curiousgeorge's Profile

每次經過呢度都有店員招徠表示樓上有座位坐，今日終於試吓….點知就中大伏😑好難食好難食好難食！我叫咗麻辣蕃茄肥牛飯，啲飯係冷飯，相信仲要係隔夜嗰啲。 夾起都係一嚿嚿（3cmx3cm)半凍且硬嘅狀態連微波爐叮熱透都冇做。 食咗兩啖我真係無辦法再擺落口🤢🤮跟住淨係食咗少少肉就算，肉都係好濕又過老，個汁好稀唔係一個識煮嘢嘅人做到出嚟，根本冇可能賣俾客人。我離開就即刻去搵第二間食，我諗呢間係我近10年食過最差嘅食肆，仲要價錢都唔算平。唯一可取，點餐和送餐嘅店員好有禮貌。但都挽救唔到佢嘅劣食。或者佢專心做三文治會好啲雖然我未食過，亦都冇勇氣再試。…Read More

星期日晚飯於OpenRice訂位有九折，準時入座被安排到二人卡位極度擠迫，好像比一般茶餐廳更擠迫🙃 加上枱上原本的餐牌油鹽糖和水已佔了很多位置每次基本上只可以放一碟食物。 餐前麵包鬆軟好吃，Pizza也不錯，前菜火腿蜜瓜可以，但份量偏少。 雞棒味道不夠，記得以前來吃是很好吃的。 到結帳了店員忘記給我們九折提醒後再更改，大家記得要check單啊。 二人折後490多元，以這個價位來算座位實在太擠迫不舒適，未必有下次了。…Read More

呢度啲豬扒好有水準，價錢合理全部由人手揼鬆（聽到廚房揼揼聲）一食落口就知道，非常有誠意👍🏼 嚟過2次招牌炸豬扒同煎豬扒都各有各好，二選一都要諗好耐…….今日加咗$10 配埋鹽酥雞試下，估唔到都好得喎即係下次選擇又再困難啲囉😅 呢度老闆同店員都好nice 又斯文，罐裝汽水嚟到仲要幫你攞紙巾抹下嗰罐先，有冇咁細心㗎😌星期六中午去到可能無乜返工返學客所以比較靜，希望有誠意嘅小店都能夠頂得住，越做越好啦！…Read More

之前social media見到介紹呢間小店，都想試下。 今日來到，舖頭細細間但感覺幾光猛同乾淨。 由於食串燒都中過唔少伏，所以第一輪都係叫幾串試下水準先，諗住如果唔好食就行過葵廣篤串魚蛋好過… 一來到會有個小爐喺台面幫串燒保持溫度，雖然火力一般但都感受到小店係有heart 想做好嘅。 好鐘意佢地可以揀調味，出面串燒店好多都係一隻味（孜然）走全場，食多兩串已經覺好悶。我好欣賞呢度串一口牛，好嫩又有牛味。 鹹蛋黃味花枝丸同蜜糖味雞翼都燒得好正，食到一半已經覺得係有下次嘅👍🏼可以叫第2輪😆驚唔夠飽，叫咗個燒豬頸肉飯都好好味。 臨走還有訂位送的燒棉花糖有奶皇味，bbq感覺好滿足！ 呢間小店價錢合理好多款都只係$16串， 值得支持下。…Read More

12年前喺葵興返工，期間亂撞搵到呢間越南粉麵店覺得味道同氣氛都非一般。 之後轉工後就無返過嚟…近來又再常常嚟返呢區，因為唔記得店名search 唔到位置，只能憑記憶搵返呢間舖頭…但摸門釘咗兩三次，今日終於遇到佢開店啦😄 咁多年都冇變，包括店裏獨突的氣味，裝橫同埋價錢。 兩個人兩碗麵兩杯飲品加碟菜，都只係$82…. 佢湯麵嘅味道同出面就係唔同，酸酸的檸檬味真係好特別，雖然說不上好好食，但就係感覺良好…尤其是見返依然一腳踢嘅伯伯呀🥹…Read More

以前喺上環返工經常幫襯，今日出外工作行到附近就諗起呢間舊式冰室仔。今日未夠11:30就去到，完全唔駛等位唔駛搭枱好開心❤️ 仲係賣緊早餐。 但我個懷念重點係呢度個豬扒炒意同蛋包…店員話已經可以order全日餐唔駛擔心😆一來就係煎蛋方包，再來就係超大塊的豬扒炸得好香好腍滑沒有令我失望。還有大大碟的炒意粉配黑椒汁…質素好似仲比以前好咗呀👍🏼加埋杯凍檸茶係好完美，但係要加$5 好似貴咗少少。 埋單$60+ 位，都合理啦。 一定會再來！…Read More

第三次食k11呢間祥仔，之前兩次（新開張的頭幾個月）都係午市覺得唔錯。可能有2年無嚟，今次嚟食晚市想食返個粟米星斑飯，點知未夠六點就賣晒了。跟住就叫咗個焗蕃茄豬扒飯同埋小食拼盤。 豬扒飯嚟到樣子OK但係食落好韌，刀要切好耐先斷，唔掂。但個炒飯底係好味嘅。 之後個小食拼盤，個雞翼好麻…唔知係咩香料造成， 而拼盤入面嘅沙律係奇怪地勁咸😖 食物一嚟到，唔知點解梳化位背後突然飛出2隻好肥美嘅烏蠅，不斷圍住D食物….哎！ 決心last一次幫襯啦…Read More

慶祝紀念日, 揀咗呢間米芝蓮餐廳係因為有指定信用卡買一送一優惠，埋單抵好多。但要用優惠就要打電話預約，唔可以online 做 booking. 過程好順利，最好係無其他優惠限制。不錯👍我地order咗個signature tasting menu 同2杯Mocktail 樣樣都幾好，並無失望之選。而我最最最有印象就係個無加水嘅蘑菇湯，真係好濃好香好好飲。如果我會再嚟，相信九成都係因為呢碗湯🤤仲有件龍蝦都係整得好香好鮮嫩..而員工都好有禮貌又親切，戴住口罩都feel到佢哋笑容滿面。 介紹每道菜時都好有heart又唔長氣，輕輕鬆鬆難得令到我會用心聽晒慶祝紀念日就另外送多件cake 添，仲要一放低就主動set 好個甜品位畀我地影合照，夠晒細心❤️…Read More

朋友book咗枱帶我去食生日飯，之前喺IG 見到好多人來打卡，都預咗係時興打卡餐廳對食物沒有期望，只求影下相嘻嘻哈哈食一餐。我哋2個人就叫咗個豬鞍，青口同埋要預訂嘅潘朵拉的盒子甜品。豬鞍份量都唔細味道幾好，加埋炸蕃薯條都炸得唔錯同埋份量足，傾偈傾耐咗凍咗都唔會淋晒，好食。碟青口就正正常常啦，反而幾欣賞佢附送嘅幾塊千層脆餅點忌廉汁食幾夾，唔漏。而甜品潘朵拉的盒子有個錘仔可以扑，同埋生日會有頂生日帽🥳送，店員又好積極同pro咁叫你行出去景點幫你影相📸️。 成件事都幾繽紛，為餐廳再加多幾分。 眼見全場好似所有枱都有人生日咁🎂，氣氛唔錯！整餐飯都滿意，較少又有gimmick 又幾好食的IGable餐廳🤫 …Read More

早幾個月嚟過一次，但實在太多人等位所以放棄咗，轉咗去附近啲餐廳食。 今日閒日，又見天氣開始涼就諗起揸車嚟呢度hea 吓。果然係閒日，12:30pm 左右只有3-4枱食客。 仲可以揀outdoor seat 望海食飯🫶🏻Lunch set 係$128起跳，有齊starter, main, dessert or tea 都幾抵食。 我地一行4人就試晒佢當日4個set. 款款都唔錯，pizza 夠香脆，seafood pasta 正正常常，而加咗$50嘅hanger steak 都有水準配菜薯條更是高質。 可能客少嘅關係，服務都好好見我哋喺度自拍又主動幫我哋攞景影相👍🏻👍🏻唯一美中不足就係outdoor 嘅枱好細張，只適合2人。 不過其實係我哋揀嘅，為咗個海景🤭…Read More

今日去旺角攞部電器去維修。中間要等兩個鐘， 一條友搵咗附近一間外觀幾靚仔有幾多好評嘅韓燒食下kill 下time.入到去,店員好熱情裝修有幾型格,感覺不錯. 我食$138午市放題，一坐低就擺低一盤牛五花同埋一盤雜肉俾我。觀感上唔錯😊一開始燒牛五花，味道一般但都可以啦百幾蚊。跟住燒雞翼，5秒內個鐵板就乾晒雞翼連皮黐到實。 因鐵板冇搽油的緣故超級黐底…成嚿肉都係黑色，咁我唯有放棄隻雞翼攞啲雞皮啲油出嚟希望潤返個鐵板，先再燒豬扒。 好可惜佢啲豬扒好薄而且乾無油份都冇亦都唔係好見同食到醃過嘅痕跡….一放落個鐵板又係即時黐底燶晒🥲🥲🥲忍唔住舉手問店員係咩問題佢就話我塊板冇加油，佢而家幫我加返…跟住我再燒，可能由於之前已經太多燶咗嘅焦， 再燒咩嘢都係變黑色。 我都有啲唔好意思咁再舉手問佢可唔可以幫我換個塊板因為我真係食唔到…好彩佢都肯同我換。 來到新板係有少少油份，比之前嘅好…燒咗一陣都係有同樣情況咁都算啦。唯一一次加單，要咗一塊牛扒。 等咗20分鐘都冇再催佢就嚟咗碟未融雪同見唔到有醃製過嘅所謂燒汁牛扒….一睇都覺得驚，究竟咩係燒汁😆。 算啦，照燒埋佢….一食落口真係難食到暈。 無肉味（有雪味）再加埋黑色嘅炭焦…今餐真係冇乜食過嘢落到肚，全部都係焦燶嘅肉。 坐隔籬枱嘅太太同我情況一樣大家都係相視擰頭，無話可說😶總括嚟講，只有碟牛五花係ok擺得落口因為有醃過又有油份。 我而家最想知點解呢間嘢可以有咁多個好評呢，係我唔好彩定係佢退步咗呢🤔…Read More

去開上環做嘢，本來想去食生記魚湯米線但撞正1點鐘lunch peak hour，好多人等緊位就附近周圍睇下有咩其他嘢食啦。轉過彎去到蘇杭街，見到呢間燉湯店啱啱有人走可以直入就呢間試下啦。 我揀咗椰子栗子燉雞湯 配 籠仔排骨陳村粉。 首先嚟個湯，好飲夠熱。 湯料都唔少，唔怪得知咁多女客人唔使配餸餐，淨係要白飯同油菜餐都夠啦。 再嚟埋個籠蒸陳村粉排骨好滑又入味。 但係因為有新鮮辣椒一齊蒸都真係意想唔到咁辣，但又好鬼惹味🤗 我係鍾意的。 而且唔似平時啲燉湯店湯係好飲但其他食物淡而無味，好似病人餐咁。 呢度份量都多，我最後都食剩幾多粉， 男士應該都會夠飽。…Read More

未正式開業前襟入網址竟然book到位🤭我開店後應該冇咁容易撞中一入到去環境幾舒服，安排嘅枱亦都夠大無迫陝感，限時100分鐘。 睇餐牌好多食物都係30幾蚊起有交易，反而飲品類價錢就較高。 我叫咗杯鮮檸梳打酒，有原隻檸檬畀你自己榨汁，幾得意。我哋叫咗幾款壽司，都係正常壽司郎質素。比較有驚喜嘅覺得係薯仔沙律 同埋 池魚骨脆餅，沙律就外型呃like，池魚骨就脆卜卜送酒一流呀👍🏻👍🏻👍🏻仲有個叫做蘿蔔歐與漬鯖魚都得意。有個西式啲嘅羅勒橄欖油魷魚番茄配法包，都唔錯但係份量就偏少。 兩個人食到勁飽埋單$600，絕對有下次之選♥️…Read More

上OpenRice search 見到呢間幾得意就去試下。星期日的晚上，只有2枱客。本來想叫寫住推介的籠仔蒸飯，但店員話無蝦… 咁就叫了個餓底早餐，即係all day breakfast. 一嚟到見到幾大碟，牛扒2塊♥️心裏加了分。oh …呢刻又發現我叫呢個餐係因為見到有薯餅….但嚟到係薯角（再望返餐牌佢英文寫fries , 唔係hash brown… 即係我睇漏咗… 但其實佢嚟到係potato wedge 😅)算，切開牛扒….一放入口，果陣梳打粉味超濃，真係擔心會食壞人。同埋一食就知係平價牛扒，咁就唔好default 3成熟啦。心已灰了一截….沙律菜，眼望都見得到的霉..食一啖仔，微熱的…口感有D難受😣最正常係薯角同法包，都算感恩。起碼有飽肚嘢落得肚呀🥹希望老闆睇到，可以改善。 呢個餐真係對唔住客人….$108 雖然唔係好貴，但真係好難食。 可以話係我食過最差的all day breakfast, 沒有之一…Read More

夜晚去銅鑼灣上堂，未夠六點唔使等位可以直入。 本來想嚟食佛跳牆，點知原來銅鑼灣分店無供應， 咁就叫咗類似嘅棉花雞$98。碗麵嚟到都夠熱，但係陽春面就略嫌槳到一嚿嚿，要改善一下。 湯麵材料唔算多，只有三嚿魚肚，幾嚿細雞肉同加埋一隻半嘅冬菇…如果當正餐食就可能爭少少啦。同埋個湯底都冇我想像中的好，可能我太有期望啦…但都絕對合格嘅。坐低見到要+1服務費，覺得唔應該。 因為店舖座位都好迫，係快食快走feel, 但係見到服務員姐姐服務殷勤，食咗30分鐘入邊都主動幫我加咗三次水，差唔多食完又預備牙籤俾你。 係的確有啲服務喎😂…Read More