Elitelam's Profile

老婆大人生日，當然要替她安排一些小驚喜......我選了荃灣廣場地庫的Homeland與她慶祝。先來一客新奧爾良海鮮盤。大大隻的波士頓龍蝦，相當吸睛，肉厚彈牙，下面還藏有海虎蝦、鮮大蜆、鮮鮑魚、蟶子、青口、墨魚仔、德國腸、西蘭花、燒薯仔及粟米...... 十分豐富，提供兩款醬汁煮理，老婆大人怕辣，當然要選配蒜香牛油汁，非常惹味！除了波士頓龍蝦，鮮鮑魚特別有驚喜，雖然沒有傳統粉絲相伴，蒜香牛油相當入味，同樣鮮味，而且軟稔彈牙，還有四隻之多，實在超值！海鮮愛好者必選！套餐還提供餐湯、沙律及小食，相當豐富。是日餐湯是黑松露牛肝菌蘑菇湯，松露香味十分香濃，上桌一刻已撲鼻而來！湯身不屬稠身，入口還有粒粒的牛肝菌，口感提升。沙律方面，有蘭王蛋素煙肉凱撒沙律，蛋黃橙紅蛋味極濃，是近年日本雞蛋中大熱的蘭王蛋，與新鮮爽脆的沙律菜拌勻，份外鮮味。還有即炸小食，香脆炸薯條熱烘烘而上，粗身的薯條炸至金黃色，入口酥脆，簡簡單單蘸一點醬汁，已相當味美。甜品時間，更是當晚的重點，我選了巴斯克蛋糕，搭配精緻可愛的碟畫，既是近期大熱，又是老婆大人近期最愛的 chiikawa三人組，是否超萌呢？《Homeland》還提供仙女棒及即影即有，生日紀念，打卡真是一流！杜拜朱古力奶蓋巴斯克軟心蛋糕香濃綿密的蛋糕帶來濕潤柔軟口感，還富有點點焦糖味，相當味美。加上餐廳環境寬敞，燈光柔和，同時採用了鮮艷對比色調，新穎大膽，卻又展現出和諧搭配，牆身更有特色畫作，以及色彩斑斕的架空花圃，每個角落都展現出獨特色彩，在這裡享受美食，確實是一流！…Read More

 回憶呢啲野，人人唔同，我就好懷念讀書果陣，日日放學去當年紅極一時的仙跡岩，等心儀女生出現嘅情景！好傻！但又好浪漫喔！一杯仙跡岩珍珠奶茶，就氹咗個老婆返嚟！係咪好羨慕呢？  當然，兩個人嘅關係要維繫得好，間中都要同佢飲吓珍珠奶茶。最近，我就同老婆大人去咗位於太子嘅「四方仙跡岩」，支持一下這經典餐廳，同老婆大人一齊懷緬求學時期嘅青蔥歲月！係台式餐廳食吉列豬扒咖喱飯，估唔到都有驚喜，大大塊的吉列豬扒，外皮酥脆可口，豬扒肉質軟嫩，加埋滿滿的咖喱醬汁，帶點點辣，拌飯一流！  老婆大人就鐘情台式美食，點了台式豬軟骨滷蛋飯。豬軟骨燜得軟腍入味，咀嚼時不用太費力，相信我倆就算老到80歲都可享用！   午餐時，除了可配飲品，還可追加小食。同老婆懷緬舊日，珍珠奶茶當然不可少，一杯台灣紅茶加入粉圓，口感Q彈有嚼勁，奶味不太重，還透出淡淡紅茶香氣，難怪至今仍俘虜了不少少女心！ 而本人就點了杯椰香奶茶，奶茶清爽醇潤，透出濃郁椰香，口感潤滑不澀，既有椰香又有茶香。我們還追加了台風大塊雞半份。每次遊台，掃街必選大大塊雞排，想不到在港也能回味，雞排大大塊，熱辣辣，炸得酥脆，散上香料，好香口！好惹味！…Read More

抗疫 3年，原來真係好耐無同朋友外出宵夜，吹吹水！  夜深時份，原來街上牛頭角街道上仍有不少選擇，而我們揀選了一間港式餐室 - 金滿膳串燒。燒叉食得多，原來招牌生燒叉燒串又別有一番風味，肉汁豐富，既有蜜汁甜美，又有串燒焦香滋味。  美國牛仔骨，肉質鮮嫩有口感，牛肉味濃，牛肉的油脂燒出來份外惹味。 男士們都愛吃生蠔，佳因對人體有極大的好處，尤其對於男人，可以壯陽補腎麻！當然，我更愛烤生蠔的肥嫩爽滑肉質、鮮美味道，而且還有一股大海的味道。鹹香雞軟骨我家女皇最愛吃，因為富含膠質、鈣質、膠原蛋白；而我就覺得爽口有口感，鹹鹹香香蠻不錯！惹味雞中翼，燒得外脆內嫩，又保留了豐富肉汁。未夠喉？仲有大大隻香燒雞全翼，上面散滿孜然粉，份外香口惹味！ 燒多肉茄子，多汁軟嫩的茄子肉搭配濃濃的孜然粉與蒜蓉，入口軟滑，美味無比。原本娃娃菜也可燒焗，燒焗清甜娃娃菜令菜質鮮嫩、清甜可口。烤乾魷魚原片而上，其中一邊剪成條狀，方便食客撕下來吃，既方便又保留手撕魷魚的趣味！魷魚還透著濃濃的海味，充滿街頭小食風味。  最後以烤甜菠蘿作甜品，感覺蠻不錯呢！加番杯餐室飲品，一絕！…Read More

寒冷天氣的日子，除了喜歡打邊爐外，廣東人還會選擇起源於廣東的煲仔飯，尤記得小時候在廟街的大牌檔，看著廚師用炭爐把瓦煲內的飯煮熟，再放上食材用炭火慢慢地蒸熟，那種熱烘烘的場面，的確別有風味。 時至今日，當然可以選擇不待在街上抵禦寒風，也能在舒適的環境下體驗熱烘烘的煲仔飯。 今次，BeautySearch 來到尖沙咀新開的《憶食尚》來品嚐煲仔飯。 這兒的環境並非傳統的中式格局，而是帶有西方時尚的佈置， 很舒服！ 我們點選了一客「廣式臘味煲仔飯」(HK$398) 屬中型的。上桌時，職員把煲仔飯揣到時，才把煲蓋掀起，一陣輕煙從煲子裡透出十分溫暖，上層還舖了數款臘味，包括：廣式臘肉、鮮肉臘腸及南安板鴨，鹹中帶甜，相當不錯，而男士們就更愛黏在煲底的飯焦，脆卜卜的，吃得相當滋味。 咸魚的肉質，不一定是『乾爭爭』、『實的的』的，這裡的「一見鍾情」(HK$88)富有咸魚獨有的香氣，內質較稔，易於咀嚼亦帶有口感，香煎後更為惹味！ 不知誰人點選的一客「清蒸土豬」(HK$168)，上桌時看見那白白的肉身，真的有點擔心，誰料肉味甚香，且沒有帶點所謂的臭豬味，確實是難得的鮮味。如想味道濃一點，還可蘸一點伴隨的醬汁，更為滋味喔！ 最後，還有這大大窩的「御髮膳粥」(HK$118)，其實是紫米，需屬甜品，但其實又真的是一窩粥，相當飽肚喔！但也不能忘了添加一點奶，會更香滑喔！…Read More

說到聖誕節，香港人很多都喜歡食大餐，今天品嚐了尖沙咀The Point手工披薩店以紅為主題的火紅烈焰聖誕晚餐。頭盤是家鄉火雞肉丸伴雜莓醬丶巴拿馬火腿伴無花果意式烤麵包丶小紅莓石榴意式麵包和羽衣甘藍紅菜頭伴香橙片沙律，味道酸甜適中，清香開胃。接著是以蕃茄丶雞湯等材料熬煮而成香草蕃茄濃湯。口感綿滑，味道香濃。主菜是我致愛亦是餐廳主打的手工pizza，原隻火焰龍蝦pizza，龍蝦肉香軟彈牙，令人驚喜的是龍蝦殼內放滿以龍蝦汁炒香的海鮮粒配以菇菌粒，味道香濃美味又平衡健康，不可錯過。另一主菜是香煎帶子扁意粉伴牛油果香草醬，牛油果中和下菜色沒半點油膩感再配以番茄丶烤松子仁提升口感的層次。晚餐配咖啡丶茶或特色飲品一杯或可另加＄38升級為聖誕特色雞尾酒。另加＄38可享餐廳聖誕甜品白朱古力慕絲伴泡芙或意式奶凍伴雜莓醬，我推薦品嚐白朱古力慕絲伴泡芙，白朱古力香濃不太甜，細膩幼滑，喜歡點品一定要試。…Read More

近年，除了西甲熱橫掃香港，熱情洋溢的西班牙菜也熱捲香港。位於佐敦酒店的西班牙的美女廚娘精心製作了一連串美食。頭盤安達盧西亞蕃茄凍湯 ：蕃茄香濃，番茄蓉口感豐富。小吃西班牙炸蝦餅：口感像日式天婦羅，西班牙式調味，香濃可囗。西班牙薯仔奄列：以薯仔蓉作奄列咸料，幼滑嫩蛋配以薯蓉粒提升了口感的層次。主菜是煙辣椒粉西班牙黑毛豬豬肩肉﹑配以脆薯仔﹑菠菜拌辣椒﹑葡萄乾和松子：黑毛豬肉味香濃厚切外表煎得金黃香趣丶內裏保持黑毛豬的肉汁。整體來說，西班牙菜洋溢熱情感覺，有點fusion的獨特風格。餐廳環境高貴雅致，氣氛也相當不錯。頭盤蕃茄凍湯，味道香濃清新，十分開胃。特色西班牙式薯仔蓉奄列，獨特而口感豐富，返屋企都要試下煮。主菜熱打黑毛豬菜式，肉味香濃刺激著味覺，先食為敬。第一次食西班牙甜品，原來鬼佬油炸鬼真係大不同，蘸上濃濃朱古力漿真係無得頂！…Read More

唔講大家可能唔知, 我一家三口都好鐘意食榴槤架! 除左我同老婆大人, 就連家中小狗都勁愛食榴槤, 每次我地買榴槤回家, 牠定必爭食…… 老婆大人剛剛轉新工, 黎緊工作時間不再彈性, 而且仲可能經常OT, 所以, 在她正式返工前, 決定同佢殺入觀塘, 試一試榴槤BB Cafe. 其實老婆大人講左好多次叫我陪她去榴槤BB Cafe, 但因觀塘對我來說有點遠, 所以一直懶得去! 榴槤BB Cafe 位於觀塘工廈, 地方相當寬敞, 不過, 榴槤的飄香充滿著整間Cafe 雖然係第一次黎, 但其實老婆大人早有目標, 就是這盤 經典版。榴槤品鑒盤, 當中有齊名種、長柄、金包、山頂XO、貓山王五款馬來西亞品種榴槤, 味道由淡到濃, 難怪這麼吸引 而且, 食客可在雪櫃中自行挑選自己心儀的一客, 見老婆大人歡天喜地揀選, 已很滿足! 老婆大人吃矜貴的榴槤, 而我就揀左杯 一舊貓山王跌落奶 特飲來解渴.這杯特飲, 外表白雪雪, 平平無奇似的, 但飲落榴槤味濃, 飲完一杯, 簡直似吃了大大舊榴槤, 相當滋味. 原來呢款特飲用上貓山皇製作, 難怪店員說是店子最受歡迎的飲品. 單是我們坐著吃榴槤期間, 便有不少客人前來外賣此特飲呢! 榴槤BB Cafe 除了榴槤, 榴槤特飲外, 其實還有很多特飲製品, 好似榴槤雪糕、貓山王爆谷、榴槤月餅、榴槤咖啡、榴槤奶茶、榴槤蛋卷及榴槤脆脆等. 而最後, 我地都買左兩款返屋企, 順便引誘下家中小狗!…Read More

今次來到大坑覓食，試一試平時好少食嘅法國大餐！Dinner set 包括頭盤、湯、主菜、甜品，好豐富真係食足兩個幾鐘！首先由一籃麵包開始，原本以為平平無奇，食落又幾驚喜，麵包感覺好新鮮，保持微熱同香脆，加埋松露牛油好正呀！頭盤選了香煎鵝肝配無花果蓉，喜愛鵝肝嘅一定滿足，無花果蓉甜甜地中和了鵝肝的油膩感，成件事好夾！蕃茄清湯配龍蝦肉，上菜時侍應即場將湯倒進碗中，猶如表演環節，原以為係蕃茄濃湯，原來係淡淡的清湯，清湯來得剛好，蕃茄的清新味中和了剛才鵝肝的肥膩！主菜是西班牙黑毛豬肉眼，最欣賞法國菜的擺盤心思，黑毛豬好厚切，吃下去很有滿足感！只係份量較少比較適合女生！最後來的是甜品拼盤，有朱古力蛋糕, 焦糖面的芝士蛋糕，雲呢拿雪糕！份量令人很滿足，二人share 都食唔晒！偶然慢活吃一個法國大餐，這裡是個好選擇！…Read More

老婆大人係一名 "甜品控", 每次有她喜愛的甜品吃, 心情即時大靚, 為博大人一笑, 出開街一定買好喜愛的甜品給她吃. 記得老婆第一次食 Mon cher 是在銅鑼灣Sogo, 今次剛巧途經中環, 再次遇上 Patisserie Mon cher。當然第一時間買番件給老婆大人！ 當然第一時間買老婆大人最愛的堂島卷。 細看櫥窗, 發現仲有好靚既至尊甜王草莓泡芙, D 草莓又紅又大粒, 靚到呢! 點可以唔買番件同老婆大人一齊分享! 坦白講, 見到咁大舊Cream 係件餅中間, 我真係興趣不大, 所以之前幾次, 我都係買一件俾大人獨享, 見佢食得津津有味, 可知她幾咁愛吃甜! 不過今次買左兩件, 大人既想試齊兩件, 但又怕肥, 更唔想留番第二日食, 於是, 我只好硬著頭皮同佢一人一半...... 真係神奇, 呢件堂島卷沒有我想像中咁甜, 反面好香奶味; 而且蛋糕本身仲好香軟, 口感同味道都好正, 唔怪得老婆大人咁鍾意食。 這件至尊甜王草莓泡芙外型就相當吸引, 相信女生們都愛用它來厄like, 當然, 大人也不例外, 影左好耐好耐...... 講真, 果幾粒甜王草莓又紅又大粒, 賣相真係好吸引!泡芙皮層, 仲散有紅紅的糖霜, 唔止甜, 仲好鬼靚. 除左甜王, 泡芙當然少不了吉士, 不過, 如果我無眼花, 味覺又無問題的話, 似乎除左吉士, 仲有 Mon cher 是特選的北海道牛奶混合忌廉, 奶味濃郁, 味道無咁甜之餘, 口感更為柔滑細膩! 加上酸酸甜甜的甜王草莓, 令大人連聲說「全無罪惡感」!! 真的嗎? 女人, 無論買野定食野, 都有佢地一套很美麗的借口... …Read More

天氣咁凍，最好當然係食火鍋。早前發現荃灣大鴻輝中心樓上有間鮮一夜火鍋，任食火鍋相當吸引，於是放工後就黎試下！ 當晚點左個「一夜皇御套餐」，$268/位任食火鍋之餘，仲有不少驚喜。 驚喜一，食火鍋前，先來一盤鮮味刺身，有 5 款刺身，質素也不錯。 驚喜二，花膠翅 + 扣海參鮑魚，相當矜貴。 驚喜三，重有大大個即炒奇妙雞煲，二人份量有半隻雞，而且辣度可自由選擇。重份量又惹味。 任食火鍋部份，我地揀左個香濃豬骨湯底，同附加左幾道食物。豬骨湯底味濃，用作火鍋最滋味不過。 其實驚喜還未停，任食火鍋部份仲有貴價配料奉送，分別是航母海鮮拼盤及安格斯肥牛。 如此豐富的任食火鍋，每位只需$268，真係相當超值！！！ …Read More

環境舒適，有種去朋友屋企既自在感覺，亦有大量女士們最愛既拍照道具（冇錯係大量！）。食野前首先歎養生花茶，除左功效，賣相都極吸引，難怪隔離桌既女生們尖叫連連，瘋狂影相。先來6款咸點，包括鮮味龍蝦沙律、清甜青口沙律、帶子田園沙律、迷你穀物法式牛角包、濃香沙樂美腸、魔法芝士、黑松露牛肝菌湯，當中最欣賞沙拿美腸，微辣感覺配一個鬆脆穀物牛角包，歎返口花茶，相當寫意！而甜品方面則有迷你紅莓飄香蛋糕、仙子奇緣曲奇、紫薯魔幻曲奇及旋舞仙子紅莓蛋白蛋糕等等，每款的精緻度好高，味道亦唔會得個 「甜」字，睇得出花左好多心思同心機去構想同製作，值得一讚！有時食tea最怕食到最尾d野凍哂，呢度好細心，最後食既「閃爍花仙法式燉蛋」，係會有職員係你食用前即時用火槍噴香焦糖，除左口感好d，視覺效果亦一流！…Read More

愉景新城大裝修數年，總算正式完工，全新 D-Park 俾我嘅感覺係更Family，無論 Tenant Mix以至日常的活動，都是更Family。 今次，我就同太太去左一間好Family嘅餐廳食晚餐 ~~ 滿屋廚房。 半自助式的快餐，揀選座位後記住枱號，到 cashier 落單時提供枱號，等一陣，就有專人把餐送上。 平日愛吃快飯的我，來到滿屋廚房也點選了一個快飯的經典 - 葡汁焗香雞扒飯 (HK$62)。 外貌不錯，只少吸引到外貌協會成員之一 - 我太太同這碟飯拍了幾張沙龍。 對我來說還是味美第一、飽肚第二！ 個人就非常欣賞那片雞扒，大大塊之餘，外皮炸得脆口，咬落仲有滿滿肉汁湧出，不錯！不錯！ 汁方面，是我喜愛的椰香，芳香濃郁，而且幾乎足夠混合整碟飯，是我最愛的比例。 還有那咖啡，+$12 就有一杯馬來西亞榴槤咖啡，滿屋廚房的出品，榴槤飄香，非常正！ 還有Pizza與太太同享，雖然很少在Pizza專門店以外的餐廳揀選Pizza，不過，見這裡的Pizza口味選擇多，一時好奇便揀左一個細的 6” 千島海鮮薄餅 (HK$42) 來試試。 坦白說，Pizza 的質量與專門店相比還有點點距離，勝在這兒選擇不少之餘，材料亦較健康，還有 細 Size選擇，吃正餐之餘，加一兩款作為小食，也挺不錯！ 甜品亦相當精緻，看看這香蕉朱古力慕絲，單是造型已非常吸引！…Read More

舊同學從美國回港探親,相約四人聚餐,近香港柴灣出名的好食又抵食的中式菜,立即想到富臨皇宮酒樓。坐下後,點了幾款美味必食之選菜式,波士頓龍蝦孖寶 ,有上湯焗 / 芝士焗 (伊麵底),我本人無芝不歡,當然選芝士焗伊麵底,芝士香濃麵軟滑,龍蝦鮮嫩肉質彈牙,味道一流令人回味無窮。花膠燒豆腐 $78,花膠鮮嫩口感彈牙,燒豆腐吸收了特製醬汁十分惹味,豆味香濃,唯一美中不足是花膠火炆得不夠腍。菠蘿生炒骨 $68,青椒爽脆、波蘿鮮甜,炒骨外表酸甜香脆,内裏肉質鮮嫩,美國朋友都讚那邊無一間中國餐館可食到咁地道的生炒骨。京式片皮鴨 $148/隻,鴨外表燒得香脆,油脂不太多,肉質十分鮮嫩,令人驚喜的是外皮每張連吸油紙一張,使外皮不會互相黏着,可慢慢品嘗這菜式的真味道。龍躉2味 $228,包括清蒸龍躉頭腩和西蘭花炒龍躉球,清蒸味道鮮甜炒龍躉球肉質鮮嫩兼口感一流,因魚肉受高温油炒後肉質因收緊而令咬口更豐富,口感更上一層樓。…Read More

木板製弧型通孔外型,配以木製圆型/方型木枱,坐座是粉紅皮製沙發,餐廳播放音樂,環境氣氛一流,另設户外花園坐位,與三伍知己邊喝邊傾談氣氛一絕。餐廳主打酒類飲品為主,今日我點了OAHWA（Rum, Caramel, LOF10 Coffee）：$98,香濃咖啡和冧酒配以焦糖碎粒,三種不同味道出奇合拍,整體味道揉合出一種獨有香甜苦澀回甘,賣相亦不錯。小吃：港式椒鹽燒賣($38/8pc)：千島醬配椒鹽香炸港式燒賣,外皮香脆帶椒鹽香鹹味,確是一種特別的食法。帕馬臣芝士松露薯條($65）:香濃芝士碎粉配濃郁松露醬,薯條金黃香脆內內薯肉帶點蓉粉口感,十分香脆可口,配以特製松露醬能入口味道的品格層次提升不少。主餐點了：All DAY BREAKFAST(包括德國香腸、炒蛋、吐司、薯餅、茄汁豆、沙律,配帕爾馬火腿$118,沙律菜用料新鮮,炒蛋香濃女嫩滑,中間帶點半熟蛋令口感更豐富,咸香上盛鮮嫩的帕爾馬火腿令人回味無窮。美中不足是不知不覺肚子已漲得滿滿,特色甜品只好下次再品嘗吧。…Read More

位於旺角太子的『漁場台風』,是一間地道的日式湯麵店,店舖裝修具日式風格,全場以中高凳配以金屬枱面貼牆邊枱,牆身以各類日漫海布裝飾。坐下後,本人點了燒海蝦味豚骨拉麵$88+$10加麵+$25加义燒+$12罐可樂,湯底濃郁味美,濃濃豬骨湯滲著淡淡清甜蝦味,(湯底還可加濃湯)彈牙爽滑的拉麵配以各種配料,包括紫菜、小蝦乾、洋葱、菠菜、荀、义燒和半.隻半熟蛋,除了濃濃豚骨湯底滲着香甜的蝦味值得一讚外,香脆小蝦乾口感爽脆,味道一流,厚身腍嫩的义燒絕對是這款麵的靈魂。半熟蛋亦處理得恰到好處,選用北海道雞蛋的蛋黃香濃醇滑,半熟處理令入口的口感更豐富。另加$25有三塊厚厚香濃的日式义燒简簡直叫人驚喜。…Read More