fooooodparadisee's Profile

上星期同朋友聚舊輕鬆下，我地去左好耐冇踏足過嘅長沙灣。入夜後既長沙灣比較寧靜，而且有唔少隱世餐廳。之前黎呢邊多數都係食西餐或者中菜館，今次我地打算去食日本菜 🇯🇵餐廳內裡既設計裝潢帶點日本居酒屋風格，除左以木材為主，仲展示左具日本元素既擺設例如日本雞泡魚燈籠🏮同埋木製酒菜牌。我地7點已經到達餐廳，所以成為左當日晚市既第一批食客。枱面一早已經擺放好餐具、紙巾同醬油等，應有盡有☺️餐廳設計既餐牌十分精美，圖文並茂，囊括左多款日式美食～ 菜式包括刺身拼盤、壽司卷物、串燒同埋魚生丼飯等等，每一道菜都好吸引。至於飲品方面，佢地有汽水同酒精類飲品，係標準既居酒屋配置 🍶🍺火炙鰈魚邊 $25我地首先點左一客火炙鰈魚邊作為前菜～ 鰈魚邊係我近年既至愛，佢既口感豐富有嚼勁，咬落爽口彈牙，火炙過既鰈魚邊油脂被迫出，魚油味更加豐富。A3 三文魚、油甘魚、帶子、北寄貝、赤蝦、蟹籽、玉子燒  $158每一款都有其獨特既味道，三文魚同油甘魚充滿魚油香；帶子同赤蝦🦐鮮甜細滑；北寄貝爽口彈牙。如果唔沾醬油食，更加品嚐到每一款刺身獨有既鮮味 😋每一種刺身各有特色，由於白身魚味道比較淡，但勝在魚味清新，所以我地由油甘魚刺身開始食起。油甘魚肉質比較緊實而爽口，略帶油香，味道鮮甜～ 再黎就品嚐帶子同赤蝦，冇乜腥味之餘仲好鮮味。帶子簡直係冇得頂，厚身大粒，非常吸精。帶子細滑，有豐富嘅海水味，再配埋幾粒脆卜卜嘅三文魚籽，兩粒真係唔夠喉 😋爽口彈牙既赤蝦肉質鮮嫩，食落啖啖肉，真係好正。E3 火炙鰈魚邊、油甘魚、三文魚、玉子燒 $90朋友點左火炙鰈魚邊系列既丼飯，色彩繽紛既魚生完全覆蓋白飯，賣相十分精美。好受大眾歡迎既三文魚～ 三文魚腩十分肥美，每一啖都充滿魚油香，油脂分佈均勻，加上少少青芥末同埋醬油，食到我地好滿足 🤤我地另外再點左四款自選壽司，每款都係一客兩件，價錢親民。吞拿魚 $29吞拿魚一直都係刺身之皇，因為佢既油份係所有魚類刺身之冠。呢舊吞拿魚刺身既油脂充沛，一咬落去啲魚油四散，散落每一個味蕾。火炙鰈魚邊 $25我地再追加左兩件火炙鰈魚邊壽司，鰈魚邊比三文魚更重魚油香，食落口感亦都好唔同，比較好嚼。鰻魚壽司 $23鰻魚燒汁好惹味，亦帶出左鰻魚既精髓。鰻魚味道既鮮甜又香口😋 鰻魚既皮仲係好軟滑，我同朋友都讚口不絕。蔥吞拿魚腩蓉軍艦 $25蔥吞拿魚腩蓉軍艦真係好正！😍 吞拿魚腩蓉鮮嫩味美，入口細滑。香蔥遇上吞拿魚魚油既香味，簡直係錦上添花，令整個壽司卷既鮮味同香味大大提升，香氣四溢 😋燒明太子雞髀 $22 🔥🍢除左品嚐魚生壽司之外，我地都點左一串燒明太子雞髀試下～燒明太子雞髀十分惹味，明太子口感綿密，味道濃郁，帶點辛辣。雞髀肉非常入味，香滑細嫩 🍗總括而言，我地都好滿意今次既壽司丼飯x 串燒之旅，食物味美，店員態度親切，仲為我地主動端上茶水同埋收碟。呢到可以成為中意食日式魚生丼朋友既美食天堂～ 😇…Read More

上星期四拎左半日假去機場接朋友機，然後再去左東涌行outlet，我地左睇右揀咁行到入夜。本來打算去港島區食晚飯，但由於有啲夜既關係，我地就喺附近覓食 😋原本諗住喺青衣城既food court 快食，但行行下見到間裝潢精緻既韓國燒肉餐廳，於是就決定入去試下。人氣高企既炑八除左推出豐盛既燒肉套餐之外，仲提供各款烤肉、小食同埋飲品。我同朋友點左一道芝士熔岩飯、韓國醬油蝦配紫菜飯、梅花肉、特級牛肋骨同埋厚切五花腩。不久，店員就為我地送上燒肉所需既用具，例如燒肉鉗、膠手套同埋濕紙巾等等。另外，每一枱都送上前菜沙律同埋韓燒必備既小菜，例如惹味泡菜、海帶、芽菜 、醃白蘿蔔同埋包住肉既生菜 🥙  仲要介紹下炑八既爐邊蛋🍳 啲蛋好滑好好味，加埋香濃芝士🧀，再放少少泡菜落去，味道簡直係一流 😋芝士熔岩飯 $128芝士熔岩飯以熱石窩盛載，泡菜飯下面有濃濃既蛋漿，賣相吸睛。店員將一大碗芝士粒倒入石窩，然後開始表演熱炒。粒粒芝士隨即溶化，芝士竟然可以被拉絲至半空，睇到我地嘖嘖稱奇！經過一輪熱炒之後，店員貼心地提醒我地要趁熱享用，以防芝士遇冷變硬。芝士熔岩飯香濃惹味，芝士細滑、泡菜炒飯香辣，食到最尾仲有一層脆卜卜既飯焦～🍚韓國醬油蝦配紫菜飯 $138第一次喺韓國以外嘅地方食醬油蝦，畢竟醬油蝦喺香港比較少見。呢道醬油蝦採用新鮮紅蝦醃製而成，每一隻蝦都分量十足 🦐剝完殼既醬油蝦更顯得大隻肥美，蝦肉紅裏透光，放喺紫菜飯上面仲可以變成蓋飯 😝經醬油醃製過既醬油蝦味道鮮甜，醬油既咸味剛好帶出紅蝦既鮮味。醬油蝦肉質結實，爽口彈牙，口感十足 😋厚切韓國梅花肉 $122厚切梅花肉油脂較五花肉少，肥瘦均勻，因其油花紋理貌似梅花點而被稱為梅花肉 🥩梅花肉橫切面有九成係瘦肉，瘦肉之間有少部份細細既肥肉絲縱橫交錯，所以食起上黎特別香嫩。燒過既梅花肉唔太油膩，我地用生菜包住梅花肉、生蒜頭同埋泡菜一併享用～🥓🧄🥬特級牛肋骨 $288特級牛肋骨同我地平時食開既牛仔骨大相逕庭，一條長長既牛肋骨只有一塊骨頭，牛肋肉較為厚身🥩 另外，仲有一隻大蝦伴隨牛肋骨上菜 🦐我地將牛肋骨每一面各燒數分鐘，然後剪成細細片慢慢享肉。牛肋肉油脂充沛，肉質細嫩，食落一啲都唔韌，牛肉味濃 😋其實除左牛肋肉之外仲有一個重點，就係包裹住牛肋骨既牛筋膜。牛筋膜雖然係薄薄一層，但係非常煙韌，嚼頭十足 🤣炑八厚切五花腩 $138厚切五花腩係當晚既壓軸菜式，因為五花腩好厚身而且唔似牛肉咁快熟，所以店員為我地換上另一款鐵板，比燒牛肉既鐵網更傳熱 🔥五花腩係我其中一道最中意既韓國菜，好享受厚厚既烤肉同埋燒到好煙韌好彈牙既豬皮😋當五花腩燒到五、六成熟既時候，就可以將佢剪成細小既肉塊，一黎方便食用，二黎望落去更加澎湃 🤤 店員好細心地幫我地剪好啲肉，等我地可以專心品嚐美食～☺️我地用韓國生菜包肉既方法品嚐五花腩，除左泡菜同生蒜頭，有時都會加入其他蔬菜例如醃白蘿蔔片🥕、海帶或者芽菜🌱炑八既韓式泡菜味道濃郁，香辣而且帶點酸甜，口感爽脆～🥬🌶夾心棉花糖配朱古力消化餅 $68其實食完芝士溶岩飯同埋一堆烤肉已經覺得好飽，但朋友話甜品係第二個胃，所以我地照樣點左夾心棉花糖配朱古力消化餅 😂我地將軟綿綿既棉花糖燒至金黃色，外脆內軟，然後快速地用兩塊朱古力消化餅夾住半溶既棉花糖，成功製成一件件香甜美味既S’more 🍡🍪皇牌士多啤梨乳酸梳打 $48 x 荔枝梳打 $38飲品方面，我地分別點左一杯皇牌士多啤梨乳酸梳打🍓🍹同埋一杯荔枝梳打🍸 皇牌士多啤梨乳酸梳打味道酸酸甜甜好開胃，口感似smoothies，入面仲加左啲士多啤梨果肉～ 至於荔枝梳打既味道就比較fresh，清新解膩，荔枝味道特出 🍸總括而言，餐廳食物既地道又有質素，店員既服務態度親切和藹，非常有禮。今晚真係超滿足，朋友都大讚又飽又好味，下次要帶埋其他朋友一齊去試菜 🍽…Read More

今次要推介一間位於西營盤既小型扒房— The Bottle & Steak 🍻 本身行到去轉角位見到餐廳外面既menu，純粹覺得價錢親民，同埋食物賣相唔錯，打算平平地据下扒同埋朋友chill下，點知竟然有意外驚喜😋The Bottle & Steak 主打肉扒同埋飲料，希望食客可以一邊据扒一邊飲返杯輕鬆下。餐廳走酒吧風格，除左bar 枱之外，亦有多張高枱，氣氛十分和諧。不過由於唔想影響其他食客，所以就唔分享室內既照片，因為當晚實在係高朋滿座 😂餐牌設計簡約，以橙色、黑色同白色為主。除左lunch menu 同regular menu 之外，仲有一個小型餐牌提供多款精選菜式、當日時令高質肉扒同埋兩款特色甜品。我地點左一客餐湯、一道side dish、兩道主菜同埋一道甜品，無意中拼湊出近似酒店扒房既set dinner 🤣黑松露忌廉野菌湯 Black Truffle and Creamy Mushroom Soup $48平時食西餐，我地通常會點龍蝦湯或者黑松露忌廉野菌湯作為餐湯。今次見到廚師精選既餐牌上面有黑松露忌廉湯，就二話不說即刻點左。黑松露忌廉野菌湯香濃細滑，truffle 味道恰到好處，而creamy既忌廉令餐湯口感更smooth，每一啖都品嚐到濃郁既野菌味道 🍄脆辣魷魚條 Crispy Chill Squid Strips $58炸魷魚條絕對稱得上皮薄餡靚，鮮橙色既脆皮好crispy，每一啖都係脆卜卜。魷魚既份量十足，肉質彈牙，充滿魷魚既鮮味 🦑脆辣魷魚條雖然係油炸食物，但我地都唔覺得好油膩，反而愈食愈過癮，微辣開胃～呢道金黃酥脆嘅魷魚條真係好適合佐酒，不過我地當晚並冇點到酒精飲品，因為想留肚試菜 😋美國安格斯牛板腱扒 USDA Top Blade Steak $138第一道主菜終於登場！我地點左medium well既燒安格斯牛板腱扒😍 點medium well 係因為個人仲未接受到太生既牛扒，原本餐廳係推薦我地點medium 🤣炭燒過既牛板腱扒香氣撲鼻，表面帶有網燒過既痕跡。牛板腱扒係牛扒界中既頭三位，亦係健身人士既至愛。因為牛板腱扒脂肪含量極低，蛋白質含量高，所以好適合muscle building 💪🏼 牛板腱扒帶香軟既牛筋，食落頗有嚼頭。佢既口感比一般既牛扒更豐富，肉質相對地更結實，牛肉風味濃厚。對於唔想食得太heavy 既人黎講，blade steak 真係最佳之選 👍🏼伴隨住牛板腱扒而來既，仲有薯條同埋沙律菜🥗 薯條薯味濃郁，口感香脆🍟。沙律可以幫助消除油膩感，係完美既配搭 ☺️三款黃芥末醬食牛扒除左可以沾燒牛肉汁之外，好多時仲會配芥末醬。The Bottle & Steak非常講究，連芥末醬都有三款 👏🏼 由左至右分別係蜜糖芥末醬、芥末籽醬同埋 original黃芥末。試完三種不同風味之後，個人最中意芥末籽醬，佢亦係法國好經典既醬料，同肉類料理好相配 🥩🥓澳洲豬鞍架 AUS pork rack $168當晚除左高質既牛板腱扒，仲有令我地十分驚喜既pork rack。呢塊厚身既澳洲豬鞍架同樣有網燒過既紋路，賣相非常吸睛 😍豬鞍架好正，肉質好腍好細嫩，一啲都唔韌，自問冇乜牙力既我都食得好滋味。由呢一小片肉扒既切割面可以睇得出pork rack有幾腍，非常容易切開，唔會有粗糙既肉碎。澳洲豬鞍架鬆軟美味又juicy，再加上煎到勁香，配埋特製醬汁真係係味覺既享受 😋 Pork rack邊緣有一小層油脂，個人覺得好香口。呢到既blade steak 同pork rack 無論口感同味道都冇咩可以挑剔，呢個質素真係可以媲美著名既扒房🍽Churros with daily ice cream $48 食完正餐一定要點甜品作結！我地點左經典既西班牙甜品— churros，當係彌補喺東京迪士尼食唔到churros 既遺憾 😜Churros外脆內軟，餐廳選擇淋上少量糖漿而唔係灑上沙糖，唔單止健康啲，仲冇咁膩添😋 最後一個驚喜係嗰球雪糕，竟然唔係老套乏味既雲呢拿雪糕，而係芳香既椰子口味🥥🍦 我地都嚇左一跳，唔太喜歡雲呢拿雪糕既我本來已經打算乾啃churros，食到香甜好味既椰子味雪糕好幸福 🥰雖然當晚冇點到飲品，但都想介紹下餐廳澎湃既飲品櫃。上圖只係其中一個櫃，另外仲有兩、三個咁大既飲品櫃 🤣 除左酒精飲品、手工啤酒🍺之外，仲有果汁🍹、咖啡☕️等等，包保食客揀到岩心水既飲品，one bottle one steak!總括而言，餐廳既氣氛同食物質素都好好，我地都渡過左一個好chill既晚上。真心想推介俾大家，以親民既價錢品嚐到咁有質素既肉扒，仲要唔洗加一，係聚餐既好地方👍🏼👍🏼…Read More

去完旅行返黎香港已經解除防疫措施，我同朋友都好興奮，終於可以重啟美食之旅～ 第一站我地去左銅鑼灣，就係為左試呢間近期好受歡迎既漢堡餐廳🍔只係睇店舖名已經覺得好有意大利威尼斯風情，門上貼上彩繪玻璃圖案，美輪美奐。餐廳裝潢設計充滿歐陸風情，除左牆上面掛滿多幅油畫之外，仲有一副歌劇面具同埋歐式吊燈，彷如置身於意大利餐廳一樣～🇮🇹餐牌設計精美，一本menu有齊曬食物、飲品同埋甜品，圖文並茂。食物包括多款漢堡、套餐等等，每一道菜都非常吸引。經過一番苦思，我地不約而同挑選左漢堡套餐，每一款套餐都配以金黃香脆嘅薯條 🍔🍟新鮮即炸既薯條外脆內軟，離遠已經聞到濃濃既薯香。咬開香脆既外皮，可以食到熱辣辣既薯蓉，薯仔味道濃郁 🥔😋古代漢堡 Cauldron Burger $139我點左一個古代漢堡combo，即係一個regular size 既漢堡配薯條。漢堡頂層麵包既口感鬆軟綿密，塗滿香滑牛油🧈，令人齒頰留香。第一次食到呢款咁特別既漢堡，我諗「古代漢堡」呢個名稱係源自佢面頭嗰層獨特既青醬— Chimichurri Sauce，又名阿根廷青醬。傳統既Chimichurri sauce 由parsley同埋oregano兩種香草作為主要材料，再加上紅蔥頭、蒜頭、紅或白酒醋同橄欖油調製而成，所以味道十分豐富，帶有酸嗆感 😝我地將漢堡切成兩份享用🍔 除左品嚐到香濃既安格斯牛肉味道，生菜同蕃茄亦為漢堡帶來一點小清新。和牛漢堡 Wagyu Burger $139朋友點左最經典既和牛漢堡，同樣配以金黃鮮炸薯條🍟 雖然和牛漢堡既選料簡單，以和牛漢堡作為主軸，再以芝士、生菜同蕃茄作點綴，但呢個漢堡成功為我地帶來難以言喻既滿足感 😋牛肉漢堡夾著生菜、蕃茄同芝士，重點當然係中間塊香煎和牛漢堡。整塊和牛漢堡分量十足，中心部分呈現半熟既粉紅色，肉質鮮嫩juicy，牛肉味香濃👍🏼Chocolate banana gelato $56難得去到一間Gelato 專門店，一定要試下佢地既自家製意大利雪糕🍦聽聞呢到既雪糕師傅手藝非凡，而且堅持選用最高品質既水果作為gelato 既原料。呢客gelato既香蕉味特出🍌，食落香甜細滑，再配合埋朱古力微微既苦澀味，甜而不膩。Gelato 比一般雪糕清新，脂肪含量較低，但口感更綿密 😚當晚真係好滿足，連嘴刁既朋友都大讚好食。餐廳店員既態度親切，又適時為我地提供餐牌同水，係一個完滿既美食體驗。…Read More

新年上山頂行大運🧧，同朋友搭完纜車之後，去左山頂廣場覓食。冇黎山頂好多年，雖然已經改變咗好多，但有少部份餐廳依然屹立不倒。我地見到新開張既PHI Coffee & Pancake 氣氛唔錯，同埋推出左賀年餐牌，所以決定入去試菜。餐廳既裝潢簡約而有情調，我地一入到去就已經感受到濃濃嘅cafe 氣息，右手邊既咖啡bar亦展示左不同種類嘅咖啡豆、咖啡杯同埋各色各樣嘅小擺設。店員為我地呈上左一本餐牌，包括甜品、烘焙類食品同埋主食等等，另外仲有多款傳統飲品同埋特飲。我地都覺得每一款菜式都好吸引，而且我本身都好中意食包點、甜品，所以用左一段時間先做到決定 🤣士多啤梨梳乎厘 $136PHI Coffee & Pancake 為左慶祝兔年，推出左兔仔造型嘅pancake，不過我最後都係揀左最中意既士多啤梨味～🤭梳乎厘pancake同埋士多啤梨既面頭都灑上一層薄薄既糖霜，擺盤十分精緻 🥞🌿✨ Soufflé 一客三件，每一件都非常厚身。梳乎厘班戟口感輕柔，好鬆軟好fluffy，充滿空氣感☁️。蛋漿比例完美，蛋味濃郁。士多啤梨色澤鮮紅，果肉包滿，味道清甜微酸。🍓青醬大蝦意大利飯 🍤🇮🇹 $98意大利燉飯配上大大隻新鮮彈牙既大蝦黎做配料，再加上我最愛既pesto sauce 青醬🌿同埋濃郁既芝士香，簡直係完美既配搭 🤤意式燉飯係我其中一道好中意食既意大利菜式，意大利飯既口感比平日食開既飯更煙韌，粒粒分明。大蝦爽口彈牙，每隻都係啖啖肉👍🏼雜莓香蕉乳酪碗 $85近排食左唔少油膩食物，所以點左道雜莓香蕉乳酪碗黎減少罪惡感 😂 呢個bowl 有三種有益又好味嘅水果，包括士多啤梨🍓、藍莓🫐同埋香蕉🍌。另外，仲有既果腹又有益既穀物同果仁。將三種水果夾埋一齊食，酸酸甜甜又健康。藍莓同香蕉含有既纖維素可改善便秘問題，而且當中既維他命、鈉同果糖可提升胃腸嘅消化能力，好適合食滯咗嘅人食用。黎得Cafe 當然要飲咖啡，我同朋友各點左一杯新春特飲黑芝麻latte 同埋經典caffe latte ☕️Black Sesame Latte to You $48呢杯黑芝麻latte 係新春menu 既特製飲品，同連個飲品名稱都同兔年有關。黑芝麻味道濃郁，同埋鮮奶好夾，面頭既黑芝麻令佢既賣相更吸引。Caffe latte $38朋友點左一杯經典既latte，latte嘅咖啡泡沫較少，牛奶比例較多，所以飲落鮮奶味濃，可以中和咖啡嘅苦澀味。☕️整體黎講，餐廳氣氛舒適，好適合中意慢生活嘅人。食物質素都唔錯，店員既服務態度親切有禮，上山頂睇風景既同時不妨黎呢度抖下 😌…Read More

2022 年既最後一戰，就係去食呢間超人氣既日式麵屋！隨著防疫措施放寛，好多餐廳都變得熱鬧，我同朋友都趕喺人龍出現之前，到達「麺屋こころ」🇯🇵🍜位於灣仔既Kokoro Tokyo Mazesoba 店舖面積唔算好大，目測只有十幾張枱。我地大約六點半到達餐廳，店內已經人頭湧湧，店員親切地帶領我地到舒適既座位。餐牌以日式撈麵為主，配上精美圖案讓食客更了解每一款撈麵既特別之處。除左撈麵之外，仲有一款拉麵同埋數款小食。店員仲遞上一份獨立既餐牌，餐牌上有三款新推出香港限定既「山椒麻辣撈麵🌶」，以辛辣口味為主打，分別係「山椒麻辣」、「真鱈の白子」同埋「肉の地獄」。我地都心思思想試下新品，但因為近排慶祝聖誕食得太油膩既關係，擔心腸胃會消化唔到，所以最後都係決定揀唔辣既款式 😂正宗全料東京撈麵 Premium Tokyo Mazesoba $99我點左呢款經典既正宗全料東京撈麵，材料非常豐富，包括叉燒、辣肉碎、溏心蛋、生蛋黃、紫菜、蔥花、竹筍同生蒜等等。光看賣相，已經覺得好吸睛，好期待撈完之後既味道 😍Kokoro日式撈麵店既賣點在於佢既自家新鮮手製麵條，主廚使用日本配方，以優質全麥麵粉製作麵條🍜。撈麵麵條唔單止帶有淡淡既麥香味🌾，仲十分之煙靭彈牙，非常掛汁👍🏼我地起勢咁將啲食材撈勻，務求每一條麵條都沾滿蛋黃醬汁。拌料既份量十足，食到最尾都仲有叉燒同埋辣肉碎。燒烤過既叉燒好香脆惹味，肉質鮮嫩，軟腍細滑。半熟溏心蛋香滑流心，蛋香味濃郁，鮮橙色既蛋黃尤其出色，不愧為蛋中之王，令人齒頰留香🥚明太子忌廉撈麵 Mentaiko Cream Mazesoba $89朋友點左明太子忌廉撈麵，佢醬料既味道冇正宗全料東京撈麵咁濃，反而較為清新，更能品嘗到明太子既鮮味。叉燒一樣都係咁厚肉咁juicy，撈埋魚粉同生蒜🧄，整道撈麵既味道真係好特別 😋呢款撈麵仲附上一小瓶既香醋，相信係為左提鮮去腥。雞軟骨餃子 Chicken Soft Bone Dumpling $39小食方面，我地點左一客餃子同埋一道炸雞球。雞軟骨餃子一碟有四隻，每一件都皮薄餡靚，唔會覺得油膩🥟 餃子外皮金黃香脆，內裡既雞軟骨爽口彈牙，口感豐富。炸雞球 Fried Chicken Karaage $33炸雞球即叫即炸，新鮮滾熱辣出爐。炸雞外面只有一層薄薄既脆皮，入面既雞肉鮮嫩多汁，非常juicy～我地先擠上少少鮮檸檬汁🍋🌿，再將炸雞球沾滿蛋黃醬🍳，食落好香口好惹味🍗😋朋友食完撈麵之後，請店員加入白飯🍚，咁就可以將剩低既醬汁同食材撈埋一齊，攪拌成肉燥飯食用。追加白飯係費用全免架，大家有興趣都可以試下～抹茶入玄米茶 Genmai-cha $32作為抹茶既忠實粉絲，我睇完餐牌之後好快已經決定左要點抹茶入玄米茶。其實真係第一次接觸呢款口味，估唔到都幾清新幾夾。甘味既抹茶遇上香甜既玄米茶，兩者起左互補既用，飲落甘甜可口🍵。冷萃珈琲 Cold brew $28而朋友係一個咖啡迷，所以佢歡心期待地點左Cold brew 🧊☕️冷泡咖啡香氣濃厚，層次豐富，朋友將整樽咖啡飲清光 👍🏼我地食完都好中意「麺屋こころ」自家新鮮手製既麵條，真係好煙韌好彈牙，係繼沾麵之後既新寵。即使我地當晚都食得好飽，但過左幾日已經開始掛住日式撈麵既味道，我諗我地好快又會到訪Kokoro 試埋其他撈麵款式😋…Read More

上個星期有個同樣中意食日本料理既朋友同我聚舊，於是我地就打算一齊去發掘美食～朋友覺得喺香港想搵一間質素好又唔太昂貴既日本餐廳並唔容易，有好多壽司、刺身即使略帶魚香，但鮮味欠奉。不過，香港話曬係一個美食天堂，選擇眾多，相信我地總會搵到啲好食而又價錢親民既餐廳。當日放工之後約左朋友去大角咀覓食，因為聽聞附近有唔少平民抵食隱世餐廳。我地行左幾條街，發現吉勝吉列串揚專門店🏮既招牌好搶眼，而且見到有唔少食客推介，性價比好似好唔錯，所以就決定入去食晚餐～餐廳內裡既設計裝潢好有地道日本風格，除左以木材為主，仲展示左具日本元素既擺設例如日本和風摺扇同埋巨型太鼓。由於我地六點半已經到達餐廳，所以成為左當日晚市既第一枱食客。枱面一早已經擺放好餐具、紙巾同醬油等，非常貼心☺️餐廳設計既餐牌十分精美，圖文並茂，囊括左多款日式美食～ 菜式包括刺身拼盤、壽司卷物、串揚同埋魚生丼飯等等，每一道菜都好吸引。至於飲品方面，佢地有汽水同酒精類飲品，係標準既居酒屋style 🍸🍹原條金目鯛刺身 $248我地首先點左一道金目鯛刺身同埋黑松露炸薯條作為前菜。金目鯛原條上碟，薄薄既魚片擺放工整，再配上小黃菊同埋紫紅既楓葉，擺盤非常精緻。金目鯛係日本料理既大熱之選，好適合做刺身。料理師傅既刀功一流，用筷子夾起薄切既鯛魚片可以透析光線，代表係完美既薄片。金目鯛油脂含量適中，肉質細膩而且味道鮮美，沾少許柚子醋可以提鮮。另外講一個小提示，怕腥既人可以夾埋蒜泥同薑蓉一齊食，味道更容易入口。黑松露炸薯條 $48新鮮即炸既薯條外脆內軟，岩岩上枱時仍然冒出熱騰騰既蒸氣。黑松露香氣濃郁，同蛋黃醬好相配。咬開薯條金黃色脆卜卜既外皮，可以品嚐到軟滑既薯蓉😋壽司四貫 $52食完一整條金目鯛之後，我地都想點返啲半生熟既食物，所以全部壽司都係火炙既。壽司四貫包括火炙劍魚腩壽司 ($14)、火炙三文魚壽司 ($11)、火炙左口魚邊壽司 ($16) 同埋芥辣八爪魚軍艦 ($11)。火炙劍魚腩壽司 $14我平時比較少食劍魚腩，當晚被呢舊肥美既火炙劍魚腩壽司驚艷到。火炙劍魚腩雖然冇大拖羅咁受人歡迎，但佢既口感同味道都好唔錯。火炙過既劍魚腩由原本既白肉變成偏黃，肉質柔軟，鮮甜而不油膩。火炙三文魚壽司 $11三文魚係我初嚐刺身時既最愛，好中意佢獨有既橙紅色，未食已經垂涎三尺。三文魚油脂分佈均勻，條紋清晰，鮮味十足。火炙左口魚邊壽司 $16左口魚邊係我近年既至愛，佢既口感豐富有嚼勁，咬落爽口彈牙，充滿香濃既魚油味。左口魚邊係整條魚最肥美既部份，火炙過既左口魚邊油脂被逼出，表面泛起一層油光，入口濃郁甘香。串燒 $102既然一場黎到，一定要試下餐廳既招牌串揚，我地點左7款唔同既吉列串燒，包括冬菇($12)、紅薑 ($12)、黑豚肉韭菜卷 ($24)、黑豚肉蘆筍 ($24)、免治鷄肉（日本南部鷄）($18) 同埋秋葵 ($12)。免治雞肉（日本南部雞）$18我地都好中意食串燒，但炸串燒就真係好少機會品嚐到，呢串免治雞肉好有驚喜。食材源自日本南部雞，雞肉同軟骨既比例岩岩好，每一啖都食到嫩滑既雞肉同埋爽脆既雞軟骨。香脆既外皮配上甜甜地又咸咸地既秘製醬汁，口感味道都好正!黑豚肉韭菜卷 $24黑豚肉韭菜卷外皮炸至金黃酥脆，而內裡依然係嫩滑多汁，配埋香口既韭菜一齊食真係幾唔錯。紅薑 $12吉列紅薑係餐廳近期推出既新品，從來都冇見過紅薑串燒既我地都好好奇佢既味道，所以點左一串黎試下。紅薑比我地想像中甘甜，帶點酸味，不過食肉獸既我地都係比較中意食雞肉串同豚肉串~ 泡菜豚肉鍋 $88泡菜豚肉鍋份量十足，有大量豚肉片、豆腐、菇類同蔬菜等等。泡菜既辣味溫和，屬於小辣，唔係好食得辣既人都適合食用。薄薄既豚肉帶少量脂肪，食落比一般既瘦肉更爽脆彈牙，配埋熱辣辣既泡菜湯更加惹味。白飯 & 麵豉湯 $12點左泡菜豚肉鍋之後，我地都覺得要配埋白飯一齊食先至盡興，所以又追加左白飯同麵豉湯。食完飯再飲碗清香味濃既麵豉湯，成個人都暖笠笠，為當日晚餐劃上完美既句號。我地一邊進食，一邊暢談，不經不覺地逗留左超過一個半鐘。當晚座無虛席，餐廳氣氛好好，好適合一班朋友一齊小聚…Read More

前排天氣好凍，仲成日都落雨，所以都好耐冇出街約朋友。上兩個星期朋友話想食The Grill Room 鋸扒，加上經sevenrooms book 枱可以享有折扣優惠，於是決定出關食好野～ 😆我地去到銅鑼灣The L. Square 既5樓，一出lift 就見到餐廳既窗口貼住Merry Christmas，即刻覺得好有氣氛～ 餐廳門口擺左幾份menu，供客人細閱。餐廳同兩年前一樣，依然走西方簡約風，除左卡位、普通二人餐桌之外，靠近牆邊仲有幾張高枱，好適合品酒暢談🍷餐廳設計既餐牌都冇咩改變，都係一張餐牌係dinner set，一張牌係飲品，仲有一張大大張既餐紙俾客人散點菜式～ 食物種類包括餐湯、頭盤、主菜同埋甜品等等。至於飲品方面，佢地有乳酪、沙冰、酒精飲料，任君選擇。我同朋友都想走健康路線，所以最後決定點兩道主菜，感覺份量岩岩好。16 oz 安格斯肉眼扒配黑松露薯蓉 $428我地點左七成熟既燒安格斯肉眼排😍🥩炭燒過既牛排香氣撲鼻，外面燒至啡色，帶有網燒既痕跡。牛排旁邊有黑松露薯蓉同埋兩個特別嘅醬汁，一款係燒牛肉汁，另一款係我超中意嘅Pesto 🌿牛肉有好多部位都可以製成美味嘅牛扒，當中Rib Eye上面既牛肉最能呈現一隻牛既牛肉品質。呢塊重量級嘅美國燒安格斯肉眼排內部真係充滿肉汁，食落一啲都唔韌，肉質非常嫩滑 👍🏼牛排帶點油脂同埋香軟既牛筋，佢既口感層次比一般既牛排更豐富，我地都覺得佢好juicy 好細嫩。廚師控制火候既能力非凡，我地邊食邊切，品嚐左一段時間，仍然可以見到內裏粉嫩嘅牛肉 👍🏼松露薯蓉不但香滑味美，仲可以幫助清一清口腔既油膩感，咁食客就可以慢慢細味呢塊燒肉眼排。薯蓉表面有少許蔥花，食落更香口。Seared scallop linguine $208網燒牛排登場冇幾耐，我地點既帶子意粉都新鮮出爐～ 帶子龍蝦汁扁意粉🍝🦞係我每次去西餐廳必點既菜式，除左因為佢既賣相吸引之外，每一種食材都好岩我心水 😋意粉面頭鋪上三粒香煎過既北海道帶子，中間放左一撮彈牙嘅三文魚籽，再加上濃厚嘅龍蝦忌廉汁，絕對稱得上鮮味十足🍝帶子表面煎成金黃色，鮮嫩香口～ Linguine係我其中一種最喜歡既意粉，我中意佢獨有扁扁既外觀、厚實既口感同埋能夠掛滿醬汁既特性 🍝總括而言，餐廳既氣氛同食物質素都好好。個人覺得The Grill Room 炭燒牛排既質素可以媲美酒店扒房既牛排，都係咁juicy 咁重牛肉味。我同朋友都渡過左一個愉快既晚上，我地都約定要再次造訪👍🏼…Read More

上次去歐洲旅行，遊歷左好幾個國家，偏偏冇時間去充滿歷史意義既英國🇬🇧成日聽人講英國既fish and chips 好出名，今次終於有機會喺香港試下😍The Chippy 位於尖沙咀一條較寧靜既街道，佢係一個類似food court 既地方，入面有好多英國風格既擺設，仲展示左幾件足球名星既簽名波衫⚽️👕隨處都見到印有The Chippy logo 既餐具同酒杯等等，感覺上好似去左英國一間地道既餐廳，預備睇足球比賽咁樣 🤣餐牌上有多款招牌英國菜式例如炸魚薯條、珍寶香腸同埋肉批，另外仲有一啲配菜同埋飲品。The Chippy 既食材都係由英國進口，保證味道同當地一樣咁地道 👍🏼我地點左一客招牌炸魚薯條、一個牛肉洋蔥批同埋兩款飲品之後，店員就為我地送上餐具同紙巾🍽 為左確保新鮮香脆，所有食物都係即叫即整。我地等左大約15分鐘後，牛肉洋蔥批同炸魚薯條終於出爐喇～😍牛肉洋蔥批 Beef and onion pie $78牛肉洋蔥批焗既時間拿捏得好好，整個批都烤至金黃色，色澤均勻。香脆鬆軟既餅皮散發出烘焙過既牛油香氣，令人垂涎三尺🥧我地輕輕切開肉批，入面既洋蔥牛肉隨即湧現出。牛肉鮮嫩軟腍🥓，同香甜既洋蔥好相配🧅炸魚薯條 Fish & chips (12oz) $198第一次品嘗fish & chips，一定要點招牌大份先夠食，所以我地二話不說點左12 oz。廚師即叫即整，所以製作需時。炸魚薯條一上枱，我地都被佢巨大既size震撼左😲。整條炸魚可能仲長過我既前臂，真係名副其實既重量級。唔單止係炸魚大份，就連佢既薯條🍟都係巨型，唔係平時快餐店食到既大細，係粗過我啲手指🖐🏼😂Curry sauce, Gravy and Mushy peas呢道炸魚薯條原來仲附上三種英國招牌醬料，分別係左起咖喱醬、牛肉醬同埋青豆醬。每一種都好有特色，咖喱醬香氣撲鼻、牛肉醬濃厚、青豆醬充滿田園風味。雖然好多人都力薦青豆醬，但我個人比較中意佢個咖喱醬，佢既味道唔係印度咖喱咁濃，反而偏香甜，同炸魚好襯 🐟重點推介炸魚薯條，炸魚絕對稱得上皮薄餡靚，金黃色既脆皮真係好crispy，每一啖都係卜卜脆。而入面既鱈魚cod fish 依然肉質細嫩，帶點juicy，魚味濃郁🐟巨型薯條好正，每一條都係外脆內軟，一咬香脆可口，而內裡既薯仔蓉好軟滑，沾埋茄汁簡正一流～🍟🍅Vimto and Lilt $58 each食炸野一定要有汽水解膩，所以我地分別點左菠蘿西柚味既Lilt 同埋雜莓味既Vimto，飲完好fresh好爽，又可以繼續食薯條同炸魚😋第一次食炸魚薯條就被征服了～以前成日都覺得fish & chips 好熱氣好油膩，唔明點解咁受歡迎，今次一試總算了解到炸魚薯條既魅力。難得喺香港都食到咁足料咁地道既fish and chips，下次一定要再同朋友黎聚餐 😙…Read More

上星期日約咗朋友喺銅鑼灣行街，打算物色黎緊慶祝朋友生日既禮物。行到去金鐘同灣仔交界，我地發現一間別緻嘅法國餐廳，而且menu睇落幾吸引，於是我地好快就拍板決定入去試菜。我地大約一點半入座，週末呢個時間好適合食返個brunch😋當日餐廳高朋滿座，喺我地享用午餐既兩個鐘內，都不斷見到食客輪流轉。為左唔好影響到其他人，我地等到前面嗰枱食客一走就快手影左張室內環境相 🤣 餐廳牆上掛左唔少同法國有關既畫報，走一種簡約風格。Weekend brunch set餐牌十分簡潔，一頁囊括曬各種不同既菜式，包括飲品、主食同甜品等等。除左咖啡、奶茶等經典飲品之外，餐廳仲提供健康飲品例如果汁同smoothie~ 🍹我地點左all day breakfast、半隻龍蝦炒蛋toast 同埋一客甜品，另外仲點左兩杯飲品🍹。All day breakfast $135我點左一道All day breakfast，食材包括香滑炒蛋🍳、烤焗薯🥔、煙三文魚🍣、牛油果莎莎🥑同埋烘到卜卜脆嘅酸種麵包多士🥪。煙三文魚份量十足，鮮味肥美，魚油豐腴，同牛油果莎莎醬🥑好相配👍🏼每一樣食物都好新鮮好好味，我最中意佢個牛油果莎莎醬🥑，口感香軟細滑，牛油果味道濃郁，可以搽喺多士上面，又可以配埋煙三文魚一齊食👍🏼Odelice! 用黎整toast既麵包係sourdough toast，酸種麵包口感同味道都比一般麵包更豐富🍞 要做呢款酸種麵包，廚師要預早大約一星期預備酸麵種。加左酸麵種嘅麵包氣孔比較不一，所以toast 嘅表面有唔少不規則嘅花紋。半隻龍蝦炒蛋 $258 🦞🍳朋友點嘅係半隻龍蝦炒蛋，我地都覺得佢既造型似egg benedict，因為表面既蛋黃依然係流質狀態，而且食到好似荷蘭醬既味道🍳荷蘭醬係法式料理五大醬料之一，酸甜清香，富有奶油嘅味道。我地最期待既係佢嗰半隻龍蝦，龍蝦肉質鮮嫩，爽口彈牙，用黑胡椒調味後都依然品嘗到佢既鮮味。香蕉船 Banana split crêpe $95第一次見到crêpe係以香蕉船既形式呈現，我地都覺得好有創意，外觀非常吸睛。Crêpe 盛載住香蕉🍌、士多啤梨🍓同埋兩球雪糕🍦。雲呢拿雪榚同士多啤梨雪糕表面淋左朱古力醬同埋焦糖醬，另外仲灑左少許焦糖花生，真係甜上加甜，貫徹左法式甜品既獨特風格 🇫🇷紅菜頭蘋果紅蘿蔔汁 $42朋友點左一杯紅菜頭蘋果紅蘿蔔汁🍎🥕，佢話好fresh 好好味，而且好符合佢崇尚健康既生活方式。牛油果香蕉燕麥奶沙冰 $48我就點左杯牛油果香蕉燕麥奶沙冰，味道比想像中更好飲！Smoothie入口細滑，香蕉味道突出，同牛油果好襯，而燕麥奶就令成杯飲品既口感更smooth! 🥑🍌🥛餐廳氣氛休閒舒適，適合中意慢活嘅人。而且食物質素亦都唔錯，店員既態度親切有禮，難怪一直都咁受大眾歡迎。…Read More

上個禮拜突然好想食辣野，️於是就同屋企人去左麻辣派對食午餐🌶 搭lift落到樓下，發現原來間餐廳都幾大幾闊絡，可以容納到好多人。因為我地係食飯時間去，所以愈黎愈多人好熱鬧 😜午餐有大量選擇，而且好抵食，好多都係80蚊內，而且有埋飯同湯或飲品 🍚我地幾個人點左三個午饍套餐，分別係山城回鍋肉、歌樂山辣子雞同埋古法咕嚕肉套餐。山城回鍋肉套餐 $78屋企人一見到餐牌就話想食回鍋肉，今次可以滿足下佢既願望。山城回鍋肉一上枱就已經香氣四溢，材料雖然簡單，但味道好豐富。半肥瘦肉加上洋蔥、椰菜、辣椒等等，爆炒之後香氣濃郁。味道方面十分惹味，好中意佢爽口彈牙嘅豬皮，肥而不膩 🥓歌樂山辣子雞套餐 $68呢道歌樂山辣子雞都係BB辣，雖然望落有大量辣椒🌶 但食落真係唔算辣，唔食得辣既人都岩食👍🏼辣子雞既雞肉好嫩滑，入面仲有芫荽、辣椒做調味料，係名副其實既香辣惹味～古法咕嚕肉套餐 $78古法咕嚕肉既甜酸比例做得唔錯，唔會太甜或太酸。咕嚕肉外脆內軟，配埋香甜既菠蘿同埋色彩鮮艷既青紅椒，稱得上係色香味俱全。是日餐湯— 燉湯平日屋企都會煲下湯水，又好味又健康～ 我地都好中意飲燉湯，覺得特別入味同埋有營養～ 飯後甜品— 紅豆沙🫘🥣起沙既紅豆沙清新香甜， 咬落有層次感，食完好滋潤好暖胃 👍🏼總括而言，餐廳每道餸都有佢既特色～雖然第一次到訪，但我地都渡過左一個愉快既下午～☺️…Read More

之前見到有唔少人介紹Mamaday 既姊妹店「GoodDay BadDay」又得意盞鬼又好食，所以就約左朋友放工一齊去試菜 🍽我地一到達餐廳樓下已經感受到餐廳嗰種創新同埋獨特，佢地以電路板作為牆身，用鏡像效果去反射餐廳名稱，再將樓梯油上彩色，非常有格調 👍🏼上到樓上，除左精美既佈置外，仲有一個大輪盤，食客可以用運氣換取食物 🤣店員為我地安排左餐廳既中心位置，隨後遞上餐牌。因為見到有好多食評都附有完整餐牌，所以我都唔再重複上載有關相片。海鮮拼盤 Seafood platter $398我地首先點左一盤巨型既海鮮拼盤，賣相非常吸睛。海鮮拼盤係兩人份，有切開一半既澳洲波士頓龍蝦🦞、兩隻日本磯燒鮑魚🦪、四隻新西蘭青口、兩大隻加拿大翡翠螺 🐚同埋四隻法國虎蝦🦐。海鮮既出產地源自世界各地，喺餐廳裡面可以一次過品嚐到不同既風味～ 中間係一小碗調味醬料，味道酸酸地又咸咸地，配埋清新嘅檸檬汁🍋，鮮味培增 👍🏼喺咁多款海鮮當中，除左鮑魚之外，最令我地期待既就係呢隻巨型龍蝦🦞我地利用餐廳提供既工具🧰，成功將龍蝦殼同肉分離，龍蝦鉗非常多肉，睇見都垂涎三尺🤤龍蝦肉質彈牙，鮮味十足，沾上特製海鮮醬料更加帶出龍蝦既鮮甜 😋呢道海鮮拼盤仲包埋兩杯特飲，分別係左手邊既荔枝玫瑰梳打🌹同埋右手邊既芒芒果果梳打🥭🍸。一邊食海鮮一邊飲梳打，真係好有開party既氣氛 🥳普通到無得再普通嘅炸魷魚圈 $68第二道菜係炸魷魚圈，雖然自稱係「普通到無得再普通」，但我地都覺得好正好好味。魷魚圈非常香脆，相信係即叫即炸，所以上枱既時候仲係冒煙🔥🦑沾上濃郁味美嘅蛋黃醬，金黃香脆既魷魚圈更加香口惹味，我地好快就全盤清空 🤣燒雞翼我鍾意食記住，期望愈大，失望愈大 • Nothing Special Chicken Wings $68原來想點蜜糖芥末味，但第一次黎到覺得應該要食左原味先，所以最後就點左一客5隻嘅原味炸雞翼。一啲都冇令人失望，又係新鮮出爐即叫即整既炸雞翼，每一啖都係脆卜卜，咬開裡係 juicy 又嫩滑既雞肉 🔥🍗美利堅合眾國草飼牛扒 $168最後再追加左一道牛扒沙律🥗 沙律好fresh 好創新，餐廳加入左藍梅、紅桑子作為沙律既配菜🫐🍓面頭再放左兩大片香口既炸蝦片，最驚喜嘅莫過於隔離個一小碗木魚碎配芝麻醬烏冬🍜 完全係將各種元素集於一身，想減肥既人唔洗驚淨係食菜會唔夠飽 👍🏼牛扒方面我地點左7成熟，因為我唔中意太生既牛肉～烤過既牛扒離遠已經香氣撲鼻，外面燒至咖啡色而裡面仲係半熟，食落真係非常細嫩🔥🥩最後埋單大概800蚊。整體黎講，餐廳氣氛好好，食物亦都好高質～我同朋友都享受左一日Good day! 😙…Read More

兩個星期前同朋友相聚，選擇左一間好受歡迎既天婦羅餐廳叫「金子半之助」，自開業以黎備受食客愛戴，當中灣仔分店經常出現人龍，所以我同朋友打算去大角咀呢間新開既分店試菜～我地大約 6點半到達餐廳，當時已經見到店內有不少食客。餐廳牆上掛左不同種類既天婦羅丼海報，未點餐已經覺得好吸引🍤。餐牌一頁兩面，包含左各款精緻嘅天婦羅丼飯。除左詳細介紹每一款丼飯既食材之外，仲配有色彩繽紛既插圖，讓食客更了解套餐既不同之處。睇完餐牌後，食客可以自行掃QR code 落單，非常方便 👍🏼我同朋友分別揀左招牌「江戶前天丼」同埋「迷你天丼 & 稻庭烏冬」，另外再點左兩碗麵豉湯同埋一客炸海苔。由於餐廳提供健康有益嘅黑豆茶，所以我地冇再額外點飲品。原來黑豆茶有多種功效，可以補肝明目、滋潤肌膚、抗衰老同埋提神消腫，我地都飲左好幾杯。追加兩片海苔 $8喺開始正餐之前，我地先飲左碗熱騰騰既麵豉湯，再食左片炸海苔。炸海苔皮薄香脆，海苔味道突出，帶有自然微咸嘅海水味，清新可口。迷你天丼 & 稻庭烏冬 $118呢碗係朋友點既迷你天丼，份量較正常少，因為仲有一碗烏冬要處理 🤣 迷你天丼包括海老、南瓜🎃、紫菜、菇菌🍄同溫泉蛋等等，炸物皮薄餡靚，咬落香脆可口。稻庭烏冬有其獨有既調味盒，食客可以自行加入不同種類既食材，令烏稻既味道更豐富。調味木盒有金黃色嘅天婦羅碎、青綠色嘅蔥花、紅色嘅鰹魚花同埋墨綠色嘅海藻。朋友揀選左天婦羅碎、蔥花同埋鰹魚花，成碗烏冬即時生色不少。除左睇落五彩繽紛之外，味道口感都得以提升，煙韌彈牙既稻庭烏冬配上脆卜卜既天婦羅碎、香口既蔥花同埋鮮味既鰹魚花，味道好正 😋其他炸物例如南瓜🎃、菇菌🍄同炸紫菜都好唔錯，色香味俱全 👍🏻江戶前天丼 $138不久就呈上我點既「江戶前天丼」。天丼配有穴子、海老、小柱魷魚天婦羅餅、溫泉蛋、炸紫菜同莢碗豆等等。我地以$38升級左海老做車海老，天婦羅炸蝦更大隻更彈牙！沾上特製既天婦羅醬汁，鹹鹹甜甜，令人齒頰留香。每一款炸物都好出色，當中個人最中意嘅係長達30cm既穴子。穴子其實即係肉質較為纖細，魚肉脂肪含量較少既星鰻。大廚將魚既表皮炸到金黃香脆，而入面既白肉魚身仍然係香軟細滑，烹調技術高超 👍🏼兩款丼飯都加入香滑溫泉蛋，溫泉蛋取材自適合生食既日本雞蛋🥚佢外面炸到金黃色，但入面依然係流心既狀態，好適合撈飯食。😆整體黎講，我地覺得價錢合理，因為食物既份量真係頗多，而且質素都好唔錯，服務態度都令人滿意。中意食天婦羅既朋友不妨一試，可以一解思鄉之愁🇯🇵…Read More

前排去紅磡搵一個好耐冇見既朋友，我地小聚片刻之後，就出動覓食。原來土瓜環呢邊都有唔少食店，價錢由平到貴都有好多選擇。我同朋友都特別中意日式料理，所以決定到訪啟岸巷子呢條充滿和風既美食街。日本人對待每一件事情都十分認真，所以經常有好多別出心裁既作品，而日式料理尤其精緻。啟岸巷子距離土瓜灣地鐵站大約5分鐘既路程，整條小巷掛滿左紅黃色既日式燈籠，好適合大眾打卡留影。我地喺小巷慢步，感覺就好似去左日本京都🏮餐牌係以一本小册子為藍本，當中囊括左各款特色料理、小食同埋飲品，仲配以精美既圖片👍🏼 另外，午市時段有一個商務午餐既餐牌，睇落更加抵食。香脆魷魚 $48我地首先點左一道金黃色嘅炸魷魚🦑，雖然係經過油炸，但我地都唔覺得好油膩。炸到脆卜卜既魷魚入口香脆，魷魚條主要係觸鬚部分，厚肉彈牙～ 而且好似仲食到紫菜既香氣，味道豐富。鐵板泡菜黑豚飯 $108主食方面我點左鐵板泡菜黑豚飯套餐，大廚以鐵板作為器皿，除左創意十足之外，仲可以保持食物既溫度。豚肉同泡菜分量十足，亦有唔少既洋蔥同京蔥調味，兩者我都好中意。點餐不久店員就呈上左沙律同麵豉湯，沙律菜新鮮爽脆，加上酸酸甜甜嘅沙律醋，清新可口。緊接出場既就係泡菜黑豚飯，豚肉肉質細嫩，以瘦肉居多，食多左都唔洗擔心變肥。泡菜同黑豚肉好相配，清新既泡菜大大減低左黑豚肉既油膩感。泡菜微辣而帶點酸，十分開胃😋M5牛肉飯 $108中意食牛肉既朋友就點左呢set M5 牛肉飯，同樣伴隨新鮮沙律同麵豉湯。M5 牛肉完全覆蓋白飯，上面仲有一顆完整嘅鮮蛋黃，賣相好吸引 😍首先將鮮蛋黃切開，讓蛋汁流到牛肉表面，再將底層醬汁同埋白飯攪拌，然後就可以正式開餐 😋M5牛肉口感軟腍，牛肉表面被輕輕燒過，但內裡仲係保持細嫩juicy。牛肉風味濃郁，我地都食得津津有味～當日我同朋友都渡過左一個愉快既下午～我地一邊悠閑地品嘗美味既黑豚肉同埋M5牛肉，一邊談天說地。…Read More

上星期同一個好耐冇見既朋友小聚，難得夾到時間食飯，我地都想揀一間可以悠閒地傾計既餐廳！😝之前成日路經呢間名為Gusto 既意大利餐廳，但都冇入過去試菜，今次終於可以去品嚐佳餚。聽聞Gusto既食物質素唔錯，而且餐廳氣氛好好，座位都好闊落☺️於是我地就決定去感受一下浪漫既意大利風情🇮🇹～餐廳既裝潢設計走西式古典風，店內既小酒吧好有格調🍷餐桌之間都相隔左一段距離，食客可以有更多既私人空間，慢慢享受相聚既時光👍🏼餐牌精美簡潔，一本menu有齊曬食物同飲品。食物包括頭盤、小食、主菜、意粉、pizza同埋甜品等等，每一道菜都別具特色。至於飲品方面，佢地提供多款酒精飲品供顧客選擇🍺🍷🍹香草意式多士 🌿🍞 首先上左一盤餐包，香噴噴既香草意式多士充滿意大利風味，整塊麵包都烤到脆卜卜，入口鬆脆。我仲記得喺義大利餐廳食麵包既時候，大家都會沾上義大利黑醋配橄欖油，食落酸香清爽～ 🍞New York Buffalo Chicken Tulip $128由於我同朋友都好中意食炸雞🍗，所以好快就決定好要點呢道chicken tulip 做頭盤。果然冇令我地失望，金黃色脆薄嘅外皮加上香辣既水牛城醬汁，令我地食唔停口。可能係即叫即整既關係，個人覺得佢比一般既炸雞更香脆，而且雞膇肉既份量都比想像中多，肉質鮮美。我同朋友都極力推薦呢道佐酒小菜，好味又滿足😋Tiger Prawn Linguine 虎蝦扁意粉 $228我地第一道主菜點左虎蝦扁意粉，果然冇揀錯，真係好好味！海鮮足料不在話下，而且食材新鮮，剩係睇賣相已經好吸睛 😍扁意粉面頭有兩大隻虎蝦🦐，配上鮮紅色既番茄同埋綠油油既豆芽，擺盤十分精緻。意粉既軟硬度拿捏得岩岩好，麵條煙韌彈牙，我地都品嚐到香濃細滑嘅龍蝦忌廉汁。 🍝我特登為大大隻又厚肉既虎蝦黎一個特寫，虎蝦爽口彈牙，每隻都係啖啖肉。整道意粉都充滿住虎蝦同龍蝦既鮮味，令人齒頰留香。Parma ham pizza $218到訪意大利餐廳就一定要試下佢地既招牌菜式，所以我地點左Parma ham pizza作為第二道主菜🍕 Pizza 賣相好吸引，每片pizza上面都有半溶芝士、一片薄薄既巴馬火腿🥓、番茄乾同埋火箭菜🌿，仲有少量既芝士碎～Gusto 既pizza 好正宗，餅底係薄薄一片，薄餅既邊緣位比較脆口，而中心就較為鬆軟綿密。大廚喺鋪上topping之前，先塗上一層酸酸既番茄醬，放上番茄乾同埋帶點苦澀既火箭菜，再配埋咸香味美既巴馬火腿，口感味道豐富~😁Peroni 🍺 $58我地見到Happy hour 酒類飲品有優惠，所以就點左一枝啤酒黎放鬆下。Peroni味道冇一般啤酒咁苦，比較清新，容易入口，同我地頭盤點既炸雞🍗好相配。當晚有好多人放工黎呢到消遣，大部分食客都有點酒精飲品，一路傾一路乾杯🍻，氣氛好好。整體而言，食物質素好，服務態度都唔錯，希望有機會再黎試佢地既生蠔拼盤🦪同埋招牌龍蝦pizza🦞🍕…Read More