Miss_Sabrina's Profile

經朋友介紹黎到呢間貴麻橋食咖哩朋友激讚呢到咖哩高質又香又辣但或者係因為口味吾一樣我幫襯貴麻橋幫襯左兩次，兩次都係失望而回地點吾就腳加上價錢貴而食物吾好食以後食咖哩我諗我都吾會再專登走過黎食店舖貼有與各大名人既合照重有兩隻貓貓坐陣服務人員態度好親切，解釋生咖哩係即炒既冇薯仔，熟咖哩就有薯仔由於事前已經係 open rice 睇過食評知道呢間野d出品係幾辣既所以落單既時候當問到要吾要加辣，嗜辣既我亦果斷講左句吾洗但之後就後悔...等既當中即炒咖哩真係非常香，成間店都聞到但上台之後發現超級油碟好淺，基本1/3 係真正咖哩汁，2/3 係油撈飯既時候感覺係食緊油撈飯而且完全吾辣，羊腩亦冇咩味呢個餐冇記錯係 90幾蚊以食物質素而言，性價比可謂非常低第二次黎醒目，叫左加辣，試個熟咖哩但係就... 真係一般法包感覺係放左好耐再翻熱出黎熟咖哩加辣真係辣左好多，但只有辣味特出咖哩味反而掩蓋左同行友人點左地獄鴨胸米線（甘上下名...）一樣，辣係好辣但只有辣味，味道稍嫌單薄感覺你 serve 咩配料咩麵種味都係一樣都係得個辣字，冇咩深度此處亦能 apply 落咖哩到... 總體而言，服務100，食物30改善空間好大…Read More

次次行街經過都望到好多人排隊，上網一睇先知原來錦麗被譽為「全胡志明市最好食既牛肉粉」。呢個稱譽不得了，搵左日吾上吾落既時間黎試下排左一陣就入得去餐飲選擇吾多，夾埋都係得一頁半紙但或者係甘，餐廳先可以更專注去製作食物落單前侍應每位客台面都放杯有齊越南粉應有既配料食客可以因應自己口味去落第一次黎吾識點點左個咩都有既錦麗綜合粉一上台香氣濃郁，湯頭清澈吾好睇佢60幾蚊平平地，用料分量都吾馬虎熟牛肉有成3、4大塊，一D都吾韌點埋是拉差辣醬，真係高質到呢就憑呢個熟牛肉我比 100 分牛丸同生牛肉都好食，但一拍落D高質熟牛到即刻變左中規中矩，一般吾特別差吾多食完先知原來碗粉可以走油，怕肥既女士們 encore 既時候就可以選擇走油啦 另外重叫左碟大蝦扎肉米紙捲見佢 30 蚊平平地，又幾好食 wo好清爽總體而言，錦麗非常值得推薦呢間係我暫時食過最高質既牛肉粉重要甘既價錢 排陣隊都抵…Read More

見復活節， open rice 又有 7折優惠，就訂左呢間香格里拉旗下既 cafe kool lunch buffet 諗住試下兩個人黎到，第一感覺都吾錯既，個位都坐得舒服，台與台中間有屏風擋下，食野傾計都吾會覺得尷尷尬尬甘 但食自助餐，食物先係主角香格里拉名就好聽，但食物質素完全達吾到酒店水準如果一般街邊餐廳既普遍分數係3分，Cafe Kool 既食物只有 4分海鮮：開邊龍蝦硬過橡膠蝦...未硬到橡膠level，但冇味肉質又吾彈麵包蟹 蟹膏都算ok既，只有呢樣值得試五星級酒店供應 D 甘既海鮮。海鮮部分 10個 dislike海鮮以外就都一般般，吾難食又吾太驚喜甘食完橡膠甘硬既凍龍蝦，吾心死既我繼續拎龍蝦但凍龍蝦定芝士焗，我諗佢地都係同一品種，口感都係硬，好韌唯一推薦既係龍蝦伊麵可以試下，吾錯既但照舊啦， 龍蝦伊麵飛龍蝦吾該，個麵幾好食既食物伏已經不能接受，最最令我驚奇既係竟然冇！人！收！碟！下面既圖吾係我地岩岩食完，係我地食完出去再拎拎完幾 round 番黎都冇人收碟香格里拉係咪真係五星級？呢 D 自助餐 basic 野都冇人跟既重要成個場搵個侍應都難，好吾容易搵到個，直行直過都係冇收碟叫到先收... 呢種服務...成台碟都重係冇人收可笑既係冇人收碟但甜品櫃果到冇碟用用雪糕碗裝菠蘿... 想拎蛋糕，轉左幾圈都搵吾到碟，問 D staff 佢地竟然指一指熟食區話果到有碟，我心諗你吾係呀麻，熟食同甜品區一頭一尾你要個客行曬成個場先拎到一隻碟7折之後埋單 7百幾 2個人香格里拉比我印象好差好差，五星級酒店既餐廳，食物吾得，服務吾得收費5星級，食物1星級…Read More

六兩三，食到台灣家庭既味道，體驗到細心既服務及認真對待食物既態度黎左六兩三三次，兩次食麵，一次食飯每次都好欣賞佢地既食物，湯麵食完吾會覺得口渴，牛肉軟淋香味足店家非常細心，不但每台都放上一盒紙巾更附上橡筋比長髮既客人扎起對呢種細心印象深刻湯底無味精，食完吾會口渴麵條有趙口，吾會話淋曬甘，非常喜歡牛肉淋身、入味，味道不俗單點兩碟小菜，不過不失百頁豆腐熱辣辣上台，雖然同係台灣食到既味道重有一段距離但都尚算ok啦 …Read More

香港人就係甘，凍又打邊爐，熱又打邊爐突然想食麻辣火鍋，上網搵一搵，再睇埋 Openrice 評價，就決定黎二家姐到食黎到有兩間店打對面，都係二家姐黎點左小辣麻辣火鍋，中間係吾辣既雖然外圍就紅卜卜甘，但小辣辣既程度10分只有 2-3 分... 嗜辣朋友建議中辣起跳另外火鍋標榜無添加、吾口渴食完之後覺得二家姐既火鍋對比坊間其他火鍋，食完又真係冇甘口渴是晚點左吾少名菜，係店員推介既店員既服務態度認真好，逐樣逐樣同你介紹我地話想食牛，每種牛都介紹肉質點阿，口感點阿.....重推介左蟶子同鵝血，上台時重教埋你點淥呢種好客熱情，讚蟶子新鮮，爽滑彈牙牛肉雪花分佈得靚，食落口淋 D 重牛香味食物質素 Good 最喜歡下面既釀油炸鬼可以即食，亦可以淥湯我就中意浸下湯，油炸鬼索曬麻辣湯既味道，正必點必點，我同朋友都好中意埋單就大概800 左右啦，同上次食既老碼頭都係甘上下價位你當然可以覺得貴，食個牛x 點個麻辣湯先200幾 （曾經有朋友真係甘樣講過...）拿，先吾講個湯係兩樣野黎... 單係甘既服務甘既食物質素，重要無添加湯底呢 D 你想係牛x食到就難了...…Read More

長洲之行點少得大魚蛋記得第一次食甘永泰，貴係貴左少少但勝在即點即炸（或者翻炸...）總知務求熱辣辣送到你手上魚蛋彈牙店家有禮 但今次黎到...所有魚蛋都係炸好放係盤到，你要一串佢拎一串比你凍又未至於，室溫 + 油味甘 價錢都吾平... 店家對住 D 食物不斷大聲講野... 去到比錢既時候眼尾吾望下你好似阻住佢地傾計甘...講真，不如翻屋企傾啦好失禮間店講食物大魚蛋尚可，但蝦丸同豬肉丸 （豬肉丸吾記得影低）食落好重粉，咬落去淋既散既對豬肉丸尤其失望，適逢當時甘岩冇曬豬肉丸店家即炸 （？）一串比我，但拎上手非常油除左油味食吾到其他味... 重要係吾彈又散既當初我喜歡既甘永泰去左邊...帶住裝左3串油味十足貴價魚蛋既肚腩離開甘永泰...浪費 quota ...…Read More

離上次到訪長洲已達數年之久，今天黎到，就諗住逐間舊鋪回訪懷念一下味道今日長洲之行，芒果糯米糍、大魚蛋、炸雪糕、海鮮餐都係我 pending list 之上但全部食曬之後.... 遺憾講聲，所有以前食過既店鋪，全部都失曬水準，大不如前未知係小妹我口味變左，定係真係失左水準呢...其他seperate 再講，先講允升允升係長洲都算幾出名，至少一講起長洲必食一定有芒果糯米糍，有芒果糯米糍，就一定有允升今次黎到，叫左以往最愛：芒果奶凍&芒果糯米糍芒果奶凍不過不失，奶味吾濃，芒果亦吾甜，冇咩芒果味... 糯米糍更令人失望外層既皮吾煙韌，入面芒果亦吾 juicy...完全吾係以前熟悉既允升味道服務... 冇咩笑容，吾多理你甘...Um... 一般啦，吾會令你覺得被冒犯當然亦吾會令你感受到小店既人情味下次再黎長洲，允升就再吾會係我 pending list 上其實今次來訪長洲，比我發現左另一間芒果糯米糍吾錯 wo，另一篇食評再講 …Read More

假日晚上約左個朋友黎撐台腳 本來以為會好多人黎幫襯，但出奇地又冇咩人，完全吾洗排隊 第一次幫襯到依家都有4、5年，甘耐以黎間店都冇變過。侍應阿姨一樣甘 nice，野食出品一樣甘高質不過分量就好似少過之前。但對我黎講都夠 lu 同以前一樣都係點紅燒牛肉麵麵好彈牙，有口感牛肉都好高質 係張相入面都睇到，每條牛肉都係一行筋一行肉甘淨係賣相都冇得頂牛肉又香又淋，吾會痴牙。 甘高質既牛肉麵竟然只賣 56 蚊...係出邊好難搵到...…Read More

太早到冇得試炸野，呢幾日天氣太凍...只係叫左碗凍既，另外兩碟都係焗既甜品因為係下午時間所以人流吾算多，計埋自己都係得兩台客。落單既姨姨好親切，未食先加10分 凍既甜品吾記得叫咩名...幾特別，加左爆爆珠同奶凍既楊枝甘露奶凍比想像中好食，吾係話奶味好濃不過不失甘，成碗野勝在口感豐富窩夫好脆 幾好味栗子批好香，入面栗子茸軟綿綿熱辣辣外皮又好脆 冬天食一流不過塊朱古力就要彈啦呢塊朱古力認真麻麻 不過件批搭救，朱古力配角黎嫁姐 …Read More

呢種服務態度簡直係影衰香港，影衰曬成間集團... 知道尖沙咀開左分店就黎試下，點個遇到服務員態度極之惡劣，收台既時候將杯碟扔落收餐具既車到，碗碟碰撞既聲非常大，而且一臉不屑既樣。我明白做餐飲業好辛苦，但都吾洗甘呀麻送白飯黎既時候又係，好大力將碗飯「呯」一聲撞落個台面到比你之後擰頭就走茶餐廳都吾會甘啦，何況係大集團...記得第一次食樂天皇朝係係旺角，當時服務態度好好，環境又舒服，相比依家尖沙咀分店...真係派十打小籠包人企曬成個尖東連尖沙咀都補救吾到唉，講番野食家鄉素菜包：正正常常，但吾知點解有件皺左皮心太軟紅棗熱既，釀既糯米就係室溫糯米吾夠煙韌可謂一大敗筆家常花肉豆腐：偏咸，配飯好 D宮廷驢打滾：非常一般，吾叫好過叫整體黎講食物一般，態度極差樂天皇朝好好醜醜都算有番甘上下規模，係咪應該要投放番多 d 資源去員工培訓到？呢種服務質素... …Read More

經過捌哥捌哥，發現門面同食物都好似同區另一間馬來西亞餐廳，吾通係分店？見到吾洗等位就黎試下同蘇媽蘇媽吾同既係，呢到有吾同 lunch set 可以揀，重配埋野飲不過就冇每人一碗肉骨茶叫個細滲 lunch set，就只會直接加茶落你個細湯煲到落單之黎先黎拉茶，感覺太甜下次可以請師傅落少 d 煉奶，但整體係好飲既，而且拉茶吾洗另外加錢不過如果上台既時候乾淨 D，吾好漏甘多茶係碟到就更好等左差不多20分鐘先黎個細滲等太耐... 好彩味道都吾錯大大煲好足料，骨就得一舊但已經夠lu，豬肚雞腳果 D 都好好味價錢黎講冇記錯應該係 $68 甘上下$68 有飯有湯有野飲，重要好食算係甘啦 …Read More

呢間餐廳食過兩次，第一次黎既時候比佢既環境吸引，一個個花球掛係牆上，有文青感環境都算闊落服務員好有禮貌，態度誠懇每張台上面已經預先放左碟油醋一點完餐就會送上餐湯同薄餅餐湯係椰菜花湯，湯身比較稀，有別於一般既西湯，有淡淡既椰菜花味薄餅熱辣辣上台，吾錯既環境服務都甘好，令我開始好期待主菜只可惜... 食左兩次，兩次都好失望其中一日點既係牛扒；另外一日點左漢堡講左牛扒先賣相靚，有 D 心思，但係好韌好柴係咪甘岩果日轉左師傅炸？NoNoNo事緣第二次食，我同事都叫左份牛扒，佢 feedback 番黎同我食果時既感覺一樣，都係韌，我同事直情咬吾爛舊肉佢話寧願落茶餐廳叫個扒餐...重吾洗加一第二次叫左份和牛漢堡經歷過上次既牛扒後，今次醒目，叫左份一般餐廳收百幾蚊價位通常都實冇死既漢堡個包令人驚喜，烘到鬆鬆脆脆，好食既但整體就一般，中規中矩甘至於和牛... 你可以當佢普通肉甘食整體而言，服務、環境都有 4/5但食物就... 個漢堡正常 D 都可以比個 3分但就應該吾會黎第三次…Read More

呢間君滬係一位朋友介紹我黎，離地鐵站都幾遠，可能就係因為甘，每次午市時候去都有位價錢一 D 都吾貴，圍埋都只係3、40蚊一碗甘既價錢食到餐正正常常有飯/麵有肉既 Lunch 算係抵食面門幾大，入面都算闊落，座位屬於圓凳，冇椅背果種今次食豬扒雲吞麵，以往都食過幾次，試過幾款吾同野食煎野炸野比我感覺係油，太油啦，連菜飯都油，粗炒就吾洗講所以之後叫既多數係湯麵，特別餓就搭多件豬扒味道黎講就正正常常啦，好食就吾係話特別好食到要大力推薦甘，但就係呢個價錢黎講呢個質素算係食得過。所以冇咩特別想食，又吾係特別要減肥，又甘岩經過，我諗我都會繼續幫襯…Read More

阿土伯鹽水雞吸引我既吾係雞，係醬老實講，雞腿滑，但雞胸就韌韌地不過雞胸韌我就預左嫁啦所以我又吾係好介意門面細細，掛有別緻既燈籠門口有餐牌，點左菜比左錢就等叫號轉入去有座位提供，可以堂食不過人多既時候會嘈少少點左一人餐加拉麵，$52 （拉麵加$7）配料：豬血糕、百頁豆腐、蓮藕食左甘多次，第一次叫米血糕，吾好食... 我印象中米血糕應該係軟糯Q彈但呢到既米血糕咬落去好似咬緊冷飯甘硬，之後一咬裂開，冷飯味...不過試過甘多個配菜，只有米血糕難食，其他都 ok ，特別推薦百頁豆腐醬既話我最中意阿土醬，中辣阿土伯既辣吾會停留好耐放入口入面辣一陣，好快就會散 細食既女仔建議吾加拉麵，其實雞既分量都多，加 3 個配菜夠飽我就... 大食開所以每次黎都會加拉麵 …Read More

食過同區另一間潤麵既朋友們應該都會同意維記係名氣十足，但內涵係零...第一，豬潤又薄又鞋好食既豬潤首先應該係有番 D 厚度維記既豬潤切得太薄，一 D 口感都冇食落鞋口，吾似新鮮貨，莫講話彈牙第二，湯頭多泡，有陣怪味一加牛落去就會成碗野都係泡，睇落都吾開胃，其實係咪可以撈一撈 D 泡先上台呢...另外就係吾知點解成碗野食落有陣怪味，吾肯定 D 味係係湯到定潤到定牛到黎，反正就係一陣食物入面吾應該有既味維記潤米比我既感覺實在太冇誠意，呢間野真係可一不可再，食完又吾好味又浪費 quota (卡路里）。如果有得比負分既話... 我會比負100分。完…Read More