toothmaneatalot's Profile

Genki Sushi is truly exceptional! I loved trying their creative sushi offerings. The corn sushi, salmon sushi, and tuna sushi were all incredibly fresh and flavorful. But my absolute favorite was the scallop sushi with truffle sauce - the flavors were so well-balanced and the scallops were incredibly tender. It's clear the chefs here are masters of their craft. I also appreciate how Genki Sushi is always coming up with new and inventive sushi flavors. Everything I tried was absolutely delicious and beautifully presented. The service was attentive as well.…Read More

作為深井居民，呢間先係我既最愛。有朋友嚟香港同佢食呢間！一如既往都係下午餐時段過嚟，泊低駕車就行入嚟食。燒鵝脾瀨係我唯一既至愛。啲瀨粉既湯底，唔會太咸但又唔會無味。啲粉煮到啱啱好唔會一夾就斷曬。我通常加辣椒油，就最惹味。但燒鵝髀唔使講，唔會超肥，肥到食唔到嗰種。肉質又保持到好嫩滑。喺深井食過其他好出名嘅燒鵝，啲肉硬到黐線。。屋企人每次都係鍾意食叉燒豉油雞飯，叉燒汁鹹甜適中。豉油雞好嫩滑！ 加埋凍檸茶完美！…Read More

嗰日好夜先收工，先打電話去落定order。姐姐叫廚房整好曬先，我地到左之後成枱餸好正，好似翻屋企食飯咁！我地係衝住滷水鵝肝而嚟既，果然無失望！之後仲有好正水蟹粥，不過始終係街外食蟹有少少唔方便。豬紅好正宗，唔係雞紅。好入味好正。呢個反沙芋不得了，啲糖均勻咁黐喺個表面，粒粒砂糖嘅感覺，外脆內軟好正。。蝦棗都好經典好正，有2款夾雜無咁悶！好記得我哋去到已經好晏之後啲夥計已經收晒工。老闆冇催我哋之餘，仲叫我哋慢慢食。。好有愛…Read More

成日見到人排長龍，本身都好卻步。但係又好掛住蛋包飯，於是就試吓。食過幾次之後覺得呢個漢堡扒蛋包飯係最好食，舊肉好稔好juicy。啲蛋既生熟度啱啱好，汁都比得夠。而佢有誠意既位係個飯唔係白飯，係炒飯底。佢一碟嘅份量好大，我次次自己一個人都食唔晒。原本覺得佢超過$100一碟飯好貴，但係見到佢嘅份量之後就會明白。另外冇影到相，而係我每次最鍾意食嘅就係牛油果大蝦沙律，所有嘢都好鮮甜，而且呢醬嘅份量都足夠。食沙律最棹忌就係唔夠沙律醬！平時同朋友一人一碟飯，再加一個沙律已經飽到反艇，都冇試過甜品哈哈…Read More

好耐冇食過呢間牛肉飯，滿心期待諗住食一個好好食嘅晚餐。尖沙咀舖唔使排隊，方便好多。見到Menu第一頁係鹽蔥系列，於是乎就冇叫平時自己食開嗰款，叫咗一個鹽蔥燒肉丼，配炸雞套餐。首先，嗰啲炸雞三件都係凍冰冰嘅，炸雞凍咗真係唔好食。一開始食第一啖嘅時候，都有啲驚喜，雖然個飯上面啲牛肉都係凍凍地嘅，但係鹽蔥嘅味道唔錯。不過個燒肉，比起平時食嘅淡咗好多，而且冇乜汁，再撈埋個溫泉蛋就更加淡。下次都係唔食呢個味，同埋唔食炸雞🙁…Read More

平時成日食雲南米線，今次朋友帶我嚟食湖南米線。啲餸同平時食米線既差唔多，我叫左麻辣五花腩米線，紅油抄手，同埋涼拌海帶。米線個軟硬度剛好，係滑身嗰種，好好食。湯底係望落好清，不過食落都好夠味。不過我個人口味上覺得偏淡咗啲。。海帶正常，都夠味，好爽反而抄手個湯仲夠辣過碗米線，不過入面個餡料就有啲太淡了…Read More

係我同朋友意外發現嘅寶藏餐廳，記得有次係book枱食同一條街既另外一間餐廳，點知book錯咗呢間。於是照試，點之就發現左正野！之後每次都係翻呢到食，一次都無食過另外嗰間，哈哈！首先勁鐘意佢既頭盤野菜盤，啲蘿蔔勁甜，配埋味增醬好好食！呢個華味鳥芝士卷，雖然得我一個人敢食，但真係好正，我一個人可以食曬成碟。有少少煙熏味既雞肉，卷住淡香既芝士，好夾。呢個免治雞肉棒，肉同軟骨既比例啱啱好。又唔會散開，仲有洋蔥香味。調味剛好！我自己唔食生蛋黃，就咁食已經勁正！每次嚟都係人頭兩串起！呢個燒唐揚又係意外收獲，燒到外脆內軟，入面仲勁juicy，配埋啲木魚碎好正。。仲有竟然冇影到相嘅雞壕肉，係人頭3串。啲肉係好多汁，好嫩之餘，個雞皮係燒到脆片咁。中間夾住一舊大蔥，好啱數，只能夠話老闆真係好識食！最後呢碟燒牛，個人口味就中間就有少少生得滯。有少少咬唔開，但味道都唔錯！呢間餐廳所有員工都好專業，可以一路食一路望到個燒烤爐睇住佢哋一個人點樣控制晒咁多串，完全唔簡單！餐廳環境都好日式，而且播住香港人耳熟能詳嘅舊歌，不過係唱緊日文！（屋企人好似話係香港啲舊歌抄日本的）成個用餐氣氛好好，員工好親切態度好好，有嗰種日本居酒屋嘅感覺！…Read More

意外發現呢間餐廳嘢其實都幾好食，啲牛扒好軟，個飯調味都唔錯，係有少少偏淡。另外呢個蟹膏撈飯好濃味，不過有少少漏。白桃梳打正常發揮，好飲嘅！意外趣事係朋友叫咗杯啤酒，有個新嚟既侍應，倒啤酒倒到成個杯都係得翻泡，仲瀉曬岀嚟。我睇到呆左之滯，一個senior立即拎新一枝倒翻比我地，哈哈！不是廣告文。…Read More

最鍾意就係食豉油西餐，相信都係香港人嘅集體回憶。今晚同男朋友去花園餐廳想食鐵板餐。點知發現呢間餐廳無論服務定係衛生情況都麻麻。。入門口開始，地下係好油好跣。到枱面，櫈，餐廳，全部都好油淋淋。侍應得幾個人，想叫野食都無人理。就算比你叫到，都有排你等。。最後都食到無乜心機，想快啲食完走。我既黑椒牛柳還好，黑椒汁夠辣，但牛柳好多筋，不過本身都唔會期望啲牛係靚，所以都合乎期望。但對面男朋友個豬手，係又硬又凍，食一半又揀走一半硬到咬唔到既。啲皮完全係又硬又靭，啲汁仲好酸。。真係唔會再食。。…Read More

As a self-professed connoisseur of Italian cuisine, I can say with certainty that Oro is one of the finest Italian restaurants I've had the pleasure of visiting. From the moment I stepped through the doors, I was struck by the warm and inviting ambiance that permeated the space. The elegant decor, complete with candlelit tables and a cozy, intimate vibe, created the perfect setting for a special occasion.The service at Oro was truly impeccable. The waitstaff was attentive, knowledgeable, and went above and beyond to ensure our dining experience was nothing short of exceptional. They were quick to offer recommendations and happily accommodated any requests we had.But of course, the real star of the show was the food. Oro's menu boasts an impressive array of authentic Italian dishes, each one more mouthwatering than the last. I was particularly enamored with the beef tartare, which was prepared with the utmost care and precision, resulting in a delicate and flavor-packed dish. The lobster spaghetti was a revelation, with perfectly al dente pasta and succulent lobster in a rich, creamy sauce.The steak tenderloin and pork tenderloin were both cooked to perfection, with a beautiful sear on the outside and a juicy, tender interior. These dishes, paired with Oro's impressive wine selection, made for a dining experience that was truly world-class.Oro has become my go-to destination for special occasions, such as anniversaries. The exceptional food, coupled with the fantastic service and wonderful ambiance, make it the ideal place to celebrate life's milestones. The value for money at Oro is also unbeatable, with each dish providing an exceptional culinary experience at a reasonable price point.…Read More

細細個就已經住喺元朗，記得以前逢星期日都會同爸爸媽媽嚟食勝利牛丸。勝利牛丸嘅牛筋係令我愛上食牛筋嘅地方，腩汁煮到好入味，而且牛筋好似啫喱咁樣，煮到好軟，入曬味。世紀難題係每次去到都唔知食河粉定係米粉好。好多人話勝利牛丸比以前差咗好多，但我自己就唔覺得，反而係久唔久就要食一次嘅Comfort food。唯一唔同嘅係以前就咁買普通腩汁就已經會做到黏住個嘴嘅感覺，不過而家就要嗌多色或者從食先至會有呢個感覺。衷心希望佢一世都唔好執笠！…Read More

朋友生日約咗去呢間餐廳度食飯，最深印象喺個門口好靚，裝修有啲英倫貴族嘅感覺。可能因為平日夜晚，所以餐廳唔係好多人。所以食飯環境幾好，可以朋友之間傾偈唔使大聲講嘢。啲嘢飲好有誠意，又靚又好飲。呢個柚子醬脆皮牛扒，啲肉煮到好稔，同柚子醬好夾，超好食。再嚟就係爵士湯，個湯好夠味，而且好多料，朋友話好味到想連埋個湯碗食左佢。呢個菜好好食，啲湯都飲埋，個腐皮卷好正，清清地，成道菜好甜。呢個火焰炸子雞都唔錯，調味都好食，個皮都好脆！炒麵，比較普通，不過真係好大碟三個人都食唔晒！嘢食味道其實都幾好食，美中不足既係我哋叫侍應俾個碗仔我哋，發現其中有一隻係完全未洗過嘅狀態，呢個級數嘅餐廳發生呢啲低級錯誤係有少少震驚。不過侍應都好快玩一隻新嘅俾我哋，服務尚算可以。最正係醫管局員工有優惠，所以都會考慮再食！…Read More

今天晚上和媽媽二人外岀用膳，因為媽媽是beef carpaccio 愛好者，於是便找了這家。首先是Crab cake，調味恰到好處，食到啖啖蟹肉。下面的醬汁帶點香草香，旁邊是澳洲傳統椰菜沙律，是我的最愛。再來是beef carpaccio ，做到高水準，調味剛好，能帶岀肉香而不會喧賓奪主。很好吃！食肉獸的第二道生肉，beef tartare ，調味略嫌太淡，所以請waitress加了黑椒。四塊麵包有點不夠，最後要純吃肉。到主菜的龍蝦和牛扒，龍蝦超超超嫩，很香牛油味。牛扒很嫩，有油香。甜品正常發揮餐廳環境很好，昏暗燈光配維港景色。員工也很熱情，服務周到！…Read More