pppandaaa's Profile

係觀塘上完堂 記起朋友推介過一間必食海南雞飯既餐廳 係駱駝漆3座4樓 位置容易搵 行樓梯上去快過等lift12點鬆d去到 3/4滿座 餐廳光線足兼乾淨企理 枱邊手爭位靠落去唔會lup痴痴  ------  叫左個招牌海南雞飯+凍檸茶 $55+$7配有椰菜花絲同麻醬 幾清新解膩  湯有少量杞子幾甜 樓面哥哥落單送餐快靚正兼有禮貌 杯檸茶滿杯冇瀉 放食物位置剛好 杯檸茶幾好飲!!雞肉好爽好滑 咬落有彈性 有走地雞既感覺 唔知店家如何處理雞肉 同普通店食落有明顯分別 有水準 同埋平時食雞會走雞皮 但今次食埋 至於個醬就普通 有米紙揮春 唔知係咪接受過訪問? 有冇人知~好多台客都係食麵食類 走時見到係標榜無味精 下次再黎試下先 總結 雞好食 服務佳 建議早小小黎 可以慢慢食 走果時keep住有人係出面等位~…Read More

Lunch menu 11:30am to 5:30am, 大約1:15pm到達餐廳 見openrice滿滿正評 以為要等位 幸運地遇到幾枱客埋緊單 唔洗點等位就可以入座 , 2人被安排坐到window side sofa seat 對住樓景街景 但總算坐得鬆動舒服 唔洗聽到隔離枱客人講野先啦 ---叫左星期一午市精選$88新加坡海南雞飯送田園雜菜沙律, 飲品跟餐正價減10蚊,  叫左杯熱拉茶(但黎左凍拉茶T^T), 朋友叫左比目魚柳喇沙田園雜菜沙律: 大部分餐廳lunch set配送既沙律係好hea 依度既沙律菜好新鮮 配有適量橄欖油同黑醋 份量岩岩好 有點小驚喜 冇渣流灘 (唔記得影相) 海南雞飯: 油飯普通 (just like有油既飯) 飯粒偏冧身 雞肉量比想像中多 上排係雞脾肉 下排係雞胸(有肉食,唔係D墊底肉) 味道中規中矩 本身肉味偏淡 上碟已配有少量醬油 配埋個辣醬剛剛好 湯有dd味精feel 總結性價比正常 下次會想試其他野食 朋友話個比目食魚也OK…Read More

星期六下午黎到係觀塘小有名氣(黃氣)既丼瀛 lunchtime 12點多黎到冇book訂已經坐左8成 到1點已差不多full晒同友人點左刺身飯SET 如果唔要SET 可以單點 部份單點食品仲有折 海膽3色丼 $128 (8折)1格海膽/蔥吞拿魚腩/魚籽, SET包括湯/沙律/蒸蛋以$128價錢黎講, 海膽比想像中大塊, 足足1格冇偷工減料, 味道有微許腥, 所以之後撈飯食, 正!蔥吞拿魚腩食到有塊筋, 魚籽正常, 性價比一般~正常, 飯量比平時既刺身飯多, 總體中規中矩, 之後食單點也可以花刺身丼 $108 (8折)朋友order的丼飯, 有3文魚/劍魚腩/針魚/鯛魚/赤身片/帆立貝/甜蝦/蟹子同場加映店內裝潢LOVE…Read More

是日order (按上碟先後次序)湯/包挪威煙3文魚蘑菇寬條蛋麵Pizza(墨汁薄餅底)Parma Ham + Rocket乳酸特飲 (白桃x1  荔枝x1)黃金炒薯條Order完食物好快送上餐湯同竹炭麵包 係成餐最喜歡既食物個湯creamy足料 mushroom好香有咬口 麵包好鬆脆唔會太乾/熱氣感覺 味道唔識形容 (竹炭是什麼味?) 配湯一流 好想飲多碗   挪威煙3文魚磨菇寬條蛋麵份量/汁/麵軟硬度剛剛好, 不多不少,  麵條好實淨, 條條麵都痴晒汁, 3文魚份量也剛好, 但上碟3文魚size太細/碎, cut大舊D就好, 磨菇size比3文魚大好多倍......變左蘑菇做左主角Pizza(墨汁薄餅底)Parma Ham + Rocket餅底脆卜卜, 好食, Parma Ham不太咸, 芝士份量剛剛好, 蕃茄醬可以再多返D, 整體係好食, 但未去到好食到嘩一聲, 視覺效果加好多分黃金炒薯條 (見到個名已經知道是必叫啦)最遲上既dish, 期盼左成餐飯既時間終於來到, 第一啖放入口, yummy,但食到非常非常輕微既腥味, 粗薯條, 整碟入面有d係林身/有d係脆/有d係較硬, 係有小小失望, 亦可能是期望太高, 但毫無疑問, 係一碟超級惹味同食唔停口既side dish, worth to try and support!!!乳酸飲品好特別, 用心, 有gimmy, 泡泡沒有特別味道, 打卡一流7點半前check, 88折, 2人用餐, 約$400, …Read More

黎到屯門市廣場醫肚, 見到鮨千寿門口排晒隊, 一於試一試, 2位不用等~裡面ALL FULL, 一入去已經望到有7~8位壽司司傅係壽司枱密密做壽司~~燒青椒仔 $28 一黎到好大陣青椒味, 小妹不太好青椒, 但食落去幾好食, 冇陣青味, 甜甜地又爽口~ 雞翼串 $38 燒雞翼, 我鐘意食, 幾普通~甜蝦刺身 $48 夠新鮮三文魚壽司 $28 有光澤, 食落好fresh, 美味八爪魚壽司 $38 食落煙煙unun, 吸盤位爽口火灸左口魚裙邊壽司 $48 厚厚既魚邊群~~有入口溶化既感覺辣吞拿魚腩卷物 $78  waiter好細心, 講有個basket under chair can put bag~~…Read More

黎到屯門, 食完晚餐, 經過肥妹油渣麵, 口痕痕, 友人想吃串燒~叫左~原條燒茄子~燒三文魚腩~雞肉串~燒雞脾菇~五花茶埋單$8X, 燒物可以選擇微/小/中/大辣~講返條茄子, 配料係蒜,蔥,加D香料~ 即叫即燒, 好香茄子味, lumlum地, 一夾可以離晒茄子皮, 油左小小~老闆好好笑容~幾親切~~…Read More

今次晚上9點多黎到茶木 陪友人晚餐 自己叫了甜品~黑糖香蕉芋圓仙草 -> 材料有香蕉, 3色(黃/紫/白)芋圓, 大大粒紅豆, 意米, 蘆薈, 仙草材料比想像中多, 好足料, 黑糖水好香, 唔會太凍, 岩岩好, 但愈食到尾愈凍, 原來係有冰係個底未溶 haha桂圓紅棗茶 -> 唔知沖既配方係咪轉左, 個味好淡, 多左好多"琵琶花", 食埋桂圓肉, 好甜:-) 如果叫琵琶桂圓茶就岩D~炸雞排肉燥飯 (冇影相) - 友人係茶木既必叫之選~…Read More

九龍城的甜品店選擇好多, 而家甜品店好集中係一兩條街, 好容易令人遺忘小店甜品, 加上"小店"主打西餐+甜品, 裝潢有別一般甜品店~今晚突然醒起小店甜品, 所以同友人晚上10點多來encore, 發現小店對面店既小店甜品已不在了...所以去返主店"小店"...有冇人知係幾時close??甜品供應時間6pm~12pmSouffle with Vanilla $43Waffle with Sesame Ice Cream $40好睇好食好味 水準依舊 依舊有心思圖案 $83...物有所值 不解釋:-) waiter送上兩杯水(連樽bottle water refill) 食完甜品後飲杯水~perfect~~希望更多人來到小店 …Read More

一蘭進註香港後第1次黎食~ TST店分左兩種座位, 一種係日本一蘭既座位(獨立間隔), 另一種係香港座位(即圍住坐),  之不過一開始排既隊只係一條, 店員會走過來問是想坐邊一款既位, 應返個題目, 當日係坐日式獨立座位:-) 加上等獨立座位既人數比較小同等既時間旁邊仲有位坐~等左10分鐘到, 就有位, 店員招待既講日本既, 當堂有幾秒幻相自己置身係日本既感覺自助斟凍水~留意返獨立座位同圍住坐劃既紙係唔同既~味道同日本相若~湯底重豚肉味, 份量岩岩好, 麵既份量其實不多, 但夾埋個湯底就剛剛好~一條麵都冇淨~如果個麵係加底既話, 職員會比個銀仔小鐵盆仔, 到差不多時間自己可放上依個鐘仔, 咁店員就會送上加底既麵~食飽埋單經過洗手間, 馬筒係日式既, 不得不讚連日本風既洗手間都帶埋黎香港~ 加上有獨立既吹(手)風機, 感覺由如置身日本(誇張mode) …Read More

老牌餐館可以係各個年代屹立不倒 相信總有佢成功之處 今次星期5晚上8時多黎到 有張4人枱 不用等位太平館瑞士汁牛河 $120有點失望 畢竟係招牌菜 除左牛肉滑嫩足料 河粉夠滑 瑞士汁夠味之外 幾條菜幾老下 同埋河炒唔夠熱花旗砵酒豬扒 $125 賣相普通 不過不失 冇影相個汁幾特別 豬扒經炸過後幾滑 其餘配菜普通茶餐廳水準疏乎里 $140主角到喇 落單侍應生話製作時間30分鐘 食到差不多完送上左大大疏乎里 香噴噴 味道keep到水準 望住個疏乎里已經好療癒 留肚食疏乎里所以冇叫兩人餐 最後兩人成功complete成個疏乎里服務方面提一提 所有經驗侍應服務好好 反應快 可惜係黎到埋單時 經理張信用卡放係離持卡人最遠既枱邊位置 之後態度好冷淡講左句 "攞返張卡" 輕輕一嘆 經理level的服務比侍應們還差一點點…Read More

甜品時間黎到B仔涼粉~埋單俾錢老闆收錢係收唔停~今次千里沼沼食飽飯黎到B仔, 叫左鮮什果涼粉, 出名正既雞翼尖, 腸粉同蘿白首先, B仔有什果涼粉(HK$28)同鮮什果涼粉(HK$38), 相差10元, 一場黎到就叫左鮮什果涼粉(加好多好多花奶), 密瓜好甜, 水果算新鮮, 略嫌涼粉太多, 多到食唔晒, 哈哈再來, 雞翼尖, 食完1隻又1隻, 好味, SPICY又岩岩好, 但有D有雞毛..AND THEN, 腸粉同蘿白一般...............…Read More

晚上十時多, 友人係附近放學, 想搵個地方座下傾一陣, 經過店內入面有唯一的2人雅座, 餐牌有小妹喜愛的甜品,  加上平日經過時不時有一小堆人在等位, 所以一試餐牌有小妹喜愛既心太軟, 仲有綠茶version, 仲係come from宇治...(其實小妹係綠茶控,但隨住坊間愈出愈多(宇治)綠茶食品,有時見有新食品,去試既衝動都已經隨之減低, 而今次食既宇治綠茶心太軟可以話係冇驚喜下既驚喜)睇餐牌.....有點似曾相識既感覺, 就係同"抹茶館"好似.........有主打主食既拉麵/飯,同一系列既甜品, 不過依度有抹茶館冇既果茶..原先打算叫心太軟加杯果茶開心SHARING, 但原來果茶晚上10點就冇...嗚講返正題及去相~落單後店員有講要等候10分鐘~(合理)驚喜位係普通甜品店既心太軟只有舊心太軟加舊雪糕(再畫多兩筆JAM)都收你3~40蚊啦, 依度既心太軟形狀係心型不突止...仲有一大筆既綠茶mousse加3片薄荷葉, 其次係舊雪糕下底鋪左4,5粒類似糖份既固體狀糖品(食落小小鬆化...有冇人知係咩...), 再其次係有紅莓士多啤梨再罐頭PEACH (共3種水果)...收$46有以上既配搭, 小妹覺得算有交代, 再講舊主角..舊心太軟熱辣辣, 用宇治綠茶整唔會甜到好似扮綠茶既綠茶味,  舊雪糕就普普通通, 但夾埋心太軟食係岩岩好! 要提一提塊薄荷葉, 食到一半再食撈埋塊葉食個感覺好清新;-) 最後每次小妹食心太軟都好期待一杯舊心太軟後裡面既漿湧出黎.........今次都有依個效果;-) 可謂滿意滿意~~下次要試埋果茶~…Read More

好天氣 訓醒就想去咖啡弄飲杯台式飲品同食個包 年幾冇去食咖啡弄 上黎openrice睇先知而家有得訂座 即刻打去book位 答案當然係是日booking全full 只接受walk-in.....walk-in到大約12點半 前面只排緊7-8個人 等左十分鐘就叫到 仲可以揀搭枱定吧枱 咁當然係吧枱 唔洗面對係陌生人同隔離位手㬹撞手㬹 必食的玉米里肌起司可頌點餐時同侍應小姐講可頌切一半上 侍應小姐話冇問題仲溫馨提示話切一半上可頌個樣會冇咁靚最後可頌到左 個包面只係介左一半 外觀依然美觀 仲好方便 想點切都可以印度咖哩牛坑腩配飯小妹唔食牛 所以只試左咖同薯仔 咖哩好刺激囗腔 辣味持久 香料味不會太重 友人讚牛腩不會un 軟冧剛好草莓歐蕾如果怕沙冰會太凍 可以選擇叫歐蕾 甜甜地 士多啤梨控必點冰維也納咖啡一開始飲好濃郁咖啡味 撈埋cream焦糖碎同埋塊焦糖餅再飲仍然有好濃郁咖啡味仲帶點甜甜既焦糖奶味同好有口感 因為塊餅溶左 有驚喜窩夫配芝麻雪糕芝麻醬仲有葵花子濃濃芝麻味 好實在既窩夫 超級飽 滿足埋甜品胃另外要讚侍應小姐細心 放左個大紙袋係隔離個吉位 後尾有客 侍應小姐話知道吧枱冇乜位放袋 問如冇貴重物品 先幫手hold住 用完餐先拎返走時大約兩點, 排隊既人排到去樓梯尾。。。…Read More