HoHoChan56's Profile

同友人食生日飯,大家都愛日本菜之前bookmark左一遊好耐,一路都未去試,今次機會黎啦慶生當然需要D酒精原味乳酸燒酌梳打/梅酒柚子清酒/巨峰燒酌梳打吞拿魚溫泉玉子沙律材料好豐富,醬汁好開胃三文魚魚鬆豆腐凍河蝦厚玉子勁多蝦,蛋味足,熱辣辣好好食刺身拼盤刺身厚切,新鮮甜美揚櫻花蝦好香口豚肉露荀串 / 燒牛舌 / 豚肉車厘茄串 / 燒溫室青椒串雞肉京蔥串 / 雞肉明太子串 / 金山寺雞肉串 串燒火侯調味都好好,樣樣都好食,強烈推薦軟殼蟹卷軟殼蟹炸得好香脆燒豆腐呢款冇咩特別高菜明太子(和風味) 意大利粉友人好愛明太子,佢好鍾意呢個蟹肉煎薄餅煎餅好香,都幾多料整體食物水準都好平均,串燒大家都覺得最好食環境裝修都好日本風,另人有一該好似真係去左日本…Read More

為食朋友食完漁道樂，叫我一定要去試吓即刻約埋朋友book枱去試菜一去到門口，感覺已經好日本，入到去好似去左日本既居酒屋咁有氣氛，梗係要叫酒啦先黎個秋刀魚刺身不時不食，當造既秋刀果然肥美，新鮮味濃生蠔蠔我唔岩，朋友就話蠔味唔算重，但係幾creamy薩摩手羽雞皮好香脆，入面唔乾有肉汁黑豚露筍卷呢個就乾身左少少，但係露筍好嫩，黑豚夠肉味，用料唔錯牡蠣天婦羅牡蠣香脆肥美，仲有隻好香濃既菇龍蝦鍋龍蝦好爽口，好鮮味，煮完個湯好甜海膽蟹肉反卷唔太食到蟹味，因為海膽味太濃🤣鰻魚炒飯食埋個熱辣辣炒飯，身心都好滿足，朋友果然冇介紹錯…Read More

觀塘經過舊區重建，終於有一番新景象，全新嘅裕民坊有熟識嘅店舖，仲有好幾間新開嘅食店，近排愛上咗酸菜魚，見到有新開嘅十二味，梗係要去試吓啦十二味開係商場頂層平台花園，環境好好店舖坐得唔算太闊落，不過防疫措施都算ok酸辣木耳叫咗小辣，醋味多過辣味，木耳好厚身，食完好開胃人見人愛酸菜魚（配粉條）大大盤，酸菜同魚肉份量十足，配菜仲有萵苣、雞肶菇，唔太食得辣嘅我地叫咗少辣，酸辣比例剛好，魚肉好滑完全冇骨，小朋友都可以放心食乾煸四季豆又係大大碟，我地兩個差啲食唔晒，炒得好夠鑊氣，連埋肉碎好好送飯…Read More

塚田農場成日聽朋友講起食物好味,自己一次都未去過今日心思思又想食日本野,終於去左一試6點幾去到,都差唔多坐滿,好彩一早訂左位成間餐廳其本上都睇到維港景色,店員安排我地坐左窗邊,香港真係好靚見到好多枱都叫左美人鍋，睇落好吸引，本身都好想試，但係我地都唔太餓，唯有等下次，最後叫左4款野食同飲品小田牛沙律128來自鹿兒島既小田牛，肉身柔軟幼嫩，輕輕燒過牛味甘香，沙律菜好新鮮，淋上醋汁，食完幾開胃銀帶鯡魚天婦羅 98細細條魚味濃，個綠茶鹽幾特別，有回甘茶味鹽燒黑薩摩雞 298鐵板送上，熱辣辣好鬼香，想食香口啲可以燒多陣，自己控制幾好，有醋，芥辣，柚子鹽3個醬汁選擇，個人推介點芥辣食，最夾梳乎厘玉子燒鰻魚108店員會上碟之前先倒出嚟，外型好靚，切開就見到有鰻魚響入面，食落真係似梳乎厘既口感，蛋香又嫩滑…Read More

冇得去日本旅行，唯有去食日本野，食左當去左😔之前朋友食過花宵午餐osmkase，推介我要去試下，早兩日見到openrice有晚餐優惠（osmkase$768一位包埋加一），係時候去試一試啦慢煮八爪/醋汁水母/合桃魚仔水母同平時食到既海蜇頭口感一樣，配柚子醋好好味水八爪魚刺身北寄貝刺身北海道螺/深海池魚/鯛魚+左口魚群邊刺身全部都好新鮮，處理都好有水準比較特別係水八爪魚同鯛魚，八爪魚個吸盤位，食落又爽又脆鯛魚包住燒過既左口群邊，估唔到味道會咁夾清酒煮鮑魚配壽司飯吞拿魚腩蓉海膽配壽司飯燒海膽醬龍蝦尾左口魚鰈魚 + 鰈魚肝帶子吞拿魚腩火灸金目鯛魚赤蝦龍蝦味噌湯紅豆蕨餅無論刺身，熟食，壽司，用料都係靚貨，處理方法都好好，上菜速度適中，侍應服務用心，成晚都感覺良好，絕對值得encore…Read More

老婆想去食日本野，同事早兩日試完真鮨話好食，咁就岩啦，即刻打去訂位雖然店舖唔算好大，枱與枱之前可以放低竹簾，唔駛望住隔離枱食，有返啲私人空間睇完餐牌，好多選擇，刺身、壽司、燒物、煮物，串燒都有食日本野點可以冇清酒呢，爽先黎刺身三文魚刺身，好肥美活赤貝刺身，鮮甜爽脆再黎壽司左：珍寶馬刀貝右：珍寶赤海蝦左：火炙三文魚右：芥末八爪魚左：火炙劍魚腩，極具油香右：蔥吞拿魚蓉，口感軟滑全部都好新鮮，火炙劍魚腩最有驚喜，經過火炙既魚腩，迫晒啲油香出嚟，相當美味另外仲要提一提壽司飯用左赤酢飯，比普通白米酢既酸度柔和啲，配搭鮮魚油脂更有層次清酒煮蜆，湯甜蜆鮮，美味最後係串燒鹽燒雞翼燒青椒仔明太子啡菇汁燒雞肉大蔥蒲燒鰻魚串燒火候調味都好好，好滿足…Read More

自從食過牛大人既台式麻辣火鍋，其他地方既麻辣鍋都好少去，今日突然又想食，諗都唔諗就去牛大人銅鑼灣分店之前冇去過，同旺角尖沙咀一樣，都係好整潔，拎野食既地方都好乾淨企理，抵讚都係$198個餐最岩食，和牛M5牛肩卷，滷大腸、牛肚、牛筋，干貝鮮魚漿，呢幾款一定要叫牛板腱同西班牙豬五花都好出色，好夠肉味當然唔少得主角，麻辣鴨血，呢度個鴨血俾我搵返台灣既感覺，冇得飛既日子唯有靠佢另一個台灣味道就係鹽酥雞最後送既甜品，仙草凍…Read More

之前聽朋友講食過餃掂幾好食，今日行過見到就梗係要試吓啦店舖唔太大，不過都算整齊，唔會覺得好迫豆漿、自家製山楂雪梨水豆漿味道正常，雪梨水酸酸甜甜，清熱解渴四川涼麵，涼麵加上麻辣醬、芝麻醬，好惹味日本龍鳳蛋流心蛋再加上黑白松露醬，蛋香同松露好夾，正韮菜豬肉餃韮菜好多好夠味元貝豬肉餃食到粒粒元貝肉推介菜脯辣椒醬，辣辣哋又有豆豉香，夾埋餃子一齊食好正龍鳳松茸雙煎餃呢個極力推薦，煎餃火候非常之好，煎到皮好香脆每隻都有好多松茸碎，黑、白松露兩款都好香，皮脆又多肉汁，加上松露香味，超好食…Read More

壽司食得多,企住食都係第一次平時行過立鮨門口,總有一班人等緊位可能疫情關係,唔駛等好耐,10分鐘就有位安排好企位之後,店員就俾左落單紙我地,填好可以直接俾師傅仲有其他期間限定寫左響黑板度,加埋落單紙度俾師傅就開始等食啦鮟鱇魚肝冰見寒鰤魚:魚味濃,油份高吞拿魚腦天中吞拿魚腩/油甘魚腩/赤身深海池魚/火灸特上金目鯛/火灸左口魚邊北海道活象拔蚌/赤貝/珍寶牡丹蝦紋甲火灸白烏賊海膽:強烈推介,火灸過既海膽,味道更加濃,烏賊鮮甜,口內一齊溶化,好好味火灸北海道帶子海膽軍艦白子秋刀魚刺身三文魚子軍艦赤鯥:經過火灸,魚油出晒黎呢度全部野食都好新鮮,質數好高,特別係期間限定,我同老婆2個都好滿意,企住食都非常值得…Read More

之前食過旺角間牛大人，一路心思思都想再去，知道尖沙咀開左，今日一出去，諗都唔駛諗就決定去食個午市放題先再去行街街大約11點半去到拎飛，12點就開始放人入去，唔算等得大耐每枱中間都有分隔板，疫期間都可以放心開餐最鍾意佢個自助區，又大又整齊凍同熱既飲品都有食物全部都入晒盒，整齊又衛生醬料區都好多選擇，梗有一款岩你心水今次叫左麻辣同鳳梨雞鍋鳳梨雞味道好特別，幾清甜，未開始食都飲左一碗呢度自家製既茶類好出色，極力推介桂花烏龍澳洲和牛M5牛肩卷好有牛味，薄切得黎都好有質感西班牙豬五花肉比起和牛一啲都品失色，豬味濃仲有肉甜味安格斯特選牛板腱蟹籽墨汁漿滷牛肚牛筋大腸都好入味，同麻辣湯好夾，一定要試麻辣鍋必食既鴨血90分鐘放題$198，無論自助區既茶類同丸類，飲品肉類質素都好好，難怪長期都咁多人…Read More

友人銅鑼灣收工約食飯,話想食泰國菜,諗左一陣,位於Tower 535地庫既小曼谷一路都想去,終於有機會啦入坐時先發現有駐場歌手唱歌,幾好feel生蝦刺身食泰國野次次都會叫,爽口蝦刺身加埋泰式辣汁,都一定冇甩拖冬陰功湯又係必叫酸辣都好平衡,湯夠濃香,入面仲有好多菇大大隻虎蝦,又爽又甜,正酸辣八爪魚沙律入面有芹菜,洋蔥,八爪魚,少少酸辣,好開胃炸蝦餅熱辣辣,好彈牙,份量都幾多,好抵食馬拉盞炒椰菜苗椰菜苗好鮮甜,馬拉盞辣辣地,好惹味極上燒安格斯西冷牛小排火候控制好好,外脆內嫩,牛味重食埋甜品西米糕同千層糕呢餐好完滿…Read More

今晚一行三人去左位於灣仔商厦2樓既紅花會餐廳主打川菜，座位好闊落，空間感好高，環境令人感覺好舒服只要like FB/IG，就送一杯自家製涼茶，食辣都唔怕熱氣紅花椒香脆辣雞炸過既雞件非常香脆，火候啱啱好，仲有肉汁，配埋大量紅椒花椒，麻辣味十味，食唔停口水煮毛血旺食川菜點少得水煮菜式，毛血旺有鴨血、午餐肉、萵荀、蓮藕、雞件、芽菜、牛柏葉，入面仲有薯粉，份量都幾多所有食材同水煮好夾，都可以索到個辣油清炒萵荀絲熗炒包菜唔止辣野做得出色炒蔬菜既火候都控制得好好，有鑊氣之餘仲可以食菜既原味同甜味…Read More

朋友想食燒肉，今日黎左尖沙咀既牛魔一入門口，冇咩燒肉既味道，抽風做得好好我地四個人，叫晒兩個二人餐岩岩好除咗燒肉，仲有其他日式午餐前菜:海草正常味道、芽菜爽口、泡菜少少辣雜菜沙律：菜新鮮脆口加埋芝麻醬，食完即刻開晒胃午餐set A午餐 set B豚肉五花腩：燒到膏位少少燶加脆邊，入口有焦香、油香同肉香牛肋肉同牛五花：牛味濃，又腍又多汁烏肶肉：燒完雞皮好脆，雞肉好嫩，唔駛點醬已經好好味招牌美國Prime牛肋骨：長長一條，攤開黎燒，燒到差唔多再剪細就得本身已經腌左，醬汁帶少少甜，好夾個牛味…Read More

老婆生日，梗係要買個又靚又好味既蛋糕同佢慶祝一下，La Famille既戚風蛋糕係我既首選，今次揀咗榛果炭燒咖啡，預先打電話訂貨，唔怕到時買唔到鋪頭響apple store隔離，好易搵原個蛋糕會俾埋個靚靚保溫袋，仲有乾冰，坐車耐少少都唔怕，店員提醒可以保存大約一個小時左右，之後要放雪櫃，好貼心蛋糕賣相非常精美蛋糕濕潤鬆軟，蛋糕同埋忌廉都充滿咖啡香味，一啲都唔會漏，甜度又岩岩好，蛋糕又靚又好味，極速掃清…Read More

菊月町午餐同老婆食過好幾次，每次食完都話要試吓晚餐既廚師發板，今次終於的起心肝去訂位同老婆叫左一人一個「焰月」先付—汁煮大根牛腩上菜嘅時候已經聞到好香，牛腩入口即化，大根同紅蘿蔔都吸晒牛腩嘅味道，個汁都俾我飲晒，滿口牛香跟住就係時令季節刺身五點間白配青瓜醋間白爽口鮮甜，配上青瓜醋，少少酸，個胃即時醒晒黑鯛魚身用左少少黑胡椒同埋輕輕燒過，入口焦香鰤魚腩配山藥鰤魚腩好肥美，入口即溶，成個口都係魚油，山藥帶有中和作用，冇咁油膩，好味到唔捨得吞落肚松葉蟹肉蟹膏配魚子醬鮮甜蟹肉，甘香蟹膏，咸香魚子醬，非常好嘅配搭吞拿魚腩配岩鹽紫蘇葉用紫菜包住吞拿魚腩同埋紫蘇葉一齊食，又食到魚油香味又唔會膩，又係好嘅配合，食得出師傅嘅用心漬物有喬頭、蒜頭同埋牛蒡，可以清下味蕾，繼續品嘗其他食物鐵板燒兩款甘鯛配忌廉汁呢度菜特別在魚皮連埋魚鱗一齊燒，皮脆肉嫩，加上忌廉汁，好好味鐵板鮑魚鮑魚火侯岩岩好，好腍又帶少少焦香，仲有鮑魚肝蒜茸配飯，好甘香手握壽司五貫魴鮄魚，魚肉紥實，味道清甜姬鯛配岩鹽麵豉醬，魚味本身清淡，但麵豉醬帶返出魚味赤身，冇乜魚油，反而食到魚嘅鮮甜深海池魚配芥辣，入口爽脆帶油脂，透出淡淡鮮味海膽，甘香鮮甜手卷師傅先用左口魚裙邊燒出魚油，再撈埋吞拿魚蓉做出手卷，吞拿魚加埋魚油，好好食最後食埋密瓜，非常完滿…Read More