Ugly Foodie's Profile

其實好耐之前朋友介紹過尼間係澳門既“不是葡撻”，佢地既出品其實係年輪蛋糕代替酥皮再係上面加入葡撻既蛋漿一齊焗，今次過到黎澳門就去食下。分返開年輪蛋糕同葡撻兩樣我都好鐘意食，好期待兩個加埋會刷出咩火花。佢地分左4款撻，分別係年輪葡撻軟/硬同芝士年輪葡撻軟/硬，先買一個年輪葡撻硬試下先，外貌其實好吸引，但當店員一拿比我既時候發現個撻原來係凍既，問店員佢話正常尼款捧係常溫食，個一刻其實有d失望，因為佢都係葡撻類既食品，所以一定係熱食最好食，既然都買左都要試下，一食之下發現其實好普通，焗硬左既年輪蛋糕其實同曲奇皮既蛋撻無咩分別，仲要係凍既，蛋味一般般啦，所以食完第一個之後都無再買第二個試，食一次就夠。不是葡撻真係同佢個名一樣根本不是葡撻，如果係以食葡撻既心去食，一定會失望。…Read More

平時去開韓國、日本旅行都好鐘意係當地搵Dount專門店黎食，但香港其實已經好耐無一間專賣Dount既舖頭，只有一d麵包舖有，但係味道方面選擇好少。今日經過旺角發現一間專賣Dount既Coffee，忍唔住都要入去望下，原來尼間J.CO Donuts & Coffee係由印尼開過黎既Dount專門店，所以忍唔住要試一試。佢既款式選擇都幾多，今次就買左個Mr. Green Tea, 價錢都算平只係$15，食落去綠茶味都唔錯，幾鐘意佢個面有大量杏仁卒，令到成個Dount個口感更加好，至於個Dount本身質地就普通一d，覺得可以做得更好，總括黎講都係唔錯既，下次會試其他味。…Read More

今日去觀塘搵朋友食Lunch，佢提議搵間工廈餐廳食，上網搵下搵下發現正正係佢公司留下有一間新餐廳，咁就一於去試下。由於朋友話唔係好餓，所以我地只係叫左一個Set Lunch 加一個甜品。前菜：和風沙律，蔬菜新鮮爽口，值得一提係入面有新鮮提子加埋油醋汁一齊，酸酸甜甜唔錯，好開胃。餐湯：南瓜薑蓉湯，本來覺得尼個組合會有d奇怪，飲落原來唔錯，濃濃南瓜味加上薑既辣味，尼個組合幾新鮮，跟餐仲有兩塊蒜蓉多士。主菜：黑松露滑蛋鰻魚飯，滑蛋入面充滿黑松露味，鰻魚夠肥美，整個主菜份量都唔少。甜品：蛋白厚鬆餅，店員介紹既時候話，佢地尼個鬆餅面係用打發既蛋白焗，所以會比較鬆，食落鬆餅面層真係十分輕盈，做得比不少甜品舖出色。飲品：薑味咖啡，天氣凍凍地飲返個有薑味既熱咖啡即時暖晒。後尾聽返店員講原來佢地係由另一座工廈搬過黎，整體黎講水準唔錯，下次會再黎試晚餐。…Read More

平時食下午餐多數都去茶記或者大家樂，今日經過元氣既時候見到佢d下午茶好似都幾吸引，雖然以下午茶黎講$50起係比較貴，但今日都無食lunch所以一於去試下。壽司拼盤：我叫左Set 1A，壽司拼盤份量都幾多，有三文魚刺身*2、生蝦刺身*1、三文魚壽司*1、熟蝦壽司*1、辣三文魚軍艦*1、炸蝦卷一客，所以食完都幾飽，味道唔錯都有中上水平。炸單骨雞翼：味道其實好似M記既辣脆香雞翼，但比較辣，炸得夠香脆，唔錯唔錯。日式燉蛋：平時都有食開元氣燉蛋，但唔知點解今次食味道比較淡，可能落留左d調味，味道麻麻。總括黎講$62食到咁多野都抵既，覺得唔夠飽可以唔要燉蛋改烏冬，下次無食lunch都可以再食。…Read More

最近好愛McCafe新出的早餐（但其實不算新了）芝士粟米蘑菇多士！雖然不是新鮮製成，是冰鮮了的多士再烤焗翻熱，但這個多士亦是很好味😋！這次可以堂食，不用再外賣到公司才吃（外賣走的多士會侷到淋身），多士焗得很脆，芝士份量又足夠，跟粟米蘑菇非常配合（或許現今對很多餐來說沒有什麼不能跟芝士相配吧🙄）。另外配上一杯Cappuccino，就變了一個good morning 啦！🌞後記：我吃過幾次芝士蘑菇粟米多士，都未試過另一款芝士煙肉扭扭粉多士，但一直覺得澱粉質加澱粉質這是什麼組合啊，最近心血來潮試了，結論是我下次不會再買扭扭粉多士，最差的地方是，有些位置不夠芝士，一咬就只有扭扭粉和多士，丁點芝士也沒有的口感實在太難受🤷🏽‍♀️…Read More

到翠苑飲茶，平時要等很久才有位子，現在有foodgulu 遙距取票，方便得多。2個人飲茶叫不到太多點心，我們點了5樣食品。首先來的是牛肉腸，可以自己倒豉油比起點心姐姐直接倒進去好得多，因為點心姐姐一定倒很多的。腸粉夠滑，厚度適中，牛肉份量不多也不少，味道挺好（都是山竹牛肉的味道）。接著是酥皮龍蝦湯，可能你會覺得在飲茶時點龍蝦湯有點不配合，但這裡的龍蝦湯是不錯的，還有隨湯的蝦卷，蝦卷炸得脆口熱辣辣，性價比頓時提高！還有蝦餃和叉燒酥，蝦餃皮薄多餡，餡料爽口，而叉燒酥外層酥皮夠酥😋，不會是厚厚實實的。最後是蝦春卷（名字忘記了），長長蝦春卷配以新鮮爽脆的西芹和蘿蔔，即時降低了吃炸物的罪惡感！…Read More

首先要說一下，如果想到玥屋吃飯，無論是午餐或晚餐，都一定要訂位子，如果不是，你可能連外賣也買不到！在這裡食過幾次午餐，今次特地帶朋友來吃晚餐，入座後也有不少人進來問還有沒有位子，亦有很多人來買外賣，在我差不多食完要離開時，有人進來想問外賣，師傅還差點想拒絕外賣單了⋯好像是因為要準備之後的訂座。先點了海鮮沙律，魚生份量很多，沙律加了酸酸的醬汁，十分開胃。我對各樣壽司都十分滿意，魚生新鮮，壽司飯醋味適中，溫度亦控制得宜，我尤其喜歡吞拿魚蓉壽司和海膽壽司！我再看到相片中的海膽，顏色和光澤都令我垂涎三尺！🤤而玉子壽司很特別，除了上面一件玉子，飯下亦有一件玉子！想提一下的，師傳會將壽司上的魚生沾一點點醬油，如果不想要的，記得要跟師傅先說明啊。最後一件海膽還是不夠，要多叫一客才可止止海膽癮💋。2個人的晚餐結帳不用$300，很抵食的晚餐！…Read More

一直有吃HeSheEat的甜點，但早陣子忽然懶排隊，所以都一段時間沒有到HeSheEat 了。朋友最近推介我吃HeSheEat 的咸點，我本來對一家甜品點的咸點是沒怎麼有期望，但試後卻覺得十分驚喜！前菜先點了蟹肉蕃茄牛油果沙律和炸薯條（我是薯條怪，所以餐廳的薯條是我必點的菜式🤤）。嘗第一口略嫌有點太冰冷，不過蟹肉味道十足，牛油果新鮮，配上蕃茄非常配合，在旁的沙律菜亦是非常新鮮爽脆！炸薯條配上酸奶酪和泰式辣醬，醬料是一般，但薯條真的炸得非常可口，炸得乾身脆口，作為薯條怪的我其實不怎點醬汁，吃到好味的薯條已經很開心。主菜點了燒豬肋排和黑松露帶子意大利飯（看不到豬肋排也配了薯條，所以我吃不完所有薯條），先說說燒豬肋排，一邊的豬肉是有點點乾，但配上豬肋排上的醬汁所以還好，另一邊的豬肉就軟身一點，就更加美味，而本身豬肋排上的醬汁已經十分濃郁，所以除碟附上的醬汁沒有點過。而黑松露帶子飯，黑松露是片上，已經比只用黑松露醬的認真得多，帶子煎得很好，外面香脆，內裡又不會過熟，中間還是軟軟的，飯煮得很入味，口感亦控制得很好！十分滋味！最後想說一下飲品，我在這裡幾乎每次都會點雲尼拿茶來配搭甜品，這茶包在其他餐廳是比較少見，而朋友就點了Cappuccino，他說咖啡不是偏酸的咖啡，值得推介給不喜歡酸咖啡的人。…Read More

這是我第一次來七喜和第一次吃生魚皮。朋友說要帶我吃生魚皮，我就帶著戰兢的心情跟他來。我除了日本魚生外，什麼魚都不吃，卻喜歡上生魚皮了。一坐下都未看餐牌，朋友先點了一客生魚皮，說真的，對於不怎吃魚的人來說，看見這樣一格格的外皮，是覺得有點恐怖，但我都狠下心嘗了一口，沒有討厭的魚腥味道，口感爽脆。如果不點醬汁會覺得魚皮有點單調，所以附上的辣椒鼓油就非常配合！另外再點了花膠牛肉粥、椒鹽墨魚咀和酥炸雲吞。花膠牛肉粥很大碗，而且花膠和牛肉的份量都超多🤤！（認真嗒粥的味道時，總覺得粥裡有一點點酒味，有沒有人有同感或是解答到我這是不是真是酒味?）椒鹽墨魚咀和酥炸雲吞同樣是份量十足，椒鹽墨魚咀非常惹味😋，酥炸雲吞每一粒都很飽滿，內裡的蝦非常足夠，口感爽口！後記：由於每碟的份量都很多，我跟朋友吃不完，所以選擇了帶走半碟生魚皮。在第二天從雪櫃拿出生魚皮，待20分鐘多後再吃，魚皮變薄了亦硬了，不知道食店是怎樣將魚皮保鮮呢🤔?…Read More

位於鬧區中心，會經常路過這家店，每次去到店舖轉角，已經可以聞到泡芺香味！第一次被泡芺香氣吸引時，看見$20一條泡芺，這樣的小吃好像有點貴，所以還是忍住了一下。同樣的情況發生了3-4次，今天我還是買了一條試試看。平常喜歡吃吉士，所以選擇了吉士，從店員手中接過泡芺，當時泡芺比紙袋高，心想大小也還好吧，這也不算是很小。但其實泡芺比紙袋短，這樣看就覺得泡芺很小了。泡芺很脆，用料上加上杏仁碎在外層，令味道更香口，內裡加上滿滿的吉士，而吉士味道也不錯。如果之後沒有試食價（$20）而是變回原價$29，就覺得有點不值了。最後想分享一下，我覺得紙袋設計很老套。…Read More

近一年黃大仙中心都開左好多新餐廳，今次就黎到丼丼亭，其實我係比門口既海報吸引入黎，因為我就好鍾意食苦瓜，咁啱佢新推出既就係苦瓜豚肉釜飯，所以無再搵其他食肆就入左去。門口就係有張同樣既海報吸引我入黎食苦瓜豚肉釜飯：落單等左10分鐘左右熱辣辣既釜飯就黎面前，通常餐牌既相會比實物靚好多，但今次可以話係一模一樣。整個飯都好香苦瓜味啱晒我，加埋佢本身既醬汁都好襯個飯，食到落底仲有d飯蕉好似食緊煲仔飯咁，豚肉份量都好多同唔會靭。滑蛋豬扒丼：友人叫左個滑蛋豬扒飯，雖然唔可以叫做十分出色，值得一提既係豬扒本身都好厚同有肉汁，整體都幾好食。以屋村餐廳黎講價錢都唔算太貴同埋質素都有返咁上下，有機會可以再黎食。…Read More

今晚突然引起想食點心，旺角都有唔少食點心既食店，但老點既點心款式係比較特別，而且不時會推出新點心。野食選擇都唔少，除左平時茶樓都有既點心款式之外，仲有好多新派點心，唔洗同平時係酒樓食一樣款式。爆心芝心炸蝦：外表炸得十分金黃同乾食，而且唔會油淋淋。咬落去好脆蝦味好足，同埋啱啱炸起，食既時候中間芝士會即時流晒出黎，食個時真係要小心燙親個咀，蝦味同芝士味道都剛剛好唔會一邊味道太出影響平衡。鮮蝦肉餅竹筒飯：厚厚既肉餅加入左蝦一齊打，好爽口同十分多肉汁，飯底係有加埋紅米一齊煲令到個飯更加有咬口，而且吸收晒上面肉餅既肉汁。高湯浸少棠菜：湯底好清甜，而且仲有d金華火腿係上面，令到一個平凡既小棠菜都變得好好味。冬筍鮮蝦餃：蝦餃比平時酒樓食個d大隻好多，入面有好多蝦肉，爽口彈牙，蝦餃皮都好有咬口而且唔會太厚，比好多酒樓都出色。秘制咖哩魷魚：魷魚係用水魷魚，爽口無平時食開個d有陣漂白水味，咖哩味夠香，如果再辣d就更加好，不得不提既係佢用烏冬放係底蒸，吸晒d精華清酒雲吞雞：清酒味好香，雞件入晒味又夠滑，雲吞本身比較一般，勝在吸晒d酒味同雞味，味道即時提升左唔少。整體黎講性價比都好高，而且款式都好多同有不少特別款式，喜歡食點心既朋友唔好錯過。…Read More

午飯時間到達餐廳，不少人在門外等候，看見餐牌有很多款式的食物，的確很有香港的特式，就是什麼都有，有常餐類粉面、有中式午餐、有漢堡、有日式咖哩飯等等。點了2個餐，一個是常餐 龍蝦湯通粉配炒蛋厚多士，因為沒有拍照，所以簡單說說我的感受。首先因爲我對「美心快餐」的龍蝦湯早餐是頗滿意，想著在同樣是美心集團的「香港地」，再叫龍蝦湯常餐想試一下會否更好吃，但這裡的龍蝦湯比「美心快餐」的淡，炒蛋正常，厚多士的確很厚，有點像美心面包的牛奶包。另一個午餐 咖哩和牛漢堡蛋飯，蛋比menu看到的薄，因為menu只供參考咖哩的味道還好，但是。。。咖哩是冷的！要將咖哩拌勻白飯，才能將白飯的熱力傳給咖哩，但整體的溫度都只有暖暖的，不是熱辣辣的午餐。漢堡味道不錯，只是沒有很juicy，但亦是合理的（跟價錢相稱）。…Read More

旺角花園街登打士街一帶，越來越多台式飲品店，指定動作當然會買返杯台式飲品，最近連台灣繼光香香雞搬過黎加入，咁當然要買埋黎食。店面比之前舊店大間，供應既款式都比之前舊店多。我地今次叫左香香雞小辣，而辣度係可以選擇5個不同級數。由於係即炸既關係，所以都要等大約10多分鐘先有得食，不過炸雞的確新鮮炸起，等下都值得。炸雞除左用一個紙袋外，仲有一個膠袋裝住，包保唔會食到成手都係油。主角炸雞熱辣辣，外表唔會油淋淋，咬一口就知道炸到d雞唔會炸到乾晒，中間仲有唔少肉汁，而面層既辣粉都好夠味，如果我一人食會叫中辣更加好味，今次叫小辣就適合唔太食得辣既友人。繼光香香雞由以前係台灣食已經覺得好好食，而黎到香港都繼續keep到水準，值得一食再食。…Read More

之前在九龍灣同座大廈上班，間中就會吃這家的早餐，（午餐就很少吃啦🙊）覺得面包好吃，薯餅又熱又脆，一直想給個好評，但是一直懶著😛今天又到中旅社辦理證件，可以再到這家餐廳吃早餐！但是吃了這麼多次今天失望了。原來一直覺得好味的早餐水準下降是會多麼的不開心☹️首先是包轉了，整個包扁了很多，（是空氣感太重嗎？）薯餅變細了，（可能要降低食物成本吧？）但最嚴重的是，薯餅只是微溫😟薯餅需要熱辣辣才好吃吧！朋友的餐，大部分食物都是微溫，說好的炒蛋，變了薄薄的蛋皮，還是焦的，燒雞扒的汁太咸，炸魚柳明顯是2塊貼著一起放進油爐，所以有些部位是偏白色的。薯餅不用說，跟我的那塊一樣，微微的溫度不配薯餅啊😭最後結論是，可能廚師失戀吧，才會沒心機煮東西。如果只評論今天的早餐，應該是給哭樣的，但之前的早餐真的好吃多，應該給笑樣，所以這篇食評我給了OK。…Read More