿口都係濃郁既蛋味，再加上少少糖漿，更加有軟腍腍既效果，因為pancake本身沒有太多味道，要加上其他配料增添味覺，而佢既糖漿加甘pancake算係偏甜，但份量尚算足夠。 鮮忌廉士多啤梨配雪糕班戟 HKD $68 – 三層班戟夾住士多啤梨、忌廉同埋士多啤梨醬，再加一球士多啤梨雪糕。食落去酸酸甜甜，但個人認為士多啤梨同果醬份量偏多同酸，或者士多啤梨控既人會鍾情於佢。而pancake口感好明顯同梳乎厘班戟不同，用了另一種鬆餅粉，偏乾身而比較鬆化。 點子 Little Dot Room 西環堅尼地城山市街1號地下J號舖 營業時間: 星期二至五: 15:00-23:00(截單時間: 10:30) 星期六至日: 14:00-17:00(截單時間: 16:45); 18:30-23:00(截單時間: 10:30) 星期一: 休息 …Read More

今次黎到尖沙咀，天呀又係排隊呀，因為今次係熱門拉麵店之一既霸嗎拉麵，我地無理由唔去食。標榜住廣島規模最大的拉麵連鎖店，但實力真係要試過先知，希望唔係宣傳策略名過於實啦。 店內環境其實唔錯，重點係佢既坐位有一定空間，我其實好怕同陌生人坐得好近甘食野。 價錢方面都係一舨市面上既拉麵價錢$80-100，見到仲有得選擇少油，幾好喎形合到香港人。 信州蘋果梳打HK$28 - 其實都因為見到係信州蘋果先要試下，因為信州蘋果係去日本長野必買既手信，而長野又名為信州。而飲品味道香甜又清香，有少少偏甜但可以接受。 羽根燒餃子 HK$35 - 餃子煎出薄薄既脆邊又唔太油，菜肉平圴，但個皮真係太過靭，口感似食緊一層膠面，有待改善。 雞叉燒味玉雞白湯拉麵HK$88 - 選擇了軟麵同少油。湯底有好濃既雞味，不過已經叫咗少油，但成碗都好多油份。雞肉同叉燒加埋一齊都幾創新，將雞扒燒成叉燒，而且叉燒有厚度，入口嫩滑不會覺得太肥。 直身幼麵應係使用自家製麵造出，麵條軟硬度同掛湯能力都屬中等。原隻溏心蛋，十分流心，而蛋香同醬油入味程度都正常，還可以。 招牌灸燒豚肉味玉拉麵HK$88 - 選擇了適中麵同少油。聽聞依個湯底係日本做好再空運過黎，入口好濃稠，但並非黏口，很有水準。燒豚肉相比厚切雞肉算薄身，肥瘦比例接近瘦肉5:4脂肪，口感很佳，燒焦的邊位令豚肉更加香口，火喉同食材選擇都好有水準。而筍片的口感不夠爽口，可能是切法問題，因為竹筍纖維是直的，因此要橫切才能切斷纖維，口感才會細緻。 霸嗎拉麵 (尖沙咀店) 尖沙咀金巴利道26號地舖營業時間: 星期一至日: 11:00-01:00…Read More

平時經過荃灣都會見到有條長長人龍等食，仲要係不分時段都係有條人龍！好啦，今日星期六午飯時段經過，只見四個人排隊，我同朋友就緊係發揮香港人精神，吾執輸排隊啦。無錯！今日就係食久仰大名既拉麵台風啦！ 吾係講笑，Menu原來只得四款拉麵選擇，但都甘受歡迎，鋪內師傅原來仲係日本人，問返先知師傅之前係東京都開拉麵店，主打係魚市場風味拉麵，跟足日本漁民做法炮製魚介，用上鯖魚乾、沙甸魚乾、鰹魚乾、蝦乾及昆布柴魚高湯等種材製成。 排隊的時間每人有一張點麵的紙，那張紙上有各種口味可供選擇，比如麵的軟硬程度，醬汁，香油和蔥的份量等等。我選擇了魚介豬骨湯，而朋友點了骨膠原撈麵。 座低見到師傅係日本人，好有日本小店感覺。影返張相先啦！O曬咀做咩野姐！ 唔講唔知，日本人食拉麵喜歡加麵，因為師傅為保持麵質不被浸軟會偏少分量，但傳統日本沾麵或撈麵等多數一口氣放250g至300g的分量，大約等於一碗拉麵和加麵的總和。因為冷麵沒有溫度的顧慮，不會被浸軟的問題，故此會是"足料"分量。所以女士驚浪費食物，落單前可以表明少麵。 骨膠原撈麵 HK＄78 - 口味全部都係選擇普通，份量十足，醬料帶有麻油同魚香，麵條粗身入口彈牙，肉質太韌，半熟流心蛋一點也不入味 ，筍條不夠爽口，So sad! 魚介豬骨湯拉麵 HK＄78 - 口味全部都係選擇普通，飲第一啖湯底就食到好濃既魚香味，麵質好滑好彈牙，半熟流心蛋一點也不入味 ，筍條不夠爽口，肉質比較厚實，肥廋比例不平均。 Ramen Taifu 拉麵台風 荃灣大河道81號寶成樓7號舖 今日營業：12:00–16:00, 18:00–22:30…Read More

一道韓國傳統美食雪濃湯登入上環荷里活道，由牛骨熬制而成的濃湯，相傳起源於朝鮮時代，而這道美食流傳至今，成為韓國人非常喜愛的一道美味佳肴。而以雪濃湯為招牌既韓國新派料理店SeolLeong Tang，為大家帶來新派菜法與古老韓國菜式新滋味。招牌雪龍湯HK＄298－這道傳統菜雪白色的濃湯裡，用牛腿骨製成，含有氨基酸及鈣，鎂等微量元素，有促進骨骼發育，皮膚再生保濕，抗老化等功，所以雪濃湯是韓國人會作保健湯飲。而湯內加有蘿蔔同牛肉，肉質鬆軟，帶甜有玫瑰露味，味道十分鮮美。西袖味特飲-加燒酒，味道清新唔太甜泡菜雞翼餃子-雞翼事先去骨再去炸煮，內裡釀入泡菜，十分香口。豚肉伴飯-先等1，2分鐘後攪拌，將全部料拌均勻再吃會更好食，而石鍋不算太熱，飯焦也不會很多。…Read More

今次黎到尖沙咀，天呀又係排隊呀，因為今次係熱門拉麵店之一既霸嗎拉麵，我地無理由唔去食。標榜住廣島規模最大的拉麵連鎖店，但實力真係要試過先知，希望唔係宣傳策略名過於實啦。 店內環境其實唔錯，重點係佢既坐位有一定空間，我其實好怕同陌生人坐得好近甘食野。 價錢方面都係一舨市面上既拉麵價錢$80-100，見到仲有得選擇少油，幾好喎形合到香港人。 信州蘋果梳打HK$28 - 其實都因為見到係信州蘋果先要試下，因為信州蘋果係去日本長野必買既手信，而長野又名為信州。而飲品味道香甜又清香，有少少偏甜但可以接受。 羽根燒餃子 HK$35 - 餃子煎出薄薄既脆邊又唔太油，菜肉平圴，但個皮真係太過靭，口感似食緊一層膠面，有待改善。 雞叉燒味玉雞白湯拉麵HK$88 - 選擇了軟麵同少油。湯底有好濃既雞味，不過已經叫咗少油，但成碗都好多油份。雞肉同叉燒加埋一齊都幾創新，將雞扒燒成叉燒，而且叉燒有厚度，入口嫩滑不會覺得太肥。 直身幼麵應係使用自家製麵造出，麵條軟硬度同掛湯能力都屬中等。原隻溏心蛋，十分流心，而蛋香同醬油入味程度都正常，還可以。 招牌灸燒豚肉味玉拉麵HK$88 - 選擇了適中麵同少油。聽聞依個湯底係日本做好再空運過黎，入口好濃稠，但並非黏口，很有水準。燒豚肉相比厚切雞肉算薄身，肥瘦比例接近瘦肉5:4脂肪，口感很佳，燒焦的邊位令豚肉更加香口，火喉同食材選擇都好有水準。而筍片的口感不夠爽口，可能是切法問題，因為竹筍纖維是直的，因此要橫切才能切斷纖維，口感才會細緻。 霸嗎拉麵 (尖沙咀店) 尖沙咀金巴利道26號地舖營業時間: 星期一至日: 11:00-01:00…Read More

今次連續三星期我會帶大家去食日本沾麵，一蘭拉麵Out la! 想知而家興食咩野？！跟我嚟啦！今次特登約朋友試第一間將沾麵帶入香港既始祖拉麵店，仲係連續四年獲得米芝蓮推介既「麵鮮醬油房 周月」，店名意思係以鮮製麵條和醬油湯汁為神髓的拉麵店。這店標榜無添加化學調味100%自家製麵既拉麵店，全部食材和湯底都是自家製，湯底係以醬油為本，以百年木桶內經過 18 個月發酵而成，未食都覺得好有誠意。但食完你會發現成個口會有好重味精既口渴感，無添加化學調味!? 係真吾係呀，但都真心好食既。 係自家製既拉麵條機呀，幾有誠意! 店內招牌周月沾麵 HK＄89 - 有100g／200g／300g選擇，我選了200g吾辣。 基本上周月既沾麵係高質既沾麵黎，因為麵條本身係拉麵既靈魂，而對沾麵既要求更加高，佢有一定既彈性，又有一定既粗度(2-3mm)睇得出佢掛湯能力，可以吸盡醬油精華落每條麵度。而我最鍾意既係佢醬油湯汁，帶有酸酸甜甜味道，應該係加入醋和糖，特別開胃！食完有點後悔無揀300g，因為可以再食。 燒黑豚拉麵 HK＄99 – 用左140年歷史愛媛縣梶田商店為「周月」特製的醬油制成既湯底，加入瀨戶內海產的沙丁魚粉、鯖魚粉及北海道昆布等調製，味道非常濃厚！另外自家製燒黑豚肉，入口嫩滑即化，配上以醬汁調過味既溏心蛋，看看蛋白啡色程度就之知道有多入味。 麵鮮醬油房 周月 (中環店) 中環歌賦街5號地下 營業時間: 星期一至星期六及公眾假期 上午11時半 至 晚上9時 星期日上午11時半 至 晚上7時…Read More

近年衣食住行都非常昂貴，三年前一個午餐HK$35至HK＄40蚊，今時今日食個午餐HK$50至HK＄65蚊都不包括飲品，通脹太利害！今日元朗見到海南雞飯午餐HK＄48蚊包湯,包飲品，值得一試！食海南雞飯最緊要雞皮爽口 , 肉質嫩滑, 帶有鮮雞味,油飯香而不油膩! 其實我要求都唔係好高啫. 海南雞飯午餐-HK＄48蚊包湯包飲, 雞湯有雞味, 海南雞皮爽口, 肉質嫩滑, 油飯香而不油膩, 不過雞味不夠鮮, 但HK$48超值 , 還有自家製意米水, 勝價比高! ! 平時海南雞飯醬汁有濃稠的黑豉油、辣椒蓉和薑蓉, 今次見到有紅啡色醬汁, 感覺好奇! 深紅啡色醬汁帶有蝦的鮮味,而且食落開始慢慢變辣, 好特別! 另外橙色應該係燈籠椒的辣椒醬! 自家製薏米水-呷一口清甜薏米水, 帶有濃郁的薏米味道, 感覺真材實料! 評分：（以5個＊為滿分）食物：＊＊＊1/2服務：＊＊＊環境：＊＊＊1/2衛生：＊＊＊1/2抵食：＊＊＊＊1/2南香雞飯元朗西菁街10號地下6號舖…Read More

最近朋友推介去屯門三聖村南記海鮮飯店食燒鵝 , 山長水遠一定要去食海鮮, 三月當然要食處女蟹啦!，處女蟹即沒經過交配的母蟹就是奄仔蟹。唔知你知唔知, 我一家係蟹痴 ,等我話你知 , 三月最好食奄仔蟹! 俗語道：“正月吃重殼，二月有靚水，三月裡來吃奄仔，四月黑奄仔，五月青蟹都靚仔，六月有得六月黃，七月八月吃油蟹，九月十月大閘蟹，十一十二月吃膏蟹。 走去安記海鮮街買咗4隻鮑魚HK$170, 2隻奄仔蟹HK$140, 共HK$310, 之後拎去南記加工. 許多人都搞不清楚各種蟹的分別，比如黃油蟹、重皮蟹、軟殼蟹、還有糕蟹、肉蟹、 奄仔蟹等等，其實都是青蟹. 澳洲翡翠鮑好新鮮呀！翡翠鮑是澳洲青邊鮑和黑邊鮑的雜交品種, 是養殖的, 可當刺身食用. 去到南記門口望一望，自來海鮮加工價目表，入去即刻叫: 伙記鮑魚用果皮蒸, 奄仔蟹油鹽焗, 比半隻燒鵝，唔該! 話口未完燒鵝就到，一咬肉質嫩滑而且彈牙，不過皮唔夠香，唔夠脆皮！相比係中環一樂燒鵝，還有一段距離。 果皮蒸鮑魚－一咬口感彈牙, 食落鮑魚中間會帶累鮮甜味道, 具有味甘, 份量十足, 非常滿足! 去到南記必試招牌菜油鹽焗奄仔蟹,見到都口水流, 馬上拎起一隻放係碟上,奄仔蟹焗出來香味還可以，一打開奄仔蟹有重皮，加上豐足的蟹膏, 令人食指大動. 蒜蓉炒豆苗-豆苗太老, 應該係老苗, 但味道不錯! 最後加工連、一碟燒鵝, 一碟菜、一個飯，埋單總共HK$460. 評分：（以5個＊為滿分）食物：＊＊＊1/2服務：＊＊＊環境：＊＊＊衛生：＊＊＊抵食：＊＊＊安記海鮮南記海鮮飯店- 屯門三聖村熟食亭地下5號舖招牌推介:油鹽焗蟹、蜜汁蠔、味菜胡椒浸蜆、芝士牛油焗大蝦 營業時間: 星期一至日：11:00am-02:00pm, 05:00pm-11:00pm…Read More

去到元朗想食下有懷舊feel冰室，我同朋友行去元朗建德街轉角位有間萬芳冰室，門口寫始於1959年，原來都有半個世紀啦！萬芳冰室推介生炸雞脾、沙丹豬扒飯、自家製菊花茶、薑煲檸檬可樂，紅豆冰等。今次我食手撕清遠雞湯米套餐，配自家製菊花茶，朋友飲薑煲檸檬可樂, share 雞絲洋蔥包。下次要試下自家製老火湯先！ 手撕清遠雞湯米套餐HK$45－這個套餐全日都有，可配雞蛋和自家製菊花茶。 清遠雞湯米上檯馬上放雞絲入口細味一返，果然雞味濃郁，不過肉質老了點，再呷一口湯，有點雞味後段帶辣，米粉爽滑。 配農場鮮雞蛋 好少冰室自家製菊花茶，呷一口有濃郁菊花味道，小小甜味，很段回甘！ 自家製菊花茶HK$13-清熱明目，清暑解渴, 又唔算貴丫！ 雞絲洋蔥包HK$30 －咬一口包外層鬆軟，而且內裡香脆，中間夾雜了洋蔥和雞絲, 好野味！ 這個包令我諗起小時候在美國街頭食熱狗, 小販先打開長麵包，用爐煎香裡面令麵包香軟， 而且內脆，份量是這個包的兩至三倍，我可以一口吃兩個大熱狗，不過香港吃不到， 往事只能回味。 薑煲檸檬可樂－飲落有氣，而且真係好夠薑！ 元朗建德街35-55號時景花園地下10號舖 早上7時15分至晚上9時30分…Read More

今日放假，我和朋友山長水遠走入天水圍華嫂冰室朝聖。嘩！條龍長到，好彩我早小小坐低，原來 1-2pm 係員工用膳時間，所以2點後先入得去。華嫂冰室招牌有蕃茄蛋菠蘿油， 冰花奶茶。 冰花奶茶HK$20－奶茶雪凍直至上層有花冰雪，入囗香濃絲滑，帶有茶的甘香，一試難望。 蕃茄蛋菠蘿油 HK$18－菠蘿包出面好脆硬，裡面有牛油、煎蛋、蕃茄，不過好食就唔論到佢 招牌芝士咸牛肉煎蛋豬仔包HK$20－一咬個包好軟，裡面有煎蛋，軟林林咸牛肉， 加入口熔化的芝士，Super evil! 蕃茄湯雞翼豬扒通粉HK$44 - 蕃茄湯底味道濃郁，帶點雞湯和薑的味道，豬扒肉質結實而不硬，整理感覺良好。 最後食飽飲返杯酸酸甜甜凍檸檬益力多開胃消滯，帶有清新檸檬香味，小朋友最爱，都係HK$17蚊。華嫂冰室元朗屏山坑頭村(天水圍站A 出口, 步行約13分鐘; 近屏山文物徑, 坑尾公廁對面）營業時間：星期一至六：08:00-13:00；14:00-17:00 星期日休息…Read More

新一年，新一天，去郊外走走，吃個午餐，迎接新的一年！ 天水圍屏山文物徑有間跑車做主題餐廳，大門口有紅色跑車裝飾，裡面裝修入型入格有 車輪玻璃檯和燈，流線型跑車椅，一邊食一邊想像自己座住紅色的跑車，哈哈！諗多咗！ 坐低叫了招牌賽車手薄餅和炸魚薯條，跟一個餐有湯和牛角包，湯味道可以，不過牛角包係凍既。我下次唔會再跟餐！ 炸魚薯條HK$98－一咬下外脆內軟，魚肉嫩滑而且肥美，份量十足！低食！ 賽車手薄餅HK$88－ 這款入口芝士味濃郁，而且帶咸香的賽車手薄餅，裡面有咸牛肉，火腿，辣肉腸，蘑菇，芝士粉和Mozzarella 芝士，如果有菠蘿平行一下咸味，會好D！ 食完D油膩野飲返杯林寶堅尼薄荷仙子HK$40，入口酸酸甜甜的檸檬和西柚味梳打加薄荷葉， 味道清新醒胃！ 朋友跟住叫咗杯保時捷特飲HK$40，其實係凍咖啡加Oreo，味道不過不失啦！ 食完中午飯要去行一行屏山文物徑，餐廳位於覲廷書室對面， 沿路走到仁敦岡書室又名 「燕翼堂」，這是鄧族的祠堂和書室。時至今日，書室是鄧族後人聚會和舉行春秋二祭等節慶活動的場所。 見到個爐，諗起以前阿婆話煮大鑊飯，真係好大鑊！ F1 Cafe 地址：輕鐵坑尾村站步行2分鐘 或 港鐵天水圍站 A 出口, 步行約11分鐘 營業時間 星期一至日: 11:30-15:30; 17:00-21:00 星期二及三: 休息 仁敦岡書室開放時間： 每日上午9時至下午1時及下午2時至5時 星期二、聖誕節及翌日、元旦日、農曆年初一至三休息 …Read More