Addictedtoeating's Profile

已經食過幾次，每次經過都有嗰種螺螄粉獨特嘅酸臭味，不過唔知點解食落又唔臭我會形容係螺螄粉嘅入門版，有friend第一次試都接受到佢嘅原味螺螄粉好足料，食完一定飽。米線幼滑，每樣配料都幾平均，如果追求好濃味嘅話，佢可能滿足唔到你，但如果癮起又唔想成日食好多味精，咁呢間係唔錯嘅選擇一般螺螄粉店都未必有水吧，呢間有得嗌茶啡，出品都唔錯…Read More

見好多人推介，特登過嚟食下，無攞飛入座，亦無職員安排，好彩食客守秩序。以快餐店格局嚟講，呢個定價都好進取我哋兩個人嗌咗咖椰爆漿$68，辣椒板麵$88，喇沙$98，凍薑汁奶茶(跟餐價$22/原價$28)，份量好多，再加上好滯口，兩個人食唔晒👌🏾辣椒板麵就係一般撈麵咁 - 麵條唔會太軟爛，肉丸係鮮肉碎整成粒狀，魚干醬足料，望到裡面有好多魚干，冬菇片索咗啲醬汁，加埋切粒嘅菜心莖無咁膩，惹味，但加咗辣椒兩個字唔覺有辣到🥶咖椰爆漿好多醬好邪惡，算係成餐飯裏面最好食，但甜到連我咁鍾意甜食嘅都頂唔順，唔止我哋，聽到隔離嗰兩枱客食完第一啖都過好甜，兩個人食半碟都停手👌🏾喇沙揀咗粗米粉，餸嘅用料唔差，有蝦、魚蛋魚片、豆卜..份量好多，但一碗湯麵嘅靈魂係湯底，味道偏偏做得太淡，加埋一堆米線落去就會唔夠味，食過咁多間星馬泰嘅舖頭，第一次食喇沙竟然會唔夠味🤷🏼‍♀️薑汁奶茶，薑味好濃，其後就係淡淡嘅奶水，攪勻埋底嗰啲煉奶都無甜味(又可能凍飲加煉奶根本唔會攪得勻)，可能用嚟送佢碟好甜嘅多士會啱啱好嘅店員態度串串地，同第一個侍應講自助區無曬筷子，佢完全無反應亦無叫第個幫手，同第二個講完先去refill食客食完要自己將餐盤收去收集點，唔會有人抹枱，下一個又坐落去，衛生情況自己諗…Read More

8人去食晚飯，見到推介話片皮鴨好食，訂座嗰陣留咗一隻一入去已經感受到員工態度唔好；到後來漏單要追單嗰陣亦有啲唔耐煩，話會幫手追，追完又無交代，再問亦無回應，後來等咗一陣先嚟；埋單簽名簽慢少少又會催你；去洗手間途中要先經過備菜位同存放雜物位，亦唔見得餐廳有幾上乘(當然價錢反映咗)講返食物，被吹捧嘅片皮鴨就好一般，唔夠油香味，餅皮同配料份量都唔少，但落太多配料會輕易地掩蓋鴨香味，坊間大有更好選擇糖醋小排骨，新鮮熱辣，惹味，可惜唔夠入味，骨邊嘅肉如同無醃嘅排骨招牌小籠包，皮薄肉嫩多汁，唔會太油膩葱爆牛肉，牛肉喺鬆肉嘅過程做得過火，以至無曬肉嘅纖維，不過有鑊氣，葱炒得熟，惹味松鼠黃魚，都算炸得外脆內軟，但估唔到咁多咕嚕醬汁淋面都仲會食出腥味蟲草花炒翡翠苗，穩陣之選，翡翠苗爽脆上湯火腿津白，亦係穩陣之選，火腿大塊，同行有人稍嫌太咸，但我覺得配津白頗有風味老上海炒飯，足料有鑊氣，粒粒分明，有蝦仁、蛋、豆角，煙肉頗多，所以相對會油少少，有辣椒嘅鮮辣味食落味道有層次擂沙湯圓，皮厚但煙韌，芝麻餡，正常發揮人均$200喺同區算經濟，限時兩個鐘準時提你走。如果只係想坐得舒適，唔介意服務態度、或者食物正常水準、地點就腳，都不失為一個選擇，但對食物有期望嘅我哋就顯然幾失望，亦唔打算再幫襯…Read More

太耐無食韓國嘢，過嚟止止癮三小碟味道唔錯食完可以refill食返啲蔬菜解膩食物方面嗌咗燉雞燉雞本身跟一人份冬粉，兩個人食曬成碟都好夠飽醬汁出色，冬粉索曬汁，好食主角係雞，但我最後先提，就知佢麻麻，啲肉煮到鞋曬，失望紅蘿蔔同薯片煮淋咗幾入味小辣，係越食越辣嘅，不過辣得過癮，後來嗌咗杯飲品飲品嗌咗百香果梳打實情係百香果糖漿+類似七喜好甜，不過夠冰，正好解辣環境：我哋預早book位，有卡位坐，寬敞舒適抽風麻麻，好大陣食物味，未至於令人不快韓國餐廳嚟講可以有更好嘅選擇…Read More

見呢間cafe新開，網上又有人推介，專登去試試，星期六lunchtime去，唔算等好耐，2點過後見到出面排長龍環境：工業風嘅裝潢幾啱打咭，成間cafe好有空間感，座位之間有一定間隔，大部分位置係side by side咁坐，感覺casual啲用茶几仔擺食物，如果坐沙發位同牆邊木櫈可能要彎腰食；但坐beanbag同吧枱就未必要，想食熱食嘅可以留意呢點，同店員request食物：美式薯絲配太陽蛋$75賣相好吸引，蛋係流心嘅，可以用嚟dip薯絲食，少失望係hashbrown散開一條條，炸得好香脆，可惜燶到有啲苦，bacon正常，份量少黑松露芝士菇菇bagel $65Bagel無坊間嗰啲咁韌，外脆內軟，表面嘅芝士烤到脆口，可惜香味主要靠中間少少truffle同蛋，剛嚟到仲暖嗰陣都算有少少香味，食第二啖時香味無咗餡料唔多好dry咖啡：Dirty $45啡好快immerse咗啲奶，啡嘅部分都幾苦，要大啖飲到底飲埋奶先中和到苦味Flat white $45就咁呷兩啖啲奶泡已經無咗，奶太多啡少，無咩啡味總結：打咭店；無限時呢點幾好…Read More

新一年第一個工作日食個靚早餐先返工，呢間夠新、食物種類都唔少就嚟試下，好彩早到，之後好快都坐滿嗌咗個$38餐：蕃茄豬骨濃湯牛肉通粉- 我估全部早餐都係用同一款湯底，不過嗌蕃茄就會加茄膏同蕃茄。蕃茄帶少少甜，湯底濃味啲會更惹味，但對經常出街食早餐嘅人嚟講比較健康；牛肉份量都唔少，仲食得出肉質即係無太多後期添加；通粉無坊間嗰啲煮到咁稔，有返啲咬口，唔錯炒蛋多士 - 多士烘得唔夠脆，牛油夠搽曬成塊包，炒蛋軟滑香濃，又唔會好油膩仲可以揀其他烹調方法夠曬體貼奶茶多奶 - 夠滑夠香夠濃唔澀，好飲喎服務🕴🏼雖然已經有電子點餐，但亦都會因應客人嘅需要人手幫你落單，彈性處理價錢💰合理（早餐最平$32有交易）環境🏠舒適，座位之間都幾闊，吧枱嗰邊都有提供埋個籃畀大家擺嘢衛生🍽乾淨無痴笠笠（畢竟係新開）…Read More

經過西營盤想隨便食啲輕食，呢間近港鐵站又唔駛等位就隨便入咗去一入門口見到成個餐廳嘅空間已經有好放鬆嘅感覺我哋坐咗出戶外自成一角，可以慢慢坐下傾下計。店員亦好體貼咁出嚟為我哋介紹食物最後嗌咗一杯White、一杯Black、一件all day pie(聽到店員介紹係將成個all day breakfast放入個pie度，即刻被吸引 🤤）Pie要等15-20分鐘，新鮮出爐，嚟到果然無令我哋失望，雖然未至於係將成個all day breakfast融入去，但裡面材料好豐富，有肉丸、煙肉、焗豆而最神來之筆，係上面隻蛋，熟度啱啱好，為件pie增添濕潤度，但批皮太薄，口感上少咗啲層次同飽足感，少少美中不足咖啡方面，Black偏酸，但易入口，唔苦澀；White好香奶味，入口順滑，拉花雖然隨意，但又同呢度幾襯整個體驗幾令人驚艷，會再嚟食🥰…Read More

Last minute先想食泰國嘢，6點半仲book到8點入座，openrice訂座有9折，論方便程度已經贏一半去到唔駛等位有得入座，坐卡位，唔限時，坐得好寬敞👍🏻我哋一行4人，唔算大食，叫咗7樣嘢🙂炭烤沙嗲串拼盤$98肉燒到有啲韌，同行嘅人話食到有舊豬肉成舊都係肥肉，牛肉好多筋，但我比較好彩，啖啖肉，以炭烤嚟講唔夠焦香味，沙嗲醬還可以柚子鮮蝦沙律$84蝦有啲老唔夠新鮮，其他食材包括腰果紫洋蔥碌柚肉，份量可以，個汁調得幾好，酸酸甜甜幾開胃青咖喱雞$88+薄餅$32椰漿偏多，掩蓋咗青咖喱應有嘅辣味，雞肉少咗啲，主要係豆同茄子，可惜啲蔬菜全部都唔入味，普通濕炒豬肉河粉$78肉同菜嘅份量都幾多，唯一嘅敗筆係炒得唔夠鑊氣唔夠惹味，河粉一疊疊未炒開，師傅未夠火喉馬拉盞炒椰茶苗$78味道可以但唔夠鑊氣，都見到有唔少蝦米，椰菜苗一般都偏硬芒果糯米飯$68芒果都算香甜嘅，不過個椰漿做得唔夠甜，以甜品來講有啲失色，糯米飯基本好穩陣冇得失手總結環境🪑想坐得舒舒服服，尤其買完一堆野想休息吓慢慢食，呢度係幾理想食物🍹中規中矩，無伏服務🕴🏼個人覺得還可以，畢竟都只係啲街坊嘢，但同行嘅人就對侍應嘅態度有意見，所以如果要主動又殷勤嘅服務、友善嘅回應，咁呢度就未必適合啦…Read More

嚟開呢區過嚟朝聖，地點其實係德寶未入正門之前右手邊條巷仔(我哋兜錯路)，是日烈日當空，雖然唔駛排好耐隊，但咁啱油煙位喺正門口噴出，更加熱🥵坐落感覺係逼少少(一般米線舖都係咁㗎啦)，但幾乾淨喎🥰嗌咗豬頸肉雞腎酸辣小辣米線+腩肉魚皮餃麻辣米線+小食炸魷魚鬚餸：豬頸肉可能無分湯嘅關係，無嗰種微焦嘅香口，只係普通浸咗湯嘅豬肉😅鴨腎薄切，爽口得嚟有肉味，筋位都唔韌🥰腩肉少辣得嚟，索咗預先烹調嘅醬汁好入味，同坊間嗰啲比無乜肥肉，鍾意瘦肉嘅人會啱食👍🏻魚皮餸有3粒，正常👌🏾餸嘅份量有啲少，性價比唔高下次都係食返平餸算😬一開始以為無乜配料，原來喺曬底，芽菜為主👍🏻湯底：第一啖食係幾鹹，後調係甜，酸辣同湯底嘅甜味比較夾，湯底唔酸，主要酸味嚟自酸菜，喺曬底撈一撈先食就剛剛好👍🏻麻辣配甜嘅湯頭就有少少違和感，不過唔算麻呢點幾好(唔鍾意麻到嘴唇痺嘅感覺)。小小不自量力地嗌咗少辣(平時譚x嗌開5小辣)，越食越辣😅米線：偏幼身，滑帶少少煙韌，幾掛湯不錯，份量好多，最後食剩炸魷魚鬚用薄粉包裹住再炸，好酥脆，魷魚有返咁上下厚度，有咬口，就算凍咗食都仲係唔錯，推介！🥰🥰飲品正常，少冰/少甜嗰啲要求都滿足到水準中上，未至於要專登嚟食，不過下次經過呢邊想食米線會揀返呢間…Read More

嚟過南豐紗廠幾次，呢間次次排長龍，今次條隊好似短啲就試下嗌咗招牌漢堡+薯條+可樂芝士漢堡+薯寶+柚子梳打要加$10兩種漢堡嘅分別只在於芝士漢堡多塊生菜，同埋牛肉兩塊變一塊，但重量一樣🤷🏼‍♀️包有啲甜甜地幾好食，自家醬汁味道普通，唔會令人留下深刻印象。多啲醬會好食啲🌝洋蔥未焦糖化，係稍為煮熟少少放上去，不過唔鐘意食洋蔥嘅我都食到。酸瓜再酸啲/脆啲會更惹味🌝牛肉因為無咩肥肉/雜肉喺裡面，亦無乜油，所以感覺健康啲👍🏻但就冇咗嗰種多油、甚至夾雜內臟嘅牛肉漢堡嗰種稔滑😔有肉汁但唔算澎湃薯條好脆，薯寶幾特別，概念係切到變細圓粒嘅薯餅，平時薯餅中間會有薯絲粒/條裝，呢度嘅薯寶中間就好軟糯，有啲似麻糬，如果炸皮做得脆就好出色，而家嘅話都係薯條好食啲😅柚子梳打，嗌嗰刻純粹見到個樽好靚，飲落有驚喜！一打開已經聞到柚子香，見到啲柚子蓉喺入面飄浮，值得試！😍總結，冇試過南豐紗廠其他嘅餐廳，以為呢邊啲餐廳都係打咭居多，呢一間算係中上水平，行過又咁啱想食burger會回頭…Read More

想食啲好熱嘅日式嘢嗰陣，自然諗起涮涮鍋，好彩我哋星期五早去，等咗半個鐘多啲有位揀咗越式牛肉湯同地獄辣湯，越式牛肉湯有好大陣檸檬味食落好清新，地獄辣湯就普普通通亦都唔夠辣。一開始覺得湯底無坊間嗰啲咁濃味，但食到最後放咗好多肉同蔬菜落去煮完就越食越好味，然後返到屋企就..口乾我哋一個細食，另一個又唔係好好肉，平平哋嗌咗個美國精選牛肉放題，啲牛肉比想像中瘦，但正合我哋意，啲牛肉雖然瘦但唔鞋口，只要唔好煮過龍就好食啦肉方面，呢間嘅雞肉最出色，切得厚，煮出嚟滑嫩蔬菜種類都唔少(蘿蔔冬瓜粟米蕃茄芋頭白菜油麥菜兆菜)，但菇類就只有金菇..豆腐要到另外一個雪櫃攞，好嫩滑，正正丸類都接近十款，最好食就係包心芝士丸，外面係炸魚旦，咬落去嘅芝士流心嘅，出面比較少食到壽司個樣都幾靚仔，料都不過不失，飯就求其機壓飯糰，食得出好有誠意地落咗壽司醋，不過就落得重手咗少少，以涮涮鍋嚟講已經收貨飲品方面其實都幾多元化，除咗汽水同冰沙，熱飲嘅種類都唔少梗係唔少得一堆澱粉質，索晒湯嘅精華，每次都要留肚食最後甜品方面，次次食涮涮鍋都要食Yoghurt，酸酸甜甜，已經無位食其他甜品雖然得90分鐘限時食，但因為我哋呢枱夠鐘嗰陣過咗9點，所以店員都冇特別催我哋交枱，可以慢慢食埋枱上嘅食物先走埋單$372兩位加咗一，食到咁滿足，抵…Read More

之前想book呢間，成日full booking，時隔好耐終於又醒起佢，一book就book到之後個星期六如期去食all day breakfast嘅super owl set，上菜嗰下見到係大份到有種震撼感，我哋嗌全隻龍蝦share，肉厚鮮甜，連蟹鉗都好飽滿，好食！再嚟比較深刻嘅係蟹肉牛油果多士(下圖左上角)睇佢其貌不揚，實際上做得細滑，味道鮮甜討好。其他食材就一般，大啡菇都算juicy(只係唔算十分大隻唔夠厚肉)、薯餅唔夠脆、poached egg唔夠流心、腸同煙肉咸咗少少，但煎得幾香份量嘅話兩個人食一個set加少少嘢都好夠，偏偏我哋嗌多咗個鮮蝦蟹肉蕃茄蛋黃醬漢堡加薯條，跟餐仲有湯、沙律同牛角包，味道正常，但牛角包淋咗啲burger唔夠熱，個醬幾開胃，裡面都有大蝦同蟹肉絲，但相對價錢嚟講份量唔多薯條好飽滿，滿滿嘅薯蓉，可惜外皮炸得唔夠脆咖啡揀咗凍cappuccino同熱latte，兩杯都要加$10，味道好淡，可能同咖啡機撳出嚟嘅質素差唔多座位坐得逼(呢點都係大部分cafe嘅通病?!)，但九龍城仲有咁多餐廳揀，未必再回頭…Read More

老闆娘呢個名喺米線group曝光率極高，終於有機會拜訪下，時為星期二晚上未夠7點，等15分鐘有得入座被安排到一間細房，有冷氣，啲枱凳地板幾光鮮又無表面污漬，唔係傳聞中咁污糟，咁當然喺正舊街市唔好期望有幾乾淨啦，食住嘢地下有隻小強喺腳邊行嚟行去，我哋嘅底線係佢唔飛唔爬上嚟都接受到，所以專心食麵唔四圍望其實相安無事嘅店員態度唔係傳說中咁差，安排得好有系統，問多句會耐心解釋，攞住筷子桶繞房一周叫大家攞筷子..以街坊小舖來講都算係咁食物方面喺入座前已經落好單，當晚無酸菜牛肉同豬軟骨，風聞炸物出色，我哋都嗌好多炸嘢嗌咗炸雞球、炸鯪魚球、蝦膠豆卜+腩肉，強烈推薦炸雞球肉質鮮嫩多汁；炸鯪魚球都食得出有細碎魚骨唔係淨得粉，不過略嫌唔夠彈牙(可能咁先好?!)；蝦膠豆卜，蝦膠做得幾好，但豆卜酥脆到已經無咗豆卜嘅原形，好似一堆包裹住蝦膠嘅炸粉，男友愛食炸嘢就好欣賞，我就麻麻；最後都強烈推薦豬腩肉，好似南乳炆肉咁煮嗰陣迫曬豬腩肉啲油脂出嚟，食落一啲肥膩感都無，取而代味係入味且鬆軟嘅口感米線偏淋但夠滑溜，湯底部分我哋一碗嗌咗麻辣小辣，另一碗要麻酸辣BB辣，唔知點解，食嗰陣覺得麻酸辣BB辣嗰碗更辣更麻，睇嚟辣度唔影響麻度，而且越食越麻食到最後仲有啲苦苦地，就算我平時食開酸辣都覺得酸得嚟麻麻地反而麻辣嗰碗冇咁麻，更加飲得出湯頭嘅鮮甜味，只飲咗幾啖可樂，一直隔咗幾個鐘返到屋企都未口乾，唔算味精埋單$57一碗兩餸，$6一罐可樂，價錢喺米線界嚟講算貴，餸嘅味道亦唔係款款都咁超班，算係不過不失，唔會專登去，但經過附近想食米線會再嚟…Read More

作為張敬軒fans好耐之前已經想去，傳聞價錢離地諗住擇個最特別嘅日子先去機緣巧合下friend約食飯，時間到了就試試！當日近乎滿座，打開餐牌價錢好合理喎，如果咩都唔加$248加一就可以埋單，淨係食環境氣氛都值得，如果係fans或者好注重環境，睇到呢度就ok，可以即刻book位講到食物，lunch menu都唔少選擇，揀咗：蕃茄凍湯，濃郁程度係直程將個蕃茄攪爛擺落去咁，味道清新但洋蔥味太濃烈，有啲辣辣地同埋太酸慢煮M3肉眼配山葵莎莎青醬及薯蓉肉眼稔滑、肉味唔算濃郁、有啲筋+肥膏，個醬坦白講就似平時食貴妃雞上嘅蔥蓉，可能想走fusion路線啦，青蔥切得細而平均，味道唔差嘅，係油啲..成塊扒沾滿橄欖油嗰種油膩感..不過都食曬Cream brûlée+Madeleine焦糖燉蛋質感好厚實幾香蛋味，可惜表面塊焦糖唔係一塊過亦做得唔夠薄，做唔到用匙羹一敲即碎嗰種輕盈脆糖，反而食落有糖嘅顆粒..Madeleine有香橙味，本身麻麻地鍾意呢種蛋糕嘅質感，唔多講咖啡濃得嚟唔苦澀，好飲講到最深刻都係服務嗰部分，待應嘅招待同餐廳形象大有距離。中段想嗌杯熱水，待應喺面前行過見到都唔理。嗌3杯嘢飲，兩杯凍咖啡少冰，一杯熱咖啡，竟然要用紙筆寫低。我哋張枱後面係包廂，大概喺落場前15分鐘，見待應喺包廂位置鋪好枱行開咗，機會來了就行去梳化邊坐低影張快相，相都未影，待應就攞住幾隻碟返嚟，專登喺我哋面前擺低，同時發出”摺”一聲..不帶批判，純粹以為餐廳設置咁精緻，會好高興食客欣賞而影多幾張相，而且我哋影完相待應亦無嘢需要特別跟進，純綷用多佢20秒時間以上係我嘅經歷，你去都未必遇返一模一樣嘅情景。總結餐廳環境佔好高分，加上背景音樂有情調，想像下邊進餐邊聽住留聲機播夜上海嗰個年代嘅歌，不妨去體驗下…Read More

最近特別感受到身邊好多事物都可以突然消失，更加想喺佢哋仲喺度嗰陣好好珍惜/記錄餐廳公布咗7月15最後一日營業先識嚟，成日嚟深水埗搵食都無留意到佢有飯有麵，餐廳標榜嘅係正宗雲南米線，點餐紙嘅設計寫得清楚又細心，任何類型嘅辣、配菜組合、飲品要求、多、少、要唔要都照顧到米線嘅話嗌最少3餸、最多6餸，仲有熱撈(仲以為深水埗得川xx食有)!我嗌咗熱撈，餸就係分開上，細食女生表示份量多到食兩餐都得(下次嗌少米)主角係米線要講先，標準嘅米線好煙韌，應該係大部分人追求嘅嗰種口感，(但我個人鍾意稔嘅，下次要喺紙上圈埋)，味道咸淡適中，蒜香味為主，食到尾嫌乾嘅話倒啲餸汁落去撈一撈都得3餸嗌咗麻辣雞腎、麻辣豬耳、酸辣海帶，辣度嚟講3樣都唔太辣雞腎嘅肉質食落有牛舌嗰種稔滑，連啲筋都唔韌好易咬，高質嘅！豬耳爽脆得嚟唔會有肥膩感海帶嘅主調嘅鎮江醋，雪凍咗好清爽，咬落嗦嗦聲，開胃!奶茶偏甜，嗌多奶真係有畀多奶，正相逢恨晚，仲有半個月要多啲嚟食…Read More