may711's Profile

其實早幾年呢間餐廳新開既時候已經去過食飯，當時對佢既印像唔差，估唔到時隔幾年再去幫趁，可能紅左旺左，服務真係差到無朋友！早個幾禮拜打電話去訂位訂7點，臨收線同我講左句 ︰ 坦白講如果唔係生日既朋友揀呢間餐廳我當時一定會cancel booking揀過第二間！大佬唔係放題任食，限時一個半鐘我真係接受唔到！韓國餐館唔係得佢一間，同朋友聚餐梗係唔想趕頭趕命咁食啦！今日我同一個朋友準7點去到，但因為落大雨另一個朋友塞車遲到，咁我地2個唸住叫個湯飲住先，所以先叫左個人蔘雞湯，個湯有成隻雞向入面架，雖然係好細隻，但人蔘雞湯無人蔘味亦都無雞味，我真係唔係好明點解可以用一隻雞煮出一窩無雞味既雞湯，就算係食啲雞肉都係淡到雞味近乎零。。。。真係重衰過嗰啲$128任食韓燒任飲既人蔘雞湯！:(7點20分塞車既朋友到左，叫左個女仔埋黎落單，我朋友先問左句︰[可唔可以上左啲前菜比我地先]，個女仔黑口黑面好不屑咁答︰[落左單咪比你地囉]，態度差到呢。。。。我忍唔住指一指佢面前個雞湯話︰[我頭先落左單叫左個雞湯喎]，個女仔用眼尾喵一喵個湯，繼續黑口黑面好唔耐煩咁問︰[咁你地而家落唔落單丫？]。大佬我有錢比架，我唔係黎乞架 之后叫多左1個王牛排，1個燜牛肋骨，1個韓式生牛肉，1個韓式炒粉絲，除左個人蔘雞湯之外，其它幾樣食物雖然唔算好出色但都算及格。準8:30拎張單埋黎，8:33找完錢見我地重食緊，態度極差咁同我地講︰[唔該你地快啲食完夠鐘交枱！] 呢間唔係我食過最平亦唔係最貴既一間韓國菜館，但肯定係我食過既餐廳入面服務最差既一間，因為唔係單一個侍應差，係接觸到既幾個，包括傳菜、突然幫我地將啲食物放落镬燒既，除左其中一個擬似韓國女仔之外，個個都黑口黑面態度奇差！…Read More

1個人叫了碗餐牌上寫著"必試"的豚骨湯底豚肉片拉麵&芥末雞肉牛油果沙律。湯麵先上，一看見漂浮在湯面的一層油已經倒胃，先吃麵，個人覺得偏硬，味道一般，勉為其難試了一口湯，很奇怪居然是雞湯的味道，但我明明是點了豚骨湯底的啊，而且餐牌根沒有賣雞湯底的拉麵，真不知道是我的味覺有問題，還是這店的湯底真的有加雞湯而我那碗重手了！！！味精超重，麵未吃完已喝了2杯茶，湯麵的份量偏少，吃完感覺跟沒吃差不多。再來是沙津，最初幾口感覺還不錯，少少芥末辣，牛油果很清新，但多吃幾口開始覺得"漏"，醬汁太濃太多，雞肉粒很硬很乾！！！埋單連加一盛惠$117.70，貴唔貴就見仁見智，但我吃不飽是事實！！！…Read More

今次是第二次來這間餐廳了，感覺還是很『正』。很愛這裏的環境，情侶約會氣氛肯定一流，可惜陪我來的並非我愛人 ，但知己談心這裏也是很好的選擇啦。今次三個人來點了以下食物:1.泰式鳳爪 – 酸辣適中極合我胃口，最驚喜是連蘿蔔絲也很入味2.泰式燒象拔蚌 – 上次食完之后念念不忘，所以今次可以說是專程為這道菜而來，象拔蚌新鮮有咬口，再加上那個泰式酸辣醬料，簡直令人一試難忘3.德國豬手(碎上) – 我喜歡食德國豬手但很懶得切，再加上三個人share所以乾脆請餐廳幫忙切好。豬手味道不錯，皮脆而不硬，可惜我們叫了黑椒汁，汁味太濃有點搶了豬手的原味。驚喜點是伴碟的幾粒薯角，新鮮熱辣薯味香濃，結果我一個人就搶了三粒，hehe~~4.銀雪魚扒 – 這個也是上次吃過很好吃所以再點的，但今次有點兒讓我失望，煎得不夠香感覺較像是蒸熟再淋上醬汁，雖然味道還好不過比較起上次就差了點兒5.煙三文魚凱撒沙律 – 三文魚質素不錯生菜也新鮮甜美總括來說食物質素整體都算不錯，值得推介。至於服務方面之前見很多食評講法都比較極端，有些說很好，有些又評很差，但以我惠顧2次的經驗覺得還算不錯啊！我2次都是星期六去，都是爆滿狀態，特別是第二次去那天剛好有人包了其中一部份場地開party，再加上可能因為餐廳佔地很廣，有室內室外，人手可能稍嫌不足，但我眼見待應生都很勤快的撲來撲去，而且都很有禮貌，算是很難得了。…Read More

前陣子病了個多星期，病至什麼食慾也沒有，這個星期總算病好了，無意中在openrice的地圖搜尋上發現這家餐廳，是意料之外的收獲，讓我可以獎勵自己一頓悠閒的午餐！午市主要是做套餐包括自助餐湯，沙律及甜品吧及選擇一個main course。今日四款主食是1.雜菌海鮮粒意粉 2.豬扒 3.雞扒 及 4.薄牛扒意粉味道尚可，硬度應該算適中，但因個人偏好軟身一點所以覺得還好。反而最喜歡那個雞絲雜菜清湯，最初看到覺得那麼清的一個湯味道應該很淡吧，誰知一試郤有驚喜，湯內的肉及菜都被切成很幼的一絲絲，味道介乎中湯與西湯之間，我也不懂怎麼形容，總之兩個字 [好味]，結果我這個極愛喝湯之人厚著臉皮喝了三碗。沙律吧只得幾樣選擇，生菜、粟米、蕃茄、青瓜、薯仔及長通粉，沒什麼特別。吃畢主菜再吃了一小件蛋糕，味道也算不錯。埋單68元沒有加一今時今日這般漂亮的環境，不錯的食物質素，這個價錢簡直是超值，值得推介。…Read More