serendipity1013's Profile

一入到去見到未有位，我哋同店員表示我哋可以等，所以企咗門口位置等位，之後有班大人同小朋友入嚟，佢哋一入去就睇有冇位，剛好有一枱客人走，佢哋就一嘢去咗坐，再有另一班遊客入咗嚟又比佢見到有位就坐咗落去，店員完全冇阻止，要我自己出聲兩枱客人都仲係扮唔知，最後有第3枱客人走先到我哋坐。食物方面，叫咗個山羊芝士波菜批同煙三文魚多士，山羊芝士個人唔係太鐘意，$85，多士普普通通冇烘過，冇期望的尚算正常，$95，睇到價錢坦白講覺得唔值，再叫咗兩杯西柚梳打，好耐都未到原來漏咗，嚟到原來係罐裝再加一杯冰。所有嘢加埋整體體驗好差，榮幸可能成為咗依間餐廳嘅第一個差評，可能係我哋唔好彩又遇著啲咁混亂嘅客人，店員未識處理，同時希望餐廳可以處理等位嘅問題（至少應該要知道邊位客人係等緊先）…Read More

有時我哋會形容一啲唔係典型有禮貌嘅人做「有態度」，就好似依個眼鏡光頭佬老細咁，本身都知佢係一個「有態度」嘅人，但聽一兩個喺新蒲崗返工嘅朋友都話好食，就食過兩次咁大把，第一次同同事一齊買叫做冇乜事發生，但都戰戰兢兢，買過第二次之後就決定唔買了。嗰晚放工買嘢食上去朋友屋企，朋友即將離港，所以諗住買個香港特產雞蛋仔比佢，另外要再買兩碗米線事前已經驚遲咗去拎要受佢氣，已經去咗叫米線先，再去買雞蛋仔，等埋先再去拎米線，而咁啱嗰日冇帶環保袋，所以諗住問吓有冇膠袋袋住比錢前有禮貌請問佢有冇膠袋，就比光頭佬黑面：「用少啲膠袋啦」我亦表明自己轉頭要去拎外賣，冇手拎，光頭佬扮聽唔到冇再出聲其實我只係純粹想問一問，如果要比錢我願意比，如果冇亦可以以基本禮貌表示冇，更何況佢只係一間正常味道嘅雞蛋仔/格仔餅舖…Read More

之前睇某youtuber介紹咗佢朋友嘅依間餐廳，見啲嘢食好似幾吸引，bookmark咗好耐，終於有機會去。去之前早幾日book定位，到當日早咗啲到，又好肚餓，就諗住去問吓睇吓有冇得早啲入去。去到開門等咗一陣見無人招呼，行入去問個男店員有冇得早啲入，男店員話要到我book嗰個時間先有位，冇問題～到book嗰個時間，我好準時地返到餐廳，開門時咁啱該男店員見到我，佢又再問我有冇book位，我亦立即答佢我book幾多點，佢叫我喺出面等一等。等咗一陣，有兩組客人遲過我嚟嘅都入咗去，男店員完全無視我直接同之後嘅客人對電話，我猜測可能我book嘅次序遲過人哋？（但店員從來都冇問過我電話號碼/名，所以佢理應唔知我個次序？）點知到佢閂門嘅時候更加同我對望咗一眼就閂咗門，完全冇諗住同我講我係要繼續等定點？當時都過咗我book嘅時間，亦唔見得裡面仲有吉位。完全感到被無視同唔知要等到幾時嘅情況下，即刻過咗對面間2soon cafe，唔洗等位又好食～之後同朋友講返成個過程，朋友表示佢上次食嘅時候已覺得環境較逼，餐廳店員上菜時亦唔識望住張枱就擺低碟嘢，差啲跌落地……未食到已取消bookmark，附近都有好多cafe，唔需要去依度了～…Read More

等位攞飛無論幾多個人都係A飛，現場吉位都係二人位，所以店員會順number叫飛。我係攞咗3人，店員叫到我張飛嘅時候，問我有冇小朋友，如有可以坐二人位，我答佢冇，全部大人。之後等到有一張4人枱食完，滿心歡喜應該到我，店員依個時候竟然叫比我遲嚟嘅number入座，我即刻問返佢點解我仲未可以入。店員竟答我：佢哋比我更早confirm齊人，我一頭問號？指出佢剛才問我係有冇小朋友，而冇問過我是否齊人，更何況我由一開始都已經齊人……店員先陰聲細氣表示下一張補返比我，下一張你係要比我啦，唔係補返比我….之後亦都冇任何道歉。未入得座嘅客人佢有mark低，但原來mark完都係廢嘅～🙂…Read More