yumyumhoneybee的个人专页

本來想用「食物一流，服務九流」做標題，但食物質素又未去到一流，只可以話OK高質嘅。張枱太近門口，明明講咗話有位就比我哋轉入去，點知又俾咗另外一台客，結果成程都坐喺門口位。啲客係咁開門閂門，全程熱到好似打邊爐咁。仲要開門唔閂返，啲女員工見到都唔幫手閂返。食物同門邊嘅距離可能只有三厘米左右。希望老細可以移走張枱。相反部份男員工好啲，起碼有斟過一次水咁大把。豬手$400豬手幾好食，好入味。仲有好多配菜，味道都唔錯。辣魚糕湯$1xx （圖一）一般，湯胡椒味太重，冇咩特別。如皋還好，仲有好多魚蛋魚餅，係魚蛋非常之港式。無乜特別。菠蘿沙冰？（唔記得咗叫咩名）$68非常普通，即係將啲雜果同椰果放喺入面。如果唔使排隊，都可以一試。要排隊就免啦。…查看更多

隱藏係北角嘅Abbraccio，係一間家庭式意大利餐廳，裝修低調溫馨，適合家庭同朋友聚餐。不過要注意地址寫堡壘街，但其實入口係北景街。🍕 必點推薦｜食過返尋味農家風 Contadina Pizza（$178）即叫即焗手工薄餅烤得邊緣微焦脆，餅底煙煙韌韌，厚薄度適中，白汁底充滿忌廉奶香，濃郁而不水，搭配雞胸肉絲、雙重芝士同炒大蔥的甜味，令人食唔停口。同朋友兩個人就食左一大個🫣🫣🫣$178 食到咁高質嘅pizza ,性價比極高👍🏻🫣🫣自家製安格斯牛肉丸意大利麵＄178(Polpettoni Pasta）自家製安格斯牛肉丸無得頂，紮實多汁，混合香草調味，茄醬酸甜啱啱好👍🏻👍🏻另外仲有巴馬臣芝士碎增添鹹香味，又係食唔停口。生莱沙律醬配松露醬$128（Latturga e Tartufo）超多松露醬！松露味震撼級濃郁，加埋藍紋芝士的邪惡組合，吃一口就上癮。最正仲有烤杏仁片，勁香脆，增添口感層次。松露愛好者必試👍🏻👍🏻送嘅麵包🥖都好好味，好鬆軟，點意大利黑醋同橄欖油超正👍🏻經典 Tiramisu咖啡香濃郁，手指餅濕潤度完美，甜度剛剛好👍🏻👍🏻👍🏻🍷Confini Chianti果香輕盈，配Pizza超解膩～ 🌟 總結：Abbraccio係一間性價比高，用心製作每道菜式嘅小店，從沙律到Pizza都充滿手工誠意，松露、芝士控絕對要試…查看更多

好少嚟炮台山，見到呢間chaology裝修簡潔，以為係一間文青風Cafe，入到去竟然係有埋香港茶餐廳嘅下午茶，牆上仲有好靚好有深度嘅插畫， 十分有驚喜。⭐️🌟安格斯牛肉漢堡北海道咖喱滑蛋蓋飯 $75🍛超好味😋滑蛋好幼滑，安格斯牛好香牛肉味，咖喱屬於甜味嗰種，唔會好辣，送飯一流，一啖跟一啖，停唔到口。🍗邪惡咸蛋醬炸雞脾 配美式粗薯條$60鹹蛋黃超香濃，雞髀炸到脆卜卜，外皮香脆，雞肉幼嫩。薯條都係即炸，真材實料，唔係空心薯條。😋😋😋仲要用李錦記獨立包裝茄汁，十分衞生👍🏻👍🏻🥗和風沙律$15（跟餐價）呢個係嗌下午茶加配嘅， $15有勁大兜👍🏻蔬菜釀羊新鮮，好抵👍🏻👍🏻🥪松露雞蛋沙律三文治$38超多饀，味道好夾，仲烘埋底，食完唔使食晚飯。🍹飲品叫咗熱檸檬利賓納同話梅柚子蜜糖梳打$15（跟餐價）話梅柚子蜜糖梳打好好飲😋😋好清爽，同配炸脾一流👍🏻之後仲叫左杯香橙鮮果紅茶$15（跟餐價）勁多水果，比得上出面嗰啲茶飲店，仲要全部用新鮮水果，超級足料👍🏻待應十分友善，仲好健談，有濃厚嘅人情味👍🏻性會比高，值得一試👍🏻…查看更多

返工忙到癲，收工梗係要搵好朋友一齊食串燒呻吓。由於第日要返工，所以都唔敢飲酒。但如果飲得嘅朋友，可以試吓佢個free Flow $128任飲sake。原來「焱一」日文 係ENITSU，EN 在日文同有「緣」的意思一期一會，主厨覺得同客人相遇都係緣份嘅一種，因此希望爲客人送上最上盛的料理。🌟必試酸薑紫蘇豚肉卷👍🏻👍🏻超級有驚喜，紫蘇葉同啲豬肉卷卷埋一齊，唔係就咁隨便鋪喺面，咬落去好有層次，紫蘇葉同埋酸薑減低咗豚肉嘅油膩感，非常出色👍🏻🧀芝心燒飯團呢個又係必試嘅，飯團燒到脆卜卜，入面嘅芝士好流心好香，配埋上面嘅芝士汁食到舔舔脷。另外叫左雞肝、雞心同自家製免治雞肉粹，我稱佢為雞之三寶🤣雞肝雞心都燒得啱啱好，唔會太乾，免治雞肉碎棒配埋生蛋汁，甜而不漏，仲有啲脆骨，好有口感。🐟三文魚腩同蒜香封門牛柳都唔錯，三文魚皮脆卜卜，封牛柳燒到啱啱好👍🏻🍠仲有秋葵同蕃薯仔，秋葵好新鮮，好爽脆，唔會滑潺潺。而番薯仔就好甜。🍜吉列蝦餅虎蝦濃湯烏冬吉列蝦餅炸皮好薄，蝦肉爽口彈牙，烏冬都好有咬口，吸晒啲濃湯超滿足。居酒屋細細間，播住日文歌同掛左好多日本風嘅相，好有身處日本嘅感覺，真係好啱三五知己聚腳傾偈。…查看更多

成間餐廳好有法式情調，用咗好多鏡做裝飾，座位寬敞，食物同服務質素都好高👍🏻已經唔係第一次嚟㗎啦，去唔到法國就嚟呢間食吓嘢解下癮。Set dinner都幾抵食，有唔同嘅配搭，兩個小食加兩個主菜，從今日餐湯都係由五百零蚊起。兩個人食，我覺得已經好夠。提早訂咗仲可以有折。🥔薯仔湯個湯好creamy,好香濃嘅奶油味，薯仔好滑，非常足料。🧀流心水牛芝士
圓碌碌嘅水牛芝士好可愛🤣水牛芝士好滑，比較淡味，但配埋咸香味嘅西班牙火腿同水蜜桃薄片啱啱好，清新得嚟又香口。🦀蟹肉，芝士菠菜意大利雲吞勁多蟹肉，好足料嘅芝士菠菜意大利雲吞，配鮮檸牛油汁，帶出蟹肉鮮味，又唔會太漏。🍷紅酒燉牛面頰🥩薯蓉好香滑，啲牛面頰肉超滑嫩，入口即溶，配埋紅酒汁非常香口，食到停唔到口。🥞火焰橙酒可麗餅最後食埋個橙酒可麗餅，酸酸甜甜，超級滿足。🌟🍹 Sangria Blanche見佢哋有個bar 枱，叫左杯Sangria，超多果肉，有芒果、蘋果、橙、士多啤梨、菠蘿，本身叫咗一杯，朋友見咁好飲都再叫多杯。總體服務非常之好，侍應耐唔耐都會幫手加水，食物又非常高質素。環境舒適坐得舒服，好適合同朋友一齊摸吓杯底，傾吓偈。…查看更多

已經食左好多年，由有任食沙律吧，去到疫情，到捱過左疫情。明明間餐廳唔多人，係門口話一位，都可以唔理個客人。講左左兩次先應我。結果叫左一個吞拿魚扒飯，間餐廳有一半以上空枱，等左二十分鐘都未有，後來嘅客人都食緊，要催兩次先有。侍應不停傾偈，即係唔係唔俾你講。但講到勁大聲。客人催單都愛理不理嘅樣。平時多人都唔使等咁耐，擺明漏單。份量已經比以前少，塊扒已經比以前薄。壽司飯無以前咁好食，硬到隔夜飯咁。好希望老闆關注一下員工服務同食物質素。希望唔係最後一次嚟幫襯。真心失望。好耐未試過未食完就寫食評。…查看更多

去咗新蒲崗探朋友，佢話呢間窩子cafe 一 定要嚟試。一試，真係愛上佢嘅三重朱古力麻薯窩夫😍一入舖頭，聽到八九十年代嘅歌曲，再配埋綠白色格仔地板，好有懷舊feel🤣首先叫左個🥑牛油果沙律配虎蝦$128有半個牛油果，入面裝住黑醋，配埋側邊大大隻虎蝦、火龍果、啤梨同車厘茄，好清新同開胃👍🏻尤其個啤梨，切得得好靚而且好爽甜。👍🏻👍🏻👍🏻跟住試左佢個招牌🧇慢煮手撕豬腩窩夫三文治♥$116好大份，兩個人食唔晒，要打包🤣慢煮豬腩肉撕成肉絲，味道甜中帶鹹，肉汁好多。配埋芝士同番茄，好爽。最特別唔係用麵包做外層，而係用窩夫，有另一番風味👍🏻另名加左$48 香蒜意粉🍝超級推薦🌟好香蒜味，意粉軟硬適中，每啖都有蒜茸粒，配埋慢煮豬腩肉絲食，出奇地夾👍🏻👍🏻👍🏻叫左兩杯果茶，一杯係雜莓味$46🍓🫐另一杯🌹 玫瑰蜜桃茶$46雜莓味出好多，真係雜莓乾茶包，絕對唔係藥水味🍓最後梗係唔少得食甜品，叫咗佢個三重朱古力麻糬窩夫🧇$84窩夫即叫寂靜，外脆內軟，中間仲有煙煙韌韌嘅麻糬😍配埋凍冰冰嘅朱古力雪糕，冰火二重奏，超級正👍🏻仲有側邊嘅朱古力醬同卷，配埋就係三重朱古力啦！食得再飽都可以食晒個窩夫❤️整體食物質素好高質，服務都唔錯👍🏻鍾意食窩夫嘅朋友仔，一定要去試👍🏻…查看更多

大家都知觀塘駱駝漆大廈多嘢食，最近喺第三期發現咗呢間雞駅花膠雞米線專門店。好彩早少少去食，食完已經有一條人龍出現咗。花膠雞米線$68嚟到梗係要試佢嘅招牌花膠雞米線，雞肉嫩滑，麵質爽口，仲有蟲草木耳，以$68嚟講，真係好足料👍🏻奶白色嘅雞湯清甜美味，忍唔住成碗飲晒👍🏻試咗三款小食必試🌟金磚豆腐＄42呢款小食必試👍🏻👍🏻外皮炸到脆卜卜，入面嘅豆腐非常嫩滑，而且細細粒一口一粒啱啱好。椒鹽味啱啱好唔會太鹹，但建議一定要趁熱快啲食放耐咗會好腍。🥚麻藥蛋$28麻藥蛋都好，有驚喜🤩有淡淡嘅藥材味，唔會太鹹，而且溏心蛋做得好靚👍🏻🧀芝士年糕$38估唔到呢間舖竟然有咁出色嘅芝士年糕，外皮煙靭，中間啲芝士好香，配埋香甜嘅煉奶，鹹中帶甜，朋友超鍾意😍另外加咗$18試咗杯薏米檸檬水，啱晒濕氣重嘅我飲，完全唔甜，喺舖頭自己煮嘅。整體嚟講，性價比高，米線出色，小食惹味，值得一試👍🏻👍🏻👍🏻👍🏻👍🏻…查看更多

朋友要移民啦,呢排主要都係食中菜同東南亞菜。大圍呢間新強記，侍應姐姐服務好好，會就住人數提客人點幾多個菜。🦐迷你海皇冬瓜盅（期間限定）($188) 一坐低，姐姐就問飲唔飲冬瓜湯，佢話得返兩盅，賣完就冇。即刻叫咗一盅，雖然佢叫迷你冬瓜盅，但係其實份量十足，材料豐富，有魚肉、元貝、蝦乾等等，我哋三個人，每個人起碼飲咗三至四碗。天時暑熱，食冬瓜盅啱晒👍🏻👍🏻👍🏻砂煲鮮雞粥（$60）雖然係一人份量，但份量十足👍🏻每人都食到兩至三碗。用砂煲仔上， keep到個溫度，而且雞肉鮮嫩又滑，成煲粥都好鮮甜。新強記燒鵝王（$190)嚟呢度真係要試佢個燒鵝，皮脆薄嫩，肉質鮮甜，超級香口😋😋😋食到停唔到口椒鹽鮮魷($128)外皮炸到脆卜卜，入面嘅魷魚新鮮爽脆，雖然有啲熱氣，但係真係好香口。😋😋最後仲有最正嘅糖水今日有綠豆沙紅豆沙兩款都各有千秋👍🏻👍🏻紅豆沙粒粒分明，有香濃陳皮味，仲起晒沙😍😍綠豆沙仲加咗臭草，清熱氣一流👍🏻👍🏻整體服務質素非常之好，每款食物都好好味，有傳統酒樓嘅人情味👍🏻👍🏻👍🏻…查看更多

好耐無去旺角行街，陪朋友先達買完野，見到呢間阿來泰國菜個價錢都幾抵，就入去試下。🍤炸蝦餅外皮脆卜卜，蝦肉十分爽口彈牙，點埋泰式酸辣汁超好味👍🏻🥗飛天通菜通菜好鮮嫩，少少微辣加埋啲到時醬鹹鹹地，好夾👍🏻食完熱氣嘅炸蝦餅，再食返啲菜感覺健康好多🤣🥘咖喱炒蜆泰式咖喱好香椰汁味，唔辣。蜆肉新鮮甜美，好多都脹卜卜。原本冇諗住叫蒜蓉包，但係食到啲咖喱汁感覺一定要配啲澱粉質，於是叫咗蒜蓉包，真係超夾👍🏻如果你哋叫咖喱一定要叫蒜蓉包👍🏻原個大椰青椰雪到凍冰冰，飲落去超清甜，仲俾埋個匙 食椰肉，超滿足。朋友叫左青檸梳打，唔記得影相，青爽，原個青檸，唔係化學水。記起時，已俾朋友飲左大半。整體嚟講，價錢唔算太貴，食完覺得性價比唔錯，可以一試。…查看更多

好耐無食過咁抵食又好味GE西餐啦~係尖沙咀堪富利士道隱藏左一間高質法式西餐。入口有少少難揾，一唔小心就會錯過左。搭電梯上到二樓，一出去就係餐廳。餐走法式路線，廚房半開放式，如果坐月BAR枱，可以望住廚師們煮野食。💖講返野食先，LUNCH SET好抵食，低至$88可以有野飲同一道主菜，另外可以加$35 多一碗餐湯/沙律同甜品。叫左兩個SET LUNCH，一份跟沙律，一份跟湯。👍🏻是日餐湯係蕃茄湯，好濃好有口感，飲得出由蕃茄BLEND成湯。沙律有驚喜，竟然有鴨胸肉同西柚，並唔係是但撈D沙律菜，好有誠意💖主菜都相當有驚喜，兩份都食到好乾淨。燒紐西蘭8安士眼扒配烤菜$188😋😋叫左五成熟，肉質鮮妹，肉汁香濃。好鍾意佢地秘製GE英式芥末醬，加左藜麥，酸酸辣辣，好開胃。側邊GE烤蔬菜到啱啱好，完全唔乾。新鮮得黎，唔會有草青味。香辣蕃茄扁意大利麵$108😋😋😋唔止有蕃茄，其實仲有魷魚同青口，份量都好足。$108性價比極高。意粉軟硬適中，配埋辣辣地GE SACUE，好夾。另外叫左一份奶油焗蘑菇，好CREAMY，而且意外地同意粉好夾。唔食得太辣GE，可以叫焗蘑菇。最後叫左一份跟餐甜品同是日甜品。兩份都好好味。🤩🤩DOUBLE CHOCOLATE MOUSSE 層次分明，上面有芝士，下面兩層朱古力MOUSSE有唔同甜度，同啲紅梅醬好夾。另外叫左一個CHOCOLAT NUT PIE，質地偏硬，但朱古力味濃，比CHOCOLATE MOUSSE甜少少，我一個人可以食到二份之二個。服務質素都唔錯，啲水差唔多飲完，待應都會主動添水。🥳整體感覺唔錯，無論食物質素、環境同服務都好好，值得一試。…查看更多

隱世惹味越南菜😋必試撈檬👍🏻天氣咁熱，都無乜胃口食野。做完嘢無意中經過呢間越南餐廳，最適合食返碗撈檬😋真係意想唔到咁好味，仲好抵食👍🏻碳燒豬頸肉配扎肉撈檬 （$68）炭燒豬頸肉好爽口，少少脆邊加肉汁香濃，仲有大大塊扎肉，配埋秘製酸甜汁，撈埋一齊食，真係食到停唔到。店員仲介紹啲酸甜汁係每日新鮮製👍🏻👍🏻每人樽都放係雪櫃雪住，客人要用先拎出嚟，好貼心👍🏻啱晒咁熱嘅天氣食。越南老街小食拼盆 $138呢個小食拼盤啱晒我呢啲有選擇困難症嘅人，一個拼盤已經有齊雞串、牛串、素菜米紙卷、柚子沙律。原本仲有春卷，但賣晒，廚房轉左雞翼俾我哋。每樣都好好食😋串燒點自家製沙嗲汁真係好正，雞翼炸到外脆內嫩，真係幾唔錯👍🏻 另外叫左馬拉盞炒豆苗（$58）👍🏻豆苗新鮮，馬拉盞好香，仲有啲花生粒粒，份量好足👍🏻叫左杯青檸🍋‍🟩梳打，清爽解喝最估唔到越南菜竟然有窩夫食！👍🏻而且好足料！窩夫即整，個皮脆卜卜，蛋味香濃，最正係舖滿芒果🥭粒！呢排嘅芒果好甜！店員仲話下午茶嚟食，仲會二人同行，第二份半價！三人行，仲一人免費。咁抵食，下次再嚟食下午茶先得！…查看更多

新年之後，好耐冇出去食飯，放工之後就同朋友去咗觀塘工業區附近食飯。觀塘區出名多隱世小店，今次搵咗間Bubble Tree，見OpenRice好多人推薦蓋飯，就試左：日本飛驒牛漢堡滑蛋蓋鐵板拌飯(free 餐湯及飲品）個牛肉真係好香濃，肉汁有多，仲有個滑蛋有好多芝士，有拉絲效果😍另外on top加咗個大啡菇，好厚身。啲飯用咗紅米飯，非常健康，撈埋啲汁甜甜哋好好味😋跟餐有湯同嘢飲同湯，叫咗南瓜湯同埋熱檸水。個湯香濃，每一口都好creamy 。另外叫左份無花果巴馬火腿沙律，完全估唔到佢咁大份！除咗新鮮嘅沙律菜，仲有蝴蝶粉同蕎麥，兩個人都食唔晒，最後仲可以打包拎走。叫沙律都可以加錢叫嘢飲，加左$28飲熱情果梳打，你仲有半個熱情果，同埋成樽獅頭梳打水，絕對足料。另外仲叫咗碗紫薯湯，應該真係成隻紫薯打出嚟，飲完個湯其實都幾飽。🍫朱古力心太軟最後梗係要食埋個甜品，叫咗心太軟，朱古力好香濃，配埋綠茶雪糕好夾。整體來講，食物質素唔錯，份量好大，而且價錢好超值，好適合月尾冇乜錢剩，但又想食好啲。…查看更多

之前經過太古坊見到呢間餐廳已經想試，趁平日冇咩人就入去試吓，臨近聖誕節，啲裝飾好有氣氛。同朋友每個人叫咗一個set lunch，都幾抵食。我叫咗蘑菇湯，相對比較稀，但係都淡淡蘑菇味，而且個湯嘅份量夠兩個人飲。仲有埋熱呼呼嘅法包🥖👍🏻朋友叫做紅菜頭沙律做前菜，嘩超級足料真係成碟都係紅菜頭，調味啱啱好。食完感覺上自己充滿咗健康嘅能量。🥩美國頂級牛腹扒配薯條及沙律$228叫咗medium，啲肉質非常稔，好嫩，非常好食😋出邊啲有薯條份量非常之多，而且每條都脆卜卜。👍🏻👍🏻🐟水煮海鱸魚配香蒜蛋黄醬及炒嫩菜$188佢個水煮鱸魚無骨，肉質鮮甜又嫩滑，點埋個蛋黃醬真係一絕。啲蔬菜嘅份量都好足夠，食完都覺得自己好健康。🤣法式焦糖燉蛋（另加$20）最後食埋個甜品，上面啲焦糖好脆卜卜， 配埋燉蛋食好夾👍🏻。飲埋杯熱檸蜜好滿足。整體感覺非常之好，侍應會等你食完一道菜，先至再幫你上另外一道。感覺非常之法式，慢慢食，真係可以食足三個鐘。🤣…查看更多

估唔到蘭桂坊竟然有間性價比咁高嘅家庭式居酒屋👍🏻👍🏻👍🏻 Google個地址有少少出錯，有少少難搵。雖然舖頭細細，但嘢食質素唔錯👍🏻每樣都係師傅精心炮製，好啱三五知己坐埋一齊食野吹水。佢嘅裝修真係好似去咗日本嘅居酒屋，坐喺廚師枱前面，望住師傅逐件嘢食咁樣燒，唔講以為自己去咗日本。各種燒物都做得唔錯，燒到啱啱好，皮脆肉嫩👍🏻首推🌟燒三文魚腩，超級肥美😌😌另外雞中翼同雞頸肉、日本岩手鷄皮都好唔錯👍🏻明大子雞翼雞翼脹卜卜，秋葵、燒番薯仔都好啱送酒👍🏻仲有唔同辣度嘅調味粉俾客人自己選擇👍🏻另外叫煙三文魚沙律、炸物拼盤、海膽櫻花蝦炒飯。櫻花蝦炒飯，即係啖都有櫻花蝦好粥了。最後食埋個甜品心太軟拼雪糕，真係好滿足👍🏻最驚喜係埋單計埋加一都只係$770！呢個價係喺中環可以食到咁飽，真係出乎意料咁平👍🏻…查看更多