p0nti's Profile

又係我銅鑼灣食信寫食評，今年都好忙，好少寫食評。有睇開我嘅食評可能會掛念我、哈！今次寫食評比較特別，就是我剛剛入會大概一年的競駿會。唔知點解，其實我成日幫襯，今次先第一次想食評唔好意思😅睇開我食評的人，都知道我會講吓搭車先。咁講到明係會，顧名思義要入會。我個人覺得都值得嘅，入會費唔算貴，唔使200,000。人人諗法唔同嘅，唔知道，我就覺得抵！個個都知道我日日都揸車，入咗會之後跑馬地有三個停車地方可以揀，平日搵食飯，就方便咗好多。咁當然都要講講，如果賽事日，係非常緊張。各人有唔同喜好，我就係咁覺得。言歸正傳，今日簽咗單生意幾開心，同我拍檔Connie，去食飯。諗唔到食乜梗係返自己會，今日食Dining Room，呢間餐廳如果賽事日係食自助餐，平日係火鍋打邊爐，事實價錢可以啦，唔係貴。我哋就早到咗，兩個人都叫咗杯西瓜冰飲，幾好唔錯好飲。如果冇核就完美。重點，我鍾意佢海鮮幾好，真心唔錯，幾次食都可以！趁住我生日，食好啲啦。問吓啲職員，說龍蝦新鮮，咁整隻試下，食Sashimi，因為隻龍蝦仲郁。真心好食。由於兩個人食唔到好多，就介紹本地牛肩脊，好食推介，叫咗雜錦丸同埋雜錦菜，我最唔鍾意諗，咁樣就最好啦。原本嗰煲係椰子雞煲，兩個人飽晒。差啲唔記得講，將龍蝦頭爪做椒鹽，都幾好食，可以試吓。推介打邊爐，三四個人食多幾款就開心啲。其實會一共有四間餐廳，Sport Bar / Dining Room / Noodle Bar / HK Kitchen 。四間各有唔同特色。一定搵到你啱食嘅嘢。如果想了解多啲，歡迎電郵我交個朋友…Read More

今日又係我銅鑼灣食神微服出巡，今日嚟到巴閉呀會展!金紫荊廣場，呢間生記!試一試佢嘅High Tea! 睇開嗰個食評都講揸車，嗰附近街王都得得哋，我都係就咁泊，如果停車場行過去就一段時間，都OK有點遠。大家自己衡量吓。講High Tea 都幾精緻，食得飽嗰隻嚟㗎！我作為一個肥佬，有食唔晒嘅感覺。睇開我嘅食評，都知道好食，我好少講，通常都叫自己落去感受下，講多兩句啦，平均水平都高嘅。佢其中有一個好似係芹菜嘅卷，佢特登用煙燻，用來遮蓋平常好多人唔鍾意食芹菜嗰陣味，入口就食到師傅嘅功夫，實屬難得。我唯一一樣嘢，想講吓。下午茶通常到五點比較好。大家都明白嘅，因為下午茶通常傾偈多，又要遷就夥計落場。明白嘅，加油努力！差一點忘記了，我都好注重服務，同事們都是盡力殷勤的服務，唔錯唔錯！…Read More

今日又係我銅鑼灣食神，微服出巡前往荃灣。荃灣呢間點心都OK 㗎！喂，首先要讚吓佢嗰啲湯真係！用very good來形容！足料到嚇死人，冇味精，超級正！去得真係要飲！講完開心嘢就講唔開心野。我始終好唔開心，就係我呢啲年青人，唔飲茶都要十幾蚊茶位......我反映了很多次，我絕對唔介意lunch食三百幾蚊，其實加埋甜品呢張單4百幾，二個人添！佢仲有+1餐唔錯，點心都有水準，如果唔飲茶連埋+1冇咗$20。我寧願食多樣嘢。希望真係，諗吓呢個點，因為其實好多點心舖，飲汽水都可以免茶位。最後要講下，服務阿姐好好禮貌！在這麼忙碌的環境，仍然保持到專業，盡量唔好流失呢種員工😊😊😊…Read More

好高興呢，已經好難引發我，沒有邀請底下寫食評了。今日來到迪士尼做一下米奇老豆，去到呢間大街餐廳，事實呢間餐廳都OK貴…不過就腳冇辦法啦。睇我食評嘅人都知會講吓揸車先，泊車$260.1日。如果你屋企附近有地鐵去方便當然搭地鐵。冇得輸。還有一點很有趣嘅，我睇到樂園其中寫住平板車可以進入樂園，但現實係唔俾㗎。呢點係要留意番。順便講吓迪士尼啦，好玩的，不過價呢，就OK搶。原本以為迪士尼冇乜刺激嘢，後來未來世界嗰個過山車我直程感覺有危險😂😂，其他都係OK冇問題放心。玩完去到五點幾，就食嘢啦。去到呢間嘢，又問我哋有冇book枱，我話冇佢就話要排隊，排隊冇問題。但係餐廳裏面明顯好多空枱，你學蘋果節牙膏，都做得好啲唔好俾人排隊嘅時候睇到🙏🏻入到去叫嘢食啦哎呀我都唔講，自己睇相…..$400一個人唔係問題，真係用可憐來形容。可以的話改進一下。你可以設定每人最低消費，咁我嗌多幾樣嘢食怕咗你唯一可以讚就係嗰碟「芥辣」有老竇個樣😄😄…Read More

今日又係我銅鑼灣食神同大家寫食評，今日又返到嚟本簿銅鑼灣。去到呢間叫立鮨嘅，睇燈飾頂多首先要講吓泊車先。當日我係星期日去星期日我就會間唔中掂下我部大玩具「得得地」，今次就揸佢出去銅鑼灣食飯「其實只係銅鑼灣去銅鑼灣😂😂😂」「嗰隻係一隻牛幾難揸長途車，短途出嚟型吓咪算數囉！」我就揸到去謝斐道盡頭近世貿嗰啲邊位。就咁放喺度已經有人影相，又有人模拜，淨係這種虛榮感，好多困難就已經過了，點解今日講咁多廢話呢..講返正題，我部紅車就拍咗去門口，就入去食。呢間餐廳都幾特別冇櫈坐。對於我成日坐嘅人企吓當然冇問題👍🏻，舒服幾好。我就叫咗嗰個$380「Omakase 」😂😂😂應該係ELITA 版。我從來未試過咁平梗係要試吓。一來再嚟過少少刺身拼盤，都有件中拖，蝦算大合格。之後六件壽司🍣，高質！睇吓我食評嘅都知道好食嘅，由於Complex，所以唔使點形容，想知道自己落去試吓。好食，食完就一條手卷，再加個湯！完我從未試過廚師發板咁簡單加$88要個大滿足海膽….我個胃才勉強夠…我只可以講嗰度方便，食都可以嘅，PQ值斜對面嗰間高啲啲。最後要讚下師傅喫飯嘅功力，唔死實又唔易散，有啲功力！勁！…Read More

今日又係我銅鑼灣食神，返到嚟自己本簿銅鑼灣，今個月住PL，所以成日經過恆隆。經過呢間餅店，我唔係有意來寫食評。首先講揸車大家可以放棄先，我住咗45年銅鑼灣我都服左我自己呢個佢已經唔適合揸車。抄牌嘅情況非常嚴重，泊街死梗。我都係乖乖地泊返好部車喺自己個車位行路啊⋯⋯銅鑼灣行路都可以嘅唔會話太難其實點解引發我今次寫食評呢，我想讚下專業嘅銷售西餅的靚女，真係非常專業。可以令我停下來、看看、付款。流程也非常順暢。你們要加油！差啲唔記得講件餅好好食…Read More

大家好！今日又係我銅鑼灣食神微服出巡嘅時候，今日好開心收到米芝蓮嘅邀請寫食評，出發尋找穩世食店，今次嚟到觀塘崇仁街，這間榮華川菜館。睇開我食評嘅都知道，我要講吓四周圍環境先，如果地鐵站行上嚟到金金地，當做下運動啦，如果揸車嚟，街王冇問題，小心抄牌。講返啲餐先，佢呢個套餐二人餐，二百零蚊，都好抵食。睇開我食評我其實好少寫菜式，都話希望睇咗嘅人，來自己試吓。我中肯講一句，他們的味道，不是大集團味道，這樣令我最開心，他們的味是小店的味道，味道沒有因為年代而改變，那個醉雞，幾好食值得一試。開頭看裝修，都有點錯愕，開了餐就明白點解曾經兩屆入選米芝蓮。因為我哋做食評嘅，都會因為價值而評論。他這個二人餐是2xx元，有湯有兩個小菜，有甜品，還有八寶茶。以價錢來評論，曾經入選米芝蓮當之無愧。他這家餐廳，好適合遊客，那些深度遊的，絕對看到香港的真正一面。…Read More

大家好又係我銅鑼灣食神微服出巡嘅時候，今日嚟到堅尼地城，山市街。睇開我食評嘅朋友都知道，我一定要講咗泊車先，山市街屬於環頭環尾，唔同油尖旺銅鑼灣旺角，無咁嚴泊街，只要冇左人，唔係泊得好串，一般都唔搞你。咁當然如果泊雙黃，唔搞你都對唔住自己啦。總之各位師兄看着辦🙏🏻，如果成條街一部違例泊車都冇，就一定係有料到，放落去屎路一條。都係講返食評先，其實呢一間13少位置普通啲，從玄學角度，屬於高速嘅尾位煞氣重。哈哈點解無端端講玄學呢😂😂都係講返，佢呢間有炸豆小食，都貼心嘅。有自己煲嘅菊花蜜，呢個對食辣嘢清喉嚨非常之重要。唯一魚方面，要努力些少，四季豆一貫嘅功力，反而我最愛吃皮蛋，但腸胃不好，每次食都肚仔詐型，真係好好食。紅糖滋粑，一定要熱辣辣食，信我！當然呢度服務都好好，經過食唔會輸，試吓啦！…Read More

大家好又係我銅鑼灣食神，微服出巡嘅時間今日去到香港仔，呢間十二味。睇開我食評嘅都知道我要講泊車先，南寧街泊街，好方便如果門口有位就Very Good喇。擔心的話泊停車場都可以。每日例抄一兩次姐，撞到都係自己唔好彩。擔心就P停車場。睇開嗰個食評都知道，我唔會講好多食物嘅，但係酸菜魚真係好好食，邊個睇完我食評去食話唔好食，打俾我出嚟一齊評論下！嘢飲都唔錯，飲品超大杯好好飲，解難一流，但如果多啲花款，好似涼茶咁「凍飲」。咁就完美！真係唔錯值得一試。都算係呢個月比較精彩的「魚肉」！服務都好！值得讚賞！食得過！食辣然後飲杯凍飲解辣，感覺個人「過引」！…Read More

大家好！又係我銅鑼灣食神，同你地講食評，好高興又返到我嘅本部銅鑼灣。睇開我食評都知道，首先講吓泊車先，耀華街泊大膽車有位可以嘅，但要預咗有$320政府收費😅😅「牛肉乾」。對面就係傳說中嘅魔鬼停車場，我而家揸已經入唔到，當然附近有時代廣場如果有嘢買，泊車場都着數㗎！講返呢間吉列牛，幾好食！一入口就知道，睇吓我食評嘅都知道自己睇相，講到天花龍鳳冇用自己試一次就知道龍與鳳。我想講吓兩杯嘢飲幾好，咩唔記得咗自己上去睇跟住相睇吓啦。我都知我食評有啲Hea，但我已經將男人嘅精髓講晒出嚟最重要部車😂😂😂其他自己睇相，唔該晒服務方面..應該係…加油！努力！牛質素高幾好食試吓啦！…Read More

今日又係我銅鑼灣食神微服出巡的時候今日家姐話俾我聽呢一間上品好抵食咁就試吓啦。睇過我食評都知道，首先講吓揸車嘅環境。清風街仲要睇你彩數，泊遠少少都應該冇問題，近來抄牌都幾嚴可能為咗六月派消費券。講真嘢食幾好食亦都好抵食，5人食$1000。等阿姐嘅禮貌真係要學吓，喺譚仔嗰啲Style…一坐低馬上講折扣只可以食45分鐘。7:00必須離座，還要你應承，攞豉油同調味品嘅時候，話中有話，說好趕時間啊快啲啦隔離嗰台都要，6:15再嚟提示，阿姐食一餐講四五次，喺30分鐘裏面都唔夠，隔離嗰台已經發晒脾氣，你嚟到我呢台，亦都係咁樣你想點樣呢？可知道我哋做大食評家，出來食飯已經好客氣，都怕得罪人，得罪餐廳老闆。但冇辦法啦都係要比負評！喺食平左，但要受氣，大家自己諗。補充一句，食物出品幾好唔錯！還有一點，6:50幾分外邊仍然冇人等位，如果有人等位先咁緊張，對不對？…Read More

今日又係我銅鑼灣食神微服出巡去到北角健威附近，好難得可以寫負評！首先講吓附近泊車都幾煩，最好泊建威商場！泊街短都可以嘅小心啲！唔係講笑！嚟到個叉燒，黑過包青天！我同姐姐反應姐姐好有禮貌同我即刻換，可惜只係切少少黑炭俾返我。咁唔緊要嘅我作為銅鑼灣食神我只會喺OpenRice公布佢。整體服務姐姐水平非常好！非常繁忙亦保持一貫服務水平！出品真係爭少少🤏，要努力！唔怪得咁多年上埋市，米芝蓮都冇星！午餐唔爆有原因叫阿叉燒炳留意吓！…Read More

今日好開心又係我銅鑼灣食神，微服出巡嘅時候，今晚和靚女Rosana共進晚餐。諗唔到食乜？所以食中菜，咁就最好。睇開我食評人都知道，我首先要講揸車，四周圍環境，如果揸車嚟，對面禮頓係好出名嘅停車場🅿️，泊遠啲時代廣場好抵泊嘅，行吓路當做運動都可以。街王可以泊黃泥涌道，短泊可以嘅，長泊就難講啲，整體嚟講揸車嚟都算方便。讚下個黃魚，非常好食，仲叫咗豆腐煲，好味！蒸肉餅，一流！還有一個點綴嘅牛雜！配上青菜！這簡直就是中菜的上好組合。老闆非常好人，年青又健談，值得支持，加油睇好你！聽老闆講剛剛申請到酒牌，中菜真係要飲少少酒，無論乜酒都可以，飲食飲食，有飲有食才完美。經過銅鑼灣一帶，真係要試吓唔錯。我銅鑼灣食神姓命保證，冇伏，好食！…Read More

哈哈又係我銅鑼灣食神微服出巡嘅時候，今天很開心返到我本部，銅鑼灣。呢間餐廳我喺荃灣已經食過，唔錯唔錯。今日同沈大師試吓。睇過我食評嘅都知道，都要講吓揸車嗰啲情況。好老實銅鑼灣，揸車偷雞買外賣都可以，如果要坐低食，確實搭車會比較好，真係學我咁係車腳嚟嘅，就碰吓運氣或者泊停車場。我哋習慣坐低叫飲嘢先，沈大哥嗌咗白咖啡，我就叫咗斑斕特飲。沈大哥話好飲，我個杯呢甜到剛剛好我鍾意。叫咗個蘿蔔糕同煮蜆share。少少辣好惹味！主食方面我哋叫咗，喇沙同埋白咖喱麵，喇沙食得多大家水準差唔多，白咖喱面比較特別印象好深刻，好食唔伏可以放心。果個煮蜆有搶食嘅情況，印象好深刻。經理冇介紹錯。睇過我食評都會講吓服務，唔錯唔錯！好難得，整體都好好，價錢又唔貴。抵佢開連鎖集團！諗唔到食乜？呢間一定唔會錯！…Read More

今日又係我銅鑼灣食神微服出巡，我都好喜歡，揸車四周圍去食野。今次嚟到深井唔係食燒鵝，係去一間叫One Restaurant試吓菜。食飯梗係有靚女，今日同Ceci去食飯，去到深井呢間嘢，其實都好易搵喺兩個建築物中間嗰條巷直望就見到。易搵嘅。唱得我食評當然要講下四周圍泊車情況，嗰頭屋苑可以泊車，街王嘅都可以。睇情況啦。間餐廳環境幾好餐具都幾精緻，我叫咗杯冇酒精嘅Mojito，靚女個杯係特飲係熱情果，我問過佢，佢都話OK幾好飲。頭盤嗌咗個三文魚share，唔錯幾好！靚女節食減肥嗌咗煮蜆，我就叫咗羊架。嗰個芥辣汁幾好食。順帶一提餐包都好特別應該係斑斕。環境幾舒服，整體感受都唔錯。值得一試。…Read More