Vivian1110's Profile

好耐都無寫食評，出手就要寫劣評真係食到一肚氣！食氣就夠飽，完全無意欲再食其他！我們大約5點45左右到達餐廳，當時餐廳內並無其他食客，只有我們4人及一男一女(言談間，應該係老細)，我地坐低唔夠10秒，女就叫我地快d落單，佢地趕住走，7點令就走！我地表示會盡快，不過有兩位未到，但落住d熟食先！男的老細好有禮貌，好細心介紹牛、羊、雞，女的十分不耐煩，大聲咆哮叫我地自己睇meun價錢都唔係平，連小小服務都無？其實陸陸續續都有客人入黎，都坐滿客，我心諗佢都唔走得啦最後我們點了4款每人1隻生蠔，牛扒、4支羊架、春雞、海膽、紅蝦，諗住食完先再點其他蠔，反正一次點太多，佢地得兩個人四隻手都開唔到咁多！先講生蠔: 質素係咪好好？一般啦！價錢係咪好平？都算係！價錢反映質素，我明！我接受！令我對”貴價”熟食有所期望！大大話話件牛扒都400幾500，羊都要3,4百！燒春雞: 咸，好咸，好鬼咸。牛: (無問過我地幾成熟) 煎得一般羊: 比想像好成餐飯真係得海膽係十分好食、抵食囉！…Read More

今次已經係第二次光顧，上一次是剛剛開張，所以食物提供不到太多，今次再光顧，同時為了慶祝結婚週年紀念日。今次食物方面有所增加及較上次改良！我們點了: 龍蝦濃湯 -不錯，我只喝了兩啖，已被搶走了！燒鮑魚 -真心推介，上台時淋上威士忌再燒一燒，好香！黑毛豬豬扒 -不錯 安格斯牛扒 -我不吃牛肉，所以不清楚！水牛芝士雞翼 -好香口，帶點辣！正！跟開生蠔的男仔傾開，我上次有試過他們的海鮮拼盤，但今次只有我們兩公婆食不到太多，所以沒有點，他二話不說開了兩隻生蠔送我們品嚐很鮮甜！給大家欣賞一下，上次光顧時的海鮮拼盤…Read More

近年初一十五都茹素的我，是第一次光顧這間素餐廳！雖然適逢齋期，但一天前訂台都尚有位，真幸運。不過就算準時到，都要等了15-20分鐘位，我明白真的無辨法，齋期嘛！𣎴要緊，看一看菜單先，真的好適合我們這些齋口不齋心的人，仿肉、海鮮等，十分有新鮮感！我們三人點了: 雞絲粉皮 -撈花生醬，又涼浸浸，好消暑！牛蒡絲 -不錯，口感太爽脆！三文魚刺身 -口感帶點爽口不太似真，但創意分、豉油Wasabi贏左！炸淮山 -薯條口味，正！芋頭魚牛肉露荀卷 -個汁偏濃，不太喜歡！以上六樣貌相好，味道好！一定會再幫襯！…Read More

有在Openrice搜尋一些精緻的西餐廳時，發現這間舖，看相片口水都快流出來，地點更是我比較熟識的，一試！地方不算大座位多，但似乎過多，本是有格調的餐廳，但我不太想聽到前後左右的進餐者在說什麼！我們二人行，點了一個海鮮拼盤、黑毛豬(2pc)、蝴蝶蜆、當然還有說好的不戒酒的白酒先講海鮮拼盤: 生蠔，翡翠螺，鮑魚，蟹腳，龍蝦仔。生蠔，翡翠螺，鮑魚就不過不失，但蟹腳是整個拼盤的老鼠屎，淡而無味，口感有點"梅"，不太新鮮。龍蝦仔相對地有驚喜一點！由於拼盤已不太滿意，來一個推介！西班牙黑毛豬，肉質嫩滑，確實不錯！蝴蝶蜆，勝在肉夠大，汁夠香，挽回不少！…Read More

10月忙到爆炸，都無時間覓食，到11月生日月又可以盡情享受美食！第一擊: 焱丸水產日本燒肉就燒得多，水產好似第一次，不過事前都在討論怕食材不新鮮，但都儘管一試！果然，焱久丸無令人失望！朋友怕月頭的星期六晚人多，所以一早訂台，還預留了三個蟹蓋！我們一行三人，點了: 蟹蓋、三隻蝦、海鮮拼盤、芝士魚蛋、5盛刺身、龍蝦刺身（蝦頭用來煲面豉湯）等等。。。。雖然食物不太多選擇，但勝在夠新鮮，蟹蓋令人再三回味，深信我會為蟹蓋再光顧焱丸！…Read More

其實我怎少經過K11，更不要說K11背後的街道。今晚在附近的棉登徑食完一餐豐富的燒水產後，感覺不太完滿，正當步行去厚福街吃一個甜品，無意中發現轉角位一間裝修得舒服清新的甜品店，雖然內部只得兩三張Bar台，但感覺令人放鬆，還可以看到店主在開放式廚房內用心的準備甜品店內的手工雪糕，味道很清新，Earl Grey 雪糕一定要試！享受完，店主還追出來跟我們推廣活動，現在2-6pm內光顧一個雪糕泡芙，送冷/熱咖啡一杯！大家可以當Tea set食…Read More

比起有名氣大型連鎖食店，我更喜歡尋找角落的小店。雖然在街尾，但燈光、門面裝修都能吸引人注目！我們一行三人，點了兩個set dinner（牛扒拼鵝肝 及 蟹肉意大利飯），另外散點了一個松菌意粉！Set dinner的前菜多選擇，主菜份量不算大！可惜，意大利飯的飯有點生，咬落突然有粒硬硬的米，感覺不太好！意粉尚可，幾有咬口，菌類味道濃郁，不錯！最推介的是牛扒拼鵝肝，牛扒煎得非常好，雖然已經戒牛，但見到都不禁要讚嘆一下！…Read More

星期六上午，衝衝忙忙的帶阿狗去沖涼，放低阿狗後，才發覺我們未吃早餐，好肚餓，望一望原來已經12點半多，唯有在附近覓食發現有間幾悠哉悠哉的Cafe，望了餐牌後，便決定食一個全日早餐，一個餐還跟餐湯，再加錢轉杯Iced Mocha！果然好嘆味道都不錯，地方雖細，但坐得舒適，不錯！ …Read More

話說，本身同朋友約喺佐敦見面，行黎行去都諗唔到食咩，突然靈機一觸，好似好耐無炸雞啤酒，我們一行三人由佐敦行去尖沙咀食實在太想食！事隔年令，又再一次黎到Goobne，晚上9時依然滿座需要等位，可能大家都預計了明天八號風球，不用上班！上次試過辣味，今次出了一款<新口味> 重芝士，原諒我太耐無去過，唔知係咪新出！還點了一個粉絲Egg roll，同三杯鯊魚飲品！重芝士雞: 連我不太好芝士都接受到的，有點似芝士圈味道，不算太膩！雞肉依然滑滑，外皮炸得不口！不錯！蛋卷: 正，不膩！鯊魚飲品: 名聲過大，太甜，又貴，不過勝在可選擇有/無酒精！…Read More

都已經中秋，依然又熱又濕，最好都係吃泰國菜！辣辣的很開胃！本身一想泰國菜就想到九龍城，但九龍城實在太吊腳，唔太方便回家！最後都係決定在旺角區食！金滿象有成三四個舖位，星期二人不多，檯細座位迫，我們點了: 咖哩蟹 & 薄餅、飛天芥蘭、生蝦、串燒(豬/雞)、鳳爪。每一碟份量不少，碟子又大，根本一張二人台放不下，但隔離台一直都無人侍應都不准我們放過隔離台，還一直叫: 你地食快d，食快d，食快d，我收緊d碟你地就鬆動d！咖哩蟹又要落手拆殼又要點汁，如何食快d？今餐破了世界紀錄，由入座、食野、到埋單，前後40分鐘其實味道不差，但真係坐得不舒服，又催三催四，令人有點失望！…Read More

中秋節前，與朋友在廣華街吃泰國菜，雖然真的好飽，但一見到抹茶甜品，已經發狂，女人果然有兩個胃！我們點了: 雙色(抹茶x培茶)盛合、鐵板芒果抹茶鬆餅。雙色盛合，我們選了抹茶x培茶，培茶淡淡茶香不錯，但始終被濃濃抹茶蓋過鐵板芒果抹茶鬆餅，將抹茶醬淋到鐵板上，又熱又凍，感覺好得意，芒果雪糕不太甜帶有果肉，實在唔錯！…Read More

最近喜歡在Openrice尋找下工廈中的綠洲。工廈租金低，自然食物比平，下班後，工廈人流不太旺，自然要裝修好，作吸睛攻勢！今次找到來荔枝角，老實說真係少之又少來，最多會經過荔枝角地鐵站上的長沙灣廣場當然，女人都以外觀審美，裝修，已經贏晒！不過，星期一都滿座，大家一定要訂位！我們一行四個細食女人，點了:炸西班牙辣肉腸忌廉球: 正正正正，熱辣辣，炸得香脆，好想一試再試。薯角伴西班牙特色辣醬: 薯角一般，伴酒佳品！西班牙海鮮炒飯: 份量唔算大，但足料黑毛豬柳串伴酥薯: 豬串，夠軟夠香！唔錯！甜品: Churro with chocolate mousse : 不錯！Bailey's foam with vanilla ice cream : 比較甜，吃不到一杯！寫有Happy Birthday to xxx這隻碟，是需要訂位時落order，即時是做不到，大家要注意…Read More

哈哈哈，原來對上一次來Open Oyster 已經係差不多一年前，又是8月尾！可能8月真係每年捱得最辛苦的一個月份！今次三人行，為的是可以試多款酒，但唔知係咪太開心，唔記得影低兩枝酒款每人前後各食了一打生蠔，好正呀，但可惜今次無Belon，唔緊要，下次我們吃了以上的蠔，發現驚喜Irish Premium，好有層次感！邊個話蠔吧只有生蠔？Open Oyster的扒一樣有驚喜，一樣很出眾！上次都只點了意粉，今次可以有機會試BB羊架，真的不錯，好香，沒有羊的"蘇"味，容易入口接受，雖然我們是重口味就是喜歡羊蘇味，但確實煎得不錯！…Read More

今天帶狗狗去街街， 肚餓時想起狗友經常推薦的好地方，乾淨企理，而且價錢合理！不過室外座位較少，不太合適一大班人/狗友聚餐！另外要提一提的，就是雖然大街有路邊位泊車，但經常性抄牌，所以駕駛人士要留意！我們兩人點了: 經典牛堡、沙嗲雞堡、抹茶鮮奶、柚子蜜。(正價飲品送薯條/沙律)雖然我不吃牛，但見到牛堡好多肉汁，沙嗲雞堡好香，不過食到有點污糟，d沙嗲汁周圍滴好味道！40多元，就已經大大個包，夠飽到上心口！再配飲品送薯條/沙律，真的下午茶飽到夜晚！薯條新鮮炸起，熱辣辣，又夠咬口！果然好推介！…Read More

平時極少有地去觀塘區，今天和朋友來這區試裙，順路找美食！已知觀塘工廈上，有好多特色餐廳，裝修精緻，食物質素不錯，價錢合理，經商討後，決定來這間田園風，扮偽文青！環境真的不錯，很fresh，地方夠寬敞，座位不擠迫，十分適合三五知己八婆來吹水！食物: 三文魚大蝦帶子燴飯、銀雪魚天使麵，跟餐湯、蒜蓉包、餐飲！份量十足，味道都不錯，本身再點甜品，但已經好飽，唯有下次再黎過！…Read More