建議大家400幾蚊去食牛角好過，呢間餐廳啲肉同海鮮難食得嚟仲要有浸怪味，又未解凍好，燒到出晒血水，擺落口伴隨住一啖水.. 啲海鮮真係前所未有見過咁核突，隻蠔扁塌塌又黑，無肉+乾爭爭，啲蝦痴殼唔新鮮，重點係一開始一定會送一盤海鮮比你！其實貴店將入海鮮嘅錢，用嚟提升牛肉質素會唔會更好？話就話A5和牛，食落衰過超市急凍貨。刺身選擇唔多，但已經係最正常嘅一個，不過吞拿魚超難食。想食刺身嘅你，如非諗唔開，實在無必要選擇呢間…服務態度叫做正常，唔差亦無特別好從來唔北上消費，但都唔同情絕大部分香港餐廳衰落。唔用心做，買好評，個個食評都讚到咁誇張😓一張相都無影，因為唔值得…查看更多
牛川日本和牛專門店
2024-06-11
以上食評乃用戶個人意見 , 並不代表OpenRice之觀點。
3
用餐途徑
Dine In
