lil rock's Profile

同兩個朋友行行吓街經過呢間泰國野就入咗去試吓啦。我們太肚餓了又想試多啲嘢，所以點了小食拼盤，當中有蝦餅、魚餅、肉碎生菜包、和春卷。全部食物都是剛剛炸出非常香脆彈牙，肉碎生菜包辣辣的及爽脆，除了春卷的餡料似是用豆做的十分奇怪。串燒— 雞肉，牛肉，豬肉肉質軟口沾上沙爹醬十分惹味泰式蝦炒金邊粉賣相十分精緻，但是食下去淡而冇味，如果可以放多點香料去調味會好一點。馬拉盞炒通菜通菜十分新鮮爽脆，不辣的但炒得太油了。最後因為我想食芒果糯米飯，而朋友想食椰汁千層糕，所以點了甜品大拼盤。芒果糯米飯有暖暖的椰汁淋上白糯米黑糯米，但糯米太硬了。椰汁千層糕是這盤甜品中比較吃得下肚的。椰汁西米糕應該是最安全的，但是一咬下去像是在吃白膠漿一樣膠膠的，立刻吐了出來。整盤甜品簡直不是人吃的。…Read More

喜歡吃火鍋的我跟朋友來到銅鑼灣,就試試這家酒鍋打邊爐啦。有好多湯底可以選擇, 我本人勁鍾意食莞茜所以選擇了試有4個不同湯底的巨無霸莞荽鍋! 當個鍋上菜時我們倆都二口同聲地嘩了一聲! 這個真的沒有改錯名! 鍋上的莞茜真的很巨型,應該等同鍋的高度。而鍋中湯底包括了清湯牛腩 — 有白蘿蔔的清甜和軟滑牛腩,喇沙海鮮 — 足料海鮮鮮味十足,想立刻落個麵食一碗喇沙粉麵,四川麻辣 — 麻籽十分重料,本人愛食辣但受不了太麻的感覺,所以由朋友一人享受了,蕃茄薯仔豬骨 — 很有家的感覺的一個湯底,濃濃的蕃茄味配上大大塊豬骨。他們有自家制餃子好特別,我們點了麻婆豆腐餃。粉紅色的皮不厚而不薄,不易穿。餡料有軟軟的豆腐所以吃下去不像是在吃餃子,整粒餃子完全做到麻婆豆腐味道的精髓! 正!二人海鮮拼盤(扇貝,蟶子,海中蝦, 花甲) $368海鮮十分新鮮和鮮甜, 價錢並不便宜, 但十分值得! 完全是一分錢一分貨的海鮮! 濃郁的湯底完全沒有影響到海鮮的鮮甜度!掛頸頂級安格斯牛頸脊掛架下有乾冰令到牛肉不會黏在一起。軟軟入口即溶感的牛肉，不肥也不瘦！7星報喜很有口感彈牙的手打墨魚丸！每粒都不同顏色很有趣！質量和服務都很好的一家火鍋店！…Read More

這間Seoul bros 係中環Peel Street 隱細的一家韓國fusion餐廳。不論中午或晚上來到都是同一個menu。可能因為餐廳門口不是很亮眼，由斜路走上來會被旁邊的小店擋住，所以較少人知道 而我每一次來到都一定有位。可以選擇套餐或單點。4個套還包括 兩個三文治bahn mi套餐或兩個飯bibimbap套餐.我選了套餐一，即是spicy corn salad, cheese fries, beef sandwich,和 一罐汽水。我加了$5 轉飲lemonade。不要被spicy 這字騙了，這個corn salad 一點也不辣，只是酸酸的而已，很開胃！新鮮的薯條配上暖暖的芝士醬，外脆內軟的很好吃😋 個三文治飽面脆脆的加上泡菜咬落去的清翠聲實在太棒了，牛肉經過醃製，軟軟的，所以能夠一口把三文治咬開，不會食到很凌亂。Lemonade 很大杯，但喝下去像是雪碧，不是我想像中的鮮檸檬汁。…Read More

知道荃灣新開左呢間打邊爐，約左朋友放咗工之後去試下。好彩有訂枱，因為八點幾黎度都幾多人，好好生意。我哋兩個人佢都安排左張4人枱比我哋。我電話冇電，收銀處又可以幫我叉電。有兩個套餐提供選擇，一個$228蒸鮮之選海鮮套餐，另一個＄268位的一夜皇御套餐。我們選了一夜皇御套餐因爲價錢又不是貴很多但有鮑參翅肚+刺身 。門口有個飲品櫃可以任飲啤酒汽水或其他涼茶。第一道：紅燒花膠翅濃郁的雞湯加厚厚的花膠和一大梳翅！無得輸！非常足料！第二道：掌上明珠併溏心鮑魚滿滿的鮑汁配上軟滑鵝掌和鮑魚，非常軟口入味。第三道：刺身拼盤新鮮的三文魚，厚切帶子，赤蝦，希靈魚，北奇貝😋以人頭計每人一件我們都鍾意食辣，所以點了中辣雞煲。本人喜歡食莞茜，雞煲裡有很多莞茜正合我口味。濃郁的辣醬料和嫩滑的雞愈煮愈惹味！食完雞煲又係時候打邊爐啦。湯底方面我們選了藥膳養生鍋。湯底好足料，但又唔會太濃藥味。 每人附送航母海鮮拼盤和安格斯牛海鮮十分之新鮮，貴妃蚌很鮮甜，蝦🦐很爽脆，蜆完全沒有沙。安格斯牛肥瘦適中，嫩肉味濃仲有所有火鍋料都可以任食。 …Read More

自己好鍾意食辣野同海鮮, 見到網上宣傳這家麻辣海鮮菜, 我又點可以錯過呢。放左工同朋友去,因為餐廳位於地下個層好容易就搵到, 一入DELI 2 大廈就已經看到了。7點來到不用等位即刻入得。店舖小小的能容納到20人左右。$268/位 嘅海鮮大咖, 有8款時令海鮮, 配汽水和豆漿, 其他飲品就要加錢的好豐盛啊! 怕太辣所有只點了小辣, 反面有味而不辣, 中辣可能較好味!海鮮方面有: 蟹🦀, 蝦🦐, 魷魚🦑, 蜆,花甲, 青口, 帶子, 鮑魚蟹🦀經炸過後放入的, 反而失去了原有鮮味, 蒸/煮會較好原隻魷魚🦑很爽脆,服務員更提供剪刀給我們自行把魷魚剪開。青口很肥美,花甲爽口, 蜆 湯汁入味濃沒有沙, 鮑魚軟又有咬口, 蝦反而略遜一籌。海鮮底下有驚喜! 係豆腐卜, 麵條, 薯條🍟同魚🐟啊! 麻辣味Fish & Chips 你又食過未?豆腐卜完全吸收晒湯底精華! 👍🏻正! 麵條有咬口.好大盤，兩個人都根本食唔晒! …Read More

星期六同爸爸行左一日街已經好攰好肚餓,去到沙田更加人山人海,食飯時間基本上都要等好耐位。我們的戰略係去轉彎後面入少少的餐廳,俾前面D餐廳遮住左, 而我們即刻有位有得入。我們見到個餐牌咁多選擇而大家都唔想諗就好快決定要點個二人套餐。張枱好細同個餐D野食又多,又上菜上得快.張枱好快就放滿了,侍應都知道呢個問題所以一早將我們的大碟收起.第一樣, 肉骨茶我未食過真正的肉骨茶,但係這碗的味道同胡椒豬肚湯無分別。胡椒味好濃同好咸。第二樣, 沙嗲串燒,蝦餅,木瓜沙律拼盤我本人好期待的一個拼盤,但最後好失望. 串燒很乾,沙嗲醬不夠多. 蝦餅不脆而硬. 木瓜沙律很細盤。第三樣, 海南雞成餐飯唯一一樣做得好食的。雞肉又嫩又滑,不肥又不瘦剛剛好。份量比我想像中的多。第四樣, 紅燒牛肉麵個湯都好濃牛肉味嘅，但係啲牛肉好硬好難咬開。咬到都吞唔落咁。第五樣 白菜完全係用水煮，冇技巧可言。白菜不新鮮，很老，如果沒有那碟豉油係完全冇味的。完全自己在家煮都被它好。飲品方面點左杯熱帶雨林，都幾似一杯雜果賓治，不太甜，但有清新的感覺，還可以。下次如果只有這間餐廳唔使等位的話，我想我也不會再來。因為食物方面真的未及水準。…Read More

返左成日工, 放工後去到人多濟迫的旺角, 只想有個地方坐下同朋友傾下計,去樓上cafe就岩晒喇。聽朋友講話孖啡的服務好同食物新鮮,咁就試一試啦。一入門口所有侍應一字排開等著招呼我們,感覺我們好像貴賓一般。好快就安排了我們到二人的坐位。店內環境清靜,燈光調暗了,令人可以放鬆心情。這個環境令我回想起小時候放學到cafe吃喝玩樂,無憂無慮的時光。有個按鈴在紙巾盒上, 按一按30秒後就有侍應過來為我們服務。我同朋友都好肚餓了，好快就諗到食咩。為我們點餐的侍應沒有用紙筆都記得晒我地的order. 紙巾用晒有人自動拿去添加, 服務的確快而準。忌廉煙三文魚配天使麵很有心思的地用三文魚來做出玫瑰花做型已經嬴了賣相! 天使麵煮得很軟,好易咬斷又不會粉粉的.每一啖都能均勻地吃到蘑姑, 忌廉醬又不會膩,冷了都不會變乾一舊舊。好看又好吃! 特式拼盤(雞翼/薯角/春卷/咖哩角/魚手指/蟹子魚蛋) $78見到這盤拼盤很開心,因為個碟好大,每款食物都擺放得很分明,很整齊。每款都有3件, 唔怕有人無得食。所有炸物都是新鮮炸出,熱烘烘,脆卜卜的! 完全沒有油膩感和放久了軟左的感覺! 讚! 春卷不像我們平時食的豬肉蘿蔔絲,這個內涵像是有豬肉和豆, 因為本人不吃豆的,所以有點怪怪的。黑松露薯條 $48炸薯條反而不是跟拼盤炸物的一樣脆, 黑松露是已經一早拌好了的,不是自己沾醬的, 不過比例上黑松露都好多，每啖都有濃濃的黑松露！有很多特式飲品提供選擇, 單是飲品都佔了4頁餐牌了! 仲有特別用塔羅卡名字作主題飲料。星星(蜜桃鮮打沙冰)冷冷的天氣都無阻礙到朋友想飲沙冰的心情，這杯星星係一杯重蜜桃味又有奶味的smoothie,平時好少見到有蜜桃🍑味smoothie架，好滑又唔洗咬小冰碎，好飲！隱者(士多啤梨,熱情果梳打)唔明點解叫隱者😂不過杯野好refreshing! 唔太甜，岩岩好！好適合返完一日辛苦工飲，當時醒神返！甜品方面我們點了 心太軟+雪糕 和 芝士蛋糕心太軟係認真有流心的！甜而不膩！暖暖的 配上雲尼拿雪糕係絕配！芝士蛋糕硬硬的不易碎，個人來說食完有點濟。…Read More

朋友Farewell 揀左黎呢度食因為佢住得近. 餐廳係街的最尾尾,都幾難搵下。 我們訂了12人枱, 但我們入座時只俾到6人枱我地。好彩大部份人都遲來，當朋友陸陸續續到達時都俾到大枱我們。我們等朋友時都邊飲店主介紹的手工啤酒🍻,他好好客,不時過來和我們傾下計,知道我們朋友要離港了又送我們每人一Shot. 飲到肚餓要叫野食了, 我點了招牌Ngau Lam Wich 🥪和同朋友share個 Brussels Sprouts. 個Ngau Lam Wich ,牛腩配法式麵包真係想像唔到佢咁夾! 12小時慢煮的牛係唔同D嘅! 軟軟的包加上又軟又厚的牛和個配汁,簡直一流! 軟得黎又有咬口。D醬剛剛好唔會多到一路食一路漏。個Brussels sprouts 真係一食難忘, 宜家諗返都已經想返去食了。我平時在家都會煮的但係煮法不一樣效果就真的很不一樣。佢個brussels sprouts 完全食出佢用木烤出來的味道, 個種似燶不是燶的味道! 咬下去是脆脆的。混上半熟的蛋和蒜容包碎,那種又滑又脆的口感真的是人間美味之一。必食之選!! 😋😋😋👍🏻👍🏻…Read More

平時都唔會黎one island south 下面餐廳食因為貴又唔飽。今日中午難得自己一個落樓下食lunch, 唔同同事食,自己可以靜靜地食個lunch 咁就食好D啦。見到呢間個menu唔貴裝潢又幾好就入去了。唔full所以侍應叫我可以隨便坐。有梳化卡位, 有吧台型的,有普通長型大枱方便大group人或搭枱。裝潢令我諗起以前外國讀書時個dining hall. 自己填紙點單的,配料都係點自己鍾意的,唔鍾意食芫茜葱的朋友一定喜歡呢個方式,唔洗唔記得叫走青! 我自己就鍾意食嘅，所以全部配料都點了。我點了特級越南金邊粉,內有牛柳片,牛腩,牛柏葉和牛展), $83 都幾大碗, 比我想像中大碗啊! 佢個湯好深色好濃牛味, 第一次見到咁深色的湯底。平時食越南河我一定要加甜醬和是拉差醬落個湯度調味的,呢個湯底完全地足料,加上勁多薄荷葉,芫茜等等的香料, 完全不需要其他醬去調味了! 金邊粉煮得很軟,不用咬很多,就是我喜歡那般。牛柳牛展牛腩都很軟,入口即溶的! 很有水準! 好飽好飽值得再來的一家越南餐廳！…Read More

星期日晚八點幾去到呢間餐廳唔使等位，俾佢個半自助餐餐牌吸引左。佢個沙律同甜品係任食之後叫多個正餐咁樣。入去嗰陣唔知佢個沙律吧咁大，我同爸爸都叫咗份好大份嘅正餐。正餐我地叫咗個意大利飯伴帶子同精選烤肉盤(豬肋骨，香春雞，昆士蘭腸）。沙律吧啲嘢食多到食完都差不多飽。😲平時食開意大利飯都係白汁雜菌的，今次呢個蟹肉帶子意大利飯俾到驚喜我，因為佢係用茄醬煮的。蟹肉加上茄醬燴出十分鮮甜的味道，食左一啖就已經大讚👍🏻飯軟硬適中唔會好似生米咁要咬。反而得兩粒帶子係面好似太小。豬肋骨烤得太耐了，烤得很黑肉質很乾，好似用水煲完才烤咁，沒有肉味。雞都係一樣太乾。昆士蘭腸就煮得油了。食這碟烤肉盤，倒不如淨係食沙律吧。已經飽到根本無能力食甜品了。…Read More

平時極少去大坑嘅我，預正中秋同朋友們一齊睇舞火龍，咁就唔就腳都要去啦。咁岩呢間餐廳喺正睇龍頭個角落，我們一齊企門口睇。我們6個人睇完都諗住離開搵野食但實在太多人，附近餐廳又無位，又封路離唔開大坑，最後都係返返黎All-in。我們太多人所以上樓上大枱坐，樓上容納到兩張大枱，靠牆的是豪華3座梳化，另一面是正方cafe椅。餐廳很的骰，佈置睇得出好花心機，有幅佈置成花花草草的牆，blogger們打卡一流！兩枱都有個電視同大型遊戲機手制可以玩經典街霸。全部人都餓左好耐咁所以勁快諗到叫咩食，雖然我們坐樓上，不過侍應都不時上黎check下我們有無需要。我點了個beef burger 另加薯角，同枝honey dew 啤酒。個burger俾我想像中大個，大到一啖放唔晒入口，牛肉好juicy，塊芝士熔得岩岩好，好耐無喺香港食度好食嘅burger 了。薯角是剛剛炸出的，很脆和有調味料,完全不用沾茄汁都夠味。好肚餓的我都食晒個飽食唔晒啲薯角。服務很好食物很好的餐廳！…Read More

同朋友喺銅鑼灣食完飯諗住食甜品，就記得希慎開咗間flipper’s，之前去過要一早攞籌，今次撞彩睇吓有無得walk in未,點知真係可以等位。我哋兩個人等左15分鐘到就有位，都好好彩。入到去我地叫左strawberry pancake 同 hazelnut chocolate banana pancake。都好期待，因為想試左好耐。佢話即叫即整要等20分鐘，咁我哋就等啦。點知見到隔離枱仲遲過我地來，但係佢哋份pancake已經到咗,咁我哋就追追，因為已經過咗40分鐘，點知原來漏咗單，經理都同我地道歉仲每人送一杯野飲補償返。個pancake好鬆軟，不太甜，但係蛋味不重，士多啤梨有啲酸，啲cream不夠多，好快食晒啲cream而剩下淨pancake，這個似是比較健康點的選擇。朱古力焦糖香蕉pancake比較好，食落感覺豐富點，甜而不漏，好match, 而且cream好足夠，香蕉上的焦糖好脆👍🏻。下次再來都會點返呢個pancake 😋…Read More

自己生日約朋友來呢度慶祝，諗住價錢平又有得任食，地點又就腳咁就黎試試。訂座時講左10至12位的，入座同佢(唔知老闆娘定經理）講得返9位，佢即刻變樣又俾說話我聽，話而家得返9位就要等等，搞到一入去間餐廳就已經反感。成間餐廳啲枱都係差唔多大細，9位定10位都係俾同一張枱架啦。呢間餐廳係每人有一份海鮮，肉，同麵食嘅。我地入座時得6個人就叫左6人份量先，再叫一枝啤酒，但發現已經太多野食，啤酒又無送來，到第7個人來到都費事再叫佢個份了。另外兩個朋友因有事所以要好遲來，咁我地最後得7個人食火鍋。間餐廳嚴重人手不足，成日想搵人落單或加水都等好耐，飲品上漏又要追。叫左兩個鍋，侍應上鍋時又唔開埋爐，搞到我地呆等左好耐。我們之後再叫4枝啤酒先上啤酒。食物上是很充足，$188一位再加一其實好抵食，多野食到根本食唔晒，都唔洗再點任食嗰張單了。朋友準備了驚喜蛋糕給我，侍應都好好咁幫我們影相。另外遲來的兩個朋友終於在我切蛋糕後來到坐了一會，我們就叫埋單。哇！平時唔對單的我好彩今次對一對！收左我8個人錢和5枝啤酒（我們得7個人食，同4枝啤酒）。同唔知老闆娘定經理講，佢仲話返我本來訂枱10個人之後9個人，宜家7個人但收我8個人錢已經好好。嘩乜咁計架咩？唔係幾多人食就收幾多人錢架咩，我已經只叫左6個人份量咋。啤酒又話第一枝肯定有上仲要係佢開,但啤酒從頭到尾只係一次過上左4枝而真係佢開，第一枝係叫左但無上，枱上得4枝酒樽。又話唔知我之後入黎啲朋友幾點到，佢地只到了15分鐘又無食野，我叫佢開CCTV 睇，佢無聲出。我只是講事實，但好似要哀求佢改單咁。最終都係態度不好地為我改單。 慶祝生日搞到咁唔開心，以後都不會光顧。…Read More

呢間餐廳喺南朗熟食中心入邊好似街市咁嘅環境，不過都算乾淨的。唔可以expect好多。 我點左青咖哩雞中翼飯，佢呢度出名即叫即做，所以都要大概10分鐘先有野食，如果午市多人的話可能要等耐啲啲。佢個雞翼係炸嘅放咗入去啲青咖哩度，不過都唔會整到個粉皮林晒，脆同林岩岩好，同埋配菜又夠多，唔會覺得淨係食肉咁。唔辣的咖哩，不過好夠椰香味！我叫左個一樣的外賣返公司俾我同事，個飯已經涼涼地，不過佢都話好味。我們大家都會再返黎食嘅一間餐廳！…Read More

照常平日食lunch兩點幾去南朗熟食中心度食，上樓揀咗呢間餐廳。一坐低就見到好多人食海南雞咁自己都叫咗一份。可能兩點幾已經晏食，叫嗰陣已經賣晒啲油飯，只好叫普通白飯。出乎我意料之外，海南雞又嫩又滑，唔洗點醬都好好味，雖然個粘雞醬都咸咸酸酸的好夠味。一定會再來的一間餐廳，下次可以試埋海南雞湯河，有得揀清湯/冬陰公湯！個餐好好包埋杯野飲都係$48咋，好抵，叫左杯椰汁冰，甜甜的好岩呢個唔熱唔凍嘅天氣飲。…Read More