fei o o 's Profile

朋友生日，想食小炒，於是就揀咗呢間睇餐牌樣樣都好吸引，所以叫左好多碟餸有啲掛住食，唔記得影相，但大部分都係色香味俱全，其中有啲係特別出色嘅：呢個避風塘豬手超好味，初初睇以為係炸雞，點知原來係好林嘅炸豬手，配埋啲避風塘粒粒，係一個好新鮮嘅組合播放，一啲都唔油膩感，呢個係必食呢兩碟就一般啦，尤其是係碟魷魚，佢入面係釀咗啲唔知乜嘢，識落好漏，又唔太夾，唔推介蒜蓉粉絲蒸蝦，份量都幾多，幾新鮮，抵食呢個鮑魚都幾好食，係前菜嚟嘅，鮑魚已經開左三份，方便大家分…Read More

呢間bagel小店我都幫襯左佢好幾年，一開鋪嗰陣係蚊型size (得3-4座位），依家擴充到都有10幾個位，環境坐得舒服左不過我最欣賞嘅，係佢哋嘅手造bagel係店主每日新鮮手造，仲要低溫發酵一晚，無落防腐劑架，感覺好健康唔知道由幾時開始，香港好似突然間好hit bagel 咁；不過坊間買到嗰啲bagels 好多都係台式，我中意美式呢隻口感煙韌嘅，就唔係好多地方做到佢一共有差唔多十款三文治揀，我好似都試暈哂咁多款架啦；不過最鍾意都係牛油果莎莎，佢啲牛油果好新鮮，份量亦都好慷慨，總之你就會食到好飽好滿足！如果我嗰日有啲想食肉，就會額外加extra salmon, 三文魚同牛油果真係好夾…Read More

之前幫襯開荷里活道嗰間分店，但由於佢實在太好生意，基本上次次落完單都要等好耐，所以好耐無食了。某日行過皇后大道中，發現dough bro又開咗一間分店；雖然皇后大道中係人來人往超繁忙嘅街道，但出奇地呢間分店生意好似唔太忙，幾次經過都見到唔係太多人等緊外賣今次叫咗辣肉腸pizza & 三個冬甩（custard, blueberry & Nutella 味）。一如以往， 好味最鍾意係冬甩，即叫即炸，入面啲醬超多，多到一咬落口就爆曬出嚟，雖然價錢唔平，但真係比足料，所以次次都會叫三個嚟食！不過我覺得咁多個味之中，都係custard 最好味！藍莓麻麻地！…Read More

某日喺銅鑼灣睇戲，睇戲之前想快快食個early dinner, 於是就揀咗喺戲院旁邊嘅「上海姥姥」。由於時間太早（傍晚5點幾），所以都唔太肚餓，兩條友叫左一碟雪菜肉絲炒年糕、一籠小籠包同埋一碗酸辣湯雲吞。本身諗住唔飽嘅話就叫埋甜品，點知食完都幾飽，所以就無叫lu小籠包都幾多湯汁，而且個皮都唔厚好味酸辣湯湯一樣好味，酸辣適中，同埋分量都算幾多，不過佢入面嗰五粒雲吞就麻麻哋，皮厚而且啲肉係無味嘅如果下次再食，淨係叫一碗就係酸辣湯就好了至於雪菜肉絲炒年糕，就一啲都唔推薦完全冇雪菜嘅鹹味，肉絲亦都冇乜味，成碟年糕都好淡味…Read More

疫情下，喺香港困咗超過兩年時間了，我相信同大家一樣，都係超級掛住日本。日本癮發作，最容易嘅解決方法當然係食日本菜啦。喺銅鑼灣行街，諗起好耐無食過一蘭，一於就食佢喇！我哋3點幾去到，昔日嘅長龍已經唔見咗，對我哋來講係好事呀，唔使排隊！入到去其實都幾有去咗日本嘅感覺，我覺得一蘭都算係咁多間過江龍之中最保持到日本感覺架啦，可能因為佢本身個「自修室」格局真係好日本掛至於拉麵，得一款，不過你可以自己揀湯底嘅油膩程度、辣度之類，麵都可以揀軟硬度…Read More

呢個鹽燒五花腩定食係我哋嘅comfort food, 每當做嘢做到好累時，就會諗起要去「大碗屋」食個邪惡五花腩今日特別肚餓，所以叫左個增量版。定食除咗有肉有飯，仲有個好好味好滑嘅蒸蛋，同埋一碗無入鏡嘅麵豉湯。啲五花腩燒到有少少燶得嚟係好香口，就算減緊肥嘅人，都會覺得為咗佢而破戒係值得嘅另一個餐我哋叫咗燒牛舌，額外加左$28由白飯轉左燒五花腩don 飯睇落去好豐富好吸引，但個牛舌係超「un」，要0趙好耐都未必吞到所以呢，下次再幫襯應該兩個餐都會叫哂五花腩算…Read More

我哋叫咗兩個午餐，一個係青咖哩豬扒飯，另一個係肉碎炒飯，加埋$103，價錢合理，唔算貴但亦唔算極平。但唔知點解凈係一個餐包飲品，另一個餐要加錢先有，明明兩個都係午餐menu（不過我減緊肥其實唔飲野都ok, 所以都無特別追問點解）首先，我想講個賣相都幾唔吸引食落去，青咖哩都尚算ok, 豬扒分量都多，同埋好夠汁，一定夠撈飯，啲咖哩汁都好杰，辣辣地，ok! 至於個肉碎炒飯，同事話好難食，我仲試左一啖，都好認同好淡味，同平時食嗰啲泰式肉碎炒飯完全唔似同事食咗半個就頂唔順無食了所以，如果真係要幫襯「泰正」，我會建議食咖哩，千祈唔好食呢個肉碎炒飯！！！…Read More

某日要去habour city 買啲嘢，好肚餓想食啲嘢，諗起突然想食ucc ，一search 見到呢間，一於行去食啦！叫左一個pizza, 一個黑松露帶子意粉，兩杯咖啡，加埋都$300幾，咁嘅價錢配呢個質素真係唔ok!!!!!佢仲要掛住ucc 呢個名其實pizza 只要你落得夠多芝士/醬，都好難會做到難食，但佢個pizza 真係好淡味個黑松露意粉就更加唔掂，黑松露係一樣勁濃味嘅食材，但佢都可以整到完全無味，唔單止係無黑松露味，係連鹽都好似唔記得落咁嘅淡味！！！得罪講句，廚房好似唔識煮野食咁，真係好唔掂…Read More

老實講，Dan Ryan’s 嘅食物/價錢/質素都唔係話特別標青，不過想講嘅係，佢係一間都幾「小朋友友善」嘅餐廳，所以都值得一讚！喺未有小朋友之前，都唔會知道原來香港好多餐廳都唔係太「小朋友友善」，唔計中式酒樓，好多餐廳原來都冇提供BB櫈俾小朋友，可能因為香港租金太貴，寸金尺土所以唔想浪費啲位置嚟放BB櫈掛有咗小朋友之後，每一次想帶佢出街食飯都有啲困難，因為要搵一間提供BB櫈嘅餐廳其實真係唔係咁多選擇！Dan Ryan’s 除咗有提供BB櫈，仲會每個小朋友一入座就送佢哋一個氣球，幾支蠟筆，一張紙比佢哋游顏色，用嚟打發時間，等大人可以食返餐安樂茶飯…Read More

最鍾意食魚米家嘅炸豬扒麻辣湯泡飯，雖然我唔知道佢湯底係咪真係真魚湯，但佢個麻辣湯底的確係惹味辣又唔算係好辣，但配埋啲木耳、榨菜絲、椰菜絲、少少菇類，食落去個味道好豐富偶然仲會識到一啲脆脆粒，口感更有層次大家都見到啦，塊豬扒炸得幾靚份量亦都唔細，大大塊仲要有成兩塊，塊豬扒唔算好肥，又無話炸都油淋淋，但係咬落去一啲都唔乾，平時我唔係超級鍾意食肉，但都可以食晒兩塊都唔覺得油膩講價錢，魚米家喺米線界/泡飯界嚟講一定唔算平㗎啦，不過我就覺得性價比幾高，起碼佢嘅份量同質素真係值呢個價錢…Read More

Lunch time 經過，都會見到好多打工仔聚集喺陶館外等外賣。其實一路想試好耐㗎啦，不過我個飯腳成日都話佢態度好差，所以一直唔肯幫襯。今日飯腳咁啱放假，得我一個人唔知食咩好，就一於試吓陶館啦！預先打電話去外賣自取，聽電話嗰位員工都算幾好態度呀，我叫咗泰式雞扒飯， 15分鐘拎得。一打開個飯盒，嘩，塊雞扒仲大過我塊面！另外仲有幾舊白焯西蘭花，同埋一兜泰式酸辣汁。最驚喜嘅係佢仲送咗一個細蘋果同埋一包紙裝飲品茶感覺上好似都幾健康！第一次見買飯盒會送生果味道方面，我就覺得一般般啦，雞扒本身無乜味，所以一定要點汁嚟食。只能夠講，喺中環50幾蚊有咁大塊雞扒，又包埋嘢飲，都算抵食，所以日日咁多人排隊係正常嘅！不過我自己就未必會再幫襯了！…Read More

外賣三餸一麵$40的車仔麵，喺上環來講呢個價錢算係不過不失。不過我覺得麵尊嘅優勝之處，係在於1）啲餸幾特別 2）味道真係唔錯先講吓啲餸，大路嘢例如魚蛋腸仔呢啲就唔使多講，比較特別嘅餸包括有鴨腎、羅漢齋，呢啲餸的確唔係周圍都有得食！我今次試咗個鴨腎份量都幾多，幾香滷水味，值得一試！另外我想講吓佢個湯底，我通常都食麻辣汁，佢個麻辣汁係幾香，不過試過唔記得嗌小辣，係辣到成碗都食唔到（因為我唔算好食得辣，如果鍾意食辣嘅朋友一定會超級鍾意）；吸取教訓後，次次我都會叫麻辣小辣，呢個辣度對我來講啱啱好係屬於食完會好回味嗰隻辣…Read More

記得triple o’s 岩岩嚟香港嗰陣時（我諗大大話話都有十幾年前），覺得佢啲burger 都幾貴架，雖然係好好味，但對於當時仲係學生哥嘅我來講，真係太貴，唔會成日食！估唔到今時今日佢嘅定價仲停留緊係十幾年前，感覺上都無乜加過價當而家一杯咖啡閑閑哋都$40-50嘅時候，佢嘅物價就變得相對唔貴了嗰日我哋叫咗兩個包，一個係original, 另一個係bacon and cheese ，另外加咗薯條同埋Oreo奶昔，好邪惡好豐富嘅一餐！由於啲漢堡扒太過juicy, 所以食到我哋成隻手都係汁其實都食得幾狼狽，不過真係好好味！薯條熱辣辣香噴噴又脆卜卜，仲好香薯仔味添，必食呀！另外Oreo奶昔係跟餐額外再加$22 ，入面有一球雪糕，好邪惡但係食完嘅時候個人好滿足！大讚呀…Read More

話說老婆好鍾意食窩夫，某日經過ever shine 見到佢個Menu有窩夫食，於是就約埋老婆搵日去幫襯下啦！題外話，其實事前都唔知道佢嘅老闆係薄有名氣嘅女廚師，之後某日開ViuTV竟然見到佢同Anson Kong一齊做節目一入到舖頭，店主好有禮貌咁帶我哋出去室外坐（因為室內得好少位，亦都坐滿了），好彩嗰日唔係太熱，所以都唔坐得舒服嘅二話不說，叫個窩夫食下先！另外仲要多咗杯培茶拿鐵，同埋一啲黃金蜆意粉（呢個唔記得影相）大家見到相都覺得個窩夫好靚呢？砌到好似藝術品咁，除咗樣靚味道仲好好味添，個窩夫係有啲紫薯喺入面㗎 ！同埋食落去只係少少甜，感覺唔係極度邪惡，食完都冇咁內疚。培茶拿鐵都好好味，因為我好鍾意培茶，但市面上培茶嘅食品真係唔太多，所以見到Menu有都立即叫嚟試，試完當然係冇失望啦。另外個黃金炒蜆意粉都好好味，好味都唔記得影相啲蜆嘅份量好多，同埋真係炒得好香，有少少辣，再加埋啲鹹蛋黃嘅鹹味，諗起都想再食呀！…Read More

同老婆結婚周年，咁大件事梗係要搵間好嘅餐廳好好慶祝一下啦！老婆同我都減緊肥，所以食燒海鮮就最好不過啦！銅鑼灣食燒海鮮都有唔少嘅選擇，最後揀咗呢間因為地點方便、睇OpenRice都幾多好評，一於book位啦！啲海鮮好新鮮，切完拼盤之後啲鮑魚都仲係生勾勾郁吓郁吓係你面前另外店員都好識做，佢會砌靚靚個拼盤然後問你使唔使影相，啱晒相機食先嘅朋友們另外我鍾意佢嘅地方係，啲店員好落力！嗰一晚負責幫我哋燒海鮮嘅店員一個人同時間要負責燒兩枱客（連埋我哋都有成七至八個客人架），但係佢做嘢又好快手，又唔會燒燶海鮮，認真專業！…Read More