katyoyl's Profile

Lunch time 時間諗住試間新野食，元朗都叫多選擇。可以立足於此，都唔算太差。系門口見到有素食嘅選擇，就入去試吓。價錢來講，以今時今日嘅物價來講都算合理。一個碟頭飯加埋一杯熱飲，合共58元。 我揀咗個時菜香菇豆腐飯，其實即系紅燒豆腐飯，份量夠多。本人唔好汁，略嫌汁多咗小小。但穫氣搭救，菇片切得夠薄，又有拉過油，食落都幾香口，豆腐又新鮮。汁雖然多但唔鹹。👍🏻👍🏻杯檸檬茶，茶底夠濃！唔錯！服務態度唔錯，又幾好坐。值得再來！…Read More

難得星期日放假，突然想系八月花飲茶食點心。其實內心都好爭扎，本身八月花平日都多人，星期日就更加多人。不過真係想食，等就等啦，去到都真係人頭湧湧。勁多人等叫number. 不幸中之大幸，啲人等得太耐放棄咗，所以唔算等太耐。我哋二人叫左幾款點心，侍應一來就俾咗個前菜，個前菜唔錯，夠開胃。炸两，我覺得唔算出色，個油炸鬼淋左。禪院菜包，呢個真系出色，包皮十分鬆軟，啲餡又靚又香。值得再食！素粉果，好在個餡同菜包唔同，覺得都細心。口感唔錯！馬拉糕，未至於好驚喜，但都唔差，夠滑夠香。二人午餐共消費220元。…Read More

復活節假期其中一個節目就係享受下午茶，香格里拉酒店嘅下午茶系我嘅至愛。落地玻璃又有life band ,真係加左好多分。今次仲可以坐窗口位，十分滿足！唔同日子，都有唔同主題嘅下午茶。不過真系貴左好多，好在質素仍然保持到。我reserve 蛋奶素嘅afternoon tea set,我嘅朋友就係regular afternoon tea set. Scone 真係好正，食過咁多間，佢真係最好食，配埋個cream,真係好好味！蛋奶素嘅咸點都好好食，又精緻。牛肝菌三文治，真係好有驚喜，唔太咸又香。其他嘅甜點都好好食，值得再來！…Read More

Super sandwich 系快餐來講算幾唔錯，尤其對收工時間唔系早嘅香港人來講，今日收工，突然心血來潮，想食西式晚餐。於是趕系佢截單前冲入去點餐，享受下放工後嘅時間。西餐對食素人士系比較friendly,尤其屯門區，食雑嘅餐廳素食嘅menu 真係無乜。我哋次次來其實都系點果幾樣，不過次次都無令我失望！沙律蛋焗薯，沙律菜新鮮，蛋黃醬唔錯。牛肝菌意大利粉，個汁夠creamy,意大利粉唔會太乾身，好食。咖啡，夠濃，夠香。飲完感覺很Relax🥰…Read More

鄭師姐素食，幾乎系我同成班好朋友嘅飯堂，耐唔耐都會過嚟食下野，唔食一排又會心思思想食！東陰公例湯，湯系任裝，水準仍然保持到，飲完會開胃又暖粒粒。生菜包，份量充足，夠重口味，夠辣！蜜汁叉燒，無以前咁香口，水準下降左啲！春卷，無以前咁野味。沙律，無令我失望，個汁幾好味，又清新！菠蘿炒飯，乾身，唔錯！沙爹串燒，還好！喇沙檬粉，以前最期待，個汁有啲稀，喇沙味唔重！芒果糯米飯，仲保持到！椰汁西米露，唔錯，食完會滿足。每人收費180元,性價比系幾好，但幾懷念從前嘅味道！希望下次來會有好嘅體驗！…Read More

其實粉嶺系一個幾山明水秀嘅地方，去完鹿頸行完山之後想醫下個肚，就來左呢間餐廳。成個明都商場，素食的選擇真係好小。系芸芸之中，見到有咖哩雑菜蛋飯，真係雙眼發光！餐廳嘅環境唔錯，卡位夠大，又好坐！上菜速度超快，個咖哩汁唔錯，夠味。薯仔唔算好入味，雑菜份量還好，啲飯真係俾幾多下，男人食都一定夠飽！熱檬茶合格，略嫌個茶底唔夠濃。又試咗個奶茶，唔記得影相，奶茶比檬茶好飲啲。以62元一個set lunch ,又包飲品，又坐得舒服。總括來講，不過不失！…Read More

每日放工都經過日光烘焙甜品店，今日終於抵受唔住誘惑，買咗件返屋企試。雖然我只係買一件cake,但真係俾個包裝嚇親。原諒我就系咁膚淺！我買左伯爵味嘅蛋糕，蛋糕外型系幾靚，面頭嘅啡色嘅物體，我以為系咖啡拖肥味。點知無咩味，貌似大菜糕。又嚇左我一跳！但蛋糕味道幾唔錯，又唔甜。earl grey 味真係好清香。加分！雖然我系夜晚接近收工時間買，仍然食得出材料新鮮，但系cream唔夠滑，真係有點可惜。overall,我覺得好過M cafe !…Read More

因為川菜好多時候都會落咗蔥蒜，同埋好多時候水煮嘅菜式都係水煮魚，或者水煮牛肉，豬肉，雞肉咁樣。真係好少會整水煮嘅齋菜。早排想同我班好姊妹食開年飯，我哋發現有呢一間川菜系列嘅齋鋪。就二話不說book咗嚟試吓菜。當日個侍應都好積極好有禮貌咁樣推薦咗好多佢舖頭嘅名菜。辣炸子雞，值得一贊系佢嘅尖椒唔辣，但系炸到好似薯片咁脆。辣脆善，欣賞師傅嘅手工，越嚟越少齋鋪會整脆善，因為工序好繁複。味道野味，唔錯。粉絲雑菜煲，齋鋪必叫。不過不失，但用料好足。炒飯 唔夠乾身，但香樁醬幾香叉燒紫菜卷，呢個個店員極力推薦，叉燒系幾唔錯，夠脆夠香！紫菜卷對比叉燒就有點失色。懷山炒木耳，呢個我反而欣賞，簡潔，味道清新！咕嚕肉 ，中中挺挺黃金豆腐 ，呢個有小小失望，外皮唔夠脆，汁另上會好啲。總括來講水煮菜式系幾出色，仲有當晚招呼我地嘅樓面都值得加分…Read More

新春團拜，同屋企人食飯，聽講呢間餐廳唔係開左好耐，於是又來試吓新菜。呢度嘅裝修好特別好有懷舊情懷，啲牆畫同對白都好特別，有小小周星馳電影嘅感覺！不得不贊呢度嘅厨師，叫左幾個齋菜，都煮得好出色！四季豆炒新豬肉，好好味。又好野味，重點系好乾身，又唔油，好食過好多齋鋪！田園炒飯，值得推介。好有鑊氣，又乾性，食完個碟底無油，又唔咸。好有驚喜！炒涼瓜，簡簡單單，但味道好出眾，送飯一流！蕃茄腐竹浸菜，蕃茄湯底濃，又好有心機幫蕃茄剝皮。值得贊賞！炸茶樹菇，唔錯，炸到金黃色又唔油。避風塘茄子，個人覺得比茶樹茹更出色，啲炸蒜好香！蒸菜心，全晚驚喜之最！用左大澳嘅梅菜，菜心都好新鮮。簡簡單單，但真係好好食，送飯一流！素咕嚕肉，初時以為系好似佢哋漏咗單，等左好耐，後來食到咕嚕肉應該即叫即整，比傳統嘅素咕嚕無咁漏，口感都幾特別，唔系猴頭菇或者炸麵根。呢間餐廳值得再來多次！…Read More

難得有半日假，過嚟利園嘅Starbucks chill 下。lunch 未食，就點左個咸食同一個丹麥卷。其實個環境真係加好多分，落地玻璃。不過佢唔係一間靜嘅cafe,同埋都算多人。唔知係咪星期日嘅關係。講下食物，個蝴蝶粉真係好有驚喜。68元，好大碟，真係食得飽。個香草醬調得好香，唔咸，啲菇煎得好香，夠juicy,啲笋都好靚，好新鮮。值得encore!!甜品系hazelnut claw, 入面嘅餡好食過皮，似麵包多過似丹麥卷。唔算甜又唔油膩，入面仲加左耶絲，令到個餡更加香。係利園呢個消費，真係性價比高！…Read More

九點先到市中心，周圍都賣晒野食，有啲已經closed. 幾經波折，見到呢間仲未閂，仲好多人添。個人覺得有啲似x華，系高級版嘅茶餐廳。餐牌上都有素食選擇。餐送到都系熱辣辣，擺得靚靚哋。個羅宋湯湯，酸酸地，又濃，幾好飲！杯鴛鴦好唔錯，茶底幾好，奶味重！咖喱雑菜蛋飯，好食！咖喱都好層次，茄子拉過油，送飯一流！秋葵炒蛋，好大碟！秋葵啱啱好，唔太老，加埋黑松露，好香。食完真係好飽！晚餐二人，又有野飲，先120元。系呢個時勢，都算係咁！…Read More

屋企人食過覺得好食，於是就來呢到family gathering. 地方唔算好大，但系個vibe 真系好正，好chill. 來過幾次，次次都保持到手準，同老闆吹水，原來將軍澳都有分店，下次可以去將軍澳試下！頭盤，我揀左粟米湯，真心正！食到新鮮嘅粟米，唔似系開罐頭嘅味道。而且味道唔咸！值得encore !!偷食屋企人另外點嘅炸蘑菇，唔記得影。蘑菇超熱，差啲辣親！但好好食，唔會成口粉，真係做到英式風味！主食我揀咗香蒜炒意粉，意粉韌度啱啱好，真系還原左歐式嘅意粉味道！蒜味超香，意粉原完吸收蒜嘅精髓。簡簡單單，真係好好食！我好少飲凍飲，不過都下杯凍熱情果，檸檬汁令到杯野飲好fresh!Lunch 來食真係超抵食！…Read More

大快活呢個素食餐食左幾年，系唔同嘅分店都食過。發現每間分店日日都系出同一款素食。不過呢味菜嘅水準都keep住咁上下，無失準，但希望可以有啲變化，畢竟go green 呢個飲食文化系香港愈來愈普及。雖然日日如是，但唔算好hea, 個汁系南瓜調出來，茄子真係有煎炒過，可能拉過油，色澤都幾靚。有幾條扮素肉片，真係咁樣兜埋去，無特別煎香過。蔬菜份量算少，飯都少。男人食完未必飽。但都算係一個健康素食飯餐，無乜味精，個飯又有溝紅米。耐唔耐可以食吓，希望個份量可以多啲！…Read More

Mos Burger 係我心目中係高級版嘅汉堡快餐店，各樣嘢都好食過麥XX。拍得住Cafe嘅質素！今日又試咗佢嘅素食burger , 金平牛蒡珍珠堡。佢係用飯代替汉堡嘅包。啲飯粒又好實正，唔會散收收。中間嘅餡牛蒡同紅蘿蔔。炒香左牛蒡同紅蘿蔔。啲飯粒吸收左啲菜汁，令到啲飯更加香。呢個配搭真系好夾，又好特別。加21蚊就有細薯條同杯熱飲。熱飲我就揀左齋啡，齋啡不過不失。當然價錢已經反映咗一切。佢嘅粗薯條真係幾唔錯，又唔會炸得太乾又固唔太淋，幾乎必叫之選！…Read More

見呢間餐廳近近地返工地點，於是今日就試呢間嘅外賣。見佢都有好多款食物，有壽司，素碗仔刺，炒麵，蘿蔔糕，齋老味，炸腐皮巻等炸物。四餸飯就餐廳指訂，無得自己揀。有送湯，外賣會加1元。總共51元。大大盒，其實都物有所值。四餸飯每日都唔同。今日4餸飯有老少咸宜(蒸素肉餅), 唔咸又唔油; 沙葛幾有驚喜，煮得好爽口;贊！青瓜炒素火腿，仲有燙青菜，唔老但唔油。個湯系紅蘿蔔湯，相對啲餸有啲咸。我覺得整體來講都值呢個價錢，男士一定夠食！無乜味精，算系健康飯盒！…Read More