lmk's Profile

到澳門HEA遊2天，揀間靚靚打卡餐廳食嘢。因為係星期5，又係澳門假期, 不過冇BOOK位到OK, 冇咩人。餐廳門日係一個打卡位, 不過比人坐左, 到我地食完到冇機會坐埋去打卡, 有點可惜.本身裝修係白色牆身+鏡，因為XMAS 多左好多裝飾, 好靚，我地4個人叫左5樣食物. 份量足. 細食既可以叫少D.…Read More

晚市2人分享餐，$988 /2位用前菜+主菜+甜品+飲品環境空間感好足夠 mgm聖誕裝飾環境又好靚 每個醬汁到非常有水準 有層次 完全提升晒食物既質素 因為係餐 飲品同甜品選擇較少 但仍然唔錯…Read More

朋友生日見呢間餐廳個景幾靚就試下.   係新派泰菜, 食物味道造型也OK, 不過也沒有什麼大驚喜. 因為景靚, 比較多人, BOOK了6:30, 6:15去到也不能入坐. 要去樓下等, 如果BOOK戶外係需要準時入坐. 而用餐時間是630-830PM. BOOK檯時是知道的, 也比了DEPOSIT (每位$100). 而每位最低消費$350 (不計加 一).不過就唔知道如果830PM用餐時間夠了, 而你唔走, 就會每人收$150. 店員話比DEPOSIT時, 已SENT左MESSAGE通知, 不過MESSAGE係冇提過超時要收錢. 如果人多既話要留意下唔好超時, 店員同你埋單時會再提醒, 如果你唔走係要加錢.另外, 切餅費也是一早知道的, 要收$150, 但有2個朋友生日, 帶了一個蛋糕及一個大牛角包去, 佢話要收2次切餅費. 最後同店員講左幾句, 我地個牛角包唔會係度食, 只係影下相, 最後店員話我地消費都夠了, 就收一次切餅費. 如果要帶2個蛋糕既就最好問多句. …Read More

芫茜點心放題, 諗住酒店入面既酒樓應該好正. 食完非常之失望. 芫茜蝦餃燒賣, 只係見到涵料入面有D 綠色, 係有加芫茜, 但唔濃味.芫茜饅頭冇芫茜味,但你會見到有點點芫茜芫茜腸粉同一般腸粉冇分別芫茜鯪魚球係翻炸, 因為個皮好韌,芫茜素餃係最好味既!芫茜和牛酥一般味, 又係冇芫茜味而最濃芫茜味既係鮮竹卷, 但其實只係將普通鮮竹卷加上芫茜湯之後就係食左小小佢既其他一般點心, 全部到係好普通酒樓點心既味道, 食完係唔會記得最後計埋加一每位要200蚊, 我就真係唔會再去. …Read More

預早一個月BOOK先BOOK 到2PM個一場(限時4PM要走), 而4PM個埸係冇限時所以仲難BOOK.內部裝修係唔錯, 不過望出去係酒店大堂門口望住停車場, 有D 失望.一來到先揀飲品, 我揀EARL GREY TEA, 我覺得比半島好飲. 之後先上咸點, 每人有6款咸點 加 一片三文治.我覺得最好味係三文治, 而6款咸點到OK好味, 反為酒店推薦既鵝肝MOUSSE就唔太好味.之後上SCONE + 貝殼蛋糕仔, SCONE SIZE好大, 食半個已夠, 有提子味同原味, 一人一個; 而最正唔係個SCONE而係佢個橙醬, 好香好FRESH好好食!之後甜點係有餐車推出俾你揀, 共有6款. 可以任食, 但太飽啦, 每樣揀一件SHARE食.大致上到係一般既甜品, 最鐘意係佢個焦糖芝士蛋糕, 好好味. 不過酒店不定期換款. 下次可能食唔番.再之後到係甜點, 不過全部到係朱古力味, 係有7款, 可能本身已經飽, 睇落好似唔係好吸引. 不過到係要每款試下SHARE食. 先講2款朱古力, 認真講我係覺得難食….同行4人到係認為難食.而3款朱古力蛋糕就係好普通, 食完唔會記得. 最後再來2款白朱古力, 超甜, 頂唔順. 總結, 埋單每人$398, 價錢算合理; 如果咸點可以多D 就好. 另外, 如果係大食既人, 甜點任食其實係好抵食.…Read More

朋友生日話見到個花膠雞湯睇落幾好, 甘就揀左大笪地!花膠雞湯只係OK, 仲有D味精, 而花膠只係個D花膠粒, 口感係好爽好韌透透地明既, 同佢張相係唔同既, 唔可以話佢係假花膠但一定唔係平時個D正常花膠. 海鮮叫左花竹蝦, 幾大隻, 40蚊一兩, 差吾多50-60蚊一隻, 全部到係新鮮, 好彈, 但冇咩蝦味.另再叫左一條900蚊象拔蚌, 係幾鮮甜既. 而其他食品到係一般貨色, 唔多講.但有幾隻丸類到唔係幾好食, 最奇怪有一隻包心丸有D 肉碎有D 汁, 食完係唔知係咩肉做. 而座位到幾迫下, 連侍應要放底食物到冇位過, 要我地自己幫遞來遞去.因為太迫, 所以冇SIDE TABLE放食物, 有個侍應直頭就甘比碟野我地拎住就想走. 完全冇諗過方法幫你去執好D 位放食物. 我地要自己將D食物倒埋一碟空出個位先放到.最後, 因為有朋友生日, 飯後食蛋糕, 侍應只係執晒D碟冇抹檯就放底個蛋糕, 再叫佢抹檯佢到有做, 不過係唔應我地, 拎塊布係甘易抹下. …Read More

其實已經食過上品幾次, 仲有介紹比朋友因為覺得好好食, 而對上一次係2月時食過到冇問題, 水準保持到. 但剛剛早2日去食, 好失望, 直頭好似轉左廚師一樣. 一行9人, 杏汁豬肺湯冇問題, 好飲火焰蝦冇問題, 好食, 海斑冇問題, (條魚好新鮮既)蛋白蒸蟹....怪怪地豉油皇鮑魚, 好食糯米雞....怪怪地一字骨OK金銀蛋時蔬, 好食糖水OK, 不過唔夠熱.蛋白蒸蟹>>朋友食左啖蛋白話好似怪怪地, 當時大家冇理佢; 之後第2個朋友話隻蟹不新鮮. 當時到仲懷疑係咪真係有問題, 到第3個朋友食蟹到話隻蟹真係有怪味同D 肉有D"梅", 大家就開始夾起D 蟹聞下, 估計係兩隻蟹其中一隻蟹應該係有D 味, 之後叫員工來講下, 叫員工夾走一舊蟹試下, 轉頭另一員工入來話: 蟹係下午2點幾先買, 真係新鮮的冇理由有問題(我相信佢地真係新鮮買,但到吾代表隻蟹一定冇問題); 仲話師傅食完到話冇問題; 之後我地到表明吾係第1次食, 有比較就更易食得出,如果係想攪事就會食晒先同你講啦, 點會一開始就講呢? 之後到有叫該員工試食, 但該員工就話吾緊要, 話換另一樣野, 不過要睇下有咩料先, 最後就收左碟蟹話換左一碟炒帶子比我地. 其實2隻蟹比一碟炒帶子貴好多, 但也明白私房菜係唔會KEEP好多食材, 換過2隻蟹係冇可能, 所以我地到冇投訴, 將就下就算.到糯米雞>糯米雞一打開好似有陣酸味, 有D懷疑係個汁出左問題, D飯係好濕, 糯米雞又係已經食過幾次, 同以前比, 今次水準又吾同左....; 由於隻蟹已經投訴過, 所以呢個到冇再同員工講了.再到一字骨>即炸既, 好新鮮, 唔係太差, 但係今次食, 條骨好似冇調過味. 同以前比係有差距. …Read More

第一次來雙囍鍋, 見到話可以又蒸海鮮又打邊爐, 價錢仲要平, $148加一, 可以由6PM食到去9PM, 所以就試下啦.環境就普通, 叫叫乾淨企理, 放食物既地方又有人睇住, 吾會亂七八糟. 而且坐位空間比較大, 唔會好嘈傾吾到計.基本上種類到叫多, 好多丸類, 腸仔, 菜, 較特別既係, 雞子, 鵝腸, 基本上同一般街坊酒樓任食一樣, 係自助既.另外牛肉, 羊肉, 魚片, 魚腩, 水餃, 雲吞係要每次落ORDER既.原本以為會有海鮮, 原來海鮮係要另計, 試左2隻蟶子同吾知咩貝. 每隻10蚊. 價錢係超平, 所以質素到係超低.蟶子有沙同有雪味, 個兩隻咩貝一隻蒸完開左, 但係入面冇左半粒肉(太奇怪唔敢食), 另一隻蒸足2個鐘到冇打開(更加唔敢食).但係食到一半時, 發現廚房放左兩碟蜆出來, 我去到時只剩得6隻.之後就望實個個位, 一見佢出蜆就出去夾. 第2次成功夾到12隻.蒸海鮮就只有蜆係免費限量提供. 大家要食就要睇住個廚房位.至於飲品到係自取任飲既, 主要係韓國牌子既果汁, 烏龍茶, 薑茶, 及一般汽水.另外仲有小量熟食, 咖哩魚旦豬皮, 炸春卷, 咖哩角, 碗仔翅, 雞翼.仲有雀巢既雪糕到係任食.總結: 食物質素唔係叫好好, 不過不失, 不過飲品(不是大陸品牌飲品)仲又有雪糕同小食供應.即時加分, 如果下次想任食打邊爐, 係會再來既.…Read More

放長假既第一日, 去左TEA今次去好遠既餐廳叫做Tea Saloon by Another Fine Day.係中環MTR出來後行10-15分鐘左右, 地點有點偏, 因為要上山, 不過源住中環行人天橋行其實好易搵.坐位分2PART, 出面係樓底高, 光猛D.望街入面就坐SOFA, 樓底矮D 暗D, 情調好D.本身鐘意出面多D, 不過個日就坐左入面, 不過冇咩所謂, 分別不大.有兩款high tea sets選擇: 一款是Ladies, 另一款是Gentlemen.Ladies就多D甜點，Gentlemen就多D鹹點。每款叫了一set, 其實好想介紹下, 不過已經唔記得晒D名.總括來講, 我覺得鹹點好食過甜點. 有一舊甜點, 我覺得係焗燶左/OVER左, 個皮好黑好硬.仲有SCONE, 唔好食, 通常SCONE到好少會唔好食. 佢係比較硬/脆, 個皮食落係似餅干, 吾係鬆化個種鬆脆.價錢方面算貴, 加埋一兩個人計, 每人要250. 算係酒店級價錢.同埋係限時間, 我BOOK-2點, 4點要交檯. …Read More

兩條人食泰國野+BBQ主菜係燒海鮮, 先叫D其他食物打底.軟殼蟹沙律-佢比出面既沙律酸, 所以好開胃, 夠酸好味 (但朋友唔鐘意…) 軟殼蟹得小小兩舊, 不過到好味既.油酥薄餅-唔好食, 好硬又唔酥又油, 我覺得自己係超市買個D 仲好食.拼盤 – 蝦餅OK, 春卷太厚皮唔好食, 豬頸肉OK, 串燒OK, 好普通味道.冬陰公湯 – 因為好咸飲左幾啖, 真係飲唔落, 我朋友食得咸到話咸.泰式炒貴匀- OK, 普通味.佢既菜式全部到係份量較少, 大食既朋友會唔夠飽.主菜燒海鮮, 場內有個地方放晒D 海鮮比人揀, 你睇岩落單佢會幫你燒.燒大頭蝦1隻-因為幾大隻見到好想試, 職員話揀左隻有膏既, 燒完出來又唔覺有膏, 又冇咩肉食, 而且OVER COOK左好乾.燒扇貝2隻-OK,叫做冇OVER COOK.燒蟶子2隻-有點乾燒大花甲2隻-又係有點乾.其實係好想講下D 燒海鮮既味道, 不過佢全部到係用同一個醬去燒(應該係泰式醬, 入面好似係有D西蘭花蓉+辣+蒜+小小牛油味)所以每樣海鮮到係一個味, 同埋係辣既, 唔食辣既人點左海鮮就慘了, 而且佢又燒得太耐好乾, 好浪費左D 海鮮. 呢幾樣海鮮加埋差吾多600…到幾貴.飲品: 泰國BEER – OK, 淡淡地易入口龍眼冰 –幾好, 本身好鐘意飲龍眼冰, 佢又有好多龍眼, 好味. …Read More

新年團拜同朋友揀左係油麻地新開既澳門仔朋友話因為吾限時, 大家可以傾多陣. 最後我地由7點幾食到12點幾.去到估吾到佢竟然比左間房我地喎, 大家點嘈到吾怕了, 加分.講番食品,未齊人叫左D 小食, 麻辣豬肚- 港式麻辣, 吾會好辣, 岩晒我口味 , 豬肚又夠"淋".炸大腸- 吾錯, 夠香口又冇好大陣既腸味, 正! (雖然我鐘意食大腸, 但係好怕D大腸有好大陣味, 形住洗吾乾淨) 豉油皇炒麵- 初時見到覺得外表吾OK, 因為只見到有D芽菜, 後尾先知朋友係叫豉油皇炒麵所以就齋D. 不過食落幾好, 好味夠乾身又夠鑊氣.主菜,花甲乳豬海鮮豬骨煲- 要成400幾蚊, 原本覺得貴, 不過大家到想試, 見新年就試下LA, 實物同圖片係一樣, 真係好大盤幾驚喜, 仲同我係澳門食既好似, 有齊晒花甲, 蝦, 乳豬, 成隻膏蟹, 豬骨. 非常足料, 好好味, 不過乳豬份量太少了, 要另外再叫多一碟先夠分.乳豬- 新鮮, 夠趣皮. 好味.冬瓜雞鍋- 呢個只係湯底, 但好足料, 一來到個鍋就有一圈冬瓜打底+雞腳, 再加半隻雞另上.炸響鈴- 即炸新鮮吾會油淋淋, 就甘食到好味.牛肉- 吾食牛, 冇意見, 同行朋友就話好滑好食.貢丸- 吾好食, 同埋D 貢丸係切開左一半上碟, 感覺吾好.雲吞- 雲吞一般貨色, OK.水餃- 好食過雲吞, 吾錯.廣島蠔- 一般貨色, OK.炸魚皮- 新鮮夠趣冇油味, 正.波菜墨魚滑- 墨魚滑入面有D波菜, 其實睇樣好似怪怪地, 本身又吾鐘意波菜味, 不過食落又冇野WO, OK.魚片- 冇食過吾知好吾好食.魚腐- 一般貨色, OK.花枝片- OK.菜類- 菜到係一般貨色, 不過覺得佢地到洗得幾乾淨, 加分.飲品, 到係得D 啤酒, 氣水, 酸梅湯, 全部到吾岩飲, 因為吾想飲甜野, 之後自己去左7仔買野飲, 佢地又冇理我WO. 可能我吾係買酒, 只係買綠茶所以冇理我. …Read More

見團購有新店, 試下先, 團體價是$129, 另加$24服務費, 即$153實際食物與團購時所提供的MENU是一樣的.可以是新裝修, 環境也不錯, 冷氣又夠, 棲底又夠高, 冇甘嘈.先點了熟食:蟹粥, 2人份每一人小碗, 有兩小件蟹. 味道不錯.燒羊架, 味精可以, 但有D 燶.燒帶子, 普通.甜蝦, 好味, 新鮮三文魚, 普通油甘魚, 有點腥馬刀貝, 好味, 新鮮希零魚, 普通帶子壽司, 普通火焰三文魚胡麻汁, 好味, 清新鵝肝手卷, 鵝肝有幾粒, 普通, 但塊紫菜好趣, 好味凍豆腐(原來是豆腐沙律), 芝麻汁幾開胃炸蝦天婦羅, 好味燒秋刀, 燒得太老唔好食燒鯖魚, OK辣味豬頸肉, 全日最難食既就係佢, 好乾硬, 味道又唔好燒魚柳, 燒墨魚仔, 冬菇, 翠肉瓜 到係一樣味, 牛油+黑椒味.雪糕, 好普通, 芝麻最好, 紅豆其次, 芒果就冇味只得甜味…Read More

在10月1日來了. BOOK 了8點, 準時入座不用等.一行5人, 因為很想食爐邊蛋，即刻去試一下.爐邊蛋 分2邊, 一邊是有泡菜的, 一邊是原味. 雖然沒有韓國個D 甘好食, 但係也不錯, (同埋最開心係好似沒有限食, 最後我地食左3轉蛋)包肉的生菜都係冇限食, 所以食了好幾盤.牛肩肉 –個樣幾靚, 入口也很軟. 牛味不足。煎海鮮薄餅 – 好少海鮮, 不過煎得好, 表面夠趣, 好食.人蔘雞- 普通, 冇咩意見雞肉 – 普通, 冇咩意見.護心肉 – 普通, 覺得同豬頸肉好似, 冇咩意見豬腸- 好味, 有醃過的, 而且有腸味, 有D 似食緊街邊豬大腸豬皮- 太薄, 燒完好乾硬, 唔好食.白飯- 飯到幾好食, 有小小煙韌.基本上覺得佢到幾好食, 又唔算好貴, 每人大約HKD250. …Read More

13年12月25日來過第一次,聖誕節才收$188(或$198)已忘了價錢. 食物豐富又多種類, 又不會只是落重味精, 環境又幾乾淨整齊. 所以在復活節4月18日再來一次.今次再來, 1.  食品種類大部份同上一次分別不大(包括:腸仔<有2種腸仔很好食>,丸類,面包類); 雞翼種類很多種(有辣/蒜蓉/咖哩, 大約到6-7種不同味)但是其他肉類質素就差了一點, 比之前的濃味及辣很多, 食完會有小小覺得每種食物也是一樣味, 因為太辣太濃.2. 入場費仍是$188, 上次是入場即派一支水, 之後再憑票換飲品(即有2個飲品). 但今次只得憑票換飲品一支(只得1個飲品).3. 上次入場, 每檯是有一卷廁紙派, 今次要自己買.…Read More

未試過呢間餐廳食自助餐, 見佢用CITYBXXK 有85折, 折左HKD400/一位到幾抵, 就試下LA!不過個地點真係有D難搵, 小巴/巴士到係要行15MIN先到.....環境就OK, 始終比較新, 而且人多到吾覺會好嘈. 今次個主題係海鮮, 不停有凍蟹. 雖然只係普通貨式, 肉質又吾夠實, 不過到幾鮮甜. 有即開生蠔, 但係只係D 好細既蠔仔.... 成隻蠔肉既長度係1吋-吋半左右. 不過到幾鮮甜! 其他海鮮有蝦/魚/青口/扇頁等大路野. 冇咩特別.刺身就有三文魚/吞拿魚/玉子/赤貝, 幾新鮮!其他中式熱葷就吾太吸引我, 好多到普通到吾想食(炒飯/小籠包/炒銀針粉/炒蟹/炒蝦等)反為西式既熱葷就好得多, 燒羊架好味, 燒牛冇食, 泰式炒蜆味道OK, 但10隻有6隻到係未開口, 吾敢食....仲有D普通既沙律/冷盤等, 到係冇咩印象. 甜品就有最好味既芒果拿破崙, 最好食!其他有朱古力CHEESE CAKE/黑森林/朱古力MOUSSE/果凍, 後期就轉左D其他既蛋糕, 太多種, 吾記得甘多.總結: 下次可以再來! …Read More