Pikki.H's Profile

今次唔洗排隊就食到松記，味道都唔錯，係員工擺低碗野時求其d，又唔收走份menu就咁擺碗糖水上去，仲要擺唔平就咁算我嘅芒果明珠好食嘅，但間唔中食到仲有其他生果味男友話呢個榴槤pancake 好食，都幾大舊榴槤呢。…Read More

其他地方分店都食過，今次黎到荃灣分店試下，只可以講十分伏，本身我係大明珠fans，所以叫左個雜果明珠，嘩！真係未食過咁乾爭爭嘅明珠，芒果汁固然超少唔在講，d椰奶又少又杰，d奶仲"鯨"到一塊塊，明珠又痴埋一舊，唔講以為撈左蛋黃沙律落去，生果仲完全唔甜tim，冇乜味。另外叫左份三重朱古力心太軟配雪糕，一d都唔流心，自己係屋企叮都流心過佢，完全唔合格…Read More

跟同事們黎到呢間，唔洗等位，但坐得就逼d啦。服務態度就認真麻麻喇，同事叫完野食到我叫，佢個樣已經好唔耐煩，我掀份menu返去後一頁期間，聽到我同事開口同佢講落埋呢個單先，我抬起頭一望，個阿姐已經走左，到佢返黎，落單時已係咁叫我快d，我落單講個飯要多汁，黎到發覺冇多汁到，咁我就同第2位阿姐講話想要多d燒味汁，佢話我係應該叫野食時要同佢地講，話我張手寫落單紙冇寫多汁，係唔會加俾我，我緊係講返佢知我落單時已經強調要多汁，好彩佢都有問師博加左碗汁仔俾我，好好味呀提議：增多人手啦，咁大個場得幾個阿姐帶位落單執枱一腳踢，不停跑黎跑去，都忙到透唔到氣，咁樣點會有良好服務態度呢…Read More

其實聽朋友推介特登走過黎食，黎到先知原來冇得坐低食，哈哈！本人係食韮菜餃fans，當然要左韮菜餃，同朋友力推嘅韮菜餅，見食評講到糯米滋好出名好正咁，就買左紅豆同芝麻味。由於韮菜餃係本身煎好哂擺埋一邊，所以唔熱都正常，但感覺每粒都超多油，唔講以為油炸，味道好普通，最衰就係冇辣醬等調味料提供，只可淨咁啪韮菜餅就熱辣辣，韮菜味道濃過餃子,係唔錯嘅，都係果句啦，有辣醬就好喇。本身對糯米滋抱有好大期望，買左返去俾家人試，佢地話味道好普通，麻麻地，芝麻味入面真係一半係糖太甜，唔太好食:(。…Read More

下午時間去比較少人，上菜都快嘅，塊肉餅好大舊，味道幾好，煎得好香好脆，塊鵝肝都唔會太細塊，不過煎得冇咁乾會好食d,可能肉餅太香口啦，就算有豉油加持，都略嫌乾爭爭左d，如果好似荃灣店咁有湯飲就好喇，不過叫肉餅飯加幾蚊都有碟白烚菜嘅，份量都唔少架，仲可以問店員拎蠔油tim。…Read More

見樓下叔叔係咁推廣5個餐free 1個餐，所以上去試下，店內冇咩客人，好多位。上菜速度好慢，可能得一個廚師，味道雖然唔錯但份量少得可憐，跟餐叫汽水加$5，原本以為有一罐，點知得一杯，太貴了。張單冇show收加一幾多錢，但總數已加埋加一條數，好鬼鼠。總結係味道真係唔錯，好食嘅，但價位咁高份量咁少就唔多值。…Read More

今次有朋友生日，已通話店鋪會自備生日蛋糕黎，食左夜晚9點15分嘅時段，食物唔錯，刺身都新鮮，但服務質數係我去過咁多間放題最差嘅，成枱空碟都冇人黎收同清理，員工又唔算少。食到差唔多係時候上蛋糕，同職員講先叫人黎執枱，初初以為好似其他放題店鋪咁，會幫你點埋蠟燭拎過黎，點知佢成個膠袋連蛋糕好完整就咁拎過黎就咁放喺我地枱面就走，搞到我生日個朋友都嚇親問咩事，我唯有圓場話：送俾你嘅禮物，可能職員唔識點處理個蛋糕啦! 我再自己係個膠袋入面拎個蛋糕出黎，係生日個朋友面前點蠟燭，最後問個行過嘅職員可唔可以同我地影張相，見到佢勁求其，用一隻手吊起我地部電話禁左兩下影相制俾返我地，張相仲影埋佢好大隻手指頭tim。…Read More

夜晚10點左右時段去，店入面得兩枱客。叫員工落單，佢係度玩緊手機，叫我地等等。我地講完要d咩，佢一句野都唔講就咁轉頭走左去，一句"好，幫你落單"都冇。坐左幾分鐘，佢又走返過黎問我頭先落左d咩，唔記得左，真係好無言。…Read More