liangkaren1129's Profile

尋日見呢間餐廳做緊$40外賣飯盒，lum住係屋企附近，之前食過見佢d扒餐，又咁抵可以幫襯一下！點知超級中伏，個飯盒係牛胸肉意粉，份量少得可憐，意粉又乾又凍，d牛胸肉un到不得了，又唔好味，仲要食唔飽，加個湯/飲品/沙律，要加$10，$40唔駛食佢啦，去食麥當勞好過！以後black list！😡😡…Read More

平安夜去中環搵嘢食，見到蘭桂坊有間食荷蘭菜的餐廳Orange Tree有得openrice book位，仲可以有8折，就同男朋友book咗去食！入去8:00pm食，唔係好多人，大多數係情侶或閨蜜慶祝，地方算大，係聖誕氣氛下播下聖誕歌，仲有聖誕樹，好有Christmas feel！今日食a la carte有折，所以就點咗頭盤青口，main course要招牌Wellington lamb 同海鮮意粉，甜品要Dutch Apple Pie！頭盤：白酒煮青口 Blue MusselsD mussels 雖然細細隻，但煮得好入味，新鮮，做頭盤細細碟好好食，好有胃口！Main Course: 威靈頓羊肉 Lamb fillets baked in puff pastry呢個招牌Wellington 羊肉超正，將傳統Wellington beef改成羊肉，羊肉煮得恰到好處，好lum好入味，酥皮仲好脆，又唔會包得太厚，連埋個甜甜地的汁同d茄子，成碟菜式好完滿！推介黎呢度必點！Pasta: 海鮮意粉 Seafood spaghetti跟住叫咗呢個海鮮意粉，料都好足，有青口、蝦、魷魚等，d汁有d龍蝦汁feel，不過d意粉就麻麻，可能我地嘆凍咗少少食，感覺無咁好。甜品：蘋果批 Dutch Apple Pie最後甜品點咗蘋果批，呢個係荷蘭式apple pie，有vanilla雪糕配襯，都幾好食，入面味道有d似Christmas cake嘅味道，唔鍾意呢浸味會覺得唔好食，我男朋友話有藥水味，但我覺得幾好食，有蘋果切片同提子乾等，係成餐飯好好嘅完結！食完最後大家都同門口好大棵聖誕樹影相，呢度慶祝佳節或紀念，飲下就食歐洲菜，係幾推薦大家黎食！…Read More