siusandy的個人專頁

聽說是大圍名物之一，cheat day 食飯quota 今次就特登留俾呢間店。星期六中午黎到，門口一小條人龍，大概等了10分鐘都已經入到。餐廳果然是人頭湧湧，係舊式茶記格局，多張大圓檯大家都係搭台，落單速度亦都非常之快。一眼望過去，食客基本上都係叫煎肉餅飯、椒鹽豬扒飯或者牛肉湯米粉。我同老公就分別叫左個煎肉餅飯加15蚊轉炒飯底，我就要左個椒鹽豬扒飯。金城的煎肉餅飯唔係一舊舊細塊的肉餅，而係大大塊的煎肉餅，蒸肉餅一大塊過就食得多，煎都係第一次。外層煎得脆口，內裡依然保留住肉汁，雙重口感，真係幾好食。因為肉餅已經夠味，炒飯亦都濃味，個人就覺得配白飯會冇咁鹹，balance D。至於我叫的椒鹽豬扒飯濃味得來仲帶住少少醬汁，配白飯一流，豬扒肉質鬆軟唔韌唔攝牙。同老公交換肉餅同豬扒，一次過享受曬招牌美味。…查看更多

荃灣分店非常大，裝修亦非常舒服，行西式餐廳加酒吧的路線。已經黎過幾次，午餐、下午茶、晚餐menu 都非常多選擇，呢個經濟環境下價錢都非常宜人，自己煮的成本都分分鐘仲高。既然坐得舒適，店面乾淨又大，得閒同老公黎鋸下扒回味下細個的回憶，都幾開心。扒餐有多款牛、豬、雞、魚可選擇，包餐包、湯、飲品，可配飯／薯菜／意粉，加20幾蚊已經可以有紅白酒、啤酒，性價比高！留意返薯菜呢度行bar food style，係另上的幼身薯條，唔係港式扒餐個種係鐵板上，粗身，淋曬汁的薯條。下午茶怕扒餐太heavy，仲有焗飯、意粉同中式炒粉面，抵過茶餐廳。…查看更多

早前訂過散水餅，有原味、咖啡味、朱古力味、烘培茶味可以選擇，仲可以tailor made字樣，同事都覺得好開心有下午茶食。訂左幾十個仲送左３張換領券，今次除左原味，要左３種唔同味道拎俾屋企人試，大家都最喜歡咖啡味布丁燒，濕潤得黎個底仲有濃烈的咖啡精華，食完飯黎個甜品一Ｄ都唔覺膩。 …查看更多

周末想出街行下食下消夜，去九龍城搵食度度都排隊又冇泊車位，就轉戰土瓜灣。上網見大家都推介浩記，仲係連續幾年米芝蓮就一於去試下啦，又勝在唔洗排隊。入到去係傳統家庭式經營的港式糖水鋪，店面都算大。炎炎夏日，雖然傳統式糖水比較出名，但我同老公就叫左芒果小丸子豆腐花同楊枝甘露，想refresh一下。冇幾耐兩碗糖水已經送到面前，試左第一啖芒果小丸子豆腐花，少少失望，想像中應該係細個許留山食到個種帶沙冰狀的芒果汁，但芒果味未有都非常鮮甜，所以每啖小丸子都變得非常淡味，豆腐花也繼而食之無味。芒果也切得頗大一舊，成碗糖水就變左3個單獨的味道，缺少了融和的味道。楊枝甘露的西米都幾大粒，味到一樣偏淡，沒有甚麼驚喜。對於米芝蓮，我同老公係有點不解，可能強項只限於傳統芝麻糊、桑記生蛋茶之類．．．． 唔洗等，住得近，夜媽媽又想食糖水係可以選擇呢度，山長水遠跨區黎就未必需要了。…查看更多

新派的車仔麵店，除了清湯、辣汁、腩汁、咖喱汁湯底，還可以選擇蒜油撈麵底，不能吃辣的話微辣湯底已經夠濃味。想要咩都試下的話，點何車十餸或五餸麵就可滿足多個願望。配料方面，除一般車仔麵的配料，大推炭燒牛舌芯—牛味濃而不柴，吃出了日式燒物的講究。燒豬頸肉有一股香濃的酒香，一樣大推！還有糖心蘿蔔，非常清甜，每項配料都俾足分量，絕不吝嗇。還有多款丼飯和小吃可以選擇，呢日叫了一份蓮藕餅，亦都保持水準。由於即叫即燒即煮的關係，有心理準備要等候一段時間才出菜。…查看更多

見到社交平台 某Channel 有個打拋飯特輯介紹呢度有和牛香葉肉碎飯, 一向喜歡食香葉肉碎蛋飯的我就立即同老公星期六過黎食Lunch。當日餐廳應該開張冇幾耐, 下午1點幾唔洗排隊。一入到去餐廳覺得裝修幾靚, 半開放式廚房見到D 廚都係泰國人, 充滿住泰國vibe。點左和牛香葉肉碎煎蛋飯、慢煮和牛撈麵、青木瓜沙律同泰奶。和牛香葉肉碎煎蛋飯先上台，第一啖覺得充滿鑊氣同夠濃味，不過食多幾啖同老公都覺得醬汁有少少重手左，開始有Ｄ鹹，$98來講未食過試一次都可接受。再來上菜的係慢煮和牛撈麵，一樣汁夠濃，撈麵係不錯的。至於舊和牛同老公也一致認為overcooked, 和牛質感有點過於韌同熟了, 少少失望。可能剛開張不久, operation 上仍然有待熟習, 最後青木瓜沙律係冇黎的。不過, 同老公都決定唔追了, 埋單時亦冇呢個item 出現, 所以係真係落漏單。食完之後, 店員有過黎問我地覺得食物如何, 亦有反映了和牛有D太韌, 但服務係友善的。…查看更多

據說從中午到凌晨都是娥姐一人製作所有美食，兩次經過都見到只有娥姐一人看檔，既然咁多人都推薦，呢次食完林記車仔麵都要捧住個肚過黎娥姐度再食第二round。由於我自己唔太好粉菓，所以選擇了蝦餃。蝦餃並唔係一般酒樓點心個種形狀，係比較似水餃形狀的做法，後來網上見到呢種蝦餃會比較偏向潮汕風格。熱氣騰騰，企埋一邊即刻試一啖，食到筍絲+粉絲＋蝦的鮮甜，係有surprise，酒樓食唔到。除蝦餃粉菓，呢度仲有手工腸粉，惟有下次留肚再試。…查看更多

下午大概2點半後黎到呢度食個late lunch, 呢度除了麵食外, 仲有粥品, 見到牆上的相片, 本來想試鯪魚球生菜粥同雲吞水餃撈麵, 可惜鯪魚球同水餃都賣曬, 睇黎要食就要再早D去。最後叫左雲吞麵、雲吞炸醬撈麵同白灼鵝腸。對比幾家本地出色的雲吞麵，呢間的雲吞不過不失，麵身幾彈牙。反而鵝腸係幾好食，處理得乾淨，但唔係脆口個種，而係比較軟腍的口感，反而冇咁乾身。上面鋪滿了蔥粒，點Ｄ豉油，不錯。睇到牆上的剪報，先知道原來係劉森記後人開的店。我自己就覺得如果唔係太順路，其實去劉森記也差不多。…查看更多

多年冇再食過韓國燉雞，懷念以前係韓國讀書時期的味道，特登黎旺角分店一嚐。星期日的夜晚唔算好多人，兩個人點了一盤無骨燉雞、鐵板烤牛及燒牛肉紫菜包飯，另外仲叫左草莓米酒。無骨燉雞的粉絲索曬Ｄ汁，雞肉不柴，都算合格。食了舊薯仔，唔太入味，也不是韓國番薯的那種味道，少少失望。烤牛肉Kimbap 亦少了韓國芝麻油的那種香氣，也是少少失望。烤牛肉會配生菜、芝麻葉、辣醬及生洋蔥上台，包住黎的味道不錯，有返少少驚喜。至於草莓米酒就不過不失，也始終缺少了韓國一般酒屋的水果米酒的濃郁。樓面是兩位南亞裔的工作人員負責落單，只可英文落單及溝通。整體氛圍及體驗未如韓國本店。…查看更多

尖沙咀做完facial 一路沿著金馬輪道搵食又唔想太肥膩，見到水門雞有下午茶餐原來好多都只係＄３８，包一碗船麵、小食及飲品，就入去坐低了。選擇左清湯的札肉豬肉碗金邊粉，麵底仲有幾款可以自己選擇。清湯底的豬肉碎令到湯底其實非常濃香，下午填肚又不會太大負擔，另外加了$5要了杯凍泰奶，完全泰國的味道，又一個滿足的下午。肚餓的話下午茶一樣有飯類選擇，抵食！…查看更多

飲食業寒冬，星期日Family Day 同兩老飲茶實在已經冇咩地方好選擇，難得中環大會堂美心皇宮多年來仍屹立不倒，重點景靚、坐得舒服、氣氛好，而且仲保留了香港特色點心車、煎腸粉、煎糕檔，以及多款懷舊點心可以選擇，呢個星期再次Encore。出發前最好用手機APP拎定飛，因為試過去到現場等真係要企好一陣，老人家係會辛苦。今次做仔女的先到現場等，等到差唔多再叫兩老出門口，時間剛剛好。推車仔個氛圍係會勾起大家的好奇心及興趣，每次黎到都會不知不覺地比平時去酒樓用APP落單叫得多又食得多。鵪鶉蛋燒賣、魚翅餃、百花釀魚肚都係每次來必點的。鵪鶉蛋大大粒，釀魚肚上面的蝦滑都非常好食！呢日難得見到有薑汁雙皮奶，二話不說都截停了姐姐整返碗先。兜左一圈，仲見到細細個酒樓個種糖水車仔，回憶返曬黎。煎腸粉、煎糕檔就要行出去落單，不過兩次都隔好一段時間先會送到台上，唯一的美中不足。…查看更多

夜晚830後過黎掃街, 一入太安樓就見到呢間姊妹美食最多人排隊。炸鍋上的原條炸大腸完全將我吸引住，即刻加入條隊，同老公輪流再去睇下仲有咩好食。排隊係要等一陣，即叫即炸先到下一位，包保食到熱辣辣炸物。我地點了一串炸大腸、炸秋葵、鵪鶉蛋、煎釀三寶、蟲草花雞肉燒賣。可能當晚多人，店內得兩個人，我冇預計到蟲草花雞肉燒賣都係落油炸的，不過炸完一Ｄ都唔乾身，依然食到雞肉味。後來第二次去，就見到蒸檔同碗仔翅檔開埋，先知道要視乎人手食咩版本。不過，所有炸物都係好食的。最最大推的係炸大腸，一口咬落去外皮脆，內裡juicy，好多年未食過咁好食的炸大腸！佢地只收現金，要食就要準備cash 啦!…查看更多

夜晚9點幾由荃灣出到黎太安樓搵食，呢間牛雜都係我的check list 之一。同老公叫咗個大size 的牛雜外賣返屋企慢慢嘆。姐姐有問我地要不要柚皮, 雖然都係經典懷舊味, 不過我地二人不太好, 所以選擇了走柚皮。牛雜煮得軟嫩入味，汁不會太鹹的，黃芥末提升咗整體味道。牛雜處理得都好好，平時出面有Ｄ部位會覺得蘇，佢地呢兜食左咁多舊都冇一個部位令我難入口，入面D豬皮仲索曬D汁都好正。由於太安樓有太多好野食，食唔完的牛雜第二日淥米粉時倒埋入去繼續享受。…查看更多

電梯一上去就見到超寬闊的餐廳環境，係尖沙咀少數可以用ipad 點餐的韓國餐廳。星期日的中午我同老公二人點了Lunch set，選擇都非常豐富，熱辣辣的夏天辣伴蕎麥麵+鐵板炒雞組合係不錯的選擇。四款前菜已經感受到餐廳的質素，有鵪鶉蛋、出面未食過的粉紅色醃蘿蔔、魚餅及泡菜，泡菜係新鮮同精緻的那一種，同出面某Ｄ韓國餐廳水旺旺已變酸的那一種完全不一樣。單是前菜我地就refill 了一次。辣涼拌蕎麥麵亦都一點也不頹，跟餐會額外有一碗碎冰冷麵湯底，蕎麥麵上面的兩塊牛肉味道濃郁，好好食！面體亦非常彈牙，辣汁未到非常辣，整體感覺十分清爽，非常適合夏天。鐵板炒雞帶著薑汁味，並唔係港式韓國餐廳平時醃雞肉的個一種味道，係有用心的。＄１３８都真係俾返個呢個質素你，可以再encore。同場見到不少韓國人都來幫襯，環境非常乾淨，加分！…查看更多

終於俾我搵返細細個阿婆煮嘅雞雜湯粉味道！女人街新開呢間米線店主打雞雜小鍋米線，落雨都要專登過嚟試～湯底係奶白色雞骨湯，飲落有啲似日本雞白湯拉麵咁濃郁，仲可以揀金湯/麻辣版本雞雜小鍋米線配料有雞肝、雞腎、雞心、雞絲、手工藤椒雞肉丸 (好食！裡面有雞軟骨增加口感，食落爽口又鮮味，就算唔叫雞雜米線都recommend單點追加)，雞雜處理得乾淨無異味。​唔敢食內臟的人都可以選擇牛魔王或豬八戒小鍋米線。重點所有米線可以免費追加，呢個經濟環境，難得嘅良心小店。…查看更多