amy_ng's Profile

呢度裝修都幾光猛，四四正正得嚟係有少少新派個種感覺(其實個名都好新派)，坐低咗個感覺都幾好既，服務態度都幾好。今次我地人少少，所以叫咗唔多野，特別想講 香不辣醬汁牛肉同海鮮芋頭烙呢兩味餸，其實呢度啲餸賣相都幾好，伴碟都整得幾好心機，同埋等既時間唔耐。香不辣醬汁牛肉呢味，份量都適中，牛肉都幾大塊，個汁真係好香好惹味，你會想一路食落去。海鮮芋頭烙呢味就出面好少有，海鮮同芋頭都好足料，你可以睇到有好多芋頭粒，唔會淨係食到一堆粉漿，好香口趁熱食好正，下次經開都會再幫襯同叫呢兩味餸。…Read More

朋友生日, 齊齊食日式放題慶祝~就咁睇, 款式都真係少~ 試下係咪樣樣都掂先~第一時間緊係叫左sashimi先啦~食魚生最緊要新鮮, 油甘魚, 三文魚, 鱆紅魚彈滑甘香~馬刀貝, 象拔蚌爽口鮮甜象, 拔蚌必食, 大力推薦!!!!!!Sashimi真係超乎想像的好食, 正~第二重點菜, 天婦羅~水準之作, 又脆身, 又薄皮, 熱辣辣, 好好味~南瓜同蕃薯最好食, 香甜~炸物都好OK, 炸蠔超級juicy^^的薯格淋左的秘製醬汁, 甜甜地, 好惹味~芝士年糕都好綿好糯, 香香軟軟的, 但係唔可以叫太多, 好容易吃膩!!少不了仲有串燒同其他熟食~一定一定要同大家推薦牛舌, 無論係串牛舌定係胡麻牛舌, 都好好味~一的都唔硬, 超彈牙, 其他串燒都值得一試, 好似係燒冬菇, 黑豚肉串都OK有的遺憾既係, 我地都係試唔哂咁多種野食~唔緊要, 我地下次再挑戰過啦~…Read More

同朋友行完街, 之後就去搵地方食晚飯~朋友就話不如去呢間, 我就話冇所謂, 咁就入左去食啦可能係肚餓既關係, 一坐低就已經拎起個餐牌黎睇下有咩野好食~我就好快諗好要食咩, 我就叫左一個新加坡海南雞飯同埋一個雜錦拼盤~我朋友就叫左一個泰式鳳爪同埋一個馬來海鮮喇沙米線~另外再叫左兩杯飲品~一杯咸檸七~一杯珍多冰等左一陣就好快有得食啦泰式鳳爪呢個鳳爪真係唔錯, 酸酸甜甜好開胃, 而且佢係去埋骨既, 食落就好方便, 可以無骨落地我會叫呢個雜錦拼盤既其中一個原因就係可以試哂唔同既小食~咁樣感覺會豐富D~~個拼盤包括有雞牛豬串燒、炸蝦餅、越式春卷同埋雞翼~其實樣樣都唔錯, 不過如果真係要我揀既話, 我會揀炸蝦餅同越式春卷~~因為炸既火侯岩岩好, 兩樣咬落去都係好鬆脆~味道又岩岩好, 唔會太咸~再配埋佢提供既醬汁, 就令味道更佳~不愧為廚師推介, 呢個海南雞飯真係好食~海南雞既肉質嫩滑 ,食落口啖啖肉, 味道岩岩好~而佢既湯同平時既唔同, 平時既係雞湯, 而呢度係老火湯, 感覺有D特別~再配埋一碗大大既雞油飯, 真係好食又抵食~呢個喇沙米線都係其中一款廚師推介既菜色, 都係冇推介錯既佢既湯味好濃郁, 味道好夠~而且用料很足, 米線煮得岩岩好, 唔會太淋同易斷~下次再黎都會叫返呢個黎食…Read More

約左朋友下午入黎行下同埋黎食buffer~~一開始有Welcome drink, 可以簡sparkling wine / juice(幾好, 因為唔係到到有)我同朋友至愛既長腳蟹!!!好好味!!! ^V^個牛都幾好食~哈哈, 我本身唔知白色個D係咩黎, 就要左D試下原來…係好似薑咁既野XD 要得太多了 雖然食BUFFER 食麥樂雞好似有D古怪,但…又幾好食LOR!!HAHA!點解拎包~因為… 鍾意佢個牛油LOR 好好味,我記得仲好似有2隻牛油俾人簡!我鍾意食呢D 風乾牛肉同PARMA HAM~~~~好好味^^!!!食左2,3轉~!通粉也不錯~!個茄汁味好夠!!通粉亦夠彈牙!甜品食左好多, 但呢個綠茶奶凍好好食^^如果大家黎到一定要食呢個!!!尤其鍾意食綠茶既朋友~雪糕係dreyer's~~~都幾多味, 有5款~雲哩拿, 石板街, 薄荷朱古力, 士多啤梨, 曲奇~~~好味^^食完之後發現出面露天既都有得坐下~就一齊出黎吹吹風^^環境好正!!!!!!!對住個教堂靚~除左welcome drink, 仲有多杯飲品, 其實坐出黎都幾大風,HAHA, 所以都係飲熱飲好D ~我簡左熱0蜜~凍凍地岩曬!!!…Read More

又係食食同食喇~今次食到黎勝博殿相入面既只係部份野食,因為仲有個豬柳鍋仲未黎..我地各有各喜好,我就中意蘿蔔蓉o個個豬柳多d~不過有fd就覺得腥腥地~咁我唯有食哂佢啦~~~傾傾傾食食食,都差唔多10點,侍應不斷幫我地加菜,加茶~估唔到係cwb都搵到間坐得耐服務又好既地方~今次飯聚好開心~下次再約另一批fd黎過先~…Read More

好少去佐敦，如果唔係都唔知廟街原來係長到過佐敦。經朋友帶住下，去了呢間叫泰肥牛，食左餐偏甜唔辣既泰菜 。一入去，見到周圍都係明星相，心諗會唔會好貴，不過睇完Menu，都可接受既。然後例排問侍應，有咩好介紹，推介左個肥鱔。見呢排少食鱔，就叫個燒鱔。食落真係OK肥。個人認為可一試連皮食，同唔連皮食個分別。純個人認為，連皮個香味係出D。 之後仲叫個燒刀蚌，刺身我之前在其他地方食過，燒就未試過，感覺係似象拔蚌，配埋個泰啤，爽呀~~之後仲叫左D例排泰菜，椰青海鮮焗飯、青咖喱雞，配埋個法包仔，3個人食夠飽喇!! 個焗飯係有驚喜，幾like佢入面多椰肉。至於法包，上面有香草，不過牛油味重過香草味，建議香草要再重手D。…Read More

新一年, 當然要豪返餐請屋企人食飯, 阿爸想食辣蟹好耐架叮喇~~ 一嘗所願一個月前已經訂定臺喇, 驚新年無位~ 去到先唔洗等咋, 出面排哂隊~~叫左D小食食住先, 有椒鹽雙併(九肚魚+魷魚), 又幾好喎, 唔粉, 夠熱, 真係即炸跟住加個泡田雞, 不過媽媽唔係咁鐘意佢個味酸酸地, 我就覺得幾開胃, 再加個菜, 雞湯浸涼瓜皮, 幾得意, 唔同平時既上湯浸涼瓜, 佢爽身D, 同埋好重甘苦咪, 新年食咁多野, 食個涼瓜清清佢之後就到主角肉蟹, 叫左1斤6, 4個人夠哂啦, 中辣, 阿爸勁稱佢個辣蒜好味,話可以撈飯食添~~ 我唔太食得辣, 但係中辣都無問題, 隻蟹又幾甜, 無俾辣蒜既味蓋過, 1斤6都好大碟, 好在阿爸係到, 如果唔係都食唔哂~~~佢仲搶哂D肥美既蟹鉗添最後我地叫左個泥鯭粥(大), 因為阿爸太好胃口, 所以叫個大既~~, 粥好錦, 我最怕食到魚粥既腥味, 不過係呢到就無咁既事~~我仲添左2碗添~~食完阿爸仲問我幾時再去, 佢話就算下次唔食蟹都無所謂, 可以試其他海鮮或者小菜~~~~佢真係識食喇~~…Read More

尋晚一家人去左九龍城既興隆泰國美食食飯慶祝細妹畢業.daddy 第一叫左生蝦刺身, 10隻以上都係50$唔駛, 食落鮮甜彈牙, 好新鮮呀都, 抵食, 下次黎必食.之後叫左個酸辣海鮮清湯.唔係太辣, 小小地調下味, 海鮮份量都幾多架, 蝦啦, 魷魚等等都係40幾蚊wo..都串燒, 全部都係7-8$串, 不過最少要叫3串架, 我地就叫左雞翼, 牛肉.雞翼燒得唔錯, 佢為左你方便食仲會幫你分開2邊, 細心呢, 燒都入晒沙嗲味, 好食牛肉唔鞋同似牙都唔錯, 不過我中意雞翼多dlol最後每人一個大大個椰青, 好清甜好好似, 解喝一流~20$個到.唔太貴~…Read More

前晚同細妹去左九龍城廣場最低個層既金水壽司食飯.6,7點間野都係冇咩人, 幾空下..連埋細妹都係得7-8個客我地叫左我地最中意食既珍寶帆立貝, 30幾蚊, 比板長既細舊, 食落呢...冇人地咁鮮味, 唔怪之得咁少人啦...細妹叫左個蒸蛋, 個蛋水汪汪的~唔知係未蒸得唔夠耐呢, 有隻冬姑切花係面, 食落都普通啦~手卷係最好架啦, 叫左軟殼蟹手卷, 都ok既隻軟殼蟹, 仲有蝦子, 唔錯~帆立貝壽司ok一般, 如果珍寶帆立貝同帆立貝壽司我會揀帆立貝壽司抵d最後佢既金水刺身飯唔新鮮既, d飯唔知係未擺得太耐, d刺身就一般啦, 海膽唔好食......下次唔會再黎...又唔係特別平...…Read More

大前日, 同朋友仔去左九龍城的一間既浪漫又經濟既餐廳食飯, 間野叫Copacabana.我地就叫左個煙3文魚沙律, 50幾蚊, 但係份量同賣相好吸引, 充滿光澤既煙3文魚, 咸到喏喏好, 同酒店既質素差唔多,咁既價錢唔錯唔錯.另外呢就叫左個鵝肝+apple 片, 80$, 抵呀~鵝肝bor, 重厚身添, 入面好軟熟, 出面就卜卜脆, 好好食, 剩食鵝肝太漏, 所以佢就加左apple 肉~, 2樣夾埋, wo, yummy!!!!最後叫左個7-80$既春卷羊肉薯皮蘑菇, 3樣野3合一都唔錯~每樣少少, 我中意食佢既春卷, 係芝士雞肉既~好好味~野飲就叫左芒果紅茶好好飲~約20$…Read More

星期日晚, 同左朋友仔去左佐敦既言居酒屋dinner.入面格局幾次日本居酒屋.tv 就係咁播日本節目=.=不過服務好首先叫左刺身, 3文魚刺身, 肥美, 有光澤, 食落好鮮味.之後叫左雜錦魚生飯, 飯量都幾多下, 同新鮮, 佢d飯唔係平時我地食個d, 係用日本米~仲加入大量蔥花個d, 所以好香口, 60幾蚊, 抵食呀朋友個長 蔥碎吞拿魚腩飯都好正, 貴10$, 但係d魚南蓉好新鮮, 加埋隻蛋仔, 一齊食, 好好味, 比雜錦魚生飯好食添~…Read More

上星期6既下午我去左中環同朋友仔食飯, 我地去左怡和大廈既"都幾好"依到d野食都幾經濟(中環黎講), 都係30幾40幾.我就叫左個葡國海鮮繪飯, 賣相幾ok, 用個鐵獲仔裝住, 飯就橙色上面仲放上左d海鮮.海鮮有帶子, 青口, 大蝦, 蜆用等等.個飯唸唸地口, 同埋好香, 好快就俾我ko了~野飲就叫左lemon ta, 佢都有4塊檸檬架.朋友仔個豬扒雞扒飯都唔錯.豬扒同雞扒每樣試左舊, 雞扒好味d, 豬扒有d鞋, 唔知係未焗耐左…Read More

之前既一個星期6, 同朋友去左深水步買電腦野啦..行到肚餓豬, 朋友就話附近有間野幾好味去試下..去到一間叫賣豬仔特式燒烤坊. 唔怪得咁熟口面啦..佢之前係起上環街市既木佬燒烤. 搬左過黎都唔知添間舖頭呢有廿幾30個位既, 裝修格局就幾次打冷舖架, 白色膠台布~xddd到野食啦..佢間舖名叫賣豬仔, 梗係要叫下招牌菜bb 豬啦~於是叫左半隻試下先~另外朋友叫左藍妹都係22蚊, 幾抵飲~隻豬仔呢原來係即叫即燒, 所以要等半小時, 黎到個時賣相幾靚..仲有半個豬頭~kaka豬皮燒到脆卜卜, 但係肉呢就一d都唔乾身同鞋, 好嫩好多肉汁~我就唔理食完肥唔肥, 食完先至算~@@另外呢就叫左燒魷魚同羊架~燒魷魚唔會太乾, 喉落都仲有汁~唔錯, 羊架香料重手左小小, 但都幾好食架~^^…Read More

之前有日同朋友係尖咀行街街, 覺得肚餓想搵d野食下..又唔想太貴, 個fd 就話去冰室食啦不如~尖沙咀有冰室???就跟左佢去試下.間冰室係地下, 都幾family feel, 你會見到神主台添~@@有幾張枱枱凳凳, 幾整齊企理架, 地方又唔迫.但係呢收唔到電話呢=.=坐底左就叫野食, 我呢, 就叫左個茄蛋麵$23蚊.等左幾分中就黎啦. 賣相都幾吸引, 鮮紅撞黃色, d 茄醬都幾潔同濃~都好多茄肉, 入口甜甜地, 而佢個麵呢, 係用好麵 -出前一丁, 梗係比其他既好食啦~我飲埋d湯, 到走都唔覺得口喝~, 正~…Read More

之前呢, 記我半年前左右啦, 都黎過依到食覺得幾抵既, 前排有日經開北角, 就同朋友仔去左食個tea啦~坐底左就叫野食啦, 第一樣呢就叫左酸辣粉, 15$ 都幾大碗下~湯底夠酸,辣味對於我黎講喏喏好, 唔會太辣.花生碎,蔥粒及芫茜粒, 幾香口,薯粉夠粗身,煙韌得黎又彈牙第2樣呢, 我地就叫左蔥油餅, $10蚊有8件...抵啦~送上黎個時熱辣辣, 幾脆又香口, 好味~之後呢就叫左紅油炒手,15$有6粒bor, 都幾大隻, 料都落足架~不過佢既紅油就唔係紅辣.…Read More