GluttonCat's Profile

餐廳位於尖沙咀、尖東及佐敦中間，離地鐵站唔算好近，我由尖沙咀行過去。我今次叫咗個韓式石頭飯，來到先知原來都幾大碗，肉嘅份量都好足夠，好彩蔬菜份量亦都多，好適合平時多肉少菜嘅香港人，隻生蛋加埋個韓式醬，撈埋成個飯來食，真係 yummy。…Read More

餐廳位於太子雷生春旁，雖然距離地鐵站 🚉 唔算話近，但附近都有幾個巴士站🚏，所以唔想行過去，都可以選擇坐巴士🚍。鋪頭唔算太大，目測二十個位左右。因為當日係過咗 lunch 時間去，所有唔算多人立即有位坐，我叫咗個香煎鲷魚柳粟米汁意大利飯，口感都幾好夠味，而且味道不錯。之後唔夠飽 😅 再叫多個小食，皇牌黑松露巴馬臣薯條🍟，來到熱辣辣，再點埋黑松露醬！ 咁就 Pecfect！Yummy Yummy！😋😋😋…Read More

行入女人街揾嘢食，有時真係花多眼亂，當時由登打士街開始行入女人街，行行下比張金仔貓貓海報吸引住，再望真d原來係食泰國嘢。當時嘢食叫咗個泰國船麵，湯底好濃又好味；嘢飲叫咗杯泰式奶茶。…Read More

記得當日去佐敦附近行吓，到3點3又口痕痕😛於是想搵個地方食個下午茶☕️，行下行下見到呢間餐廳，初頭見佢個裝修得幾靚以為好貴，再望吓個餐單🧾原來都係好大眾化🤑。下午茶時間人唔算太爆，所以唔使等位又唔使搭枱。我叫咗一份香煎三文魚🥓下午茶餐，有炒滑蛋🥚及厚牛油多士🍞，再配大大杯凍檸檬茶🥤，當時呢份下午茶餐賣緊 $35 左右凍飲加幾蚊，但係份量味道絕不馬虎。希望之後可以繼續搵到，呢類 CP 值咁高嘅餐廳啦。🥲…Read More

次次行過Ruby Tuesday，見到佢哋個價錢💰都有點猶豫😣💸，後來知道有朋友有Ruby Tuesday會員，原來會員價差不多有半價😳，於是夾埋佢同其他朋友一齊去走試吓。香濃肉醬意粉🍝配蒜茸多士🥖 - 意粉軟硬度適中，肉醬醬汁夠濃。整體上係好味嘅。鐵板精選拼盤 (牛扒及雞胸)🥘 - 牛扒叫7成熟都唔算太韌，雞胸無特別。玉米粉薄烙餅🌮 tortillas 配生菜🥬，蕃茄🍅，碎車打芝士🧀，比較突出係配嘅兩個醬。總結，去Ruby Tuesday食，記得要有會員先抵食。😅…Read More

行開尖沙咀想食吓正宗嘅🇮🇳印度餐，如果唔想入重慶大厦，原來仲有另一選擇。餐廳位於嘅大厦係 K11 商場斜對面嘅半島大厦，交通十分方便，也非常容易搵。我哋係 lunch 後時間去，所以人唔算多，入去立即有位坐。烤印度威化餅 Roasted Papadum即叫即做十分香趣，再配合醬汁，十分開胃番茄咖哩雞配白飯 Butter Chicken with rice瑪沙拉燴雞配烤餅 Murgh Masala with Naan印度炭燒雞 Chicken Tikka…Read More

記得呢次幫襯，係小編第一次接觸🇰🇷韓國食物，因為以前🇰🇷韓食都係比軟少選擇，而且亦比較貴。佢哋用快餐型式去經營，當時係比較少有，因為價錢門檻相對比較低，所以當時決定走入去試一試。當時叫咗一份牛肉石頭鍋飯🥣 (入面除咗牛肉及飯，還有大量蔬菜🥬、蘿蔔絲🥕及芽菜)，配小食(🇰🇷韓國泡菜+薯仔🥔)，個飯食完個鍋都仲係少少熱🔥嘅，小食每款細細份剛剛好，也從此喜歡咗食🇰🇷韓國泡菜😋。…Read More

餐廳距離佐敦地鐵站 🚉 三個街口左右，交通尚算方便，位置亦唔算難搵。呢次係中午12點前入去食，剛好唔使等位就可以直接入去。4人枱2人枱都有人坐緊，所以只好坐bar枱位，搵好位坐就可以出去落order。全日早餐有三款 (超級，美式，素菜)。我今次食美式，入面有車厘茄🍅、煙燻三文魚、煙肉🥓、紐倫堡腸、芝士脆皮腸、芝士大磨菇🍄、炒滑蛋🍳、焗豆、奶油餐包🍞。個人比較喜歡個芝士大磨菇，同埋個炒滑蛋。因為真係好好味。😋😋😋…Read More

[純回憶分享] 記得最後一次去幫襯💰，係walkin走去食lunch🍽，餐廳個位置位於地庫，要經過一條長樓梯🪜落去，入到去覺得佢哋個內部環境好靚又有氣氛🎈。可能係地庫嘅關係，當進入餐廳後，就好似去咗另一世界嘅感覺，入面仲有有個大吧櫃🍷🍸🍹🍺及一個小型表演位置。睇番d相，我哋叫咗牛扒🥩，Lasagna🍝及Pasta🍛，質素都係中級水平。😋當時餐廳內部環境餐前沙律🥗，麵包🥖及羅宋湯🥣Lasagna 🍝牛扒 🥩Pasta 🍛…Read More

去開九龍城，一定去食吓泰國菜。而作為小資一族，當然係lunch或者係tea time時間去食，一來價錢比晚市平，二來呢d時間好以無咁多人，唔使點樣等位又唔坐到咁迫，可以舒舒服服咁，慢慢品嚐眼前嘅美食。泰式船河大大碗，料多多 (牛片、牛丸、牛腩、炸豬皮，撒上炸蒜、金不換) ，湯底十分濃郁。😋冬陰功雞肉湯河，配小食泰式炸魚餅。湯唔算好辣，如果覺得唔夠辣，可以自助調味。炸魚餅一般水準，無乜驚喜。脆皮海南雞飯，配小食泰式春卷。碟飯嘅鷄同埋油飯係好食，但個靈魂係佢哋附送嘅醬，雖然比較辣但會越食越過癮。春卷係現炸嘅，所以係卜卜趣嘅。…Read More

當大家都無idea想食乜嘅時候，最好就係去打邊爐或者食放題，今次食呢個放題好有驚喜！因為居然有鮑魚，而且好好食！第一個推介，係佢哋呢個"醉鮑魚"。雖然呢個係冷食，佢有少少酒浸住，但食落鮑魚本身係有少少甜味的，爽口又唔韌非易入口。第二個推介，燒薄牛肉片。可能師傅燒嘅手勢非常好，連續叫咗幾碟來食，差唔多碟碟可以keep住到燒致八成熟，有口感之餘也不會韌十分易入口，如果夾埋碟面嘅炸蒜片一齊來食的話會更加好味。第三個推介，清酒係自助嘅，如果鐘意當水飲嘅朋友，終於可以杯接杯，唔洗浪費時間等人送過來啦！🤪👍另外，如果鐘意飯後甜品嘅朋友仔，記得！記得！記得一定要留少少肚，佢哋d蛋糕都十分有水準。雪糕有三款，分別係自助軟雪糕、韓國雪糕杯及Mövenpick雪糕杯。…Read More

因為有班老友記係6月生日，主角們佢哋想去食吓四五星級酒店嘅中午自助餐，於是幫手上網揾吓。見到香格里拉有個叫「綻放年華」自助餐生日優惠，除開每人二百五蚊左右睇落幾抵，於是二話不說馬上booking。呢個中午自助餐食3小時，由中午12點開始食到3點。海鮮區有黑青口、蟹、海螺、青口、蝦，雖然款式唔多，但全部都好新鮮甜美。😋日式區有海藻沙律及玉子蒸蛋，壽司共有六款而且熟的比較多。 唯一可惜係無鰻魚及三文魚。🥲沙律區菜類、款式、配料、醬汁，十分多選擇。😋芝士有三款，但不能自取。🥲熱食有泰式、印度式、港式、越式、川式。😋只係港式燒味無叉燒比較可惜。🥲甜品區鮮果只有西瓜，蜜瓜，菠蘿，哈蜜瓜，但款款都十分鮮甜。雪糕係Häagen-Dazs。蛋糕西餅超過十款，樣樣都好有水準。所以一定要記得留肚去食甜品。😋…Read More

呢日行開紅磡，睇吓有無d小店可以幫襯吓。行咗一陣見到呢間拉麵店，可能過咗lunch時間，門口未見有人排隊，再望望入面有幾個吉位唔使等，於是行入去試吓。佢哋有四款拉麵，分別係：白天王(原味豬骨)，赤天王(辣味豬骨)，黑天王(黑蒜油豬骨) 及限定天王(每星期不同)。因為想試原味湯頭，所以我叫咗 "白天王"，再另外加一份叉燒(3片)。先講個拉麵：我覺得佢個湯底唔算好鹹；個麵嘅硬度我係叫普通，keep住有質感又不會太硬；而日式叉燒係肥瘦適中，見到有少少燶邊，應該上碟前有燒過，所以聞到好香嘅味道，但食落係入口即溶，真心超正！…Read More

成日經過都係食飽咗無機會試，呢次放假訓到下午三點幾，突然記得呢間嘢，於是走落去試下佢哋下午茶。我哋叫咗一份羅宋湯牛腩通粉，配芝士手抓餅及鹹牛肉炒滑蛋，飲凍咖啡。朋友叫咗一份黑白西多士，飲凍檸茶。最初對個下午茶都無特別祈望，諗住是但有少少嘢落肚，夜晚再搵好西食。點知個餐送我哋面前，原來都幾大份，賣相也不錯。諗住大份又靚未必好食，點知一食落口竟然 ‘‘嘩’’一聲。羅宋湯牛腩通粉，羅宋湯很夠味料多，牛腩夠嫩切得細細塊易入口，通粉也煮到剛好彈牙。芝士手抓餅，比較少係出面見到，但是配羅宋湯一齊食真係一流。黑白西多士，切嘅時候入面朱古力醬係流出來，可以直接當甜品來食。凍檸茶，大大杯你以為好淡？原來好濃又夠茶味。至於鹹牛肉炒滑蛋，凍咖啡，雖然無話特別驚喜，但都係好食好飲的。總結，你話下午茶人均要$55，有d人會覺得貴咗少少，但呢個份量呢個質素絕對超值。…Read More