lsydaydayeat's Profile

座擁維港靚景既瀧宴鐵板燒, 依定晚市套餐做緊63折, 有龍蝦、鮑魚、和牛食, 真係大癲! 午市最平亦都只係$280, 真係好抵食!!💰瀧宴 宮崎和牛龍蝦套餐 $980🍽️ 季節前菜 共三款季節前菜,有日本湯頁、白子同一個有蟹肉、大蝦等既海鮮沙律🍽️ 季節刺身 3款有吞拿魚, 鮮蝦刺身同一款白身魚, 三款都非常新鮮, 尤其係個吞拿魚, 軟嫩無筋🍽️ 瀧宴特式散壽司擺盤非常精美, 面頭鋪滿海膽三文魚籽, 然後有各式刺身角切, 最底則係壽司醋飯🍽️ 海鮮茶碗蒸🍽️ 季節吸物🍽️ 汁煮愛媛縣鰤魚鮫魚鮫煮得非常軟腍入味, 而且魚鮫亦非常厚肉, 味道鮮甜惹味.🍽️ 野生生猛龍蝦睇住師傅係魚缸即席撈出龍蝦, 龍蝦size非常巨大又生猛, 蝦肉彈牙,師傅亦會用龍蝦膏整成醬汁, 淋係龍蝦面, 令蝦鮮味更加濃郁🍽️ 南非鮑魚不同於龍蝦既處理手法, 師傅強調鮑魚著重食返佢本身既海水鹹鮮味, 所以只有用無鹽牛油調味, 食落亦真係鮮味十足, 而且非常爽彈.🍽️ 日本宮崎和牛和牛粒有入口即溶既口感, 油脂香係口中爆發, 再加上鐵板過後牛粒表面既焦脆, 香味十足好好食, 建議可以蘸小小伴碟既海鹽,牛味會更濃郁.🍽️ 煙肉香蒜炒飯炒飯呈金黃色、粒粒分明, 除咗加入咗煙肉之外, 面頭仲鋪上半熟煎蛋, 等蛋黃可以滲入炒飯當中, 令香味更提升.🍽️ 炒雜菜🍽️ 是日精選甜品…Read More

慶生必到抵食日料, 除咗多款刺身、生蠔半價, 連啤酒都係半價, 仲有免費畫碟服務, 門口既LED螢幕又可以提供相片投射, 想比生日驚喜朋友, 呢間真係好適合.🍽️ 「半價 」時令韓國生蠔 半打$145生蠔好大隻, 蠔身飽滿爽口, 蠔鮮味濃郁, 配上日式柚子醋後, 味道更加清爽鮮甜. 🍽️ 「半價」 活伊勢龍蝦刺身 $398呢個絕對係必叫之選, 用上日本伊勢龍蝦, 上碟時龍蝦頭仲郁動緊勁新鮮, 蝦肉超級爽彈、鮮味, 仲要半價真係好抵食!🍽️ 「半價」 黑白啤 $39麒麟一番榨黑白啤、黑生啤、生啤, 三款都係半價, 而且黑白啤仲係500ml 大大杯.🍽️ 特選刺身盛 $238總共有6款不同刺身, 包括特大海蝦、油甘魚、三文魚、吞拿魚等, 每一款都非常新鮮🍽️ 海膽龍珠卷 $168用紫菜包住海膽、本鮪魚腩蓉、醬油漬蛋黃, 蛋黃超大粒, 上面仲舖上金箔, 用料完全唔吝嗇, 餡料好豐富.🍽️ 青龍 $88炸蝦卷物, 外國裹上海苔, 入面炸蝦亦都非常香脆.🍽️ 姬路刺物定食 $280共有5款刺身, 吞拿魚腩、三文魚都勁肥美, 仲有一款特選刺身應該係甘目鯛刺身嚟, 定食仲會有茶碗蒸、沙律同魚湯.🍽️ 旗本 壽司定食 $255總共8款壽司, 包括中吞拿魚腩、𩶘魚、本鮪赤身醬油漬、大海老、玉子燒等, 壽司除咗用料新鮮外,佢地個醋飯都好唔錯, 帶有醋香唔會過酸.🍽️ 開心果巴斯克蛋糕 $55只要單點甜品, 就可以享有免費畫碟服務, 如果有指定圖案,需要預早兩日WhatsApp餐廳, 至於個巴斯克蛋糕, 口應非常幼滑, 唔會過甜, 好好味.…Read More

係灣仔開業不久既日式屋酒屋小店, 店內裝潢充滿日式風情, 加上日藉店員, 同日本主廚, 就連食物例如一夜干等都好地道, 真係令人有至身於日本既感覺.🍽️ 雞肉餃子 $58餐廳自家製既雞肉餃子, 外層炸至酥脆, 入面塞滿雞肉餡, 咬落仲有小小肉汁, 幾juicy.🍽️ 燒牛舌 $108牛舌表面燒得焦脆, 每塊都有一定厚度, 內裡肉質嫩軟嫩又爽口.🍽️ 日本蒲燒鰻魚 $88鰻魚塗滿焦糖既鰻魚醬汁, 味道鹹甜並重, 肉質新鮮彈牙, 而且又厚肉又肥美.🍽️ 玉子燒 $68口感鬆軟綿密, 味道香甜, 仲可以配埋明太子, 令鹹鮮味更加提升🍽️ 花魚一夜干 $128花魚非常大條, 食落啖啖肉, 唔會太多骨, 肉質結實有口感, 但同時又仍然保持鮮嫩, 而且醃製得非常入味, 鹹香度十足.🍽️ 串燒 豬五花 $33｜雞腿肉 $38｜銀杏 $22無論豬五花定雞腿肉串都唔會燒得乾柴, 只係簡單既調味, 但都好好食.🍽️ 鐵板意大利麵 $加入咗香腸、洋蔥、青椒等, 再混合濃稠既茄醬, 同一般食到既意粉好唔同, 多咗一層香甜既味道, 好有日式風味.…Read More

由日本師傅座陣既鮨政, 係一間位於上環既壽司小店, 星期五更加開到凌晨2點, 以後宵夜都可以有壽司食!!🍽️ 鯛魚拉麵 $128個湯底真係好正, 飲得出係真材實料熬製, 無味精, 亦有淡淡魚香,再配上嫩滑既鯛魚片, 味道唔會太過濃郁太鹹, 剛剛好.🍽️壽司併盤 $480有14件手握壽司同6件三文魚卷, 壽司有吞拿魚、三文魚、帆立貝、鮮蝦等, 每款壽司上面既刺身都好厚切, 食落好有口感, 而且用料亦非常新鮮.🍽️ 鐵板燒魷魚 $188鐵板魷魚上碟熱辣辣, 充滿醬油香, 非常入味, 而且唔會過韌, 仍然保持爽口.🍽️ 火炙鰻魚壽司 $55舖上有一大片厚肉鰻魚, 上面塗滿鰻魚燒汁, 味道香濃, 肉質亦非常軟嫩🍽️ 和牛壽喜燒 $360係餐廳既新推出, 可以加錢配埋烏冬、飯等, 牛肉雪花好靚, 亦都充滿肉香味, 肉質嫩滑, 配以壽喜燒醬, 甜味十足更加好好.…Read More

比我係東京過江龍和牛燒肉店- 銀座炎藏燒肉, 搵到個幾抵食既set, 可以一次過食哂豬、牛、雞肉共十款, 另外仲有啲稀有部位, 好似友三角、貝身等, 非常值得一試.🍽️ 舞·特盛 2-3人前 $698平均每人二百幾蚊, 就食到十款豬、牛、雞肉, 當中仲有埋和牛, 唔洗自己煩惱食邊樣.- 和牛4點併盤包括有和牛上等肋肉、上後腰脊肉、和牛鞍下, 和牛羽下. 睇得出每款肉既雪花分布都好平均, 當中大大片既和牛鞍下, 口感軟嫩, 輕輕一燒油脂香就全部釋出. 另外上後腰脊肉則肉味濃郁, 亦都佈滿雪花.- 夢之大地豚三味包括有豚肋肉、豚里肌肉同豚肩胛. 豚肩胛油脂較多, 重口味既朋友仔應該會鍾意. 另外, 豚肋肉、豚里肌則油脂比例較適中, 比較有口感.- 日本產雞肉三味包括雞腿、雞頸柳、雞胸, 又係唔同口感既雞肉都有, 雞頸柳好爽口, 雞腿肉質嫩滑, 雞胸則較為結實.🍽️ 石鍋和牛牛肉拌飯富濃郁牛肉香氣, 仲有脆卜卜既飯焦.…Read More

主打「泰西fusion」菜, 位於K11 Art Mall, 位置非常方便,裝修明亮闊落,環境唔錯, 食厭傳統傳,不妨約朋友試吓呢間🍽️ 脆炸軟殼蟹米子卷 配牛油果醬 $78軟殼蟹炸得香脆, 蟹肉結實, 加上煙靭既米紙卷, 食落有雙重口感, 再配上順滑嘅牛油果醬, 味道酸甜, 幾開胃.🍽️ 泰鹹蛋黃金單骨雞翼 $78一共有10件份量都唔少, 每件雞翼都被炒到起沙嘅鹹蛋黃醬包圍, 鹹香味十足, 雞翼非常脆口, 非常惹味🍽️ 棕櫚糖炭燒三黃雞 $188/半隻三黃雞入口充滿炭燒香, 雞皮帶少許焦香同油脂, 雞肉亦十分嫩滑, 肉質一啲都唔乾柴, 建議一定要蘸埋餐廳嘅泰式辣汁, 味道會更豐富更加好味🍽️ 大蝦冬陰功海鮮燉飯 $158冬陰功既酸辣香味完全匯入燉飯當中, 所以非常入味, 海鮮有魷魚、大蝦、青口等, 配料幾豐富,蝦肉亦結實唔霉, 燉飯辣勁十足, 鍾意食辣嘅朋友叫呢個啱晒.🍽️ 阿閒泰奶綠 $48…Read More

2025 米芝蓮推薦既三原鐵板燒, 全店以日藉師傅主理, lunch set $480, 連埋甜品有7道料理, 呢個價錢真係幾抵, 難怪當日去到係全店滿座, 建議想食的話一定要提早預約.💰Lunch set $480/位🍽️ 芒果醬沙律🍽️ 鐵板蟹肉茶碗蒸茶碗蒸加入咗鰹魚高湯增加鮮味, 入面仲有銀杏、冬菇, 上面舖滿蟹肉蟹籽, 茶碗蒸超級嫩滑.🍽️ 北海道帶子 有煎脆咗既粟米鬍包裹住大粒北海道帶子, 上面再加上蟹籽同他他醬點綴, 口感外脆內嫩, 北海道帶子厚肉又鮮甜, 仲可以配上日式蕃茄醬添加風味.🍽️ 鐵板銀鱈魚師傅會即席將魚皮同魚肉分離再煎, 令魚皮達到更香脆既效果, 銀鱈魚非常嫩滑, 帶小小牛油香, 啖啖肉好好味, 連同擺盤亦非常精緻有心思.🍽️ A4宮崎和牛薄燒用咗壽喜燒手法去烹調, 宮崎和牛雪花均勻, 入口肉味香濃, 香煎後師傅會加上壽喜燒汁調味, 另外會配上大蔥、冬菇等. 仲可以蘸上日本蛋黃, 口感會更順滑.🍽️ 炒飯加入咗煙肉碎、洋蔥粒等, 呈金黃色而且炒至粒粒分明.🍽️ 赤麵豉湯🍽️ 自家製雲呢拿Gelato…Read More

日藉師傅主理 正宗關西壽喜燒 可以話係我近期食過最好味壽喜燒, 因為主廚板垣和幸先生已經有逾 25年經驗, 店內位置唔多, 而且生意非常好, 建議想食的話一定要提前預約. 💰絢 AYA $480🍽️ 南蠻雞伴茄子 配以酸甜汁冰涼開胃, 雞肉嫩滑🍽️ 蟹肉菜碗蒸充滿一絲絲蟹肉, 蛋香濃郁順滑🍽️ 壽喜燒師傅會先灑上白糖,再倒入自家調製既壽喜燒醬汁, 然後加入牛肉煮香, 秘製醬汁令牛肉增添一種焦香、濃甜既味道, 完全係整道壽喜燒既重要靈魂之一山口県產黑毛和牛 ｜ 鹿兒島產黑毛和牛牛肉部份分別有2款不同既黑毛和牛, 兩款油花都非常均勻又豐盈, 有入口即化既口感, 配搭埋壽喜燒醬, 香味更加無與倫比.🍽️ 野菜併盤用上丁字麩豆腐, 仲有冬菇、野菜、洋蔥等, 全部都充份吸收哂香甜既壽喜燒醬, 非常入味.🍽️ 北海道夢美米御飯每粒地都飽滿有光澤, 而且粒粒分明, 口感柔軟帶有清甜米香味.🍽️ 甜品十勝紅豆配雪糕…Read More

能夠係旺角呢個競爭咁大既區, 屹立咁多年就知呢間餐廳有啲料到, 叫咗4款菜式, 但每款都好特別又有創意, 味道都非常唔錯.🍽️ 特製茶漬鯛魚 $268鯛魚本身肉質有彈性又柔軟, 茶漬過後入口時食到淡淡茶香, 味道淡麗, 係一個幾特別組合.🍽️ 外星蠔 $138特別加上乾冰, 營造煙霧感, 蠔肉亦帶小許煙燻香, 已且飽滿juicy, 再配上三文魚籽, 天婦羅紫菜增添口感.🍽️ 油封夢王多士配雞肝醬 $108深黃色既夢王蛋黃呈半凝固, 食落蛋味香濃口感順滑, 再配上烤脆既多士同幼滑既雞肝醬, 味道厚實濃郁.🍽️ 金澤蠔釜飯 $268釜飯面蓋上多隻飽滿鮮甜既金澤蠔, 仲有三文魚子、本菇、乾蔥等, 材料非常豐富, 釜飯亦都煮到入哂味, 米飯粒粒分明, 充滿光澤, 非常好味.…Read More

之前食過朗豪坊the jeju覺得好好食價錢又抵, 知道佢地中環開咗新分店, 所以今次特登約埋朋友一齊食.Beef A set $658🍽️ 拌菜共有6款拌菜, 有醃洋蔥、魷魚漬、黑豆、菠菜等.🍽️ 牛肋骨肉200g + 牛板腱肉100g2款肉質都好軟腍, 肉味濃郁, 牛肋骨肉會較有咬口, 因為全程有店員代烤, 佢地將熟度控制得剛剛好, 咬落肉汁豐富, 仲可以配埋石板上既泡菜、雞髀菇等配料一齊食.🍽️ 韓式粟米芝士蒸雞蛋 $68新鮮出爐個蛋蒸到漲卜卜, 賣相好吸引, 上面仲舖滿咗拉絲芝士同粟米, 蒸蛋夠嫩滑一啲都唔老, 配埋芝士仲多咗一層奶香味.🍽️ 炸醬拉麵 A set餐會跟炒飯或者炸醬拉麵 , 仲可以額外加埋芝士、炒蛋, 炸醬麵味道甜鹹並重, 仲加入咗雞髀菇、洋蔥等.🍽️ 烤糯米糕 $78外層烤得焦脆, 內裡軟糯煙韌, 成個糯米糕沾滿黃豆粉, 仲有煉奶, 幾香甜好味.🍽️ 芒果奇異果沙 $48🍽️柑橘百香果梳打 $48…Read More

位於中環九如坊既Omakae杣,京都庭園式既裝潢,比人一種平和寧靜感覺, 全部用上最當季既食材, 師傅亦會細心講講解, 等客人可以慢慢品嘗每道料理.💰Dinner Omakse $1980🍽️ 先付烤鱈魚片｜北海道章魚 配 長野蕃茄🦀 勢子蟹 亦即係「香箱蟹 」, 含有豐富飽滿內子外子 , 食落口感爽脆, 充滿蟹黃、蟹籽既鮮味.🍽️ 刺身赤貝 ｜ 石鯛魚赤貝非常爽脆, 富有海水鮮味, 石鯛魚肉質好有彈性, 味道清甜, 薄切處理令口感更清爽.兵庫縣生蠔｜春子鯛 生蠔飽滿肥美, 味道甘甜又爽口, 春子鯛刺身用脆紫菜包住做咗個卷物, 味道淡雅口感爽彈.🍽️ 煮物法國乳鴿無諗過係Omakase會出現法國乳鴿, 好有驚喜, 乳鴿皮燒至香脆, 乳鴿呈粉嫩顏色, 夾起時肉汁清晰可見, 非常juicy.北海道大閘蟹蟹蓋盛載住一疏疏滿滿既蟹肉, 肉質清甜結實仲非常鮮味, 品嘗過原味後可再加入蟹醋, 令蟹鮮味更加提升.🍽️ 松茸蟹肉羹除咗蟹肉入面仲有一絲絲松茸同黑松露, 令原本清甜既蟹肉羹增添獨特既香味.🍽️ 壽司五貫當中最喜愛一定係拖羅同秋刀魚, 分別有中拖羅同大拖羅, 2款肉質都軟嫩甘香, 大拖羅更係油脂香出眾, 當季既秋刀魚特別肥美, 配個醋飯令魚鮮味、肥美感更突出.🍽️ 赤出汁係味噌湯既一種, 但感覺味道比一般味噌湯更加濃郁, 入面亦配合咗洋蔥、豆腐等湯料.🍽️甜品北海道粟米泡芙好有誠意既甜品, 內餡食到creamy又香濃既粟米味, 上面再裹上焦糖, 泡芙本身亦非常香脆.…Read More

無諗過係素食店都食到三文魚, 無論口感味道像真度都100%, 仲有好多其他新式素菜, 有pizza, 點心, 片皮鴨等.🍽️ 素食三文魚併盤 $68賣相已經非常吸引, 三文魚有哂紋理, 又夠厚切, 口感好彈牙嫩滑, 仲做到有三文魚既鮮味, 真係好神奇.🍽️ 台式叉燒刈包 $68刈包包體好軟熟, 入面夾咗素叉燒粒, 仲有炸素扒, 叉燒粒調味好香甜濃郁, 幾有口感又惹味.🍽️ 日式芥辣蝴蝶蝦 $78芥辣醬仲加咗蜂蜜, 小小甜甜地既味道, 蝴蝶蝦炸得香脆, 口感好彈牙.🍽️ 粟米濃湯佐湯翡翠苗 $98呢個配搭都幾有驚喜, 粟米濃湯杰身得嚟又順滑, 粟米味、奶香味幾香濃, 同翡翠苗都幾夾.🍽️ 珍貴苜蓿芽手卷 $38/件素三文魚手卷, 望落同真三文魚手卷真係無咩分別, 食落味道都好相似, 用脆口既紫菜包住手卷, 再加上苜蓿芽, 更添口感.🍽️ 酥皮pizza $138Pizza皮超酥脆, 上面舖滿拉絲芝士, 仲有一塊素火腿, 新鮮焗起熱辣辣, 好好食!🍽️ 栗子烤奶 $38有淡淡烤栗子既香味, 底下仲有粒粒栗子.…Read More

中環精緻日本料理OODS逢星期六、日推出dinner feast,除咗可以選擇1款主菜之外, 仲有2.5小時free flow小食, 包括串燒、刺身、卷物等超過30款選擇.OODS Dinner Feast $648/位🍽️ 主菜12款主菜當中有壽司、魚生飯、鰻魚飯、西京銀鱈魚、A4黑毛和牛等, 選擇非常多.- 雜錦魚生飯 有三文魚、吞拿魚、白身魚、魷魚、三文魚籽等, 壽司醋飯酸道適中, 刺身亦夠新鮮.- A4黑毛和牛三食一片片粉嫩既A4和牛舖滿整個飯面, 肉質柔軟, 雪花均勻, 品嘗原味之後再沾醬汁, 有三種食法.🍽️ 任點小食- 刺身白梅醬油甘魚｜海膽魷魚｜真鯛魚｜北海道八爪魚｜帆立貝必食帆立貝刺身、白梅醬油甘魚、北海道八爪魚, 帆立貝鮮甜厚實, 油甘魚甘甜滑嫩.- 卷物天扶良蝦卷｜汁燒牛肉青瓜卷｜加州卷｜蟹柳卷- 串燒免治雞肉棒｜雞軟骨｜汁燒雞肉串｜ 雞腎串｜魷魚串免治雞肉棒帶小小雞軟骨既脆口感, 雞肉串入口有濃郁既日式燒汁香.- 鐵板鐵板牛油太子貝｜ 鐵板芽菜另外佢地仲有吞拿魚脆餅, 茶碗蒸, 甜品有和菓子、日式蛋糕等, 種類真係好多, 食完要棒住個肚走.…Read More

最平$258食到6款海鮮, 仲有埋肉類、丸類、炸物、粥或者麵, 其實真係好抵食, 朋友都話下次要再嚟. 想食多啲海鮮都可以揀佢地八府巡按套餐, 有成9款海鮮咁多, 有龍蝦、貴妃蚌又有蟹或者蟶子皇, 肉類亦會升級做安格斯牛, 都好抵食.—————————————————————🍽️炸物 ｜沙律2個套餐各有章魚小丸子、炸雞翼🍽️ 海鮮白蜆｜蝦｜元貝｜鮑魚｜貴妃蚌｜蟶子皇｜鮮魚片｜龍蝦｜北寄貝白蜆肉漲卜卜非常飽滿, 貴妃蚌都好大隻, 跟返餐廳建議時間去蒸, 味道好清甜juicy, 另外鮮魚片、蝦等肉質亦十分彈牙, 龍蝦亦好新鮮, 我地今次揀咗蟶子皇, 口感爽脆好大隻.🍽️ 肉類安格斯牛肉、豚肉片、雞腿肉三選一🍽️ 丸類牛骨濃汁牛丸｜薑汁皮蛋貢丸｜招牌墨魚丸佢啲丸真係好好食, 特別係個牛丸, 超彈牙牛味香濃, 皮蛋貢丸呢個配搭亦意想不到地夾.🍽️ 蟹膏蟹肉粥 +$28見住店員將成碗蟹肉加入粥當中, 再加上個粥底吸收哂之前海鮮既鮮味, 所以個粥鮮味、蟹味都特別香濃.…Read More

又到大閘蟹季喇!!每年一次既大閘蟹季真係不容錯過, 銅鑼灣既洪記三陽號地點勁方便, 專門售大閘蟹, 每日新鮮到貨, 社交平台仲寫明唔靚/死蟹一律包換.果日買咗3隻公3隻乸既大閘蟹, 舖頭姨姨都好好人會逐隻幫你揀, 果然真係隻隻都爆哂膏, 蟹公除咗黃膏之外, 都爆哂白膏, 勁好食! 蟹乸既硬膏蟹黃味都好濃郁, 各有唔同口感買蟹仲會送埋蟹醋、糖、紫蘇葉、薑茶、蟹剪, 全部幫你準備好哂,勁方便! 襯依家仲係大閘蟹當造季節, 應該都會嚟買多次!…Read More