tempbond的個人專頁

同友人嚟開依間餐廳食飯,因為這裏夠就腳,坐得又舒服。最緊要有我地最鐘意食嘅泰菜。但係今日發現除咗平日個menu ,仲多咗個泰。潮menu ,裏面有8款世華餐廳最人氣招牌菜式,細看之下原來世華餐廳是泰國一間老字號嘅餐廳。今次就係將潮州菜元素及飲食文化注入泰國菜式中。好特別。今次同友人就從8款招牌菜式揀了兩款。另外叫咗個米紙卷。其中一款是泰式炸蝦腐皮卷 餐廳用了手打鮮蝦膠配海蝦肉,卷入鮮腐皮，啖啖都係鮮蝦肉，好彈牙,無腥味。腐皮做得好薄,好脆口,裏面包住好充足嘅蝦肉,外脆內軟,感覺好充實,世華特色鮮蝦炒金邊粉 這個好特別雖然望落似泰式金邊粉,但這個並非酸酸甜甜，而是酸中帶點辣,好驚喜。蝦好大隻又新鮮,肉質好彈牙。仲有加上芽菜,葱等的配料。令到這個金邊粉好香口,好好味。軟殼蟹芒果米紙卷 有8 件，每件都脹卜卜,真材實料。每件都充滿了甜甜嘅芒果肉和香脆嘅軟殼蟹,好新鮮。配合埋酸甜醬汁,好醒胃。今次試咗2款世華嘅招牌菜都令我有驚喜,下次要試埋其他菜式…查看更多

今日和友人去了一間在荃灣新開的餐廳,雖然荃灣是新開的 但在其他地方已有分店。這間分店充滿浪漫的氣式,以粉紅色為主,店員更安排我和友人坐在這個邊位,有個大大心型,粉紅色的梳化和花花牆紙,很靚。睇咗個餐牌,雖然得兩張紙,但都好多選擇。和友人叫了沙律小食,主菜,甜品和 飲品。首先嚟過牛油果蕃茄蟹肉沙律配竹炭薄脆 ,這個沙律好特別,牛油果打爛晒,再將蟹肉鋪在面,蟹肉上面再鋪上蕃茄粒,買相好似一個蛋糕,好靚。牛油果可能攪溶咗,食落沒有很大的牛油果味。蟹肉都就沒有攪溶，所以食落好好口,這個雖然是沙律,但沒有用上沙律醬,感覺很健康。蕃茄,蟹肉,牛油果配搭得很靚,但在旁邊嘅竹炭薄脆,顏色黑沉沉,但好味,好脆,好似食緊薯片咁。小食叫了香辣脆雞配泰式酸辣汁 ,用了個小小的籃仔載著,以為份量好少,點知都有7,8件,雞件炸得很脆,但真係有點辣,食了1，2件就食不下了,如果覺得有點乾,可以沾配了的酸辣汁,就更加惹味。到主菜,我就叫了個HSE 全日早餐 ,好似多嘢食啲~煙三文魚賓尼廸蛋,芝士焗香草牛油大啡菇,流心蛋薯仔沙律,早餐腸配油浸蕃茄果然多原化,煙三文魚和賓尼蛋，還加了件多士,賓尼蛋半生熟,連同多士和煙三文魚一起食,好正。早餐腸煎得微濃,皮脆脆的,好香。薯仔沙律嘅薯仔煮到好淋,沒有一pat pat 的感覺,加埋煮得啱啱好嘅流心蛋一齊食,就變咗流心蛋薯仔沙律,正。牛油大啡菇,一切開,就有菇汁流出,食落更加有很香嘅磨菇味,是我的至愛。友人就叫了煎比目魚粟米忌廉意大利飯 ,廚師好有心機煎比目魚,因為煎得好金黃,皮煎得脆卜卜,飯一粒粒,因為用了粟米忌廉汁,所以飯的顏色帶點金黃,食落有淡淡的粟米味,和奶味,所以這個份量啱啱好,如果太多可能會有點滯，食唔到其他食物,哈哈。最後當然要叫甜品啦,咁多款甜品,都係揀咗我最鐘意嘅榛子朱古力心太軟配榛子雪糕 ，因為是即叫即煮,所以都等了約20分鐘,唔緊要,最緊要好味。深啡色的蛋糕,一切開,朱古力嘅岩漿就流出,焗的時間控制得好,先可以做到。熱朱古力蛋糕配上涷嘅雪糕，兩者都不太甜,蛋糕又不會太實,冰火交溶,好好味。我和友人還叫了飲品,士多啤梨奶昔,粉紅色好靚,面頭還噴了忌廉好想快啲飲,果然好味,好滑,試過有些餐廳會加入好多冰,但這裏沒有,只是將雪糕和奶打混,所以好結身,飲完都好飽。這餐食得好豐富,但埋單係400多元,價錢都合理,可以再來…查看更多

每次同媽媽食晚餐,媽媽總愛選擇到酒樓,今晚揀了玉桃軒,這裏裝修很新,地方夠大及光猛望到個餐牌,除了一般小菜,還有多款花膠菜式。女人梗係要補下啦,叫咗個花膠湯,花膠海皇煲同鎮江醋排骨煲花膠螺頭燉北菰湯雖然只是68元,湯很清潤,清甜,很香花菰味,而且用料十足,有花膠,金華火腿,雞,花菰,螺頭,瘦肉粒,杞子。花膠都好大件，燉到已經好林,花菰好厚身,啖啖肉,一盅已感覺好滿足。之後再送上花膠海皇煲 這個小菜是部長推介的,果然好正。有魚片,尤魚,蝦,花膠,菜,冬菰。這道小菜花膠數量更多,有4,5件之多,件件有番咁上,下大小。食完後,口裏充滿膠質,正。蝦都彈牙,冬菰炆到好林,魚片同尤魚都大大件,煮到林林的,用了生菜做底,吸收晒花膠,冬菰的味道,好好味。138元好抵食鎮江醋排骨煲 好大煲,好多排骨,用咗洋葱做配菜,令到排骨更加香。排骨酸酸甜甜,每件都大件,但煮得好林,易食,而且好開胃,還叫咗一個飯。雖然得我同媽媽,但都食得晒。…查看更多

今晚和友人到荃灣睇戲,點知比我地發現咗間唔錯嘅西班牙餐廳。這間餐廳裝修得好高格調,樓底夠高。牆上都是金色的佈置。感覺置身於中環的高級餐廳。望下餐牌,西班牙飯都有好幾款,小食都有好多款,每日更有廚師精選。今日有3款。但我和友人選擇了餐牌上的食物。脆皮豬腩肉配蜂蜜蛋黃醬 雖然得兩件,但每一層都顯得好分明,皮,肥肉,瘦肉,肥肉。腩肉焗得好靚,金黃色,食落卜卜聲,肥肉位置不會覺得油,因為油脂已經在烹調的過程中溶化,雖然味道有點偏鹹,但沾了蜂蜜蛋黃醬,甜甜地就中 和了這個鹹味El Cerdo 招牌西班牙炒飯 有青口,大蝦,尤魚.西班牙臘腸,青口和蝦都大隻新鮮,仲有加了檸檬,可以提升海鮮的味道。雖然飯有點點硬身,但正宗西班牙炒飯就是這樣吧。飯帶有蠟腸嘅香味,好好食。唔好以為個碟薄薄以為唔夠食,原來不是,食落份量都唔少另外叫了個甜品~西班牙焦糖燉蛋法式焦糖食得多,西班牙焦糖燉蛋真的第一次食,嚟到個買相好吸引,面頭燒到焦香金黃色,食落去面頭脆卜卜,甜甜地,裏面嘅燉蛋滑流流,好香蛋味,甜味啱啱好,38元好抵食。…查看更多

今日和朋友在荃灣約咗睇戲,睇戲前醫咗個肚先,這個商場好多嘢食,我和友人行咗一陣,揀了這間閩菜餐廳。試下新菜式,餐廳用藍綠色為主,感覺舒服,一入門口,已經見到個推廣,哆頭蟶節,品味八變。正值當做,而且有好多個做法。有而家做推廣,叫兩款唔同味道都係198。每張枱都有相對的距離,坐得舒服,店員嘅服務都很親切。餐牌用彩色印制,每個餸都好吸引我們叫了冰爽酒糟蟶子和鐵板鹽焗蟶子。另外,還叫了百秒黃花魚和興化炒米粉 。首先講下蟶子,冰爽酒糟蟶子,這個是冷盤 用酒糟浸滿了蟶子,每隻蟶子的大小均一,所以吸收酒的多少都均等。食下去就好似醉雞一樣,好香醇的酒味,肉質爽口,好新鮮。鹽焗蟶子,用鐵板送上時還有個蓋冚住的,一打開,見到用了很多鹽冚著蟶子,仲熱辣辣，等了一會才食,用手取來吃,點知都是很熱,因為用鹽冚住,所以保温得很耐。這個焗的蟶子較為香口和乾身,有鮮味。所以我較喜歡這個味道。正。另外,叫了得獎名菜,百秒黃花魚。則是用100秒來烹調。好期待。這道菜用魚湯浸住黃花魚,只見到用羗和葱來烹調,魚雖然不是太大,但魚肉好滑,魚湯好鮮味,唔腥。一人一條都不為過。食咗兩樣海鮮,叫番個主糧。興化炒米粉,這個米粉比較幼身,仲有蝦,花生,冬菇，菜 ,配料很多。食落同平時啲炒米有點不同。這個在太陽下自然曬乾嘅米粉,果然米香味好濃,味道唔錯,食完啱啱好。見原到餐牌還有很多其他菜式,買相好吸引,可以下次再試。…查看更多

今日同老媽子行街,行到咁上下,又係時候食晚餐,老人家喜歡飲茶,旺角又難揾位，見到這間店鋪,有茶飲,便和媽媽坐低。這裏地方不是太大,但都坐得舒服,牆上貼滿食物相片,令到食慾大增。點心紙就放在枱面,好似一個文件夾,用了彩色印制,好清楚吸引。我和媽媽都叫了好多碟首先係獅虎鮮蝦餃皇 2件 2件,少少地唔錯,可食多幾款點心。 蝦餃皮薄夠彈牙,蝦夠大隻,爽口,唔錯。鮮蝦炸雲吞,這個點心好有童年回憶,細個最鐘意食。這個雲吞雖然不是很大隻,所以脆脆部份不是太多,唔緊要,因為勝在個餡夠多,好充實。有4件,比起我在酒樓食的3件還多。戚風班蘭馬孻糕 平時食的是㫵色的馬拉糕,今次用了班蘭味,所以是綠色,見到有好多小孔,即是夠鬆軟。食了一口,真的好香班蘭味,好清香,又不會太甜,質感好軟熟,唔覺實崩崩,好味。民意叉燒腸 6件名字改得好特別,嚟到已經切開了6件,义燒不算太多,但腸粉皮唔錯,不會太厚,夠彈性。當然要叫返2個竹筒飯,新鮮肉排竹筒飯和蟲草花雞竹筒飯。排骨和雞件都大大件。鋪滿在竹筒飯上,所以夾開餸才食,原來溝了紅米的,夠晒健康。雖然個竹筒細細個,但食晒都好飽。排骨不會太靭,加了些椒絲,带些微辣,好味。雞件大大件,夠林滑。高湯浸菜心最後叫了個菜心,平衡番個營養,哈哈。菜心好清,無落醬料,煮得好林,份量都唔少,但和媽媽都食晒。埋單不用200元,因為不用收加一 ,唔錯…查看更多

和友人行開這裏,正想揾定間餐廳睇波,所以便推門進內,因為時間尚早,所以很快就安排了坐位給我們。這裏燈光較暗,有數部電視.坐位都好舒服,睇波都唔錯。店員隨即遞上餐牌,亦都斟了清水給我們.比一般酒吧好。我們散叫了數款食物。首先叫了個德國腸拼盤(三款口味)有2款香草腸,一款煙燻腸.香草腸一款是卷的,一款是較粗身和直的。肉眼已見到一點點的香草,食下去直的香草腸較濃味,因較粗身,所以口感也較一流。煙燻腸相對味道重少少,但都易入口仲有薯蓉和酸椰菜。酸椰菜真係夠酸,不過食完咁多腸,食返啖酸椰菜。感覺又好好。厚切肉眼 14oz 14oz 果然夠晒份量,我地叫了5成熟,切開沒有血水,但肉色是略帶鮮紅,沒有過熟,食落還有點肉汁,感覺juicy ,這件肉眼扒帶點肥膏,感覺甘香。香煎美式卡疆三文魚 三文魚煎得很靚,買相好吸引,金黃色,表面的肉質脆口乾身,但裏面還是有點魚汁,好味。最令驚喜係個配菜,蕃茄串,好甜,好多汁。加上菜苗,紅紅綠綠,顏色配搭好靚仲叫了兩杯飲品Apple Mojitto 好少飲用青蘋果調制的飲品。加了薄荷,青檸,每種味道都好夾。好清。青蘋果切了好細粒,好爽口。有得飲,有得食,正Strawberry Colada 混和幾種生果汁的飲品,有菠蘿，士多啤梨汁，椰奶和鮮奶。顏色已經好靚，好浪漫。味道甜甜地,奶味不是太重,友人好鐘意今晚食了咁多肉,未睇波前都要自己踢返幾場波先得,哈哈…查看更多

今晚同家姐行街,行完街,又到食晚飯的時間,今晚家姐話想食日本嘢,行過金馬倫道,見到依間日式餐廳好光猛,就同家姐推門進內。餐廳比人舒服的感覺,點菜好先進,店員會比個ipad 客人點菜,所有菜式顯示在ipad 上,直接快捷。仲顯示埋總數幾錢。我和家姐點了三色丼和炸雞件。三色丼 好精緻,用咗三個碗仔載著，分別是海膽,吞拿魚肉和蟹肉,蟹膏。好邪惡。但抵受唔到誘惑。海膽好新鮮,份量都好多,放落口後,慢慢溶化, 好正吞拿魚好似個小山丘,份量唔少,但味道就相對較淡,同飯撈勻一齊食,都好滋味。望落蟹膏的顏色不是太吸引,但食落又好香蟹味。空口食有啲“漏”,除了蟹膏還有些蟹肉,這個都要和飯一起食,先感覺到無咁邪惡。雖然三個飯都細細碗,但食晒都好飽食咗個三色飯,叫咗個炸雞件做餸,日式炸雞同韓式炸雞大不同。這裡的炸雞有好多件,配了日式沙律醬沒有太厚粉漿,啖啖肉,好香口,沾了沙律醬就唔覺熱氣啦…哈哈最後叫了2杯可樂,配炸雞一流食完這餐飯好滿足,同平時食放題,啲質數好好多…查看更多

今日同友人行完尖沙咀掃完貨,在同一商場內見到有間印度餐廳好多人,好奇之下,便和友人進去餐廳到試下這裏的格局有點似快餐店,但是有店員招呼的。服務都很好。我地望下個餐牌,真係好難決定,因好多睇個名也不知道是什麼,所以我和友人就憑感覺叫了幾款食物。春卷 有5 條,裏面是包著什菜,有點黑椒做調味,感覺有些少微辣。食落脆卜卜,好香口。這個有點似港色口味。印度酥油香料薯仔餡煎餅 ,煎餅依道有好多款式,我地要了薯仔餡的煎餅。這個呈三角型的煎餅,卜卜脆的裏面包著薯蓉洋蔥餡,不辣的,另外配了三種唔同的醬汁,有辣有唔辣的,食一個都好飽蔬菜炒飯 這裏的炒飯是用印度米的,長幼型,唔似中國米咁香,不是太大黏性。蔬菜切到很幼細,同印度米的瘦長好配合,味道有點淡,但好香香料味。中式椰菜花特登叫了個中式嘅菜,唸住是唔辣的,點知咁多款最辣是這個菜,一顆顆椰菜花,軟硬程度是剛剛好的,但味道頗辣,我和友人就不能吃太多,嗜辣的應該很喜歡吃印式芝士鐵板燒烤 印式芝士究竟是咩冬冬,友人和我都好好奇,所以叫了這道餸。鐵板上有好多件一件件四方型橙色的“芝士”和青椒,但好奇怪咁熱的鐡板為什麼芝士不會溶呢？一咬落去好彩唔辣的，咬多幾下,似中式豆腐干,,好特別芒果味印度奶昔 都好大杯,好杰身,甜度適中,食完啲辣嘅食物,即刻飲返啖，就辣味無晒。正。當我地食完走的時候,已是全場滿座。門口更有好多印度人在等位。我唸這間印度菜館一定好地度，好出名…查看更多

在美麗華商場隔離有好多外國人幫襯的食肆,今晚就和友人去了樓上這間餐廳這裏雖然是東南亞餐廳,但充滿印度風情。周圍都有印度飾物嘅佈置這間環境較高級但價錢很合理,地方又寬趟,坐得好舒服這間餐廳除了有印度菜外,仲有星馬等地方食物選擇。望了個餐牌好多都好吸引,和友人就決定叫啲印度菜,叫啲星馬菜。這裏大部份店員是印度人,所以落單要講英文。但他們都好友善。餐牌裏面有唔同嘅東南亞菜,我和友人叫了個椰青海鮮焗飯一嚟到,嘩一聲,同個餐牌個樣一样,好似有層雪鋪在個椰青面咁,好靚，好大個。首先小心翼翼的將面頭的飯搬開,個小山丘原來有好多飯的,而且有好多配料,有什豆,尤魚,青口,飯好香椰香味,吃到有一絲絲椰條,但飯不會太濕,份量都好多。另外叫了個南印特色咖哩雞,本來唸住會好辣的,但一嚟到見到椰汁淋在咖喱面上,照道理應該不會太辣的,好彩,同我估計一樣,有好香咖哩味,但只是微辣,雞件不會諧,每件雞都多肉。食得印度咖喱,梗係要叫份烤餅配合嚟食啦。我和友人叫了蒜蓉味。嚟到好大件還熱,好多蒜蓉在烤餅的面頭,食落去好香口,好味。沾上咖喱,用手包住雞件一起吃,好滋味,感覺自己就以似印度人,哈哈。…查看更多

在美麗華商場隔離就有好多外國人幫襯的食肆,今晚就和友人去了樓上的餐廳,這間雖然是東南亞餐廳,但充滿印度風情,這間環境較高級但價錢不是太貴。地方好寛趟,坐得好舒服。這裏大部份店員是印度人,所以落單要講英文。但他們都好友善。周圍都有印度飾物嘅佈置這間餐廳除了有印度菜外,仲有星馬等地方食物選擇。望了個餐牌好多都好吸引,和友人就決定叫啲印度菜,叫啲星馬菜餐牌裏面有唔同嘅東南亞菜,我和友人叫了個椰青海鮮焗飯一嚟到,嘩一聲,同個餐牌個樣一样,好似有層雪鋪在個椰青面咁,好靚，好大個。首先小心翼翼的將面頭的飯搬開,個小山丘原來有好多飯的,而且有好多配料,有什豆,尤魚,青口,飯好香椰香味,吃到有一絲絲椰條,但飯不會太濕,份量都好多。另外叫了個南印特色咖哩雞本來唸住會好辣的,但一嚟到見到椰汁淋在咖喱面上,照道理應該不會太辣的,好彩,同我估計一樣,有好香咖哩味,但只是微辣,雞件不會諧,每件雞都多肉。食得印度咖喱,梗係要叫份烤餅配合嚟食啦。我和友人叫了牛油味。嚟到好大件還熱,好香牛油味,食落去好香口,好味。沾上咖喱,用手包住雞件一起吃,好滋味,感覺自己就以似印度人,哈哈。…查看更多

剛和友人睇完套印度電影,即興去食印度晚餐,友人提意去這間素食印度餐廳,我無意見,就跟著他,這間餐廳就在4樓,一出lift ,門面好平實,推門進去,一間好大的餐廳,沒有特別的裝修,但簡單得來好光猛,坐位都好舒服。還有露台的位置,真係好大。廚房係用透明玻璃間開,可以望到裏面的情況,水吧就在另一邊,全餐廳的員工都是印度人,真係夠晒正宗。枱面放著兩樽蒸餾水,應該是要收費的,望下個餐牌,有好多唔同款嘢食,但真係摸不著頭腦,唔知叫什麼，好彩有些食物有圖文並茂，仲有解釋,可以知道叫些什麼。這裏店員都是印度人,所以要用英文落單。最終我地決定了喀什米爾黃飯新鮮水果及腰果仁煮鬆軟米飯。正宗的印度米原來是一粒粒的,米身較長,不似我們的中國米較有黏性。 除了個飯外,還配了兩小碟乳酪，喀什米爾黃飯裏面都有好多新鮮菠蘿和腰果,味道甜甜地,又有腰果嘅香味,雖然首次食印度米,但感覺唔錯。原味煎餅 ,香脆扁豆米煎餅煎餅以為係扁的,點知係一塊煎餅,之後卷起,好長好長,我唸有呎幾長,配了4種不同醬汁,兩種是唔辣,兩種是辣的。唔辣的好似加了些椰絲,好香。煎餅還脆的,學了印度人用手食,撕開小塊再沾上不同的醬汁，啡色那種都頗辣,我都是喜歡白色的醬汁。最後友人揀了個印度米班㦸 椰汁咖喱南印度風味班㦸這個是蒸的，無咁熱氣 哈哈。店員送上是也是感到好得意,型狀好似頂帽。一個個小孔看下去就是用米漿蒸成的。一樣配上二種醬料,這個好清,好香米香味。但這個就沒有咁香口。這裏的洗手間在外出的,但餐廳好細心,在露台外的位置還有個洗手區,方便顧客用手進餐完後使用。雖然不是第一次食印度餐,但全素的則第一次,感覺好特別,味道唔錯。最後埋單時,見到櫃枱有3碟載著香料的碗仔，感覺奇怪,問下店員，原來比顧客進餐後享用,除去口中的辣味…查看更多

平時和友人都好喜歡食火鍋,但平時都是食放題,雖然抵食,但質數不是太好。今次朋友介紹咗一間散叫嘅火鍋食店,但7:30 前結賬的話,全單半價,好吸引,所以今日就嚟試下。間食店叫養心殿,有多間分店。上到去一間間房咁間開咗。每個家庭都有自己的空間.唔錯,這裏都很大,因我們訂咗位,店員都好快安排了坐位給我們。之後就有一壺茶給我們。餐牌只有一張紙,有兩面。亦有其他飲品.啤酒等。這裏有啲特別食物,例如有牛胸爽,豬天梯.雞佛和黑柏葉有自助調味料,客人可以自己調配自己的口味稱得上叫養心殿，這裏的湯底都好特別,除了麻辣鍋,還有酸菜白肉鍋,寧神養心鍋,秘制薑母鴨鍋,美人鍋和養生鍋。我們叫了美人鍋,因個名夠吸引,哈哈。另外點了手切牛肉(細) ,即炸脆響鈴 和雜錦蔬菜盤。一嚟到個鍋,依個同平時的火鍋不同,這裏是用銅盤的,好大個,原隻烏雞,仲有好多紅棗,桃膠,杞子,南棗同金華火腿,真係真材實料,用料十足,個湯好甜,藥材味不會太濃,雖然有全隻烏雞,但個煲夠大,夠濶，所以,依然仲有好多空間放食物。首先嚟是手切牛肉,用了一個圓碟,密麻麻的鋪滿全個碟,每片都好鮮紅,感覺很新鮮,灼一灼，好快就熟,食落口,好新鮮,好嫩滑,好香嘅牛肉味,同肥牛比真是好味好多,灼完個湯底唔會有一層泡,証明啲牛肉好靚。響鈴,好大件,真是即炸的,因我即刻食是熱的,好新鮮。放在湯內數5秒,好快食得,咁大條,口感好正,好香黃豆味,吸晒啲湯精華好好味。仲有個雜錦蔬菜鍋,裏面有生菜,鮮冬菇,娃娃菜,粟米。 粟米好甜,啲菜好新鮮,份量都足夠。雖然我地只是叫咗幾樣食物,但有全隻烏雞,同足夠6~8人飲的湯底,我和友人只得2個人 ,食埋隻雞都好飽啦。埋單,除了個茶芥無折外,全部都半價,包括個湯底,實在太抵食,就算八點半前離座和九點半後入座都有七折。超抵…查看更多

今日和友人帶寵物去睇醫生,行開附近,見到有間餐廳叫做Top Blade Steak Lab,因為見到只做4種扒,應該係會好用心做的,所以便和友人進去試下。地方好舒服,坐低後,店員拿了一個盆比客人放袋,好窩心。望下個餐牌,真是只得一張紙,貴精不貴多,牛扒有3款，豬扒1 款，方便唔食牛的客人。雖然店鋪不大,但店員都有幾個,好快有招呼店員就推介了客席主廚平鐵牛扒 5成熟,和390日谷飼Prime 級牛扒 3 成熟。只需加38元就可以有湯,沙律或者樽裝汽水,任擇兩款。另外還有啤酒和紅酒可以叫。今晚餐湯是磨菇忌廉湯，坐了一會，餐湯就送上,餐湯不是一般餐廳的磨菇湯,這裏用料好夠,每一啖都有磨菇,湯身都好濃稠,吃完一碗，都飽了一半,哈哈。正等待餐飽之際，店員就給了薯條我們,放在枱上一早預備的餐碟上,原來薯條是無限量供應,超開心。薯條不是粗身的,但細細條反而可以吸收更多的黑松露,一口咬下,就有好香黑松露味,好快食完一碟,店員又隨即幫我們添薯條。未試過薯條配餐湯,有另一番味道。我和友人分別叫了湯,沙律和汽水,湯。我就另外叫了冷壓蘋果汁白爵茶 我叫的沙律，用了沙律菜再加了車厘茄，配了些黑醋汁，好開胃,好新鮮,食完沙律,等陣食牛扒都無咁罪惡感。飲完餐湯,我叫的客席主廚平鐵牛扒 ,店員建意5 成 熟,我就接受下店員的建議,簡簡單單的裝飾,厚厚的牛扒下面用了薯蓉伴上,旁邊有些海塩和一碗醬汁,牛扒好厚身,廚師將塊牛扒煎得好靚,咬落去,還有肉汁,5成熟也不會過生,沒有平時下去有靭的感覺。至於友人都一樣接受了店員的建議,叫了3成熟的390日谷飼Prime 級牛扒  。起初真是有點擔心3 成熟會否血淋淋的。點知廚師將牛扒面頭煎得炙炙的,內面肉質有點紅,但吃落唔覺生,吃落去就知道沒有落蘇打粉,一般餐廳不能相比,這款牛扒還有兩件,啱晒我個牛魔王朋友。冷壓蘋果汁伯爵茶,蘋果汁的味道較突出,茶味較淡,甜度適中。我和友人沒有叫甜品,因為已經好滿足啦…食到咁好質素的牛扒,二人埋單都是540元,抵食。…查看更多

在荃灣估唔到見到間高級嘅西餐廳 裏面裝修很有格調,樓底高所以,還有閣樓部份,閣樓位置還可以包場和友人在此開個小型聚會也不錯。這裏的店員服務十分有禮貌,感覺以為在尖沙咀的西餐廳。這裏食物很多元化,沒有特定的晚餐當然也有白酒,紅酒供應。顧客只要選擇主菜,飯,或意粉等,加38元就可以轉做晚餐。餐包括餐湯,沙律和飲品。我叫咗炭燒黑毛豬扒伴脆香蕃薯薯條蘋果蓉,因為見到有蕃薯薯條好特別。友人側叫了炭燒美國極黑安格斯牛肉眼扒 今晚嘅餐湯係甘荀忌廉湯,見到一粒粒嘅甘荀蓉，超正,而且還熱蕩蕩,唔知係咪同個盛載嘅器皿有關。沙律係桃什菜沙律,餐廳用了多款沙律菜,仲加了切碎的蕃茄仔,用了黑醋汁，仲有幾片嘅桃。食下去甜甜,酸酸,好開胃。除了有餐包外,餐廳還送了每人一件肉醬芝士酥盒，暖暖的,雖然細細個,但裏面都有唔少嘅肉醬，細細地,食完唔會有滯的感覺原來除了黑毛豬扒外,上面還有件磨菇,磨菇咬落去好多汁，好味。黑毛豬燒得好靚，一啖咬落去好香炭燒味,沒有半點肥膏,雖然瘦,唔會靭,我唸就係黑毛豬特別之處。豬扒下面鋪了蘋果蓉，甜甜地,同豬扒一起吃,好夾。蕃薯薯條,帶點甜味,不會太脆,但感覺好得意,同薯條大不同友人側叫了炭燒美國極黑安格斯牛肉眼扒 ,友人叫了7 成熟,一嚟到,好大碟，有好幾件,肉眼扒好嫩滑,每件仲有一定嘅厚度,慢慢細嚼才吞,十分滋味最後叫了個甜品,55度朱古力班尼士蛋糕伴雪糕 用了55 度朱古力，未至於太苦,恰到好處,廚師加了朱古力溶液伴在碟上,當食朱古力蛋糕配搭埋朱古力溶液起吃,就好似食梗心太軟,香濃嘅朱古力味就充斥喺個口內,好滿足。通常這個甜品都會配上雲厘拿雪糕，一濃,一淡的配合,正餐飲另外再加了20元轉熱朱古力 ,好香滑,唔甜。友人就飲涷檸茶。涷飲不用再加錢,哈哈。…查看更多