AquaCory's Profile

今年最伏的一餐，唔寫食評根本係發洩唔到憤怒情緒！我點咗海南雞飯+迷你肉骨茶，雞死死實實，係冰凍的 (唔係唔夠熱)，而係冰凍的！見到都唔開胃。於是問侍應，海南雞飯是冰凍的嗎佢話佢哋呢間舖係凍上的。吓？！ 這是全球獨創的海南雞嗎 ?餐牌 冇講係冷盤呀！我叫佢整返熱，最神奇係一分鐘都冇就攞返出嚟畀我。我再試啲雞仍然係凍的，我都費事再同佢地講，就咁食曬啲飯就算，完全唔敢食雞。 飯也冇味而且偏硬。肉骨茶都系差，偏甜糖份太重。我朋友叫咗蟹肉炒飯。賣相嘔心很差很差很差！！呢兩款菜係餐牌中廚師推介，質數已經太差。 不能想像不是推介的食物 會係點樣嘅質素。 唔好忘記，你收我 100蚊一個餐。港人鍾意返大陸消費實在太有道理。貼上收據為證！ 以上是反映真實情況，絕無虛假。…Read More

話說我哋一行四人喺荃灣行街，行到攰就喺附近食午餐。 原本係想食隔離泰國菜張秀玲，但排晒隊唔想嘥時間等位， 於是就行過隔離呢間泰國菜試下。 店員好有禮貌出嚟帶我哋入去， 餐廳有兩層我哋今次坐上層。 上到去得兩枱客， 點解可以同隔離張秀玲相差咁遠？ 原來係有原因嘅我點咗海南雞飯， 飯同汁正常， 但最重要嘅雞係完全冇味的雪雞食落仲要鞋圾圾我食到咁已經覺得自己好叻😢個餐附送蝦餅或雞翼， 但兩樣都唔係特別好味。 同行的朋友一個點咗炒金邊粉， 佢表示味道正常。而另外的朋友就揀咗青咖哩雞飯。 雞有雪味， 個青咖哩汁過份地甜。 完全係唔好味囉 根本難食到食唔哂！78蚊一個套餐，咁嘅質素真係唔會再有下次餐飲方面就係熱檸檬香茅茶， 味道都可以接受嘅。 值得一提嘅係隔離枱走果陣又係剩好多嘢，見到成碟金邊粉冇乜喐過， 海南雞又係剩勁多相信大家都覺得食物質素唔掂 另外想講嘅係上層黑蚊蚊，冷氣亦唔夠。 以上評論是如實反映， 總之好難再有下次…Read More

好開心屋企附近開左間串燒及焗飯外賣店。其實佢地開左三年，平時都有幫襯開，焗飯同串燒都十分出色。 三週年限定佢做返個羊架特價37蚊。 我平時唔食羊都覺得好好味， 成個羊架都好大件，好juicy同埋冇乜羊騷味， 個汁先冇得頂。 我喺呢段限定期間都買咗兩件嚟食， 晚餐可以做鋸扒🤣🤣🤣 超級抵食， 自己買都冇可能做到咁好食同埋成本真係好貴。另外就叫左個茄汁焗豬扒飯42蚊仲要送自家製腐竹蛋糖水。 成個飯都勁有誠意，仲要炒飯底， 豬扒勁香， 未食過嘅一定要試。 雖然附近好多學校， 好多食客都係學生同埋附近街坊，但絕對唔係普通學生頹飯。 呢個價錢呢個質數，我會話係全香港性價比最高的呢個腐竹蛋糖水又係好好味好足料 值得講嘅係老闆兩公婆都超級好人 希望大家可以多多支持小店， 等佢有未來三年三年又三年。…Read More

近排有個外國朋友黎香港話想試下港式火鍋，所以我就帶左佢去九龍城試呢間隱世火鍋店!呢間隱世火鍋店既佈置好有7/80年代既風格，入面仲會播住一D香港香港既懷舊金曲，一入到去就感覺好似穿越左時空咁!入到去我地一坐底店員就黎同我地介紹湯底同埋幫我地整理餐具，服務十分周到! 而我就即刻叫左個胡椒豬肚雞湯底，個湯底非常足料!豬肚，雞件，腐竹份量都勁多! 個湯又入味!感覺淨係食個湯底既配料都好豐富!但係只係一個湯底點會滿足到我地，梗係要再嗌埋其他火鍋配料!我地分別叫左美國桶蠔、元貝、梅花黑豚肉、脆鯇骨腩、金茹、蘿蔔、蓮藕片同埋娃娃菜。首先，講吓蓮藕片同埋娃娃菜。蓮藕片嚟緊脆口，仲有好多膳食纖維同維他命，係啲好健康嘅食材。而娃娃菜係啲綠色蔬菜，口感清新，營養豐富，係火鍋必備嘅配菜之一。然後就到最成晚最期待既美國桶蠔同埋大大隻元貝!呢到既海鮮都又大隻又新鮮，落左去湯底到令到火鍋更有層次，食落勁有口感同埋勁鮮甜!脆鯇骨腩就肉質好嫩滑，十分彈牙，啱曬用嚟打邊爐!最後仲送左2個甜品比我地!分別係懷舊糖不甩同埋啫喱。懷舊糖不甩呢款傳統嘅甜品，放左落火鍋煮一陣再加上花生碎，食落口感好特別。…Read More

今日約咗朋友黎呢間感覺似clubhouse嘅中菜廳。 聽聞呢度之前係江蘇會，係要有會員先可以食，不過換左老細。呢度環境一流， 夠靜好有空間感，而且私隱度高我哋叫咗一碗酸辣湯試下，酸辣比例恰當而且夠熱👍炸脆鱔及炸白飯魚 食落有陳醋味，酸酸地好開胃。 炸脆鱔比較硬身同濃味而白飯魚就比較脆， 我好鍾意食呢個其實係蔥油餅，但係佢炸到勁鬆脆， 好肯定係即炸的，入口即溶所以我覺得佢應該叫蔥油酥會適合啲。 食完非常之有罪惡感鮑魚粒鹹水角勁新鮮好明顯係即炸， 又係炸到好鬆脆，唔錯唔錯值得推介可以話我食過咁多醬茶鴨之中最好味的一次 有煙燻味同埋隻鴨可以做到一啲肥膏都冇，呢個係我最欣賞廚師嘅技術而成餐飯我最欣賞就係呢碟牛肋條啲牛好冧好有牛味而且佢擺碟都擺得好有藝術感。 唔單止味道一流， 賣相都好吸引呢碟蝦米醬係廚師自己做的，不是在街上現成買回來的。 食落微微辣， 帶起成個味道 好欣賞廚師呢件作品， 食落啲材料都係好新鮮的最後想講嘅係佢嘅餐具都好靚好有藝術感總結: 下次會帶屋企人來因為環境服務食物質素非常高, 真係食過返尋味…Read More

話說今日去海灣豪庭探朋友， 朋友話最近喺佢屋企樓下開咗間新嘅點心茶居。 我哋就入去試下舖面都幾大而且都坐得好舒服，地方夠闊。我哋兩點半嚟到嘅時候都幾多人喎。佢嘅點心選擇算多， 仲有啲粥粉麵飯類幾好喎如果想飲其他茶都得喎👍山竹牛肉球，肥瘦均勻加埋喼汁真係冇得頂👍黑醋雲耳都好味喎，酸酸地啱曬夏天好開胃蝦鮮蝦大大粒， 加埋我最鍾意嘅辣油， 咪道立刻提升呢個菜苗餃可以係話我最鍾意食嘅，調味唔會好鹹而且個皮晶瑩通透， 非常鍾意松子齋粉果， 味道正常 不過就做得比較淋身最後我哋都叫咗個齋腸粉， 都係做得比較淋身，如果可以做得煙韌少少就更加好味甜品方面我哋就叫咗個椰汁桂花糕， 唔錯亦都唔會好甜啱曬我❤️ 總結: 竟然今日探朋友可以喺大角咀發現一間咁正嘅點心好去處, 將來都會搭車過嚟大角咀飲茶。 發現而家啲茶居點心仲好味過大酒樓， 未食過嘅朋友真係可以一試…Read More

這中菜廳是否欺騙外賣客?? 因疫情關係, 家人不想外出食晚飯, 結果買外賣。 話曬老字號酒店中菜廳, 竟然這樣低的食物質素, 我唔想有下一個受害者, 特此出post!! 三樣食物當中較為正常的是炒飯。其餘兩樣簡直離曬譜 Menu 寫明是半隻雞, 廚房 是否不知道半隻雞定義?? 或是存心剋扣食物?? 為什麼半隻雞連雞髀也沒有??!! 難道這隻雞成長時是沒有雞髀的??! 難道外賣質素就可以求求其其, 博食客返屋企之後懶得追討??!! 這樣做生意的手法, 很難想像是酒店的中菜廳!! 更加離譜的是炒龍蝦球。 賣相極度差，一patpat， 水汪汪!! 而且龍蝦肉擺明係急凍龍蝦尾, 肉質不爽口, 完全不新鮮, 像雪藏多年, 極度憤怒和失望！ 七百幾蚊份量少得驚人, 一隻龍蝦份量也沒有。 廚房又再次剋扣？？雖然母親節廚房較忙, 但並不代表顧客要享用差劣的食物質素。 不要忘記母親節的價錢比平日還要貴!!! …Read More

今日返父母家食飯， 喺九龍城經過一間新開嘅燒味店諗住買啲燒味加餸。 店舖鋪面光猛 細細間， 款式都多。 黑毛豬叉燒係 signature 所以必買嘅 豉油雞好抵一隻100蚊半隻50蚊， 當然買咗一隻嚟試下。除咗叉燒油雞外， 仲有燒鵝同燒肉。 下次先食燒鵝同燒肉。叉燒非常肉嫩多汁， 好入味而且肥瘦均勻 仲買咗一隻油雞， 食得出係走地雞， 不過味道略淡， 適合淡口人士總結: 疫情下冇得堂食, 唯有買外賣, 呢間嘅燒味絕對會再幫襯 值得支持嘅小店…Read More

今日要出黃金電腦商場睇電腦嘢， 睇完之後就喺附近搵嘢食。 亂打亂撞中入咗嚟炯記手撕雞， 食物質素高， 價錢唔貴，所以都忍唔住喺呢度分享。鋪面光猛，同埋佢出面啲餐牌吸引咗我哋入去。原本想食呢個二人餐， 感覺會好飽所以我哋就決定散叫。 188蚊勁豐富， 基於今次嘅用餐經驗 ，下次我哋會試。老公叫咗個冬菇蝦子撈粗， 好濃香菇味， 好多蝦仔， 可惜油咗少少但係個味係好正。我就叫咗個燒肉飯，份量好大。 燒肉肥瘦比例均勻， 層皮夠脆👍 好適合食肉獸 值得推介。另外仲叫咗個腸粉手撕雞， 因為呢間嘅手撕雞係出名嘅，點都要試下啦。 果然正 調味啱啱好 不過如果手撕雞搣得幼細D就更正 而側邊嘅腸粉就好香滑， 唔似得出面有啲地方食又淋又黐埋一嚿。 值得推介另外因為唔想咁多肉，我哋都叫咗碟油菜不過不失啦例湯就味道正常， 我就好喜歡可能因為我喜歡粟米總結： 將會係我深水埗嘅長期飯堂…Read More

今晚同老公發現蘭桂坊有一間新嘅西餐廳， 於是就入去試我哋七點鐘到，人唔多可能因為餐廳是新開的。地方好大， 好舒服好有空間感，而且D歌都幾好聽 我哋坐低咗就點以下食物:炸雞翼, 呢個唔行仲好重芝士味, 喜歡芝士嘅你呢個係必食 呢間餐廳最出名就係食青口, 我哋點咗龍蝦湯味， 好特別隔離有四個炸饅頭 帶點中式風味 青口好新鮮， 好好味， 最正嘅係好大煲，抵食我哋仲叫咗個非常邪惡嘅漢堡包， 配埋啱啱炸起嘅薯條。 嗰塊牛肉扒好多汁， 一咬落去啲汁漏曬出嚟 值得推介最後我哋仲叫咗個心太軟， 超級流心 好好味， 我可以話係我食過心太軟之中最好味的我哋仲嗌咗兩杯嘢飲， 一個係hong Kong delight， 有青瓜同檸檬味嘅雪碧。 一杯係意大利泡沫咖啡， 兩杯都唔錯。以今日嘅食物質素， 呢個價錢算係唔貴。 我哋兩個飽到捧住個肚離開 呢間餐廳嘅服務質素是A+++, 服務員見到我哋個漢堡包同薯條凍咗, 就幫我哋整返熱 超級貼心。 值得一提係， 服務員經常會嚟斟水。 下次會同屋企人嚟…Read More

復活節有五日假期當然要約朋友出去吃飯，有朋友提議去德家燒肉，佢話四月生日四人同行就有一個免費， 優惠吸引又有得食又有玩，燒烤係唔錯的選擇有安格斯拼盤, 刺身, 海鮮同埋燒肉放題😍 都只係328蚊一個人menu 好多款食物同出面仲有啲蔬菜 菇類飲品甜品都係任食:跟餐的食物十分新鮮，賣相已經好吸引，一黎到已經急不及待將生肉放在烤爐上燒。真好有張牛油紙唔會咁易痴住個爐食物燒好後食落好juicy又有鮮味，証明食物好新鮮。除左燒肉外仲可以攞個鋁兜加上香濃牛骨湯烚下菜，無咁滯值得一提嘅係每人包一杯movenpick 雪糕服務方面亦值得一讚，食物快送到亦主動換牛油紙❤️下次會同屋企人來💝…Read More

自從食肆放寬咗就多咗出街食晚飯， 今日嚟到旺角經過豉油街就見到呢間茶餐廳。 鋪面大，幾光猛遠遠都見到佢。 再睇一睇餐牌覺得幾啱食就入去試入到嚟都算坐得舒服， 有我最鍾意嘅tiffany blue 我哋睇完餐牌就點左以下食物安格斯牛肉片炒菜心 牛肉片好鬆軟有牛肉味， 而且仲有好多菜 菜心好嫩又翠綠 所以好甜芝士安格斯肉醬焗薯， 淨係賣相已經滿分 肉醬好好味係平時食肉醬意粉嘅味道， 加埋芝士真係好惹味 夠曬邪惡燒春雞食落好多汁，而且燒到好香😍 鍾意食雞嘅一定要點呢個燒春雞餐仲有個沙律配埋嘅， 不過不失啦養生嘅我就揀咗今日嘅燉湯， 五指毛桃燉雞湯 唔錯唔錯， 有五指毛桃嘅椰子香味 燉湯好味值得推介畀鍾意飲湯嘅朋友呢間茶餐廳好好， 竟然有四塊厚切嘅檸檬難得！西湯嘅忌廉湯都唔錯食完以上點嘅食物已經飽飽好滿足， 見到呢個晚餐套餐真係好吸引喎😁 唯有等待下:…Read More

今日突然想食pizza於是上網搵公司附近有間有gluten free menu 嘅Pizza Project一定要試啦，買左個Margherita pizza 外賣味道超正，做到正常pizza的口感，不過價錢上一定貴好多，喺呢度逢gluten free 就要加40蚊，size仲要細好多。但因為好好味，間中食唔係問題嘅，好味過連銷式的 gluten free pizza, 推介比有麩質敏感的朋友😋總結: 絕對會再幫襯希望香港有更多gluten free menu 的餐廳…Read More

星期五冇煮飯想喺屋企附近食晚飯, 就嚟到北帝街近宋皇臺道搵野食, 其實佢附近都有三四間西餐廳， 我哋一間都未食過。 喺出面見到餐牌都啱食於是就入咗嚟呢間cafe老公叫咗杯熱朱古力， 個拉花係幾靚，可借杯野只是微熱，好失望！食落味道似朱古力水，冇乜味南瓜雞柳係我地嘅致愛但呢碟飯係無乜味, 而且個賣相好一般豬扒食落都juicy，配薯菜都ok 薯角正👍個汁就不過不失啦。總結：不會有下次，區內太多選擇成條北帝街都是美食，呢間無特別而且價錢喺呢區算貴，兩個人食左$339真的不會選擇囉。作為一間cafe，飲品都做得差，最令人失望一定係杯熱朱古力。…Read More

話說老公今晚約左班大學同學食飯， 我就冇跟埋去， 而我就約咗阿哥細佬一齊出街食晚飯。呢間餐廳係我揀嘅因為網上見到有gluten free menu 啱曬我呢啲麩質敏感人士呢個就係個gluten free menu, 有我最想食嘅pizza連餐前麵包都有gluten free, 夠曬貼心 雖然望落似飛機餐，但食落係好有口感 不過可能係因為我都大半年冇食過麵包啦， 所以覺得好正🤣細佬阿哥就食正常麵包， 不過不失。我揀咗218蚊嘅Caprese 冇辦法有麩質敏感嘅人都知道gluten free 食物係比正常pizza細同貴。食落好正，薄餅底脆脆的 面頭啲芝士同車厘茄都好好喎 不過就係冇番茄醬， 如果有的話味道更豐富 我可以話呢個pizza比起之前吃過連鎖式嘅gluten free pizza 好味。叫咗個沙律，正正常常無特別。我哋仲叫咗份牛扒，超juicy😁 薯條要當炸得好好, 色澤金黃, 唔似係千年油另外我地仲叫咗蜆肉意粉，哥弟表示超級咸， 鹹到有啲食唔到嘅感覺甜品方面我就叫咗個無麩質無奶成份的芝士蛋糕 哥弟覺得當然冇正常嘅芝士蛋糕咁香咁好味啦。 但對於敏感嘅我嚟講有得食就已經好開心🤣啊哥就叫咗呢個雪糕杯，味道正常總結： 三個人食咗1268蚊， 耐不耐一次都ok嘅 我會再幫襯因為喺香港有gluten free menu 的餐廳真係唔多…Read More