happy_gardan的个人专页

九龍城出名多好嘢食就好多香港人都清楚但好多時都喺去食泰國菜、 熟食街市食大排檔的小炒風味又或是專程去食糖水我自己都係其中一份子適逢今日老朋友例飯，我地幾個次次都會去不同地方試新店，有人提議話去打邊爐，熱都話要去照打邊爐，自己本身就唔太鍾意食任食邊爐，今次食呢間大邊爐係住九龍城嘅朋友介紹嘅，出奇地ok喎！門口位置唔算好剛眼，但好彩食肆個門牌都叫做大大隻，同埋係正路口位，好快就搵到啦！一入到去係要上樓梯，見到有寫代客泊車，但我地無人揸車就唔關事。上到去，發現原來地方唔算好大，一望落去其實都係坐到6至8張枱，但勝在環境靜靜地，又唔會好嘈，我地都覺得幾好！起碼唔似去大酒家酒樓，真係坐成晚就嘈足成晚，呢到會坐得舒舒服服，食都食得開心好多。店雖然細細間，但人手唔算少喎，都有成3、4位阿哥阿姐係到，一坐低就有人埋黎放低配料俾我地啦，同埋成晚最開心係…我地唔洗叫人加湯底，阿姐阿哥佢地已經自己會見到就黎唔夠湯就幫我地添加啦！呢個位真係加晒分~8:30半都仲未齊人但已經想開餐，因為去到已經又餓又熱，一坐低就叫個大椰青飲，強烈推介個椰青，夠凍又大個，飲落椰青水好清甜好解渴，連埋椰子肉都一齊食，即刻胃口大開！我地仲嗌左個椒x墨魚丸，幾彈牙d炸粉又唔厚，38蚊有成10粒！我地一嚟就揀左個蟹湯底，一滾飲兩啖原味湯先，好鮮甜有成隻蟹係入面~正！除左平時必點嘅手切牛呀、蝦滑呀果d，海鮮係my favorite，見到38蚊隻聖子蝗，二話不說人頭上丫，灼一灼就食，無砂好爽口好味道😋 encore是常識吧！另外，花膠同貴妃蚌都係必食嘅，加埋落個湯底，滋補兼養顏！d花膠比我想像中大塊同厚身，之前食過有d一睇d色同夾上手就知cheap嘢，一落湯煲兩煲就爛唔掂！ 貴妃蚌都ok嘅，但都係花膠抵食，好似98蚊咋都幾大碟！我地一向都無牛不歡嘅，佢有手切又有頸脊果d，個待應話手切牛好食d，叫左個大嘅，有牛味有口感，不過不失啦！另外仲有個幾特別嘅魚肚釀蝦滑，巧味道個待應無介紹錯，塊魚肚索哂d汁，咬落好juicy！佢果度仲有鯊魚唇，不過已經成台嘢驚食唔哂所以無叫，下次一定要試！個手打牛丸都好彈牙，一般機打牛丸無得比！至於個白菜帶子餃（？）就用料十足，隻隻餃子都好鬼大粒，漲卜卜。菜又鮮，帶子又鮮，再加埋個咁鮮嘅湯底，可以話係絕配。個出名既3秒腐皮都好好味，唔會話好碎又易散，吸咗湯之後，真係食極唔停口。其實菜呀菇呀果d都係咁上下，值得一讚嘅係佢份量都足，唔似果d貴夾唔飽嘅一碟得幾舊。埋單每位300幾，以嘢食嚟講，比起好多有名d嘅邊爐，呢個價錢好合理👍…查看更多

係銅鑼灣行完街，突然想去食拉麵，就openrice一下，結果就揀左呢間新開無幾耐既金田家。當晚係星期四既夜晚，去到門口有幾pair人排緊隊，我同友人等左10分鐘左右就入得，好彩唔使等好耐。店內既環境幾好。我坐既係一字型既坐位，對住拉麵師傅廚房位置坐，唔會覺得熱，都無煙薰到我地。最左邊既係來自日本既主廚。桌面放哂我地會用到餐具同埋水，想飲就自己斟，唔使等人fill！水係冰水黎既，大熱天時，一坐低就飲番杯補充水份，就算係門口等左一陣，都即刻涼哂～侍應姐姐好好人，好有禮貌咁問我地係唔係第一次黎食，然後簡而精咁介紹拉麵有咩唔同，叉燒拉麵用既係腩肉，至尊拉麵同既就係肩肉同埋份量會多d。其他選擇就同一般拉麵店大同小異，不過佢地係無得選擇湯既濃度，劃一都係用淆左十五小時既豬骨湯底。牆身仲有d簡於金田家拉麵既小介紹，學識左咩叫替玉XD結果我點左最傳統既叉燒拉麵，友人就揀左至尊拉麵，兩款都試下。先試佢既豬骨湯底。味道唔係好重味，對我而言岩岩好，至少唔會飲完之後係咁飲水。同埋佢比較濃綢，好重骨膠原，真係落足料。至於叉燒好欣賞佢既脂肪比例好平均，最難得既真係有入口即溶既感覺！好好味！！友人的肩肉味道比較甜一點，肉質嫩些，佢覺得肩肉好食，但我都係偏向有點油脂的叉燒啦XD麵條既粗幼適中，我本身比較喜歡食硬既麵，所以我係揀硬麵，入口既時候感覺比平時食既軟身左少少，不過仍然彈牙，唔黏口，唔錯。但如果本身喜歡硬麵的朋友，可選超硬，應該都會幾好食。最後就係溏心蛋，算不上係驚喜，但仍是水準之作。係我地食左大概6、7成既時候，侍應姐姐我地需唔需要替玉，因為替玉只係得麵，而唔會另外加湯，所以佢提醒我地要替玉的話，就要留番多少少湯，同埋早少少叫，否則就會好Dry，而且個湯底凍哂，會唔好食。有溫馨提示，真係好貼心呀～不過金田家既份量足夠，一個人食絕對夠飽，除非好肚餓啦XD埋單既時候，員工邀請我地係門口抽獎，一碗拉麵可抽一次，好特別、好得意。人人有份，永不落空！獎品都係一d食卷，就好似食完一餐送d優惠卷俾你咁，不過用左抽獎形式，令人覺得份外開心！中左$15現金卷同埋替肉，變相姐係有8折！哈，下次行街又可以過黎用左佢，再享受多次個好好味既叉燒！…查看更多

琴日同愛人由上環慢慢開始行，行到灣仔諗住食晚飯。想試下越南野就入左呢間。愛人係食肉獸就叫左個牛柳粒紅飯，一直以為紅飯係糙飯，點知係蓄茄飯黎！好特別！個到寫係辣既，食落又唔覺辣，不過好惹味，牛柳粒好嫩！南乳吊燒雞個皮非常脆！火侯控制得唔錯，肉燒得好嫩滑，有少少肉汁加雞油！第一次試左上角既水晶軟殼蟹米紙卷，好新鮮！用米紙包住香脆既軟殼蟹，裡面有新鮮爽脆既雜菜絲吸走油膩，加埋粉絲既質感，口感好豐富！最後以地道啦爺糕為結尾，唔會太甜，甜同班蘭味既比例唔錯，值得一試！好可惜佢有個堂肉香蒜焗大蝦既包無啦，下次黎我一定要食到！…查看更多

因為最近中左星星毒搞到勁想食炸雞！但李家多人到離譜，結果係朋友介紹下試左呢間新開既Red Chicken，成間格局都好有pub feel！而且所有既waitors/ waitness 全部都係韓國人，仲要係正宗果隻！不過禮貌方面就真係尚有進步空間啦…事關食完哂所有野之後，佢地就好似勁想趕我地走咁…但又唔係有人等位wor…都無限時…感覺即刻變差左…講返野食！炸雞揀左一半原味同 一半甜辣味個人比較鍾意甜辣味，個醬好好味，感覺上好似冇咁熱氣不過炸雞係唔錯！好掛住韓國呀！！然後再嗌左個鍋巴鍋第一次食感覺真係好特別！d蟹勁入味，個湯係愈飲愈辣，到後期放棄…不過個鍋係幾特別同埋好味既～臨走仲見到好多韓星既簽名，睇黎韓星黎香港都會黎呢到食野，見得到佢地就更加抵啦～哈哈～…查看更多

是日同友人去左深水埗既創意市集，順道去埋附近既美荷樓睇下野，而呼吸冰室就係我其中一個想去住一坐既地方！我其實幾鍾意坐café，但係旺角既café愈來愈多人去，而且好嘈！有時候想靜靜地睇下書仔都唔得。聽同事話呼吸冰室比較靜，可以舒舒服服咁坐下，hea一個晏晝，於是就去睇下到底係咪好似同事所講咁樣～一入到去就覺得佢既裝修好有特色，係香港冰室既格局，好多人係度影相。不過買野食係自助，感覺有d格格不入。由於係下午茶既關係，同友人嗌左客雞翼share，好入味，不過有一隻唔太熟…我有新嘗試，揀左花茶飲，味道合格，但係價錢可以用抵黎形容！朋友就叫左杯唔記得咩朱古力咖啡，評價都ok！下午茶黎講，係唔錯選擇！如果天氣ok，坐outdoor位都好舒服～呢到都好近市區，但係就難得可以係呢到深「呼吸」一下下晝休休閒閒黎坐下，都係個幾好既選擇！…查看更多

一期一會既姊妹聚會又黎啦!!!我地去左山林道，貪個度環境好又岩吹水，最緊要係可以令到我地開心、盡興！係山林道行行下，我地俾前面大大個串燒牌吸引左。加上個banner介紹話係芝士燒，二話不說，我地幾個cheese lovers已經即刻行左入去。入去之後，不過得先讚下個到既waitors好好招呼同埋好體貼，問我地凍唔凍、想坐出面定入面。我地當然坐出面啦，出面咁好feel又有暖爐傍住。今晩同姊妹們叫左9樣野食，飽到飛起！包括有海鹽燒巴西厚切牛舌、A4和牛牛柳粒、脆雞軟骨海鹽燒巴西厚切牛舌咬入去好爽口，very very juice !!!!!!!A4和牛牛柳粒就好淋，肉同肉中間用左洋蔥黎配搭，完全無油嘅感覺～脆雞軟骨就係bbq既必食之選！灑上少少海鹽，真係回味無窮。正！另外，仲有呢個。個雞翼唔錯，外脆肉軟。外層脆卜卜，內層既肉就好軟滑。除左肉之外，我地都叫左唔少菜類，首先就係燒粟米。唔好以為栗米好簡單，佢外面有濃濃的牛油味，再加埋秘制燒汁，令普通嘅粟米提升另一層次！yummy !!!而呢個鰻魚汁燒雞脾菇味道甜甜地，而帶點甘香。我無諗過雞脾菇同鰻魚可以咁鬼夾，好有驚喜呀！然後就到我至愛！雙重芝士燒翠玉瓜！！翠肉瓜燒得岩岩好，一d都唔乾身。再加埋香又濃既日本芝士！簡直係Perfect！可以話係cheese lover既至愛呀！我地都有叫叫海鮮，就係黃金蒜蓉燒日本蠔喇。蒜蓉既份量適中，香得黎一d都唔會蓋過蠔既鮮味。而家諗反起重流哂口水Tim！無意之中發現間串燒寶藏真係有口福，而且又係尖沙咀，仲開到凌晨一點Tim！下次愛人ot既話，可以帶埋佢黎試埋其他野食呀！…查看更多

今年情人節我同愛人講想鋸扒又醒起好耐都無去過Outback於是等佢收左工之後就去食啦雖然今日係情人節, 但係我地去到個陣已經係2130,等左大概20分鐘左右就有位喇好好彩呀!其實好欣賞Outback d位真係好闊,桌同桌之間有一定既距離坐得好舒服, 有d私人空間所以我幾鍾意去Outback食飯頭盤先食Caesar Salad同埋黑糖麵包黑糖麵包可以Refill, 點埋佢d芝士一齊食, 好好味Salad係普通野, 無咩特別既再黎就係次次都會食既炸蘑菇好香口, 而且一咬落去就有好多汁流出黎仲有蘑菇好清新既香味, 非常Juicy!!諗起都想再食呀!!!Main Course就係11安士既西冷T骨牛扒只係叫左半成熟, 上枱既時候我覺得已經係7成熟肉質唔算好滑, 有少許un既感覺, 麻麻地另外仲有個雞肉拼燒蝦寬條麵不過唔記得左影相...個麵都幾好食, 但係雞肉就略為「鞋」身普普通通啦~總括黎講都係炸蘑菇最深得我心,下次黎都要再食過!…查看更多

Happy Firday!!!去左銅鑼灣去行街, 突然好想食燒肉所以就同愛人去左盛八食燒肉啦由於我地去到個陣已經九點幾所以都唔使等位既~Waiter推介左我地食厚切鹽燒牛舌同埋燒汁牛肋骨肉呢兩樣真係無介紹錯, 好好食呀!!特別係鹽燒牛舌, 入口即溶, 口感唔錯仲好juicy tim呀!!另外, 我地仲要個個花甲大隻既, 而且都新鮮我見到好似無咩人食, 但係味道唔錯架~下次黎既話都會再叫另外仲有呢個盛八豆腐佢係凍豆腐黎既,無話特別好食定唔好食不過幾滑既最後仲有呢個意大利香草雞肉呢個真係唔得...買相已經麻麻地...green...雞肉一d雞味都無香草完全聞唔到都幾難食...實在係要扣分呀!!總括而言, 都幾好食既, 雞肉就真係敗筆下次可以叫其他野食2個人加埋600蚊左右, 份量唔算多久唔久一餐都ok!…查看更多

係北角見客完畢, 未想即刻返office所以就同同事一齊黎個high tea, 食下甜品開心下, 補充engry見到滿記新出左個節日限定既草莓盛宴個圖真係好靚呀!! 好粉紅~~唔想考慮咁多, 決定食!!!同事叫左個草莓糯米糍睇原圖, 原粒士多啤梨~~粉紅色既外層, 吸引!!但係黎到之後....oppsssssss.... 咩黎架?!個樣真係一d都唔討好, 有d嘔心同事話, 個皮係極厚...好難o趙...中間粒士多啤梨無咩問題, 但係...唔可以話係好食囉...我見到佢個個草莓糯米糍之後, 我叫左既草莓豆腐花仲未到, 個陣真係好驚會一齊中伏...原圖都一樣好靚架!!黎到之後...鬆左口氣~好彩買相都有9成相似~一食, 好味wor!!雪糕係有果肉既士多啤梨雪糕士多啤梨粒都係甜既,豆花雖然唔係好滑同無咩味但係加埋旁邊既士多啤梨汁個味道岩岩好黎緊情人節仲會再出個草莓拿破崙到時候要再同愛人去食多次!!…查看更多

係日本，每個地區既拉麵都有唔同既風味。今次，係日本博多著名既拉麵店，博多一幸舍，登陸香港銅鑼灣！順道一提，原來佐敦Ramen Champion曾經開過， 不過因為場地問題，降低左拉麵既製作水準，創始人堅持要將滿載自家口味既正宗拉麵，原汁原味咁帶黎香港，所以決定係銅鑼灣再開新店。佢對拉麵既熱誠真係好強烈呀！由於係新開業，創始人親力親為係場內打點一切，佢介紹話店內既造麵、造湯師傅，要係日本做滿4年，至有資格來香港架！質素一定有保證！日本人對拉麵既熱誠真係毋容置疑，睇下佢地製作拉麵個陣幾咁認真，令我好佩服。拉麵店既主要食材都係來自日本，麵同湯係香港新鮮製作既，保証風味一樣。創始人話，每次見到香港遊客係日本店外排長龍都覺得好抱歉，於是在港開業，答謝香港人既支持，大家唔使再千里迢迢去博多都可以食到地道既博多拉麵喇！創始人透露，地道人必選既博多拉麵口味特色係：1) 「超硬」 麵2) 淡湯底3) 愛辣大家可以見到餐紙上面有得揀：無味(湯)、超硬(麵)當然亦有淡一點，鹹一點；軟、普通、硬；而且油量亦可以擇沒有、少。可以另外配紫菜、糖心蛋等等。博多一幸舍既原味博多拉麵－濃厚豚骨拉麵，湯底屬濃厚性質，師傅要反覆煲了3次至完成。清新口味既－新清豚骨拉麵湯底屬新清性質，湯既製法同原味博多拉麵唔同！至於黑拉麵 (黑芝麻和炸蒜油)、紅拉麵 (明太子海鮮味)除了味道唔同之外，叉燒既部位都係唔同架！大家可以因應口味而選擇！桌上面各種調味料都有使用說明，好體貼呀！紅生姜同博多辛子高菜雖然只係配菜，但都係直接係日本來貨，由店家自家炮製！辛子高菜夠辣，鍾意可以加多點。由於博多既地理位置好近韓國，所以配菜食法同口味都多少都受韓國影響~!不得不提既係博多醬油，因為博多拉麵特色偏淡，所以食客可以自由加入店家秘製既博多醬油增添風味呢！我食既係原味博多拉麵，另外再加紫菜、糖心蛋。口味是淡一點配上超硬麵。先飲一口豚骨湯，果然同其他既拉麵店唔同，豐郁既豬骨湯入口清新唔油膩。拉麵方面，本來預計佢會好硬，點知食落有驚喜，質感爽口彈牙！食拉麵既另一主角當然係蛋，有糖心蛋同埋溫泉蛋左面的糖心蛋加左店家秘製汁，小咸，有驚喜！右面溫泉蛋，外形味道都滿分呀！另外，仲有個博多炒飯，應該係呢度先食到，因為係用豬骨湯加飯炒成架！精華真係入哂去飯度呀！正！仲有博多一口餃子，真係絕對要試！睇唔睇到圖？餃子皮好似紙一樣簿！而且SIZE岩哂一啖一隻，食完滿口是肉汁，超回味！日本人去拉麵店，除左食拉麵，仲好鍾意叫小食送啤酒博多炸雞塊炸得光身，無多餘既油，食落香脆多汁！博多薯仔沙律，提提大家，食前要將上面既明太子一齊攪混食架。沙律亦加左香料，唔同平時既沙律，唔會好滯，食完想再食！來個總結，去博多一幸舍食拉麵，一定要試佢個超硬麵！堅好味呀！…查看更多

今晚約左２個中學死黨出黎聚一聚, 同學介紹話佢屋企附近有間打邊邊, 海鮮新鮮好好食, 所以就試下, 唔好食既話, 可以屈佢請丫嘛XD所以我地主打ORDER海鮮!可能六半已經去到既關係, 好快就有位, 一坐低部長話D蝦靚, 所以先叫左3隻先啦~蝦的確係新鮮, 上台時仲彈彈下, 而且熟左之後超級爽, 好鮮呀!同埋我未試過係酒家打邊邊食咁大隻蝦架, 酒家將D蝦保存得好好~3隻唔夠喉, 所以黎多個蝦, 不過係生蝦刺身! 估唔到呢度有泰國style XD個汁都OK 唔太搶左蝦既味道, 冰夠凍, 唔會水汪汪咁, OK啦~帶子係我最愛!! 呢個帶子係上等貨! 夠鮮甜! 而且酒家都好慷慨呀, 份量足!令我諗起去北海道札幌二條市場個時食既新鮮帶子, 嘻。第一次打邊邊叫鮑魚唔食唔知原來口感係咁爽脆, 而且賣相好好, 睇落都幾新鮮架!呢個就係朋友最愛既珊瑚蚌, 我覺得無咩特別, 不過朋友話好好味worD蠔係大隻既, 點醬汁再食, 都算不錯啦~花枝片~ 又係足料既, 有好多片呀! 正! 要讚一讚, 呢間野夠落足料! 圖片與事實相符呀下!而手打鮮蝦滑同墨魚滑可以雙併, 一碟試哂兩種, SO GOOD!味道方面同其他地方差不多, 都彈牙既~整體上, 服務良好, 湯底都叫合格, 但係用料真係上盛, 大陪份既野食都好味! 環境算舒適, 飽到唔想郁XD埋單每人兩百幾蚊, 合理! 愛人好鍾意食海鮮, 下次可以帶佢再黎食過!…查看更多

話說等愛人收工, OT O到唔知時間收工之後幾乎都無咩好食, 又係Openrice見功secrch到呢間宵夜陸陸雞煲我地去到既時候已經00:30得2、3枱人~ 唔使等位~可能係人數少啦, 所以d野黎得好快同埋呢到有混醬, 好齊, 唔係間間都有主打當然係雞煲唔算好辣, 都幾大眾化口味有d人可能會覺得咸左d但係我反而覺得好夠味同埋d雞係入味既, 好食!食火鍋當然要有肥牛!脂肪分怖得都幾平均我覺得呢d牛肉好食過小肥羊其他喜出望外既, 一定係呢個蠔新鮮蠔, 無雪味, 我同愛人都話正!仲有鴛鴦蚌都值得推介!另外仲叫左我至愛午餐肉, 上碟既時候砌得好靚架!不過得我一個食, 食唔哂...好想問可唔可以打包...XD第一次食雙色墨丸黑色海水味重d, 口感都算彈牙但個人唔覺得好好食, 同普通墨丸差不多至於響鈴, 佢話係新鮮既可能我地晏去啦, 唔覺得同平時個d有咩特別最後既係鵝腸份量都ok多ga, 我同愛人兩個由搶食, 到最後食唔落...都有叫到菜同埋蓮藕片, 不過無影相lu~食到02:00就走, 埋單要成$800!!!!估唔到唔覺唔覺, 原來叫左咁多野食好貴呀!!!!!!不過waitor係落單前有提醒過我地會唔會叫得太多當時因為太肚餓, 所以堅持, 最後食左大部分係d菜同午餐肉食唔哂...但係呢個價錢...可以去酒店食自助餐了....…查看更多

我自己好鍾意 “蒲” café， café 同一般既餐廳俾我既感覺好唔同，餐廳好似只係一個offer食野既地方，而café就比較人性化。除左食仲可以玩，一邊食一邊閒聊，既優閒又更有gathering 既感覺！所以我同朋友仔一得閒就去周圍試唔同既café！今次特別d，我地去左間係屋村既café，佢叫cafe1950，順便pre-Christmas party！一般既café都係食西式野多，呢間就主打德國食物，仲有酒精飲品叫，夠哂特別！次次講起德國菜，就會即時聯想起豬手同埋腸拼盤！我地好似很有默契咁一開始點菜就叫了呢兩樣：德國式燒啤酒豬手配酸菜最欣賞它係切碎上，唔使自己切到死下死下！而且皮脆肉嫰、外脆內軟，好好食！肉腸拼盤酸菜呢個好抵食，唔使$100就可以食到6款腸啦！我最鍾意那波子腸，肥嘟嘟咁好得意！不得不提既係呢款招牌菜 – 啤酒雞見它的賣相已好特別，是用啤酒承著隻雞上菜的 XD真係名副其實用整罐啤酒來醃製！所以食落真係有點點既酒味，感覺特別！  來到CAFÉ，無理由唔食CHEESE CAKE架，所以我地就叫左3款唔同的CHEESE CAKE來試下 (根本是自己想食……HAHAHHAHA)三款分別係：原味紐約芝士餅焦糖芝士餅藍莓芝士餅最叫我驚喜既是它的餅出奇的鬆軟！比起好多café做得出色！有機會再來既話，一定會再叫！…查看更多

同家人最喜歡星期六、日周圍去d郊區玩，可以有渡假feel多d。今次我地就來到愉景灣酒店食佢的tea buffet。酒店開左唔耐，設施裝修都好新！我地揀左座outdoor位置，望下海，食下野，加上去的時候開始轉涼，加d秋風真的好relax!食物方面，由於我地食tea，所以食物唔算好豐富，不過相比其他酒店的tea buffet來說，呢度已好唔錯!當中，我最喜歡甜品同沙津，呢度的salad bar 算多選擇，一來我就幹掉了一大碟。而甜品，我都試左好多! D cake 超超超好食，每一件我都試過晒咁滯，當中最喜歡是抹茶栗子布丁，好香抹茶味，又唔甜，非常合我口胃! 而雪糕是Dreyer’s 的筒裝雪糕，我都試過晒所有味道! XD今次去完，媽媽已問定下次幾時去，佢話覺得好開心喎，又係既好少可以係香港搵到個咁RELAX的地方一邊食一邊傾下計麻。…查看更多

同友人逛街, 突然想食車仔麵就諗起榮記近兩點去到, 大概係門口等左10分鐘左右就入得本來去到呢d小茶記都唔expert會有咩service我地坐樓上最入貼牆, 個位都幾窄下...於是我地想拉開張枱少少唔好咁迫但係個女侍應好大聲咁喝住我地叫我地唔好郁! 再用力推番埋張枱...我地都嚇呆左...落單既時候語氣都好crude...雖然無期望, 但係都未至於要咁過份吧...食物方面我叫左豬紅、蘿白、魚肉春卷蘿白好入味, 豬紅都唔錯好滑相對而言魚肉春卷就弱d, 始終係南記好食食完之後, 由於個位太窄好難至行到出黎, 仲要爭d仆親...榮記既服務真係唔得但係食物都仲有得搭救只能給一個ok...…查看更多