SuyiKwan20040609's Profile

坚持咗整一個月on diet，終於都俾我捱到今個月嘅treat day啦！！睡飽出街特登來呢間新開嘅餐廳飲個早茶獎勵自己一個月嘅辛苦。點咗潮汕蒸粉果，生滾安格斯牛肉粥仲有香煎櫻花蝦蘿蔔糕。點嘅每一個點心都在水準線上。蒸粉果皮厚度啱啱好，外皮煙韌，口感好正，裡麵包住曬豬肉碎，韭菜蝦米等豐富嘅餡料，好對我胃口，正！生滾粥有兩款，鮮魚片同安格斯牛肉，我揀咗牛肉嘅。生滾粥一個人食好大煲喔火候十足，米粒綿密但又唔會太過爛，牛肉嫩滑鮮甜，我飲咗兩大碗，好味!蘿蔔糕外皮煎得金燦燦，中間口感軟糯，櫻花蝦嘅鮮味同蘿蔔糕融和得非常之好，呢碟都食得好滿意。非常滿意嘅一餐treat meal!下個月要繼續俾心機work out，下一餐treat meal 或許仲要來多一次，叫埋朋友，可以點多幾個菜試下味！…Read More

同事呢排日日来食午餐，今日我都同佢一起来！我食招牌厚切吉列豬扒飯配洋風咖哩汁，吉列豬扒食得出系厚身的豬裡脊，炸衣香脆，肉質鮮嫩，好对我胃口！空口食豬扒就已經好有滋味，一啖接住一啖，完全停唔到口！猪扒饭嘅咖喱汁亦系我中意嘅味道，猪扒同咖喱汁一齐捞饭食落就系另一個level，好送飯a!食晒真系好饱好饱，美味又抵食吖！…Read More

試咗佢嘅泰式生蝦刺身，冰凍彈牙，膠質滿滿，泰式海鮮汁一淋，鹹辣惹味，好正！再講鹽燒盲鰽，條魚大隻抵食，魚肚入邊塞滿香葉南薑香茅，烤出黎好juicy，味道好鮮。仲有嗰泰式蒜茸包，$48一個，熱辣辣新鮮出爐，蒜蓉香噴噴，咬落酥脆鬆軟，真係食過返尋味！…Read More

返工完又同朋友搵食，順路再來元朗逛逛。呢日雨濛濛，行到鳳攸北街，發現間Sole Coffee，就試下佢嘅Deluxe All Day Breakfast，$118真係幾抵食！腸仔、煙肉、黑松露炒蛋、薯餅、煙三文魚，樣樣齊全，份量好足。特別要讚佢個酸種麵包，外皮烘得脆卜卜，牛油香濃，單食已經好滿足，真係正！…Read More

次次來美孚一定會來呢間知名車輪餅小舖食完車輪餅先捨得返屋企最鍾意嘅口味係台式芋泥車輪餅，手工芋泥用料好足，唔會太甜。個餅皮氣孔十分完美，鬆軟Q彈，一啖落去，整口都係芋泥嘅香味，加埋拉絲嘅麻糬，食感好豐富，不愧係我嘅top 1！手工熬煮紅豆車輪餅其實都好味，紅豆餡料綿密細緻，香甜可口，呢個係我嘅top2。呢次試咗一個我未食過嘅流心牛乳咖啡吉士麻糬味，一d都唔會苦，好爆漿啊，都幾好味。食完甜品心情好好！…Read More