cpfatpang's Profile

唔好食既野要寫兩百字真心有難度，不過為左其他人著想同測試開飯既『接受程度』，我嘗試挑戰。一個字講晒：『渣』，借用國內用語係『性價比低』。評論：1. 環境：一般。如果唔係佢開係酒店商埸入邊真係同係坐街邊一樣。但，商場內尚算接受。2. 服務：一般。除左水都無杯外，都無咩好講。拉麵鋪，你想有咩服務。3. 食物：渣。拉麵湯唔熱；麵底佢話手拉我覺得同味千差唔多；糖心蛋同叉燒，去遠啲豚皇好佢好多；木耳未煮腍；筍好重澀味。炸雞塊明顯炸完唔知擺左幾耐翻叮；餃子衰過我去買國產急凍自己煎。結論：贏好多都唔會再去。…Read More

成家人出外食飯，好耐無試過囉，老人家話都食扒，咪出城試下囉。燒蝦凱撒沙律 - 蝦好好，但沙律個汁太咸。甜蝦冷盤 - 麻麻，得個凍字。洋蔥花 - 睇左好多食評都話太油，我又唔覺喎，都幾好，可能我慣左油膩啦。肉眼扒 - 叫五成，黎到變九成半，好彩都唔太差，而且有人唔鐘意見紅，算！豬肋骨 - 講真，我唔「好」，但其他人話好。羊架 - 對比肉眼扒黎講算唔錯，鐘意食羊可以一試。用餐期間經理黎問d野得唔得，咁我當然唔客氣話個肉眼扒唔掂啦，佢都有話同我地換(都食左半架啦)，不過我話算，反正有人鐘意熟。食完收野時，侍應話經理話送返個甜品俾我地，我要左個雲呢拿朱古力軟餅。五人埋單，一千多d。ps：肥人要早d去霸位，無得簡位就麻煩，因為佢d卡位好窄。…Read More

約左個o個頭做野既FRIEND見下面，佢帶我去。叫左四樣野：1) 薰蛋 - $20 隻 - 差，冇蛋味。2) 桂花蛋 - $ 20 隻 - 好過薰蛋少少。3) XO醬炒蘿蔔糕 - $ xx (唔記得) - 蘿蔔糕OK，得辣味，冇XO醬味！4) 梅子炸軟殼蟹 - $80 - 餸如其名，炸軟殼蟹加梅子醬，唔錯！野食只係普通貨色，環境OK，本來想傾多陣，但有枱好興奮既OL入左黎就........埋單搵第二度再傾吧。…Read More

魚生雖然唔係好多款，但好新鮮。生蠔偏瘦，後段好返些少。烏冬好食，甜品亦唔錯。食物補充得好快，冇見過有吉盤。汽水、果汁加廿零蚊就可以任飲，o岩小朋友。不滿既係人實在太多，而座位亦幾密，談情者免問。…Read More

成四百蚊一個刺身拼盤，竟然得4片三文魚、3片金槍魚、3片八抓魚、1隻掩鮑魚同一隻帆立貝。呢樣都唔緊要，以上所有魚生都係唔新鮮既，三文魚有一片仲要有小小「梅」，有冇攪錯，你夠膽俾d咁野我，我「服」！再叫多個蝦刺身，蝦係睇著佢\係水缸捉既，感覺本來唔錯，但，佢\夠膽死係我面前捉d死既俾我，已經即時叫著佢\，話我唔要呢隻，佢\仲夠膽死同我講：「新鮮架！」。哇！咁都得？即刻同個大廚講，佢\先肯換過隻俾我地。呢d係酒店服務？再俾多個「服」。好啦，個刺生上啦，原來佢\將我個三隻蝦同我切蝦碌，好野！蝦刺身以蝦碌上真係前所未見，忍唔著又要俾多個「服」！最後，叫多兩個拉麵，唔，同味千拉麵比，真係差好遠，味千拉麵好好多，「服」。咁既內容食左成個鐘，又係一個「服」字。兩個人埋單英皇VIP卡九折後$63X。結論：就算你賭場贏左都唔好去。…Read More

刺身選擇比較少，壽司飯有點濕。有一點可以改善，就係個長長既鰻魚壽司，其實就咁燒好條魚放上飯面就可以，將鰻魚汁同鹽分開上等食客自已落會更好，因為我覺得就咁落鹽真係幾好食，d汁又唔係好夠味，但又落鹽又有汁就冇咁好，價錢算適中，係去洗手間要借匙有點麻煩。…Read More